السلام عليكم و رحمه الله و بركاته 💖
هانييييي جييييييييت 😁
نبداو على بركة الله
فووووت وكومنت 👇👇
-------------------------
#عند نور
بعد ما طلع عليها النهار وهي غير تخمم رفدت روحها و قررت باه ترجع للدار
وقبل ماتخرج خلات ورقة لليسرى باه ماتتقلقش عليها
وصلت للدار لقات الهدوء كالعادة طلعت لبيتها دخلت دارت دوش لمدة ساعة غير باه تريح شوي اعصابها
خرجت تنشف في شعرها وهي غير تخمم حتى تسمع في الباب تفتح وتدخل سارة وباين عليها النعاس
سارة وهي تتثاوب : نونو علاه مروحتيش البارح فليل علابالك الدار صامطة بلا بيك
نور تبسمت شوي وفتحتلها ذرعيها بلا ما تحكي
راحت سارة عنقتها في الحقيقة نور لي كانت تحتاج الحضن هذا خاصة أنو خلاها تحس بذنب أكثر وأكثر
علاش دارت في روحها هكا
وي هي الغالطة بيسك دارت الثيقة في إنسان غدار وخاين هي لي سمحتلو يتقرب منها حتى تعدا حدودو
كانو هاذو لكل أفكار يدورو في راسها
مام سارة حاسة بلي ختها ماش نورمال وبما أنو تكره يسرى ومريم راح ترجع السبة فيهم
سارة بعدت على حضنها : نونو راكي مليحة ؟
نور بصوت خافت : وي نرمال
سارة بتقلاق : بصح حالتك ماعجبتنيش لاعدتي مريضة هيا نروحو للطبيب ؟
نور قعدت فوق السرير : نن مكلاه مايلزمش
سارة عرفت بلي بيها حاجة وباينة ماش حابة تهدر عليها ماحبتش تضغط عليها كتر : أكي كيما تحبي بصح ماتزيديش تباتي برا ياك تعرفي بلي أنا وحدي نقلق ومانلقا معامن نحكي من غيرك نتي
نور تبسمت : معلش يا سيدي
سارة : أيا مالا نخليك ضرك أرقدي شوي كشما يتنحالك لعيا هادا وكي تنوضي نحكو
باستها في خدها وخرجت وغلقت لباب وراها
أما نور تمدت فوق السرير وغمضت عينيها حتى تشوف فكل الأحداث يتعاودو قدامها خلاو دمعة حارة طيح على خدها 😞
*⃣*⃣*⃣*⃣*⃣*⃣*⃣*⃣*⃣*⃣*⃣
عند آدم#
روح للفيلا تاعهم وهو شبعان فرحة طلع لبيتو ورمى روحو فوق السرير غمض عينيه وغير صورتها لي دور في بالو
عرف روحو بلي هو عاشقها ..عاشق طفلة مافاتتش 18 سنة
فالأول كان حاسبو غير إعجاب بعدها عرف بلي حبها وعشقها والأهم من هذا لكل عرف بلي هي الملك تاعو وحدو ومدامو حي مكانش لي يديها من غيرو
قعد واحد ساعتين وهو غير يخمم ويرتب في أفكارو منبعد ناض دار دوش مي ريحتها مزالها عالقة فيه ههه كلمة عشق قليل في حقو
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
