سلاااااااااااااام
Haw are you ? 😍
وحشتكممممم 🤗
☪️☪️☪️☪️☪️☪️☪️☪️☪️
في لاشمبر تاع يسرى #
رايحة جاية رايحة جاية
نور : أووووف قلقتني يا صحبتي أقعدي هني روحك هنايا بركايا من الدوران
يسرى تاكل في ظفارها : راني نحس في قلبي راح يخرج من بلاصتو بلاك كي عاد أول تجربة
نور : علاه راكي في مسابقة ولا حتى تقولي أول تجربة
يسرى : أسكتي أسكتي
سكتت شوي ومنبعد تفكرت حاجة
يسرى : تسما جات مو وجا باباها معنتها ضرك مو تقلبني من لفوق للتحت ومانعرف نعجبها ولا مانعجبهاش
نور : هههه ماتظلميش لمرا مزالنا ماشفنا والو
تحل لباب دخلت مريم وهي تنهج
نور بإستغراب : يا طفلة واش بيك تنهجي هك تقول كنتي في حرب
مريم حطت يدها على جبتها : ماش غير حرب
يسرى تغمز للنور : أحم راني نشوف في حاجة جديدة بدات تظهر ونتي نور ؟
نور بخبث : أنا ثاني هكاك بصح رانا نلعبو غير في الساكت ههه
يسرى : ماتخميش أو قريب يبان كلش
مريم بستراس : واش راكم تخرطو ديجا هيا طاطا لامية عيطتلك
يسرى رجعلها لخوف : يماما قولهم ماتت قولهم نتاحرت قولهم خطفوها أي حاجة لمهم مانهبطش
مريم : هاو لعب لي مانحبوش يا بنتي تهبطي سي تهبطي لا تطلع ليك لامية وراس ما حنان غير تمحيك من الدنيا
نور : هيا برك يسرى مكاين والو تدي سينية تاع لقهوة وتدخلي تسلمي عليهم ..
يسرى : وشحال نسلم عليهم زوح ولا ربعة ؟
مريم تعدل في شعرها : عندك تسلمي ربعة يعودو يخليولك vu
يسرى : وين نقعد ؟
نور : في حجر عجوزتك 🤦 باينة حدا لاميوشة
يسرى : أكي و...
مريم : بلعي هيا نهبطو الناس راهم يستانو
يسرى : أففففف هيا هيا برك أمشيو
✴️☪️☪️✴️✴️☪️✴️
آدم يحكي #
وصلنا لدارهم دخلنا ورحبو بينا يعني ربي يبارك نعم الناس
ملي قعدنا ويما ويماها يشايخو و الدنيا والقصايص تاع النسا
وأنا كل دقيقة نهز راسي نستنا وكتاه تدخل مي كل خطرة يخيب أملي
سعة تدخل صحبتها سعة تدخل لينا الحاصول من الصباح وأنا نستنا
شوي هك حسيتهم كامل قاعدين يشوفو مع حاجة هزيت راسي بقييت باهت نشوف معاها
داك الزين وديك لاطاي تبدلت ڨاع زدت شوي معرفتهاش جاية قنبلة راح تفجر قلبي (راو تعبير مجازي برك خخخ 😁) قلبي نحسو يخبط بالقاوي كون مجاش شوي باباها راني نضت عنقتها ضرك وخبيتها بين ضلوعي
تولهت مع لكل لقيتهم كامل فاتحين فامهم من الصدمة
قرصت أمين لي كان حداي يشوف معاها
أمين : حاااي شبيك
آدم يهمس باه مايسمعوهش : نزل عينيك ماتشوفش معاها
أمين بخبث : واش ندير كي تعود مرة خويا هك كتلة من الزين
شفت معاه بنظرة تاع موت وماقدرشت برك كيفاه نهدر قدام الناس ندير فضيحة سكتت بصح متوعدلو
كي نروحو تفاهمو
###############
دخلت يسرى وقلبها يرجف سيرتو كي الأنظار لكل عليها حاسة بتوتر كبير عقبت عينيها عليهم كامل
شافت مرا كبيرة شوي في لعمر تتبسم باينة مو وجان في العشرينات باينة خوهم أمين لي حكاتلها عليه لينا ومنبعد لحقت لآدم قاعدة تشوف معاه ونظراتها كلهم إعجاب
جا يهبل لابس كوستيم. 👇👇👇👇
أنت تقرأ
نتي المَلكْ ديالي أنا (باللهجة الجزائرية )
Short Storyرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
