بسم الله الرحمن الرحيم
صحا فطوركم ولا صحا صحوركم حسب لوقت لي راكم تقراو فيه 😅
ا جماعة والله راكم كبار ها النجمة ا بن عمي النجمة 😂
✔️✔️✔️✔️✔️✔️✔️✔️✔️✔️✔️✔️✔️✔️
#وليد
بدأت تفتح عينيها غير بلعقل وتشوف في البلاصة لي راهي فيها
ضوء خافت بسبتو ماقدرتش تفتح عينيها لكل تحس في روحها مربوطة
بالشوي بدات تستوعب وبدأت توضحلها الصورة و أول إنسان قابلها كان وليد لي قاعد وحاط رجل على رجل يشوف معاها ويتبسم
بدات تتفكر آخر اللحظات قبل ما دوخ حتى تفكرت كلش وبلي هي ضرك راهي مخطوفة من طرف وليد
مريم : نتا واش درت
وليد يشوف معاها ويتبسم
مريم بصوت قاوي على قبل : نهدر معااك واش درت نتا هبلت
وليد مكالمي: اشششش مريومتي اهدري بعقلك
مريم زادت هبلت ولا تعيط : وليييييد ارواح فكني خليني نروح بركا من اللعب السامط تاعك
قدم عندها وقال : يا عمرييي اسم كيفاه جا شباب من فمك
مريم تعيط : كون يسمعك أسامة علبالك راح يدفنك ونتا حي فكني خليني نروح
بعد عليها مسح وجهو بيدو شوي هاك ويخبط لكرسي لي كان قاعد فوقو حتى مريم تخلعت من الصوت
وليد : شكون أسامة تاعك هادا أنا مانعرفش بنادم بالإسم هادا ونتي تاني خاصك تنسايه ولا نسيك فيه أنا بطريقتي الخاصة
مريم مشوكية معاه : وليد واش بيك فيق على روحك علبالك الشي لي راك دير فيه غالط
وليد : الشي لغالط هو كي قبلتي تروحي وتتخطبي لهداك &#€¥ (قدم عندها ) مريم نتي حبيتيني أنا تسما تكوني ليا أنا
مريم : أنا ماحبيتكش وليد وياك قتلك هاد الشي من قبل أنا الراجل لي نحبو أسامة ومستحيل نتخيل روحي نكون مع واحد غيرو
وليد اتفزاتو هدرتها وبلا سابق إنذار هز يدو وعطاها كف
بقات مهبطة رأسها مدارت حتى ردة فعل
وليد راح يجري ليها حكملها راسها بين يديه وقعد يهدر بهستيرية : مريم ..مريم حبي اسمحيلي ..ماقصديش بصح ..بصح مانحبكش تنطقي اسم راجل خر على لسانك ..مريم أنا نحبك ..نتي تاني تحبني هاكا ؟
مريم تشوف معاه : وليد كنت نحبك كي كنت مانعرفش معنى الحب بصح ضرك صاي علبالك واش خاصك ضرك خاصك تروح ل طبيب نفسي بيسك مخك مراهوش في راسك
بعد عليها وبدا يعيط : مرييييييييم ماتهدريش معايا هاكا .. خلي أسامة تاعك يجي يفكك من بين يديا ضرك
راح خرج وخلاها قعدت تبكي بصمت وفي قلبها تقول "أسامة وينك ألحقني قبل ما المهبول هادا يدير حاجة "
✔️✔️✔️✔️✔️✔️✔️✔️✔️✔️✔️✔️✔️✔️
نهار جديد
#آدم
لحق للمستودع تاعو نزل كعادتو بكل هيبة ورجولة
تفتح لباب دخل
واحد من رجالو : السي آدم رانا جبناها كيما طلبت وعطيناها لبسة وماكلة
شاورلو براصو تاع اوك
مع دخل جات رزان تجري عندو راح تتلاح تعنقو حبسها في بلاصتها
رزان : آدم جيت مرسي كي خرجتني ...
قاطعها بكل صرامة : بلعي الشي لي دارو فيك مراد تستاهلي ماكثر منو بلاك يحسابلك مانيش فايق بلعبك رزان (قدم زوج خطوات عندها ) الشي لي كنتي ديري فيه كل كنت مراقبك فيه وعلبالي من لول بلي نتي هي لكلبة تاع مراد
رزان تبكي : آدم أسمحلي ماش ...
آدم : ماهيش حاجة لي تطلبي منها السماح بيسك نتي تجاوزتي كل حدودك سيرتو نهار درتي بيسرى بصح أنا ما خرجتكش من عند مراد بيسك شفقت عليك لالا علبالي إذا ماقتلكش ليوم يقتلك غدوا وأنا مانيش حابك تموتي بالسهولة هادي
طاحت عندي رجليه تبكي وتحلل : آدم .. ماتخلينيش علبالي الشي لي درتو مايتغفرش بصح نتا سامحني ونوعدك ماش راح نزيد ندير لمشاكل وراح نجبد روحي
آدم : وراقك واجدين نتي راح تخرجي من هاذ البلاد بصح اسمعي مليح رزان آخر مرة نزيد نلقاك دوري هنا علبالك لخطرة لجاية مانرحمكش
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
