بسم الله الرحمن الرحيم
يا جماعة والله كنت ناوية نحطلكم لبارت قبل على هك بيسك بديت نكتب فيه بصح مرضت ليومين هادو ڨريب قاوية عييت نكتب
المهم الحمد لله كملت لبارت
قارئة ممتعة للجميع + أرائكم
✔️✔️✔️✔️✔️✔️✔️✔️✔️✔️✔️✔️✔️✔️
#بعد مرور شهرين
في طول هادو الشهرين كانو الابطال تاعنا عايشين أحلى قصة حب وخاصة أمين و نور
لي كانو كل يوم مع بعضاهم من الصباح لليل مايتفارقوش ديفوا يخرجو يوجدو لعرسهم و ديفوا يروحو يحوسو ويضحكو يعني بعد ما أمين اقنع نور بعرسهم
Flaaach baaaack
نور : أمين نتا هبلت نديرو عرس بعد شهرين مراناش واجدين خلاص وزيد بابا و ماما ماعلابلهمش كيفاه راح نقولهم ارواحو راكم معروضين لعرسي بعد شهرين
أمين : يا نور يا حبيبتي عندي ساعة و أنا نفهم فيك شوفي معايا نعاود نفهمك للمرة لخرة 😅
نور : هاه ني نشوف معاك فهمني
أمين : شوفي حنا راح نزوجو ضرك ولا منبعد مالا عاش راح نعطلوها نقدموها خير
نور : مي حنا مناش عباد حتى مانعيشوش فترة الخطوبة كي ناس كل
أمين : جوستومون حنا مختلفين عليهم راح نعيشوهم كل مع بعضاهم
نور : والوقت ماش راح يكفينا
أمين : الله يبارك حنا عندنا عايلة كبيرة كل واحد يدي خدمة وهوما فرواها 😁
نور جمعت يديها : شوف ا سيدي عرسنا ونخليو الناس يخدمولنا فيه
قدم عندها وحط يديه على خصرها جبدها عندو : أنا اصلا مايهمنيش لعرس تهميني نتي
حطت يديها مور رقبتو : وكي عدت نهمك أنا علاش ماتجيش تشاورني على عرسنا ولا عرسك وحدك برك
أمين : هههه غلطة وماتتعاودش
نور ضرباتو عند كتافو : بيا سير ماتتعاودش لعرس مرة وحدة ..مي بابا كيفاه
أمين : هاديك آدم يريڨلها ..و ديجا قوليلي نتي مراكيش حابة تكوني معايا طول نرقد على صوتك ونوض على عينيك الشابين مام نتي راح نبقى قدام عينيك طول
نور : الصراحة أقنعتني 😅
أمين حط راسها على صدرو : المهم كي اقتنعتي نتي برك ❤️
Baaaack
المهم كانو عايشين أحلى ايام حياتهم
أما يسرى و آدم و مريم و أسامة هوما تاني نهار على نهار يزيد حبهم لبعضاهم و راهم يوجدو العرس تاع نور و أمين والفرحة ماش سايعتهم
تاني رامي ولينا
رامي حس بلي راهو دار غلطة كبيرة وفاق على روحو وجاب مدة وهو مور لينا باش تسامحو وفي لخر قبلت ورجعو مع بعضاهم كي بقات علاقتهم في توتر هو قاتلو الشك والتوسويس وهي راهي غير تعاني معاه
أما هي تقبلت مروان وماولاتش تكرهو كيما كانت خاصة بعد لجاست لخرة لي ديرها معاها ولا مينداك كي يجي عندهم للدار تحكي معاه نورمال صح رامي يتقلق مي مايقدرش يهدر خاصة بعد واش دار
وريهام راهي مينذاك تعيط لرامي على كاش سبة تافهة
لينا تحكي مع ريهام في تلفون
لينا : راكي تعرفي رانا مع التوجاد لدقيقة لخرة أمين يعرس وحنا نتهرسو
ريهام : معلش واش حاديرو
لينا : اسمعي ياخي قتلك بلي علاقتي مع رامي ماش نورمال في لبيريود لخرة هادي
ريهام بفرحة : ايه قلتيلي
لينا : حسيت روحي ثقلت عليه بزاف وحابة نديرلو حاجة كيشغل نبداو من جديد بما أنو لانيفارسار تاعو ماحتفلناش بيها
ريهام عوجت فمها : ايه كيما تحبي
لينا : مالا نخليك ضرك راني لاتية شوي
ريهام : اوك باي
قفلت لينا تلفون وقعدت تخمم ريهام تبدلت بزاف وخاصة بعد آخر موقف صرا بينتاهم في السبيطار
Flaaach baaaack
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
