هاااي
قبل ماتبداو النجمة و النجمة
قراءة ممتعة للجميع 👇
✔️✔️✔️✔️✔️✔️✔️✔️✔️✔️✔️✔️✔️✔️
#لينا #رامي #مروان
لينا : وآش تقصد مروان ؟
مروان حاط راسو في لرض وسكت
لينا : مروان راني نحكي معاك
مروان : الشي لي صرا من 7 سنين بينك وبين رامي
لينا تحاول تستوعب : مافهمتش نتا واش دخلك ؟
رامي : يعني تقصد هاديك الحكاية ...
مروان خذا نفس كبير وبدا يحكي : رامي الشي لي شفتو كل مكانش حقيقة وكان كامل تمثيل ...
وحكالو تفاصيل الليلة هاديك منبعد شاف مع لينا وقالها
مروان : اما الشي لي ماتعرفيهش نتي هو انو أنا كنت مشارك مع ريهام وأنا وياها لي خططنا لكلش غير باش نفرقوكم و ريهام تديك نتا وأنا نربح حب لينا
رامي من الصدمة مافاقش كيفاه حتى ناض ليه وطيحو في لرض راح يخنقو
رامي يعيط : يعني الشي لي صرا كامل كان بسبتكم نتوما يا #### ودرتولي سنين من حياتي و ضيعتولي حب سنين في دقيقة
مروان بعدو عليها وناض يعيط حتى هو
مروان : ماكلاه تلعبها نتا هنا هو المسكين بيسك مام نتا غلطت كي كنت تبع في ريهام هاديك وصدقت كلش تقالك على لينا مالڨري نتا تعرفها خير منا كامل و سمحت فيها نرمال
دار للينا وقالها : لينا اسمحيلي علبالي الشي لي درتو كبير ومايتغفرش بصح كان الحب عاميلي عينيا وماعرفتش وآش ندير
لينا غير تشوف وساكتة منبعد هدرت : وكيفاه عرفت حنا هنا وعلاه حالتك هاكا ؟
مروان : الشي لي صرالك ليوم كان بسبة ريهام
رامي غير يعيط عليه بيسك ماقدرش يزيد ينوض : يا واحد #### ومازلت برك تزيد تهدر وجاتك نرمال
مروان ماجاوبوش وهدر مع لينا : أنا من لفترة هادي كل و أنا ناوي نصارحك بصح ماقدرتش وجاتني صعيبة بصح اليوم ديسديت نقلك كلش ولي يصرا خليه يصرا
لينا بجمود : ومنبعد ؟
مروان : منبعد سمعت ريهام بلي راح نحكيلك كلش ودارت الشي لي ماتوقعتوش خطفتني
Flaaach baaaack
فتح عينيه لقا روحو في بلاصة مهجورة والرجال دايرين بيه
قاعد في كرسي ورابطينو
مروان يعيط : ريهام ريهااام ارواحي خرجيني ريهااااام
دخلت ريهام : وآش بيك نتا تعيط كسرتلي راسي
مروان : افتحيلي الرباط هادا هبلتي وآش الشي لي ديري فيه
ريهام قعدت مقابلاتو : نتا لي هبلت كنت راح تفسدلنا كلش
مروان : وفيقولك الشي لي درتيه راح يمنعني نخبرهم الحقيقة
ريهام : ههه مدامني حية مستحيل نخلي هاد الشي يصرا
مروان : الحقيقة راح تبان ليوم ولا غدوا ونتي راح تكوني الخاسرة الوحيدة في لخر مالا غير خلينا ننهيو لحكاية ضرك
ريهام : ههههه لحكاية فيها زوج أنا ونتا برك لي نعرفو يعني اذا طلب الأمر نمحيك من فوق لرض مروان (حطت رجل على رجل ) ولا كاين حل أحسن
مروان بشك : وآش هو ؟
ريهام بشر : موت لينا
مروان : ريهام نتي هبلتي وحب رامي هادا ماخلاك تشوفي والو قدام وصلت بيك للدرجة هادي
قدمت وجهها عندو : ايه وندير كثر من هاك علجال رامي لوكان ندري نقتلكم كامل
بعدت عليه ورفدت تلفونو : وضرك نبداو بالتنفيذ
مروان : وآش حاديري ريهااااام
بعثت ميساج للينا باش تقولها فيه يتلاقاو
ريهام : ههههه بلاك ليوم آخر نهار في حياة حبيبة قلبك لينا
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
