هاي ني جيييت 🙂
التفاعل ماش عاجبني ابدا ابدا 🙄
قراءة ممتعة للجميع 👇
✔️✔️✔️✔️✔️✔️✔️✔️✔️✔️✔️✔️✔️✔️
#أسامة &مريم
لطع لاشمبر لقاها بدلت حوايجها لبست بيجامة و قاعدة تنحي في المكياج
هنا هو حس بتأنيب الضمير وراح قعد مقابلها
أسامة وهو يخمم كيفاش راح يبدى يهدر : احممم ..مريم ..مريومتي
مادرتش عليه
أسامة : مريم والله راكي تشوفي ماش قصدي جا كلش على ضربة ..
حبساتو
مريم : أسامة ماكلاه تبدا تقولي منا ومنا راني فاهماتك و عندك لحق الموظفين تاعك أهم ولي تتغاشا و لي تمرض ولي صراتلها حاجة نتا اوبليجي عليك تتحمل مسؤوليتها ، شوف من لخر مانيش حابة نديرو فيها فيلم مالا من الأحسن نرقدو خير تصبح على خير
وخرجت من لاشمبر رايحة ترقد في لاشمبر تاع جاد
علبالو ضرك لهدرة معاها مراح تجيب حتى نتيجة ولا راح حط راسو ورقد ديراكت مالڨري مزالو حاس بتأنيب الضمير
✔️✔️✔️✔️✔️✔️✔️✔️✔️✔️✔️✔️✔️✔️
#لينا
لينا تعيط بخوف : رامي لفران ماهوش يمشي
رامي تشوكا لدرجة رجليه فشلو وقريب طلق لفولون وراح هو فيها
رامي يحوس يكالمي لحالة : شوفي مليح بلاك تبالك برك
لينا : راني نقلك ماحبوش
رامي يجبد في النفو : شوفي خلي التلفون محلول وراني وراك نقلك وآش ديري وابقاي مركزة برك مع الطريق
لينا بخوف : ايه
بقا يخمم كيفاه يدير لازم يمنعها
رامي : لينا اسمعي راني راح نفوتك و ابقاي نتي من ورايا داكور
لينا : داكور
زاد في الفيتاس وفاتها
رامي : ضرك لازمك تبعيني وماتخافيش و دوري طموبيلك على الجنب ولصقيها في تاعي
لينا : نتا مهبول تحوش تموت
رامي يعيط عليها : نموت أنا وماتموتيش نتي راكي فاهمة ديري وآش نقلك
لينا تبكي : لالا مانديرش
رامي : لينا راني نهدر معاك ماتخافيش واحد فينا مراح يموت
دارت كيما قالها و بقات الطموبيل تاع رامي دز في الطموبيل تاع لينا حتا دخلو في واحد الشجرة كبيرة
وبيا سير الضرر الأكبر كان من نصيب رامي بيسك هو لي في المقدمة
بعد لحظات حبس كلش مور ماصرا هداك الإصتدام و تحط واحد لهدوء مخيف و سكوت عجيب غير صوت الريح
فاقت لينا بعد ماكانت داخت شوي ونزلت بلخف مالڨري تحس بالوجع في كامل جسمها بصح نزلت تشوف رامي بخوف
فتحت عليه لباب تاع طموبيل لقاتو فاقد لوعي ولات تضرب فيه كفوف باش يفطن وقلبها راح يخرج خافت لا يكون مات
بعد شوي فطن رامي ورجعلو نصف وعيو بيسك مزالت الضربة مأثرة عليه
فتحتلو هي لا سانتير و عاوناتو نزلاتو قعداتو في لرض وهي تحمد في ربي انو مزال عايش
راحت جابتلو لما من مطوبيلتها شربتلو شوي وغسلتلو وجهو وبقات تتفقد فيه وفي جروحو
بدا رامي يرد شوي الروح و بدا يستوعب وآش صرا
لينا كي شافت حالتو هاكا ولات غير تبكي كي الطفلة الصغيرة حتى هداك لقناع تاع لقوة لي كانت حاطاتو زال في اللحظة هادي
بقات غير تبكي بالصوت وتخرج الشي لي عاشوه في هذي اللحظات ولي كان قادر يقتلهم في زوج كون ماش ربي لي سترهم
تحرك رامي شوي من بلاصتو مالڨري ماش قادر و قدمها عندو عنقها
كيشغل في زوج محتاجين الشي هادا
في الدقيقة هادي وصلت طموبيل حبست حداهم ونزل منها مروان كلو دم
مروان راح يجري للينا وعنقها ويطلب غير في السماح
وهوما في زوج مستغربين وآش راه صاري
مروان و الدموع في عينيه : لينا اسمحيلي راكي مليحة كنت مستحيل نسامح روحي كون صراتلك حاجة
رامي استفزو بهدرتو بعدو عليه بيدو وقال : نتا مهبول بعد عليها
لينا : مروان وآش جابك كيفاه عرفت رانا هنا وآش هو الشي لي نسامحك عليه ؟
مروان قعد في لرض و طاحو دموعو : كلشي صرا كان بسبتي وبسبة ريهام 💔
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
