السلام عليكم
قبل ما نبدا حبيت نقول مرسي مرسي بزاف للناس لي فرحو معايا وباركولي حسيتكم كيشغل كنتو معايا
حبيت نقلكم نحبكممممممممم كااااملين 💕💕💕
🔴🔴🔴🔴🔴🔴🔴🔴🔴🔴🔴🔴🔴🔴
وليد : مريم نتي تحبيني ؟
بقات تشوف معاه كيشغل ماسمعاتوش
مريم : ااه ...واش تقول
وليد : راني سقسيتك اسك نتي تحبيني ولا نن مالڨري راني علبالي ب la réponse تاعك
حارت كيفاه عرف وعلاه جاي يسقسيها واش الغرض تاعو يعني جامي تخيلت أنو هي ووليد راح يجي النهار ويكونو واقفين في بلاصة كيما هاك ووليد يسألها سؤال كيما هادا
بصح استجمعت شجاعتها وشافت معاه وهدرت : شوف أنا ماعلاباليش منين وصلاتك لهدرة هادي بصح لي وصلك لخبر نسا يزيدلك كلمة كنت ايه أنا كنت نحبك من قبل ومانندمش على هاد الشي لأنو كان بالنسبة ليا درس خلاني نفيق في راسي ونفهم الدنيا كتر حبك كان جيست حب مراهقة مي ضرك أنت بالنسبة ليا جارنا وفقط حاجة خرا لالا
وراحت مشات وليد بقا مشوكي وفرحان في نفس الوقت هز راسو لقاها مشات عيطلها
وليد : مريم ديري في بالك بعد هدرتك هادي مستحيل أني نزيد نتخلى عليك
سمعاتو بصح ماحبتش تدور ليه لأنو هاذي هي الحقيقة من نهار دخل أسامة لحياتها مريم تبدلت نظرتها عن الحب ووليد ولا مجرد غريب منو من الناس كل
دخلت للدار لقات تسمع غير في الصوت حتى تلقا بنات عمها جاو عندها يسلمو عليها ومنبعد بنت خالها و مرة عمها و مرة خالها
مريم : 😱😱
بنت خالها : واش مريومة مافرحتيش كي شفتينا
مريم : هه لالا بصح تشوكيت كي لقيتكم ماكنتش علبالي بلي راح تجو ماما علاش ماقولتيليش
حنان : نسيت باه نقلك جا عمك وخالك ليوم راح يتعشاو عندنا
مرة عمها : واش راكي بنتي لباس ؟
مريم : لباس ا طاطا ونتوما واش حوالكم ؟
المهم كملو بعد السلام وكذا مريم دات حنان معاها للكوزينة : ماما واش كاين ؟
حنان : واش راح يكون ا بنتي
مريم : بصح ماقولتيليش كنت رايحة أنا ويسرى ونور للحفل ياخي قالولك
حنان : اه واشمن حفل ؟
دخلت نور راحت تجري : هههه طاطا ياخي عيطتلك قبيل قتلك لا تخلي مريم تجي معانا قلتيلي اوكي
وغمزتلها
حنان دارت روحها تتفكر : اااا ..هيه صح راني نسيت كشما بقالي عقل
مريم : 🤨🤨 تسما ضرك نحبسو
حنان : لا إذا بغيتو تروحو روحو على رواحكم
مريم : لالا عيب كيفاه الضياف هنا و أنا نروح
جات مرت خالها : روحي ا مريم على روحك علاه حنا ضياف وديجا راني مطولين ماتخافيش
نور : خلاص مالا هيا خلينا نروحو راهو راح الحال
حنان : هيه روحي روحي معاها
مرة خالها تخرج فيها من لكوزينة
خرجت مريم وهي حايرة : واش بيهم ليوم اكل تبدلو هاك
طلعت لاشمبر تاعها لقات يسرى تعدل في شعرها
رفدت تلفونها
يسرى : ماتخافيش ماعيطش
مريم طيشاتو : اصلا ماكنتش نستنا فيه يعيط
نور : هههه تقلقيش
مريم بقلقة : مانيش قلقان ا سمعي ا يسرى قولي لخوك مايزيدش يعيطلي وصاي لي بيناتنا
يسرى : اوكي ضرك نقلو
مريم بزربة : لالا ني نتمسخر برك
نور : هههههه
يسرى : هههه هيا نوضي ألبسي واش راكي تستناي
مريم : بصح والله غير نرمال تاع أنا نروح وبيت عمي وبيت خالي هنا
نور : اييي قالولك هوما نرمال خلاص علاه تشتي تزيدي فيها
مريم هزت لاغوب تاعها وراحت : نتوما لواحد مايهدرش معاكم
يسرى : هههه هيا حنا تاني نلبسو
يسرى لبست كيما هاك 👇
أنت تقرأ
نتي المَلكْ ديالي أنا (باللهجة الجزائرية )
Historia Cortaرواية باللهجة الجزائرية حاتلقاو فيها حوايج بزاف حب و ضحك وتمهبيل وتملك وغيرهم و كاينين شخصيات بزاف كل واحد وقصتو فيها بعض من الواقع الجزائري 🤗 حايعيشوا أحداث بزاف مشوقة وحماسية 👍👨👩👦👦 هل راح تكون نهاية سعيدة ؟ 👌 هذا الشيئ نخليكم أنتم تقر...
