رواية باللهجة الجزائرية حاتلقاو فيها حوايج بزاف
حب و ضحك وتمهبيل وتملك وغيرهم
و كاينين شخصيات بزاف كل واحد وقصتو
فيها بعض من الواقع الجزائري 🤗
حايعيشوا أحداث بزاف مشوقة وحماسية 👍👨👩👦👦
هل راح تكون نهاية سعيدة ؟ 👌
هذا الشيئ نخليكم أنتم تقر...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لمت شعرها الفوق وشافت مع وجها كامل حمر من لبكا ماهيش في حالة تسمحلها أنها تقعد تتزين هزت صاكودو تاعها وخرجت لقات حنان قاعدة في الصالون مريم : ماما ماعليش نروح عند يسرى راهي عيطتلي هادا وين حنان بخلعة : واشبيه وجهك يا بنتي راكي مريضة ملي طلعت لبيتك ماهبطيتش؟
مريم حكات وهي مهبطة راسها بيسك ماتقدرش تكذب وهي حاطة عينها في عين أمها : بانتلي حاتحكمني la grippe عليها راني عيانة شوي ومحتاجة نشم شوي هوا حنان : معلش يا بنتي روحي وخلي تلفونك حداك باه نعيطلك مريم : أكي (باستها ) أتهلاي في روحك
خرجت من الدار وتنهدت تنهيدة طويلة كانت حاسة روحها مخنوقة بزاف
مشات شوي لقات خوها يلعب مع صحابو عيطتلو مريم : فؤاد فؤاد أرواح هنا فؤاد : خير شاتبغي ؟ مريم بصرامة : أحكي قدقد وضرك ديراكت للدار ماما راهي وحدها فوائد بقلقة : علاه وليت طفلة باه ندخل للدار ضرك مزال لحال مريم : مانعاودش لهدرة مرتين من الصباح مادخلتش وين كنت ؟ هادا وين راك 13 سنة مزالك صغير على لحوايج هادو لي تخمم فيهم فؤاد : قتلك ماندخلش نتي ماتفهميش مريم ولأول مرة ترفع صوتها برا من الغش ولقلقة تاع وليد وزادلها خوها وتحكي بالعياط : بلع فمك كي نقلك روح تروح روح وماتزيدش معايا كلمة عندك في يدك 5 min نعيط لماما وتقولي مادخلش أنسى المصروف تاع كل يوم
وراحت وخلاتو
هو بقا يشوف معاها هادي أختو الحشامة لي كانت تعيط عليه ضرك ؟ ولا من الخوف روح ديراكت للدار 😀😀
