رواية باللهجة الجزائرية حاتلقاو فيها حوايج بزاف
حب و ضحك وتمهبيل وتملك وغيرهم
و كاينين شخصيات بزاف كل واحد وقصتو
فيها بعض من الواقع الجزائري 🤗
حايعيشوا أحداث بزاف مشوقة وحماسية 👍👨👩👦👦
هل راح تكون نهاية سعيدة ؟ 👌
هذا الشيئ نخليكم أنتم تقر...
هااااااي ✌️🤗 لي داو لبيام مبروك عليكم لعقوبة للباك إن شاء الله 😘 نجمة 🙄 قراءة ممتعة للجميع 👇
✔️✔️✔️✔️✔️✔️✔️✔️✔️✔️✔️✔️✔️✔️
#آدم ولا مايضويش وبكل غش و حقد هدر آدم : نتا واش دير هنا فهد يشوف معاه : نتا لي وآش دير هنا آدم دخل لداخل وخبط لباب هبطت يسرى وهي تشوف معاه ببرود يسرى : انعم وآش تحتاج قدم عندها وعينيه راح يخرجو : بلاك ديرونجيتكم ونتوما كنتو مونسين بعضاكم يسرى جمعت يديها في صدرها : ايه ديرونجيتنا فهد : وزيد جاي داخل بلا ماتشاور كيشغل الدار دارك آدم يزيد شوي يضربو : بلاك تحوس على طريحة كيما تاع لخطرة لي فاتت
قدم عندو فهد راح يتلاح يضربو حتى حبستهم يسرى يسرى : ماكلاه تبداو تصيغرو كيما مالفين راسي يوجع ومانيش طايقتكم إذا كشما عندكم اخرجو برا
طلعت لاشمبر تاعها راح تبدل حوايجها وآدم لحقها وبلا مايدق لباب دخل ديراكت بقا يشوف معاها و يبلع في ريقو كمية الأنوثة طاغية رغم القساوة لي تظهرها شافت معاه سيلفيا : خير ماتعرفش طبطب في الباب آدم تايه معاها سيلفيا رفدت موس حداها ورماتو عليه فات عليه شعرة و لصق في الحيط بصح خلالو جرح صغير في وذنو بقا يشوف معاها مصدوم آدم : من وكتاه وليتي اڨريسيف هاكا تفكرت هيا هداك النهار لي كان آخر لقاء بيناتهم كانت راح تهدر منبعد سكتت آدم قدم عندها : نتي فهد هادا وآش يعنيلك وعلاش قاعد معاك في نفس الدار وزيد (شدد على هدرتو ) نتي علاه دوري قدامو هاكا حطت عينيها في عينيه بكل ثقة : نظن حاجة ماتخصكش آدم : كيفاه ماتخصنيش هادا نتي هبلتي نزيد ... وراح يبدا يخدم بعقلية آدم تاع قبل 7 سنين لي غيرتو تتحكم فيه بصح يسرى وقفاتو على كلامو وصدماتو بجمودها : رد بالك تهدر معايا بتهديد اتفكر راك تحكي مع سيلفيا لي ماتعرفك ماتعرفها آدم مشوكي سيلفيا عطاتو بظهرها : ضرك تكمل معانا المهمة هادي وتقدر ترجع لحياتك عيب طول على مرتك بزاف
آدم راح دور وجهها ليه يحوس يشوف أي علامة دل بلي راهي غايرة و لا مزالت تحبو أي حاجة مي مالقا والو غير البرود بعد عليها وهو ألف تخمام في راسو زعما صح ماولاتش تحبني ..نساتني ...أنا عدت مانعنيلهاش .. شاف معاها بغضب خرج وخبط الباب هبط لتحت لقا فهد قاعد ياكل قعد حداه وهو يغلي نحالو لماكلة من يدو وبدا ياكل وفهد يشوف معاه ومالقا وآش يهدر هاكا شوي هبطت يسرى بعد مابدلت حوايجها وكانت لابسة كيما هاك 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
