هاااي 🖐️
نجمة و تعليق
قراءة ممتعة للجميع 👇
✔️✔️✔️✔️✔️✔️✔️✔️✔️✔️✔️✔️✔️✔️
#ايطاليا
#آدم #فهد #سيلفيا
وصل للجماعة لي قاعدين يحاربو فيهم خبر بالإنسحاب و على هاذي نساحبو كل
اما يسرى بقات تشوف مع آدم لي فقد وعيو و شعور لخوف يحتل قلبها
قيستلو النبض تاعو لقاتو مزال عايش
وهنا جا فهد واتفاجأ بالمنظر لي شافو
سيلفيا تعيط عليه : خف روحك نزربو نهزوه تحوسو يموت
ذاكرة يسرى هنا رجعت بيها للزمن القديم نهار آدم مثل عليها أنو ضرباتو طموبيل ، نهار حست روحها راهي راح تفقدو ،و نهار اعتارفتلو بحبها
حاولت تبعد كل التفكير هادا عليها وتركز معاه ضرك
رفدوه هي وفهد وتاكدو انو الكل انساحبو
ركبو و اتجاهو للسبيطار و عيطو لأمين في طريقهم باش يلحقهم
✔️✔️✔️✔️✔️✔️✔️✔️✔️✔️✔️✔️✔️✔️
#الجزائر
#الساعة 8:03 ص
أسامة &مريم
في لاشمبر تاعهم كل واحد يوجد روحو باش يروحو لخدمتهم
أسامة وهو يلبس في الساعة تاعو : على قداه تكملي ليوم ؟
مريم وهي تحط في البلاش : ربعة تاع لعشية
أسامة حس بالأوضاع متوترة بيناتهم راح قدم عندها وعنقها من لور وبقا يشوف معاها في لمراية
أسامة بصوت حنين: مريومتي
مريم ماحبتش تحط عينها في عينو باش ماتضعفش : امممم
أسامة : وآش رايك نخرجو نتعشاو ليوم كيف كيف
مريم خزرت معاه تاع كيفاه جاتك لفكرة هادي
أسامة تبسم : ههه علاش تشوفي فيا هاكا زعما اول مرة نعرضك للعشا
مريم : نن مي زمان على لعرضة تاعك
أسامة : علبالي حبي راني مقصر في حقك لبيريود هادي بيسك لتيت مع لخدمة بزاف مي ليوم راح نعوضك ونكونو غير وحدنا جاد خليه هنا
مريم : امممم نخمم
أسامة باسها من خدها : السبعة كوني واجدة
تفتح لباب ودخل جاد
جاد : ثباح الخير
مريم فتحتلو يديها : صباح النور يا روح ماما أيا عندي
راح تلاح عنقها
أسامة بغيرة: أنا مانعرف علاه ماديريليش هاكا
جاد خرجلو لسانو
أسامة : مالا شوف شكون يزيد يشريلك الألعاب
راح جاد وعنقو
أسامة ضحك : مصلاحجي
بعد مدة قصيرة من التجمع الصباحي اليومي
أسامة : أنا مالا نروح و مريومتي اتهلاي
مريم : رايحة للشركة اليوم ؟
أسامة : ايه عندي خدمة
دارتلو براسها ايه وتفرقو أسامة لخدمتو مريم دات جاد لاكراش تاعو
وراحت هي لخدمتها
✔️✔️✔️✔️✔️✔️✔️✔️✔️✔️✔️✔️✔️✔️
#مروان
كل هاذ الفترة وهو يخمم ويعاود حتى حالتو النفسية تأثرت
يخمم في الشي لي دارو قبل 7 سنين وبسبتو بدل حياة بزااف الناس وفرق زوج كانو يبغو بعضهم
هذا الشي خلاه يحس بتأنيب ضمير كبير
واليوم و أخيرا قرر يدير خطوة ممكن تبدل حياتو
رفد التلفون
صونا شوي منبعد رفدت
مروان : الو لينا صباح الخير
لينا : اهلا مروان
مروان بتردد : محتاجك ليوم في حاجة إذا كنتي قاعدة
لينا بشك: غير لخير
مروان : ماهيش تاع تلفون لازم نتلاقاو
لينا : اوك نكمل وآش عندي برك ونتفاهمو على وقت
مروان : داكور راني نعيطلك
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
