طييييييي
خلعتكم اه 😁
حقا ماسمعتوش لخبر لجديد 👇
قالك باه تنقص نسبة كورونا لازم على كل قارئ لرواية 'نتي الملك ديالي أنا ' يدير فووت بعد نهاية لبارت ولي مدارش متابعة للكاتبة تاعها يديرها ولي ماعلقش يجري يعلق
وفي الأخير يبقى مصير العالم بين يديكم بعد الله عز وجل وشكرا
😁😁😁😁😁😁😁
$################
راح نرجعو شوي للبارح
الساعة21:07 #
بعد ما ركبت مريم مع أسامة كان السكات هو سيد الموقف
مريم تايهة تفكر وأسامة يخمم ويحاول يفهم شعورو كي تعود هي قريبة ليه وكي تشوف معاه
وكان شوي على شوي يدور يشوف معاها من لتحت لتحت😁
أسامة : ماتخميش راح نلقاوه ومايكون غير لخير
تولهت معاه هادا وين فاقت بلي راهي مع مع السيد أسامة في طوموبيل وحدة 😂
مريم : أحم وي إنشاء الله
صونالها تلفونها وكانت يسرى لي تعيط
مريم : ألو وي حبي cv ؟
أسامة غير سمع كلمة حبي حكمو الشوك
يسرى : وي بب عيطت نسقسي واش صرالك قبيل علاه كنتي تحوسي على numéro تاع أسامة ؟
مريم دارت شافت معاه ومنبعد عاودت رجعت تحكي
مريم : قصة طويلة كي نقعدو نحكيهالك
يسرى : هوهوووووو نتوما والقصص الطوال تعكم كي نتي كي صحبتك لخرى (قصدها على نور ) تقعدو تقعدو وتجيو تشوكيوني أنا في لخر
ضحكت مريم على هدرتها : ههههه نن مكان والو
يسرى : هههه أكي بصح غدوا لازم نتلقاو وتحكيلي كلشي
مريم : أكي بب غدوا نتلقاو
يسرى : مالا طيري عليا تشو b8 كلب
مريم : ههه مام أنا نحبك
يسرى : تفوووه عليك
وقفلت في وجها
أسامة يحكي #
كنت نسوق ونخمم وسعة على سعة نلوح عيني عليها نلقاها تخمم
هدرت معاها ومنبعد صونالها تلفونها وأنا ماعطيتهاش قصة وخليتها تحكي حتى نسمع فيها تقول كلمة "حبي "
أووووووو لكلمة هادي ماشي يقولوها بين les couples نن ؟ ولا راني غالط
ومنبعد لقيتها تشوف معايا sûr ماش قادرة تحكي كي شافتني حداها
وشوي هاكا زادت قالت كلمة بب وحايتلاقاو 🙄😲
سي كواصا ؟
والأخيرة والضربة القاضية كلمة نحبك😱😱
واااات ؟ سيبون عرفت بلي تحكي مع حبيبها بيسك كل الأدلة راهي ضدها (خدمتو أثرت عليه 😂)
شهيق زفير شهيق زفير كالم توا أسامة (تقول حايولد 😂ههه) المهم ماش وقتها الحكاية هادي بصح والله مادخلت للراسي مريم بعد ديك الطفلة الحشامة لي راسها ماتهزوش عندها حبيبها
صاي ضرك نقفل فمي 🤐🤐
############
وصلو لا بريقاد وراحو قدمو شكوة (هي الصح لازم ولي الأمر بصح روحو برك علجال الزوج هادوك برك 😂😂)
عطاتهم مريم تصويرة خوها ولبلايص لي مالف يروح ليهم
خرجت قعدت شوي برا تستنا في أسامة يجي هكا شوي جا أسامة
أسامة : وضرك نرجعك للدار
مريم : وكيفاه نرجع للدار بلا واش نقول لماما
أسامة : نتي ماعندك ماديري ضرك الشرطة تخدم خدمتها
مريم طاحتلها الدمعة وأسامة غاضاتو وشقتلو قلبو كي شاف دموعها
أسامة بحزن على حالتها : هيا نروحو
سبقها أسامة رايح للطوموبيلتو لي مgاريها قريبة مي كي حس بسكاتها دار يشوفها
واااااااات ؟. 😱😱😱😱😱
لقاها مرمية في الأرض و باينة داخت وهاد حاجة عادية قدام النهار الطويل لي جوزوه بداية من صدمة نور لي لضرك مازلو مشوكيين منها لإختفاء خوها ولحد الآن مابان عليه حتى خبر
كي شافها هكا حكماتو لخلعة وراح يجري ليها : مرييييم
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
