السلام عليكم
نجمة لا حبيتو زعما 🙄
قراءة ممتعة للجميع 👇
✔️✔️✔️✔️✔️✔️✔️✔️✔️✔️✔️✔️✔️✔️
#ايطاليا
#آلان
رجع للدار لي خلا فيها سيلينا لقاها قاعدة تستنا فيه مع شافاتو ناضت ديراكت ليه ووجها مايتفسرش
سيلينا بغضب: وآش معنتها قفلتلي كل البيبان باش مانخرجش
آلان : علاه وين حابة تروحي ؟
سيلينا : كيفاه وين حابة نروح تسما هاكا نتا خاطفني ؟
آلان : أفهميها كيما حبيتي بصح لوقت هادا انساي تخرجي من الدار
سيلينا : وعلاش راك دير هاكا مافهمتش ؟ إذا كشما عندك عداوة مع بابا اتفاهم معاه هو وانا واش ذنبي
آلان نفخ : سيلينا أفهميني راهو باباك لي ناويلك الشر ماش انا ...و أنا مستحيل نخليه يديرلك حاجة يالوكان غصب عليك
سيلينا ماش متقبلة لفكرة خلاص : نتا وآش راك تقول هبلت هادا بابا أفهم
آلان : شوفي أعطيني غير 48 سا في يدي إذا ماجبتلك حتى دليل نوعدك أنا لي راح نرجعك للدار سالمة غانمة بصح غير اصبري عليا برك ليومين هادو وماديري والو
سيلينا شافت معاه منبعد طلعت للاشمبر لي ترقد فيها بلا ماتزيد معاه كلمة
✔️✔️✔️✔️✔️✔️✔️✔️✔️✔️✔️✔️✔️✔️
#الجزائر
#الساعة 21:04 م
#أسامة &مريم
دخلت مريم لاشمبر عيانة بدلت قشها ولبست حاجة خفيفة و أسامة كان قاعد يقلب في التلفون
تسطحت على السرير
أسامة قدم عنقها: مريومتي عييتي ؟
مريم مغمضة عينيها : ايه هادا وين رقدت جاد وأنا بعد حابة نرقد
أسامة كشر: وأنا تخليني وحدي
مريم : والله يا أسامة غير عييت بزاف ليوم
أسامة : ياك غدوا ماتخدميش
مريم : مي لازمني نروح
أسامة : علاه تاني
مريم : عندنا اجتماع
أسامة ماعجبوش لحال : تسما لازم كل يوم تخرجي ولا كيفاه
مريم عطاتو بظهرها : ايي جيست اجتماع تاع ساعتين ونرجع أسامة ماتكبرش لحكاية تعرف هادي خدمتي
أسامة : ولخدمة هادي ماتخلصش ديما ديما
مريم لا رد
أسامة : مريم مريم
ديجا رقدت بيسك كانت عيانة بزاف
نفخ أسامة وعطاها بظهرو حتى هو ورقد مقلق
✔️✔️✔️✔️✔️✔️✔️✔️✔️✔️✔️✔️✔️✔️
#ايطاليا
#الساعة 8:30 ص
#سيلفيا
دخلت هي وأمين لي باينة لفرحة في وجهو قابلوهم فهد و آدم قاعدين مقابلينهم وكأنهم كانو يستناو فيهم
أمين : غير لخير راكم تشوفو فينا هاكا تقول دينالكم قسمتكم تاع لورث
آدم : وين كنتو ؟
أمين : هنا برك
فهد : من الصباح كي نضنا مالقيناكمش وتلفوناتكم طافيين
سيلفيا وهي تقعد : هانا جينا ماصرا والو
آدم هدر بلعياط لدرجة أمين و فهد تخلعو فيه : و تخرجو هاكا من سي راسكم بلا ماتقولونا هادي حاجة مليحة في رايكم ؟ (يهدر ويشوف مع يسرى )
سيلفيا : قلنالك كنا غير هنا علاش راك تعيط
آدم والغيرة عماتو ناض حكمها من يدها وطلعها معاه للسطح مالڨري حاولت تبعد عليه بصح قوتو كانت كثر من قوتها
طلقها آدم وهدر : قوليلي علاش راكي ديري هاكا ؟ علاش تبدلتي هاكا كل ؟ علاش وليتي ماتحسيش بيا
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
