هلا كي راكم 😍
بعد ماكملنا لعيد نرجعو للكرو تاعنا
هيا صوتو وعلقو بركاو من التمسخير 😒
✅✅✅✅✅✅✅✅✅✅✅✅✅✅
دارو كامل شافو لينا قاعدة حذا يسرى لي فاقدة الوعي وتحاول أنو تفيقها
راحو كامل ليها مخلوعين سيرتو آدم
هزلها رأسها يفيق فيها ماحبتش
آدم : يسرى يسرى حلي عينيك
لامية مخلوعة : واش بيها ؟
لينا : كانت لباس بيها حتى لقيتها طاحت وحدها
آدم يحاول يفطن فيها بكفوف خفاف ماحبتش وبلا مايزيد يستنى حتى دقيقة رفدها وداها لطوموبيل تاعو وعيط ل لامية
: يما هيا
ريمة : هيا عماد حتى حنا
لامية : لا مكلاه روحو نتوما للدرا
وراحت لحقت آدم لي حط يسرى من لور وركب يسوق طيارة معلبالوش واش صرالها قعد غير يلوم في روحو كيفاه ماتولهش ليها وكيفاه ماحسش بلي بيها حاجة فجأة جات في راسو رزان بصح ماكنتش تم هداك الوقت
ماش وقتها ضرك يخمم فيها المهم تفيق برك و إذا كانت رزان من ورا الشي لي صرا را تندم
مكانش ربع ساعة وصل للسبيطار رفدها ودخلها les urgences
جات الفرملية تمشي بعقلها : وي مسيو واش بيها
خبط عليها الطابلة لي تم : روحي عيطي $&¥€¢ طبيبة واش راك تستناي ولا ناوي نخسرلك وجهك
ماتت هاديك الفرملية من لخلعة وخرجت تجري تحوس على الطبيب
مكانش ثواني جا الطبيب وقدم ديراكت عند يسرى راح يفحصها حتى لقا آدم حاكملو يدو وعينيه راح يخرجو
آدم : بعد يدك و خرج منا خير ماتزيد شوي يدك هادي ماتلقهاش
شاف مع الفرملية : أنا واش قلت طبيبة ماش طبيب
الفرملية بخوف : بصح مكانش لوقت هادا كل خرجو
آدم بعياط: عندك 3 دقائق في يدك ماتجيبيش طبيبة السبيطار هادا نقلبو عليكم ازربيييييي
خرجو في زوج يجرو خايفين على رواحهم
لامية غير تشوف ماقدرتش تهدر وتزيد الطينة بلة
شوي هاكا دخلت الطبيبة
الطبيبة وهي تقلب فيها : واش بيها الآنسة ؟
آدم راح يطرطق : كون جينا علبالنا مانجيبوهاش لهنا
لامية تكالمي في لحالة : لقيناها طايحة وحدها
الطبيبة : من فضلكم أخرجوا شوي باه نقدر نفحصها
آدم : ماناش خارجين خفي أخدمي خدمتك
لامية : يا ولدي ماش هاك هيا نخرجو نخليو الطبيبة تتلها بيها
خرج آدم بلا ما يهدر قعد فوق الكرسي وهو في قمة التوتر
بعد مدة خرجت الطبيبة
لامية : واش راهي بنتي ؟
الطبيبة : ماتخافيش مدام راهي بخير ضرك
آدم : علاه داخت ؟
الطبيبة : صرالها تسمم غذائي و مناعتها ناقصة و بالتالي ماقدرتش تتحمل و داخت ولمزيا جبتوها بكري درنالها تنظيف للمعدة
(رزان عطاتها دوا من أعراضو يبين كيشغل صرالها تسمم غذائي)
لامية : ومنين راح يديرلها هاد التسمم ؟
الطبيبة : ممكن كلات ماكلة ماولمتهاش
آدم : فطنت ؟
الطبيبة : ايه مي لازمها ..
