Slm wach diro bla bya 😹
والله علابالي صمطتها بصح تخلطولي لأفكار وكنت في واحد لفترة مضغوطة من لقرايا
قالك المسامح كريم 😁
Hya brk nbdaw ra7 tchy5o 5las 🙊
⚫️⚫️⚫️⚫️⚫️⚫️⚫️
مريم : لبنات واش رايكم في حفلة ؟
لبنات : yeeeeeees
أمين يهدر مع أسامة وآدم : هادو واش ناويين يديرو تاني أنا عدت نخاف من تخمامهم
أسامة : والله هكاك أنا يا صاحبي بليس يتعلم منهم
آدم : هادو مايتامنوش وملازمش يقعدو وحدهم خلاص
راحو لبنات جابو لي باف وطلقو لغنا على لخر لي يسمعهم يقول عرس كبير
لتحت عند الجماعة
حنان : واش الصوت هادا ؟
محمد : راني نسمع في صوت غنا
لامية : هادو سور لولاد حبو يزهاو شوي
سعاد : خليهم ربي يكمللهم على خير
لكل : آمين
نرجعو نطلعو لفوق (علابالي غلبتكم أطلع أهبط أطلع أهبط هادي حالة لي عندو ليزيسكالي (الدروج )😁😁)
لمهابل هادوك نحاو لي طالون أيا وبداو في الشطيح
أسامة باهت مع مريم كي تتحرك وتشطح و قاعد غير يتبسم كي لبهلول
أمين ماش أقل حالة عليه يخزر مع نور وكل مايبغي يتفكر واش صرا معاهم من قبل وواش كان حاب يديرلها يوليو لأفكار هادوك كامل يروحو كي يشوفها تضحك
أما
آدم يشوف مع يسرى و كون لقا راهو قتلها ونحا جدها من الدنيا شحال من مرة ينبها ويقلها ماديرش لحوايج لي قلقوه بصح هي ماتسمعش
حتى وعلابالو بلي خوه آمين ماراحش يحط عينو عليها بصح كومام مايحبش يشوفها غيرو حتى كون أسامة
وي يغار عليها حتى من خوها وراهو حاكم روحو غير بسيف
ماحسش غير بيدها كي جبداتو لحلبة الرقص هههه
جا راح يهدر ويبدا يبهدل فيها بصح حبس كي حطت يدها على فمو
يسرى : اششششش ماتهدر والو غير عيش اللحظة بيسك ماتتعاودش
بكلمات أقل من بسيطة قدرت طفي نار لغضب لي كانت شاعلة في داخلو
بلمسة منها قدر يرجع خير ماكان عليه لهنا عرف بلي هو ماش غير عشقها برك بل أدمنها وكون تخطيه هي راح يموت
مريم جبدت أسامة معاها لي استقبل الشي هادا وفمو وصل لوذنيه هههه
ولينا جابت أمين وقاتلو أزها نتا تاني معاني
وخلاتو
قلبو الدنيا بالشطيح لي ماسمعش سمع مكانش غنايا ماشطحوش فيها
يسرى حبست الشطيح وراحت نزلت لتحت حفيانة نسات الطالون تاعها ديجا هههه
دخلت لصالون تنهج : ياجماعه يهديكم ربي تطلعو تزهاو معانا
لامية خبطت جبهتها بيدها تاع جامي لا تتبدل
سعاد تبسمت : لا لا يابنتي غير أفرحو نتوما برك حنا كبرنا
يسرى راحت عندها وحكمتلها يدها : هيا برك يا خالتي أنا لي كبرت نتوما مزالكم صحاح بسلامتكم
لامية : ياطفلة واش لهدرة هادي
سعاد : ههههه خليها برك يا لامية ختي ديجا ماتقوليليش خالتي قوليلي يما
يسرى حشمت : أكي يما
سعاد : صحيتي
يسرى : يهيا راح تخليوني نحاول فيكم أنا ضرك (راحت الحشمة في دقيقة 😁😁)
