السلام عليكم
واش حوالكم ليوم ❤️
ها جماعة شوي تفاعل باه نقدر نكمل 😉
قرائة ممتعة للجميع ✌️
______________________________________
و قبل ما توصل يدو ليها حكمها أمين ودفعو بعيد
حكم يد نور وهدر بغضب : شكون سمحلك تقرب لحبيبتي وتمد يدك عليها
لجان هاداك حشم : اسمحلي خويا ماعلاباليش بلي راك معاها
وراحو طلقو ريح لرجليهم
دار لنور لقاها وجهها صفر
أمين تقلق عليها : نور راكي cv
نور ماقدرتش تهدر وهي تحس بنفس هاداك الشعور لي عاشاتو من قبل ولات تحس بخنقة عيات تتنفس
أمين خاف عليها : نور نور نديك لطبيب
دارتلو بيدها تاع لا
راح جبد قرعة ما من الطاكسي تاعو وقالها : قدمي هنا اغسلي وجهك
كي شافها ماش قادرة تتحرك حكمها قعدها في الأرض وقعد قدامها يغسلها في وجهها ويرشلها في الماء ومنبعد عطاها تشرب
هاكا شوي رجعلها النفس و بدات ترجع لحالتها الطبيعية
تنهد أمين كي شافها بدات ترد النفس و لا إراديا حط راسها على كتافو كأنو شاف بلي هاد الشي لي راح يريحها و يريحو و بالفعل نور حست براحة كبيرة مع تحط راسها على كتافو
وبقا أمين يخمم واش صرالها علاه ولات بالحالة هادي هاد ماش قضية خوف برك اكيد كشما بيها بصح ماحبش يسقسيها ماش وقتها
قعدو مدة و هوما هاكاك ولي يشوفهم يحسابهم كوبل و لكن في الحقيقة هوما كل واحد وين داه إحساسو
كي حست روحها مليحة بعدت عليه
أمين : راكي مليحة ضرك ؟
نور بصوت خافت : مليحة
أمين : تحبي نديك l'Hôpital ?
نور تبسمت معاه : nn mrc
أمين بضحك : هاكاك كي تتبسمي تولي مليحة
رفعت حاجبها : تسما أنا ماش مليحة ولا كيفاه
ضحك : ههههه علاه نتوما لبنات كل كيفيف كي يقولكم واحد ماش مليحة تزعفو نرمال
ضرباتو عند كتافو : وتزيد تهدر
أمين : ههههه خلاص خلاص هيا نروحو ولا ناوية نباتو هنا
ناضو كيفيف
أمين : هيا أركبي
نور بقات تشوف معاه مدة حتى قالها : هيا نور مانخليكش تروحي وحدك ونتي هك
شافت معاه ولقات عندو لحق راحت ركبت معاه
طريق كامل وهوما ساكتين بعد ماعطاتو نور لادراس تاع دارهم
حاول أمين يقطع الصمت : ياخي مادرتيش في رايك برك وتخليني في نص الطريق وحدي راح تعاونيني
شافت معاه وتبسمت : ماتخافش أنا كي نمد كلمتي لواحد مانرجعش فيها
أمين : علابالي بيك واعر برو
شافت معاه بهاذيك النظرة تاع راح تقتلو
أمين : هههههههه خلاص سكتنا
سكتو هكا شوي و كي قربو يوصلو قالها : يعني ماقصدي والو بصح إذا حابة تنزلي هنا ولا تخافي داركم يشوفوك
كي سمعاتو ضحكت بسخرية على روحها وعلى الناس لي يسموهم عايلتها هوما اصلا مايهم والو
هدرت بلا ما تشوف معاه : لا نرمال مايهمش
استغرب هو حاس الطفلة هادي عندها حاجات بزاف ماش مفهومين بصح معلش مع الوقت ونفهمو كلش
وصلو حدا دارهم وقعد يشوف مع لفيلا تاعهم و الطاكسيات لي تم يعني هي عندهم المال بصح علاه مايبانش عليها
سقساها : تسكني هنا ؟
نور : وي
رفدت ساكها وشافت معاه : مرسي يعطيك الصحة و راو بيناتنا التلفون كي تبغي تخدم لبحث تاعك عيطلي
تبسم هو وقالها : ايه متفاهمين
نزلت نور دخلت للدار وهو ديمارا وباقي يخمم فيها ويحاول يفهمها
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