مخلهاش تكمل هدرتها ودخل ديراكت عندها لقاها قاعدة نصف قعدة في السرير مكالية ظهرها وتشوف مع السيروم لي في يدها شعرها طايح على وجها وعينيها حمورا كيشغل حابة تبكي
راح ليها يجري عنقها وحطلها راسها في صدرو
آدم : عمري لباس ؟
بعدت عليه وتشوف معاه ومع السيروم لي في يدها
يسرى راح تبكي : آدم شوف 😔
آدم يشوف معاها : واش ا لكبدة ؟
يسرى : شوف واش دارولي في يدي 😭
آدم حط يدو على خدها وهدر بحنية : ضرك شوي يجيو ينحوهولك ماتخافيش
يسرى : هاديك هي كي يتنحا لي يوجع اااا اهئ اهئ
(حطت راسها على كتافو وبدأت تبكي كي لولاد الصغار )
آدم حار مالقا يضحك عليها مالقا يسكتها
حط يدو على رأسها : خلاص خلاص صغرونتي ضرك أنا لي نحيهالك ومانضركش
هزت راسها شافت معاه : صح ؟
دارلها براسو ايه
طلقت روحها لورا حطت يديها مور راسها : ايا هنيتني
آدم مشوكي : هههه واش بيك هادا وين كنتي تبكي
يسرى قدمت عندو : بيناتنا أنا كنت نستنى في اللحظة هاذي من وقت
آدم قدم هو تاني وهدر بنفس طريقة كلامها : واشمن لحظة ؟
يسرى : أني نجي نقعد شوي في السبيطار ونعيش أجواء المرض وكذا راح تعرف 😉
ناض آدم حطلها ضربة خفيفة في راسها: نتي والله ماتستاهلي لواحد يحكي معاك بالعقل
دخلت لامية هنا لي كانت تحكي مع الطبيبة
يسرى تلعبها مريضة : ماما أرواحي شوفي راهو يضرب فيا و أنا مريضة
لامية : محسوب أنا مانعرفكش كي تعودي مريضة بركاي من الفيلمات
آدم : هههه يما أنا نروح نفرز لورق ونجي
لامية : روح يا وليدي روح علبالي راهي هبلاتك
راح آدم وهو يضحك على لمهبولة تاعو أما يسرى حطت رجل على رجل وقالت : ماما قداه قالولك نقعد في السبيطار شوفي المهم واحد 3 أيام وراني سخفت على الكبدة و شوي سكالوب و طاكوس باه تجيبوهملي كي تجيو غدوة طلو عليا وزيدو فلكسيولي conx اكي تعرفي باه نعڨب لوقت
لامية تخزر فيها : نوضي نوضي يا واحد الهم قاتلك الطبيبة راكي لباس بيك وتقدري تخرجي ضرك
يسرى بتشناف : علاه ا ماما علاه حققولي ولو واحد من أحلامي البسيطة وخليوني نقعد يمات في السبيطار
هنا سمعو صوت أسامة جا وقاعد يسقسي عليها وين جات
يسرى بزربة : ماما هادا أسامة أسمعي ندير روحي ميتة بصح وراسك ماتقوليلي
في دقيقة طلقت روحها
لامية : 😒😒
دخل أسامة يجري : يما واش بيها يسرى ؟
راح عندها حط يدو على رأسها يشوف معاها ويسنى في مو تهدر بيسك كي عيطتلو معا سمع بلي راهي في السبيطار جا يجري بلا ما يسقسي علاوه
لامية جات راح تهدر حتى يسرى دارت روحها تسعل وتسعل لي يشوفها يقول راح تموت
لامية : لا حول ولا قوة إلا بالله
وخرجت
أسامة مسكين خلع عليها ولا يحاول يفطن فيها : يسرى يسرى واش بيك يما عيطي لطبيبة
يسرى حكمها الضحك وماقدرتش تتحمل كتر من هك
يسرى : ههههههههه
أسامة يشوف ماش فاهم
يسرى : هههههههه
أسامة : تسما كنتي تكذبي هاكا
يسرى بنظرات بريئة : ايه
كان راح يعطيها ضربة حتى حكمت راسها بتمثيل : ايييي راسي والله غير راني مريضة
أسامة بشك : واش يضمنلي
يسرى : بيبي خلاص تمسخرنا معاك برك
أسامة : بصح ا أحمارة راكي خلعتيني أنا قلت ماتت
يسرى تلاحت عنقاتو : هههه علبالي خويا يخاف عليا
أسامة يحوس يسمط : شكون لي كذب عليك
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
