Part 14
" ဘယ်လိုလဲကြိုက်လား "
နောက်ဆုံးပေါ် I phoneပေးပြီး ကြိုက်လားမေးနေတဲ့ ကိုကို့ကို kit ကြောင်ကြည့်နေမိသည်။
" ဘယ်လိုလဲ မကြိုက်ဘူးလားဟင်..ကိုကိုမဝယ်တက်တာနဲ့ သခင်..အဲ့..မောင်ကဝယ်ပေးတာ အနီရောင်လေး kit အနီရောင်ကြိုက်တာ မောင်ကဘယ်လိုသိလဲမသိဘူး "
" ကိုကိုပြောပြထားတာမဟုတ်လား "
" ကိုကိုမပြောရပါဘူး ကြိုက်လား ကိုကို့ကိုဖြေအုန်းလေ "
" ကျွန်တော်သေတာတောင် ဒီလိုဖုန်းမျိုးမကိုင်ရတော့ဘူးမှတ်တာ "
" ဘာစကားပြောတာလဲ အစကတည်းက ကိုင်ချင်ရင်ကိုကို့ကိုပြောပေါ့ ကိုကိုကငယ်လေးအတွက်
ဘာမဆိုဖြည့်ဆည်းပေးမှာ ကိုကိုအသက်ပေးဆိုပေးမှာ "
Kit ကိုကို့ကိုဖက်ထားလိုက်သည်။
" ကျွန်တော်အတွက် ဒီလိုအဖိုးတန်ပစ္စည်းတွေ ကိုင်ချင်တာထက် ကိုကိုပျော်ရွှင်တာ အလိုချင်ဆုံးပဲ "
ရှောင်ကျန့် kitကျောကိုပုတ်ပေးကာ
" ကိုကိုပျော်ပါတယ် ကိုကိုရဲ့ညီလေး ကိုကိုဘေးမှာရှီနေသ၍ ကိုကိုအမြဲပျော်ရွှင်နေမှာပါ "
🕌
" မင်းရဲ့ညီအိပ်သွားပြီလား "
ရှောင်ကျန့် အခန်းထဲဝင်ဝင်ချင်း သခင်လေးကမေးသည်။
" သခင်လေး ညီလေးကလေ သခင်လေးရွေးပေးတဲ့ ဖုန်းကို အရမ်းကြိုက်တယ် ကျေးဇူးတင်ပါတယ်သခင်လေး "
ရှောင်ကျန့် လှဲနေတဲ့ သခင်လေးခြေထောက်ကို
နှိပ်ပေးကာ ဆိုလိုက်သည်။
" ကိုယ်ဝယ်ပေးတဲ့ဖုန်း
သူမကြိုက်စရာအကြောင်း မရှီပါဘူး "
ရိပေါ်ထထိုင်လိုက်ပြီး ဆိုလိုက်သည်။
" ဒီထိပ်မှာလာထိုင် "
" ဟုတ်ကဲ့ "
ရှောင်ကျန့်ထိုင်လိုက်တာနဲ့ သခင်လေးက သူပေါင်ပေါ်
ခေါင်းပြုကာ အိပ်လေသည်။
" သ..သခင်လေး "
" စားပွဲပေါ်ကလိမ်းဆေးယူ..ကိုယ်နထင်ကိုလိမ်း "
" ဟုတ်ကဲ့ "
ရှောင်ကျန့်သခင်လေးနဖူးကိုဆေးလိမ်းပေးကာ နှိပ်နယ်ပေးလိုက်သည်။
" သခင်လေး.."
သခင်လေးအိပ်ပျော်သွားတယ်ထင်တယ် သူခေါ်တာမထူးတော့ပေ ရှောင်ကျန့် ဒီအတိုင်းပဲထိုင်နေမိသည်။
☀️
ရိပေါ်နိုးတော့ ထိုင်နေရင်းအိပ်ပျော်နေတဲ့ ရှောင်ကျန့် ကိုတွေ့ရသည်။ သူ မနက်ထိ
ရှောင်ကျန့်ရဲ့ပေါင်ပေါ်မှာ အိပ်နေတယ်သူညောင်းတော့မှာပဲ
" မင်း တကယ်ငအပဲ "
ရိပေါ်အော်သံကြောင် ရှောင်ကျန့်နိုးလာသည်။
" သခင်လေး နိုးလာပြီလား "
" ဘာလို့ ငါကိုခေါင်းအုံးပေါ်မရွေ့ရတာလဲ "
" ကျွန်တော်တောင်းပန်ပါတယ် သခင်လေး
ကျွန်တော်ရွေ့ရင် သခင်လေးနိုးသွားမှာကြောက်လို့ပါတောင်းပန်ပါတယ် "
အထပ်တလဲလဲတောင်းပန်နေတဲ့ ရှောင်ကျန့်ကိုကြည့်ပြီးရိပေါ် သနားသွားသည်။
" အခုတော့ မင်းညောင်းပြီမှတ်လား "
" မညောင်းပါဘူးသခင်လေး "
ရှောင်ကျန့်ထရပ်လိုက်တော့
ခြေထောက်ကျင်နေတာကြောင့်ပြန်ထိုင်လိုက်သည်။
" ဟီးဟီး..နည်းနည်းတော့ညောင်းသွားတယ်ထင်တယ် "
သူကို့ရယ်ပြတဲ့ ရှောင်ကျန့်ကြောင့် ရိပေါ်ပြုံးလိုက်မိသည်။
" သခင်လေး.. "
ပြုံးနေတဲ့သခင်လေးကအရမ်းချစ်စရာကောင်းသည်။
" ရေသွားချိုးတော့မယ် "
ရိပေါ်ချက်ခြင်းပြန်တည်ပြီး ရေချိုးခန်းထဲဝင်သွားသည်။
" သခင်လေးက ငါကိုပြုံးပြလိုက်တာလား
ဟုတ်တယ် ငါ့ကိုပြုံးပြလိုက်တာပဲ
ငါကိုလေ..ငါကိုပြုံးပြသွားတာ "
ရှောင်ကျန့် တသွပ်သွပ်ပြောကာ အိပ်ရာပေါ်လှဲချကာ မျက်နှာပေါ်ခေါင်းအုံးတင်ပြီး ပျော်နေမိသည်။
