هااااي
ني جيت
نجمة وكثر خيركم مسبقا 😁
قراءة ممتعة للجميع 👇
⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️
#الساعة 21:04 م
#مريم
حاطة راسها في حجر يماها وتبكي و حنان غير تمسحلها على راسها
حنان : يا بنتي بزايد من الصباح ونتي تبكي
مريم : يما خليني راني أول مرة نشوف أسامة هاكا في حياتو ماهزش يدو عليا وفي حياتي ماشفتو هاكا
حنان : هادا هو الزواج يا بنتي ساعة على ساعة يكون فيه مشاكل مايكونش مفاهمة بصح منبعد يرجع كلش كيما كان
ناضت من حجرها وقاتلها وهي عينيها معمرين دموع : بصح ماما راكي تعرفي أسامة شحال يحبني عمري توقعتو يدير حاجة كيما هاك
حنان : راكم ماقعدتوش صغار وتعيشو قصة حب كي تاع الصغر ضرك راكم الله يبارك والدين وعندكم طفل تاع تربية لازم ديرو لعقل كثر من هاك
مريم وهي مقهورة : بصح راهو هز يدو عليا
حنان : حتا أنا راني معاك هنا وهو غلط كي رفد يدو عليك بصح نتي تاني كنتي غالطة كي عاندتيه في الهدرة وزدتي معاه كنتي قادرة تخليه يهدا وتحكي معاه الراجل يجي بالهداوة ماش كي تعلي صوتك عليه
مريم سكتت
حنان : روحي اطلعي ضرك اغسلي وجهك وارقدي ترتاحي مع ولدك و غدوا ماكلاه تروحي تخدمي
مريم وهي نايضة : من بكري مانيش رايحة حتى يبرا جاد
طلعت لبيتها لقديمة لقات جاد مزال راقد تسطحت حداه و رقدت طول من تعب ليوم
و حنان تنهدت على حال بنتها بصح تحاول قدر المستطاع ماتدخلش في حياتها وماتأثرش على قرارتها وتخليها دير لي يريحها
⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️
#ايطاليا
#سيلينا
فتحت عينيها لقات روحها في شمبرتها تاع دارهم لي كانو فيها
ولقات مراد عند راسها هو وحسام
مراد : سيلينا
سيلينا حكمت راسها: وآش صرا وين راني ؟
مراد : بنتي راكي في دارك
عدلت في جلستها بشوي وحكمت راسها وبدات تتفكر آخر الأحداث لي صراولها
شافت مع مراد وبدات تبكي كي تفكرت وآش قالها آلان
مراد قدم عنقها : خلاص بنتي ماتبكيش علبالي هداك #### خطفك وداك بسيف بصح ضرك يتحاسب ماتخافيش
كانت راح تهدر منبعد تراجعت
سيلينا : وآش صرا ؟
حسام : فقدتي لوعي مادموزال
سيلينا : و آلان ؟
حسام : راو في البلاصة لي تليق بيه
غمضت عينيه وهي في صراع كبير تهدر ولا ماتهدرش وشكون قالهم بلي خطفها زعما هو لي قالهم هاكا وآش صرالو ضرك يكون مات ولا كشما صرالو
مراد : راح نخرجو ضرك ونخليك تريحي منبعد راني نجيك
وبلا مادير حتى ردة فعل حطت راسها في المخدة وغرقت في أفكارها
# عند آلان
محبوس في واحد المستودع لتحت في نفس الدار وجهو كامل دم من كثرة الضرب ونص قشو مقطع قاعد ويتفكر في آخر الأحداث
Flaaach baaaack
مع شافو مراد تما سيلينا طاحت تغاشات دياركت وهو لمزية توله ليها وحكمها في آخر دقيقة وبقا يفطن فيها حتى لقا حسام فوق راسو
نحالو سيلينا من يدو رفدها ومع هو كان ضخم رفدها بفرد يد وخرجها
وهو جاو واحد زوج رجال كل واحد من جيهة وحكموه وهو يتخبط بين يديهم
آلان : مرااد قلهم يبعدو عليا لا مانتفاهمش معاك
مراد : وآش بقات حاجة نتفاهمو عليها بعد مادرت هاد الشي
آلان : أنا نحبها لسيلينا و مستعد نخطفها ليوم وغدوا حتى و ماش برضياتها ونتا ماتقدرش تمنعني
(للمعلومة هو قال هاكا باش يبين بلي خطفها بيسك يحبها و مراد مايدورش على سيلينا )
مراد يضحك : ههههه ابقا أحلم ، نتا علبالك بلي مستحيل نمدهالك (منبعد سكت شوي ) غير إذا عطيتني ربح مليح يعني ههههههه بصح ماش ضرك
آلان فهمو مليح وزاد تأكد من دنائتو ووساختو
مراد أشارلهم يديوه
و بعد ماداوه عطاوه سع طريحة منبعد جابو طيشوه هنا و خلاوه
Baaaack
باقي غير يخمم كيفاه يدير ضرك
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
