سلااااااام لبنات كي راكم ؟
نحبكم تتفاعلو وتصوتو وتعلقو وتقلبو الدنيا 😂
Go go go 😁😁
************"""""$$$$"$$$$****
روح آدم للفيلا تاعهم وغير دخل حس بعبد لاح روحو عليه وعنقو
كي هبط راسو يشوفو لقاها رزان شكون غيرها
تأفأف من لي جاست تاعها هادو لي كل خطرة ديرهم هو صح مايحس من جيهتها بوالو مي لازم يصبر باه يوصل لي باغيه
( نعرفكم برزان
هي بنت صاحب باباه جاية طويلة كي عارضات الأزياء لطاي تاعها
شقراء {هههه معلاباليش علاه ديما نحس الأشرار لازم يجيو شوقر كيما يقلك كل أشقر خبيث 😂😂)
عينيها خضورا غامقين تخدم مع آدم في الشركة تاعو وديما تعرف روحها على أساس خاطيبتو (يعطيها خبطة إنشاء الله ))
هزت راسها من حضنو وعطاتو بوسة على خدو
رزان بمياعة : حبيبي جيت توحشتك كنت نستنى فيك
آدم بلا مايدير أي ردة فعل : وي
رزان حكمت في يدو ودخلو مع بعضاهم
كانت سعاد قاعدة في الصالة تتفرج TV كي شافت آدم جا إبتسمت مي كي شافت هاديك الشقرا لاصقة فيه عوجت فمها
هي ماش ماتحبهاش بصح ماش مرتحتلهاش وحاسة بلي ولدها ماش ألاز معاها مي ماعندها ما دير
هي واثقة في بنها ولازم تحتارم قرارو
سعاد : وليدي جيت علا سلامتك
سلم على راسها : الله يسلمك يما خير علاه عيطيلي ؟
سعاد : لا لا وليدي مكاين والو غير قلت تجي تتغدا معانا اليوم ونتلمو الخدمة داتك وعدنا مانشوفوكش بزاف وعيطت لرزان حتى هيا تجي
آدم : معلش يما
رزان : ايه درتي مليح طاطا مام أنا وآدم عدنا منقعدوش بزاف مع بعضانا كيما كنا
سعاد : واش حاديري يا بنتي هادي هيا خدمتو
آدم : أنا نطلع نغسل ونجي
ناض رايح لبيتو ناضت معاه رزان دار شاف معاها بنص عين وقالها : خير وين جاية ؟
رزان : كنت جاية معاك كشما تحتاج
آدم : قلت رايح نغسل برك ونجي ماعندي واش نحتاج
وطلع وخلاها بلا مايزيد معاها كلمة
هي تأفأفت وقعدت وجهها قزدير يا جدك 😁
حطو لغدا وتلمت العايلة كامل على الطابلة وباينة اللزقة هاديك لازم تقعد حدا آدم
مراد : مرحبا بيك بنتي هادي مدة مازرتيناش
رزان بإبتسامة صفرا : يعيشك عمي أنا راك علابالك مع الخدمة ولازم نوقف مع خطيبي في خدمتو
لينا : والله خويا مسكين يخدم ليل ونهار تقول ماعندو خدامة في الشركة تاعو (قاصدة تستفزها )
رزان حتى هيا ماسكتتش حكمت في ذراع آدم وقالت : والله أنا نروح للشركة غير علجال حبيبي آدم بيسك كي يشوفني يخدم مرتاح وزيد عن قريب حانولي مرتو يعني مولات الشركة 😏
أمين لاحلها الهدرة بضحكة : ههه أنا والله خويا لعزيز قالي غير كمل لجامعة تاعك برك ونكتبلك الشركة على إسمك باه نتهنى عليها
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
