Too Fast...Too Sweet... Too Painful!

Part 39

NINA POV

Sinalubong kami nina Tonya at Rio. Pinagkaguluhan nila si Noah. Para itong laruan na pinag-aagawan at pinanggigigilan.

"siguro Yang todo diet to don, ilang collagen kaya nalaklak nito at ang blooming nya noh?" si Rio.

"baka naman may mga pagluta kang tinuturok don na hindi namin alam Nin?" sa ngiti nya, alam ko na agad ang ibig nyang sabihin.

Napatawa silang pareho. Sanay na ako sa bully nila, nakakamiss din naman kaya hindi ko na pinatulan. Baka iba ang maisip nila.

"anyway, si Emil magkikita kami" ani ko habang nasa loob kami ng sasakyan.

Nagkatitigan silang dalawa.

"sabagay, single si Engineer ngayon" si Rio.

Umiling ako. "about sa cafe Ri, dont add anything"

Umirap si Rio. "Nin, kahit anong gawin mo, susuporta kami sayo. Magkagusto kaman kay Emil o kay Gab ulit wala kaming problema, malaki kana, si Noah na lang ang priority namin"

Napatawa ako. "langhiya ka!"

“gaga mo din kasi" si Tonya. "huwag ka ngang pahalata, nakakahiya ka!"

Napanguso ako sa kanilang dalawa.

Nagpatulong ako sa kanila para ihanap ako ng condo at katulong para sa amin ni Noah, pansamantala lang ito habang pagpaplanuhan ko ang itatayong bahay para sa aming  dalawa.

Ngumuso ako nang makarating kami sa nakuha nilang unit. Tatlo ang kwarto, dalawang magkasing laki at isang maliit na nasa kusina. May open concept na estilo at malaking glass ang bintana.

"ito si ate Wendy, taga amin ito at mabait to Nina sanay sa bata" pinakilala ni Rio ang nakuha nyang katulong. "Dalawang linggo na sya dito. Sya ang naglinis ng lahat ng dumi rito"

Tumango ako at binati sya.

"Tatlong buwan naring bayad ito" ngumiti sya. "si Gab ang nagbayad, gusto nya nga sanang bilhin kaso nagbago bigla ang plano nya"

Gulat akong umiling, "bakit ka pumayag Ri, ayoko ng ganun wala yunnsa usapan natin diba?" ngumuso ako.

Napatawa silang dalawa.

"sa laki ng pera ni Gab ngayon kulang pa to sa tatlong taon na hindi sya nagbibigay ng  suporta at sustento kay Noah" umirap sya. "gusto nya nga sana yung penthouse ang kunin pero ako na ang umayaw kasi mas delikado kapag masyadong mataas, takot ka pa naman sa height"

"okay lang Nin, hindi naman kami ang may gusto sya naman ang nagpumilit. Palibhasa kaibigan nya nag may ari nito kaya mabilis syang nakapili ng maganda at maayos na unit para sa inyo ni Noah" si Tonya.

Umiling ako. "still, ayaw ko na ng kahit anong mula kay Gab"

"huwag kanang mag-inarte" umirap si Rio. "mas maganda nga yon para naman kung may bago kana, updated siya"

Ngumiti si Tonya at sabay tango sa akin.

Napakunot ang noo ko at umiling sa kanilang dalawa.  "Si Noah ang bago ko"

Napatango sila.

"huwag nyo nang asahan, nawalan na ako ng tiwala sa tadhana na magiging okay kami" nagkibit balikat ako.

Napanguso si Rio. "you sound hopeful dear" umiling sya. "halata kanparin masyado.

"gaga ka Ri, 2nd and final closure na ang hanap ni Nina ngayon" napatawa sya. "last wave kung baga"

Para silang mga sira ulong nagsasaya habang ako napapailing nalang. Hindi ako papatol, walang puwang ang loser sa kanilang dalawa. Magmumukha lang akong tanga.