السلام عليكم
خليولي تعليق شباب كيفكم 🥺
كاينة remarque صغيرة حابة نقولها
في لكمنتار شفت وحدة ماتعرفش تهدر ولا تنتقد بطريقة صحيحة من هذا المنبر حبيت نقول هاذي مجرد كرونيك واذا ماعجباتكش بكل بساطة تقدري ماتقرايهاش
أما باقي التعليقات الشابة حبيت نقلكم مرسي بزاف ❤️
قراءة ممتعة للجميع 👇
✔️✔️✔️✔️✔️✔️✔️✔️✔️✔️✔️✔️✔️✔️
#ايطاليا
#مراد
قلب الدار على سيلينا ومالقاهاش بقا يغلي وحدو وهوما كل واقفين حداه بخوف واحد ماتجرأ ينطق بكلمة بيسك علبالهم كي يعود في لحالة هادي قادر ينهي حياتهم كامل في رمشة عين
مراد راح يهبل : وين تكون راحت كيفاه هادي ماشفتوهاش نتوما كامل وقدرت تخرج بلا ماتشوفوها
سكت شوي منبعد قال : وزيد لكاميرات كانو فاسدين لبارح هادي مستحيل تكون صدفة (بدا يعيط ) ليوم كون ماتكونش سيلينا في الدار اعرفو بلي راح تموتو كامل
حسام : سي مراد آلان مكانش
مراد هادا وين فاق قال بشك: آلان مكانش ؟ اقسم بالله نعرف عندو يد في اختفاء سيلينا مانطلقوش حي
"شكون هادا لي ماتطلقوش حي "
دارو لقاوه آلان
مراد بشك : وين كنت ؟
آلان : كنت برا علاه
مراد : لبارح في ليل وين كنت ؟
آلان : مراد هذا تحقيق ولا وآش ، باينة كنت هنا في الدار والصباح مع نضت خرجت والرجال لي كانو برا شاهدين
مراد شاف مع الرجال لي كانو حدا لباب يستنا فيهم يجاوبو
الرجال : ايه صح سي مراد سي آلان خرج غير قبيل
(آلان كي دا سيلينا عاود رجع ودخل للدار بطريقة ما و خرج كانو كان تم باش يبعد عليه الشك)
مراد قعد وحكم راسو بيديه
آلان : غير لخير وآش كاين
حسام : المادموزال سيلينا مختفية مكانش و لكاميرات معطلين
آلان بتمثيل : وين تكون راحت يعني بلاك غير خرجت تتمشى
حسام : مستحيل تخرج من الدار بلا مانعرفو وزيد الرجال ماشافوهاش
آلان قعد حتى هو و زعما يخمم حتى شوي ونطق : مراد ماتكونش ...
شاف معاه مراد : ماتكونش وآش
آلان عدل في قعدتو : شوف حسب تخمامي وهادا مجرد احتمال... المهمة لخرة لي درتها لهنا في ايطاليا ماتكونش عندها علاقة باختفاء بنتك يعني قدرو يوصلولها ؟
مراد وجهو تبدل ألوان وجا ألوان
حسام : بصح مكاين حتى دليل ولا أثر بلي عندهم علاقة بالشي لي صرا
آلان : حسام ناس لمنظمة هادي ماش اغبياء كيفك نسيت بلي قدرو يوصلو لأكبر الريسان هنا في ايطاليا معنتها مكانش حاجة صعيبة عليهم
مراد ناض من بلاصتو ووجهو مايتفسرش طلع ديراكت للبيرو تاعو
ولحقو حسام
دخل مراد وهو يغلي ويخمم
حسام : ماتقوليش اقتنعت بهدرتو برك أنا هو بعد مانديرش فيه لامان
مراد : سوا كانت هدرتو صحيحة ولا غالطة سيلينا لا طاحت في يديهم أنا دمرت
حسام : سي مراد البوس راو يعيط
مراد : اففففف ماش وقتو خلاص افتح افتح
فتح مراد آبال فيديو في البيسي وكالعادة يبان غير الجزء المظلم منو
مراد : بوس
البوس : مراد نحبك تسمعني
مراد : انعم تحت أمرك
البوس : علبالك شكون راو يعاون في المنظمة هادي ؟
مراد : لالا ماعلاباليش
البوس : ولدك آدم
مراد بصدمة : كيفاه ؟
البوس : كيما سمعت ولدك راهو معاهم تسما من الأحسن تزرب تتصرف وفي حالة ما عرفت أنك نتا تاني ليك يد في وآش يصرا راك تعرفني وآش نقدر ندير
كوبا لابال
حسام : وآش قصدو في عندك يد علاش مايعرفكش ؟
مراد : باينة راح يشك فيا مدام آدم ولدي يقلك ناصبينها هو وياه باش يوقعوني وراك تعرف لبوس على قد مايدير فيك الثقة على قد مايشك فيك
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
