السلام عليكم ❤️
علبالي راح نتلقى الكثير من السب والشتم مي قابلة والله غير قابلة ههه
قداه من شهر مابنتش وراني حشمانة منكم بزاااف
المهم لحكاية لازملها قعدة باه نحكيلكم
نقلكم سع صحا رمضانكم حبوباتي إن شاء الله نكملو ليام لي بقاو بالصحة والعافية ❤️
شوفو راني نحط لي بارت في ليل ولي قراها في النهار أنا خاطيني مانديش ذنوبكم 😅
علبالي نستو الأحداث روحو عاودو قراوهم وارجعو كملو 🙂🤭
✅✅✅✅✅✅✅✅✅✅✅✅✅✅
يسرى &آدم
الكل مصدوم فعليا ويسرى بحد ذاتها مازالت مصدومة قاعدة غير تشوف معاهم وتتبسم برك كي يسفقو وتتفكر قبل لحظات واش صرا معاها خلف الكواليس
#قبل لحظات من الآن
داها آدم وهي غير تبع فيه ومافاهما والو دخلو لواحد لاشمبر
يسرى : آدم واش بيك علاش جبتني للهنا ؟
آدم : معندناش بزاف وقت باه نشرحلك بصح نتي ليوم راح تكوني عارضتي الأساسية
يسرى : قول والله
آدم : والله
يسرى بفرحة : هيا هيا تحمست
آدم : هههه نتي في عقلك تحمستي هاكا كل وماعلبالكش واش جايك
يسرى : عادي الإنسان لي مايغامرش كل مايعيشش
آدم : اوكي اصلا مكاين والو هاكي ألبسي هادي وحكمي فيا برك
جبدلها آدم لاغوب لي شفتوها من قبل
قالها : هاكي عمري ألبسي هادي
يسرى شافت معاها : امممم لا بأس بها
آدم : علبالك هادي قداه صهرت عليها وتجي نتي تقوليلي لا بأس بيها
يسرى : يا حبي نرمال خخخ
طبطب لباب ودخلت فاطمة ومعاها وحدة ميكاب ارتيست
آدم : عمري ظرك هادي راح تتهلا فيك كي تكملي تلقايني نستنا فيك
دار لفاطمة : اتهلاي فاطمة
خرج ويسرى غير تتبسم كي لبهلولة
راحت لبست هاديك لاغوب و فاطمة ولي معاها بقاو حالين فامهم فيها
يسرى : واش رايكم لبنات خرجت عليا
فاطمة : الله يبارك مدام خرجت عليك
الميكب ارتيست: زدتي فيها النص مدام
يسرى : هههه حشمتوني ونحيو عليا كلمة مدام هادي بلا رسميات
المهم ماحتاجت هاديك م.ر. بزاف وقت بيسك يسرى من بكري شابة ومليحة دارتلها حاجة خفيفة في شعرها و زادتلها شوي مكياج وكملت
خرجت لقات آدم يستنا فيها
آدم : حاس روحي درت غلطة كبيرة كي راح نخرجك هاك
يسرى : علاه ماجيتش مليحة ولا ؟
آدم : هاداك هو لمشكل ظرك كامل ياكلوك بعيينهم
يسرى حكمتلو يدو وقاتلو : دومي حسب مافهمت من فاطمة هادا علجال الشركة تاعك لازمنا نديرو هك ومانيش حاباتك تخسر قدام هداك لعبد باه مايستشفاش فيك
آدم : حكملها يدها وراحو في زوج نحو منصة لعرض
#الوقت الحالي
رجعت يسرى من تخمامها على همس آدم في وذنها : وين تهتي حبي
يسرى تبسمت : والو
آدم : تتبسميش لا نقتلك ليوم
يسرى : فهمنا صاي
############
في جيهة أخرى دخلت رزان وهي دايخة وحاكمة راسها : يا ربي واش صرا ...منين ظهر آدم ولعقربة هاديك ...اليوم مراد يدفنني وانا حية
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
