គំនំុស្នេហ៍កូនភ្លោះ (ចប់)

រៀបរាប់តួអង្គសំខាន់

      ចន ជុងហ្គុកនិស្សិតឆ្នាំទី៣នៃសកលវិទ្យាល័យ Seoul University មានអាយុ២២ឆ្នាំ សង្ហារជាប្រុសស្អាតប្រចាំសាលាសាច់ដុំដៃធំៗហើយនៅមានសាច់ដុំពោះ៦កង់ថែមទៀតសមជាបុរសដែលនារីៗប្រាថ្នាពិតៗឯកម្ពស់វិញគឺ ១.៨៥m នាយជាព្រាននារី រៀនពូកែ តែក៏គេចសាលាណាស់ដែរជាពួកបងធំក្នុងសាលា ហើយមនុស្សស្រីដែលគេទាក់ទងគឺសម្លឹងមើលតែខ្លួនប្រាណគេប៉ណ្ណោះទាក់ទងគ្នាមិនដល់មួយអាទិត្យផងក៏បែកគ្នាដោយមិនគិតខ្វល់ពីចិត្តពួកនាងសូម្បីតែបន្តិច ព្រោះនាយជាកូនអ្នកមានហើយជាកូនស្តេចម៉ាហ្វៀទៀតសម្បីតែគ្រូមួយចំនួននៅក្នុងសាលានេះក៏គ្មានអ្នកណាហ៊ានក្អកជាមួយនាយដែរ។

     គីម ថេហ្យុង រស់នៅទីក្រុងប៉ារីសនៃប្រទេសបារាំងគេមានបងស្រីម្នាក់ជាបងប្អូនភ្លោះនឹងគ្នាប៉ុន្តែមិនបាននៅជាមួយគ្នាទេព្រោះប៉ាម៉ាក់របស់ពួកគេបានលែងលះគ្នារួចហើយដោយថេហ្យុងត្រូវនៅជាមួយម្តាយចំណែបងស្រីរបស់គេត្រូនៅជាមួយប៉ាគេនៅប្រទេសកូរ៉េ សព្វថៃ្ងគេរៀននៅសកលវិទ្យាល័យមួយនៃទីក្រុងប៉ារីសឆ្នាំទី៣ អាយុ២១ឆ្នាំ ហើយជាសិស្សពូកែទៀតផងបើនិយាយពីរូបរាងគេវិញមនុស្សស្រីមួយចំនួនសុំចាញ់ហើយ រូបរាងតូចច្រលឹងចង្កេះមួយក្តាប់ដៃជើងស្រឡូនៗបើមុខមាត់វិញណាគឺស្អាតដូចស្រីអ៊ីចឹងតែបើនិយាយឱ្យចំទៅមិនមែនទេគឺស្អាតជាងស្រីទៅទៀត កម្ពស់របស់គេគឺ១.៧៨m តែចរិតរបស់គេគឺមុឺងម៉ាត់បន្តិចហើយក៏ជាមនុស្សចិត្តរឹងផងដែរ។

     គីម យូរីន ជាបងស្រីរបស់ថេយ៉ុងនេះឯងនាងជានិស្សិតថ្មីដែលត្រូវប្តូរមករៀននៅសកលវិទ្យាល័យ Seoul University ដែរហើយក៏ជានិស្សិតឆ្នាំទី៣ដូចគ្នា រូបរាងមុខមាត់គឺដូចថេហ្យុងសុទ្ធតែម្តងប៉ុន្តែក៏អាចរាងថាចាញ់ថេហ្យុងបន្តិចដែរដោយសារតែនាងក៏មិនសូវជាពូកែលេងខ្លួនប៉ុន្មានដែរ នាងមានកម្ពស់១.៦៥m អាថាកម្ពស់នេះទាបសម្រាប់មនុស្សប្រុសក៏ពិតមែនតែសម្រាប់មនុស្សស្រីគឺសមល្មមហើយ។ ទោះបីជាប៉ាម៉ាក់របស់ពួកគេលែងលះគ្នាក៏ពិតមែនប៉ុន្តែទំនាក់ទំនងរវាងថេហ្យុងនិងយូរីនគឺនៅដដែលមានរឿងអ្វីតែងតែនិយាយប្រាប់គ្នាជានិច្ចមិនចេះលាក់បាំងអ្វីគ្នាទេ។