حنان : هيا برك ماتفسدولهمش فرحتهم
ناضو كامل وهوما يتبسمو
طلعو لفوق
يسرى : أستناي يا خالت.. ياه قصدي يما أستناي نعاونك تطلعي
سعاد : هههه هيا
حكمتلها ذراعها وعاونتها كي وصلو بقاو يشوفو معاهم مشوكيين كي يتمهبلو ويشطحو كامل
حبسو ودارو شافو معاهم
يسرى بخبث : ياشومي على داك الشطيح والله عيب عليكم راكم كبار وديرو في ليجاست هادو ماحطيتكمش هك
لكل :😲😲😳😱😱
مريم : يا كلب ياخي نتي كنتي معانا ضرك
حنان : كح كح كح (خزرت فيها تاع أحشمي )
مريم : أحم ماقصديش كلب كلب هادي في اللغة الكورية معنتها يا سكر عندهم
يسرى تهزلها في حاجبها : اااا قلتيلي سكر مالا
ضحكو لكل عليها
لينا : بصح نتي وكتاه رحتي مافقنالكش ؟
يسرى : ههه هبطت جبت لعايلة لكريمة
آدم بقا يشوف معاها كي حاكمة ذراع مو عجبو لحال سيرتو كي شاف لفرحة في عينين سعاد عندو الدنيا وما فيها
أسامة : هههه مالا هيا تفضلو
يسرى راحت تبدل لغناية : نحيو علينا لغنا هادا
ودارتلهم غناية شاوية تاع
أتكلم يا لبندير أتكلم يا عينيا ..نروحو للوراس بلاد الشاوية ..
أرواحو يا لخوال أرواحو ربعة ربعة ..زغرتو يا نسوان أزهاو خميس وجمعة ...
(روحو شوفوها لابيغتيو تعيشو معاهم اللحظة زعما هههه )
المهم النسا يزغرتو يويويويويويويويويويو
ويشطحو ياولدي وين يدوروهم يلقاوهم تقول عرس ماش خطبة وفاتحة
بعد مدة طويلة غلبو وقعدو كاملين
سعاد : والله عندي مدة طويلة ماشطحتش كيما هك غلبتوني يا لاولاد
يسرى : هههه يما مزالك صغيرة بصغرك كون توقفي قدام ولدك هاداك تباني ختو ماش مو
أمين : أحم تقدري تحدي شكون ولدها فيهم بيسك ام زوج 😜
يسرى : باينة ماش نتا بيسك ماتبناش أصلا من لعايلة هادي
أمين بغرور : قصدك بوڨوص عليهم هكا
نور لا إراديا : نن قصدها كي تاع مالي عليها ماتبانش زيهم
ناضو كامل يضحكو
شاف معاها وسكت
آدم : هيا يما راح لحال
محمد : واين مزال لحال ؟
آدم : هاداك هو عمي محمد لوقت
سعاد : إيه ديجا رانا طولنا بزاف
لامية : ماتنساوش زورونا مرة اخرى
سعاد : إنشاء الله علاش لالا
حنان : ونتي بنتي لينا سعة على سعة أرواحي تشايخي مع لبنات راكي كي ختهم
لينا : باينة هادي يا طاطا الصباح هنا لعشية هنا
يسرى : بطلنا حنا رانا راحلين من هنا والدار راح نبيعوها
لينا : هههه وين تروحي نلحقك ابب ماتخميش خلاص
أمين : وأنا مكانش لي يقولي أرواح ؟
آدم : ونتا علاه بلاك وليت مرى وأنا ماعلاباليش
لينا : إييييي كبيرة خخخخ
نور : قصف للجبهة هههه
أمين : نننننننننن تقتلو بالضحك ياخي تافهين ياخي
سعاد : هيا بركاونا من التمهبيل تاعكم
أنت تقرأ
نتي المَلكْ ديالي أنا (باللهجة الجزائرية )
Cerita Pendekرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
