គំនំុស្នេហ៍កូនភ្លោះ (ចប់)

គំនុំស្នេហ៍កូនភ្លោះ ភាគ២៦

@. មួយសប្តាហ៍ក្រោយមក

រំលងផុតទៅមួយសប្តាហ៍ជុងហ្គុកក៏មកធ្វើការនៅក្រុមហ៊ុនតាមធម្មតាព្រោះទៅប៊ូសានត្រឹមតែមួយប់ប៉ុណ្ណោះ តែថាថ្ងៃនេះត្រូវជួបដៃគូរសហការថ្មីដើម្បីចុះហត្ថលេខាព្រមព្រៀងគ្នាព្រោះពេលនៅប៊ូសានគឺបានជួបត្រឹមតែជំនួយការគេប៉ុណ្ណោះព្រោះម្ចាស់ក្រុមហ៊ុនជាប់រវល់

"ថ្ងៃនេះណាត់ភ្ញៀវនៅម៉ោងប៉ុន្មាន"ជុងហ្គុក ចូលមកដល់ជណ្តើរយន្តភ្លាមសួរទៅកាន់បេមដែលជាជំនិតទាំងមុខមាំ
"គឺម៉ោង៨ចៅហ្វាយ"បេម
"ល្អ រៀបចំទៅ"ជុងហ្គុក និយាយហើយក៏បោះជំហ៊ានដើរចូលទៅអូហ្វីសបាត់ព្រោះដល់ជាន់ដែលត្រូវចេញហើយ

@. ម៉ោង៨

"នៅចាំប៉ាត្រង់នឹងហើយណា៎ប៉ាចូលបន្ទប់ទឹកបន្តិច"សម្លេងមនុស្សប្រុសម្នាក់បង្គាប់បញ្ជាទៅកាន់កូនប្រុសដែលមានអាយុប្រហែលជាបីឆ្នាំឱ្យស្តាប់តាម ដោយសារតែទើបតែមកដល់ក្រុមហ៊ុនហើយក៏ជាការងារដំបូងដែលគេចូលមកជួបនិងនិយារឿងបណ្តាក់ទន់ទើបត្រូវចូលទៅមើលរបៀបរៀបរយជាមុនសិនដោយអាល្អិតចាំនៅខាងក្រៅ
"អ៎េ នោះដូចជាលោកអ៊ុំថ្ងៃមុនតើ"អាល្អិតនិយាយហើយក៏រត់ទៅតាមបុរសម្នាក់នោះបាត់ដោយភ្លេចគិតពីបណ្តាំដែលប៉ាគេប្រាប់មុននេះបាត់
"លោកអ៊ុំ"អាល្អិតចូលមកហៅជុងហ្គុកទាំងញញឹមគួរឱ្យខ្នាញ់ធ្វើឱ្យនាយកម្លោះឮហើយជ្រួញចិញ្ចើមមុនឹងងាកទៅរកប្រភពសម្លេងឃើញថាជាអាល្អិតដែលជួបនៅប៊ូសានថ្ងៃមុនសោះ ចំណែកបេមហាក់ដូចជាមានចម្ងល់ហេតុអ្វីក៏អាល្អិតប្លែកមុខម្នាក់នេះហ៊ានហៅជុងហ្គុកស្និទ្ធស្នាលម្ល៉េះទៅស្គាល់គ្នាតាំងពីពេលណាបើរាល់ដងនាយមិនដែលទៅរវល់ជាមួយក្មេងម្នាក់ណាផងហ្នឹងសូម្បីតែកូនរបស់មិត្តភក្តិគេក៏ដោយ
"អាល្អិត មកទីនេះបានយ៉ាងមិច?ហឹម"ជុងហ្គុក បន្ទាបជង្គង់ចុះឱ្យកម្ពស់ស្មើនឹងអាល្អិតបន្តិចមុននឹងសួរសំណួរដោយសម្លេងស្រទន់ខុសពីធម្មតា
"គឺខ្ញុំមកជាមួយប៉ា បាទ"អាល្អិតតបទៅវិញទាំងទឹកមុខខ្ជូតៗបែបកូនក្មេងរបស់គេធ្វើឱ្យជុងហ្គុកឃើញហើយហាក់ដូចជាមាននិស្ស័យចូលចិត្តក្មេងម្នាក់នេះខុសពីក្មេងដទៃ
"ហើយចុះឯណាប៉ាឯង?"ជុងហ្គុក ឮថាមកជាមួយនឹងប៉ាបក៏រ៉េភ្នែករកមើលមិនឃើញក៏សួរ ហើយក៏ចង់ឃើញមុខដែរក្មេងប៉ុណ្ណាទៅទើបអាល្អិតនេះហ៊ានថានាយចាស់ជាងប៉ារបស់គេ
"អួយ ពិតមែនហើយប៉ាប្រាប់ថាឱ្យចាំនៅមុខបន្ទប់ទឹកចេះភ្លេចទៅកើត ខ្ញុំទៅវិញសិនហើយលោកអ៊ុំ"អាល្អិតស្រាប់តែនឹកឃើញពាក្យដែលប៉ាគេប្រាប់ហើយលានាយប្រុងនឹងដើរទៅហើយតែ
"ឈប់សិន ចាំយើងជូនទៅឯងទើបតែមកទីនេះហើយនៅក្នេងទៀតអាចនឹងវង្វេង"ជុងហ្គុកនិយាយហើយក៏ដើរទៅលើកពរអាល្អិតទៅរកប៉ាគេពេលនេះប្រហែលជាភ័យស្លាប់ហើយដែលមិនឃើញកូននោះព្រោះអាល្អិតនេះមកតាមគេយូរហើយ ចំណែកបេមឃើញបែបនេះភ្ញាក់ផ្អើលមិនស្ទើរទេតែពេលជុងហ្គុកពរអាល្អិតនេះមើលទៅក៏សមគ្នាដូចឪពុកកូននឹងគ្នាអ៊ីចឹងព្រោះបើតាមមើលឃើញអាល្អិតនេះមុខពិតជាស្រដៀងជុងហ្គុកកាលនៅក្មេងខ្លាំងណាស់បើអ្នកមិនដឹងប្រាកដជាថាឪពុកកូននឹងគ្បាជាមិនខានទេ