ملاكى الهادى

الفصل الأول

حبايبى الحلوين
حكاية جديدة من حكايات موفاااا يارب تعجبكم واتمنى اعرف ارئكم ......
نقول بسم الله الرحمن الرحيم
----------------------------------
قصة تحكى عن بنت جالها انهيار عصبى وحياتها وقفت لانها دخلت مستشفى الامراض العصبية فترة وبعد كدا خرجت وتعبت اعصاب كل اللى حواليها من اهل واصحاب وطبعا المواقف المحرجة كانت كتير جدا لكل إللى يعرفها وكانت منطوية ومش بتتكلم غير لما تتعصب ويادوب كلمتين
🌸🌸 🌸🌸🌸🌸
بقلمى موفاااا💚
~~~~~~~~~~~
في شقة ناجى سليم
|~~~~~~~~~~~~
صحيت ام محمود فكرية
عشان تصحى جوزها اللى كان شغال صول في شرطة المرور
فكرية اصحى يا سيادة الصول الساعة بقت ستة
ناجى الواحد مش قادر يقوم من على السرير
فكرية ربنا يديك الصحة يا سيادة الصول
ناجى ويخليكى لينا يارب
فكرية قوم ادخل الحمام وصلى عقبال ما احضرك الشاى عشان متتاخرش على الشغل
ناجى أيوة معاكى حق
بعد ما ناجى فطر ولبس
وقف يبص على اوضة بنته
اتنهد ناجى بحزن هى لسة نايمة
فكرية أيوة ما انت عارف العلاج اللى بتاخده بالليل دا ينيم جمل
ناجى طيب مش هتاكل
فكرية لما تصحى براحتها هأكلها
ناجى طيب السلام عليكم
فكرية وعليكم السلام
---------------------------
حوالى الساعة تلاتة العصر تليفون فكرية رن وكان ابنها محمود شغال مدير حسابات فى شركة ابوا مراته
فكرية ردت السلام عليكم
محمود وعليكم السلام ورحمة الله وبركاته اذيك يا ماما
فكرية مين محمود كدا يا محمود يا ابنى بقالك اسبوعين ما تجيش ولا حتى تتصل تطمن عليا انا وبابا بلاش احنا حتى تيجى تطمن على اختك اللى مالكش غيرها فى الدنيا
ولا مراتك مش عايزاك تيجى عندنا
محمود فريدة لا طبعا دى فريدة دايما بتسال عليكم
و صدقينى يا ماما انا الشغل واخد كل وقتى حتى مابلحقش اقعد مع مراتى وأبنى
فكرية الله يقويك يا ابنى مراتك عاملة إيه وحبيبى ناجى الصغير عامل إيه وحشنى اوى
محمود وانتى كمان وحشتيه اوى وعشان كدا جاين النهاردة عزمين نفسنا على العشا
فكرية بجد يا محمود دا بابا هيفرح اوى
محمود سلميلى عليه عقبال ما اشوفه بالليل واهو هنسهر براحتنا بكرا الجمعة واجازة من الشغل
فكرية طيب يا حبيبى هنستناك
محمود ماشى يا ماما اشوفك بالليل
فكرية ان شآء الله مع السلامة
دخلت فكرية تصحى بطلتنا
عشان تأكلها
بطلتنا ريتاج عندها 30سنة
دخلت فكرية أوضة ريتاج
فكرية يلا يا ريتاج اصحى بقى وفتحت ستاير الشباك اللى في اوضتها
فكرية اصحى بقى يا حبيبتى عشان تاكلى اى حاجة
اتقلبت أخيرا ريتاج على السرير
و ابتسمت لأمها
فكرية احلا ضحكة في الدنيا منك يا بنتى منه لله إللى كان السبب
فكرية حضنت ريتاج يلا نغسل وشنا
ريتاج هزت راسها
فكرية دايما حاضرة يا بنتى
وحضنتها ودخلتها الحمام
فكرية ماما تدخل مع ريتاج الحمام
ريتاج هزت راسها بمعنى لا
فكرية شاطرة طيب اقف هنا لحد ما تخلصى
ريتاج هزت راسها
دخلت فكرية المطبخ تحضر الاكل لريتاج ووقفت تكلم نفسها
يارب تفضلى هادية كدا لحد ما اخوكى ومراته يجوا ويمشوا بالسلامة
قعدت فكرية تأكل ريتاج
فكرية عارفه مين جاى النهاردة يا حبيبتى
ريتاج بصت لمامتها
فكرية اخوكى محمود ومراته وابنهم الصغير
فجأة ريتاج اتعصبت وبقت تتهت في الكلام ف ف ف ففريدة فريدة
فكرية بفزعة اهدى يا بنتى مالك حصلك ايه يا ستير يارب ما انتى كنتى هادية
لسة ريتاج بتتهت ففريدة وحشة وحشة وبقت ترمى الاطباق بالاكل في الأرض وجريت على اوضتها استخبت على السرير واتغطت بالبطانية
فكرية استغربت تصرفات ريتاج فضلت معاها لحد ما هديت ودخلت تعمل الاكل
وبقت قلقانةعلى ريتاج وليه خافت من فريدة
يارب قلبى وجعنى عليكى يا بنتى
رجع ناجى من الشغل وحكتله على كل إللى حصل
ناجى وليه ريتاج تخاف من فريدة كدا
فكرية معرفش يا ناجى أنا خايفة اوى عليها
ناجى متخافيش هى فين الوقت
ازهار في اوضتها
ناجى خلاص لما تيجى خليها في اوضتها لحد ما يمشوا
فكرية دول ناوين على سهر معانا بكرا عنده إجازة
ناجى ان شآء الله يجوا ويمشوا وميحصلش حاجة
ناجى متخافيش هى فين الوقت
فكرية في اوضتها
ناجى انا هدخل اقعد معاها شوية
فكرية طيب عقبال ما اخلص الاكل
ناجى دخل أوضة ريتاج
أول ما شافته جريت عليه وحضنته
ناجى عاملة إيه يا حبيبتى
فكره ابتسمت
ناجى ربنا يشفيكى يا بنتى
وفضل قاعد معاها
ناجى احممم عرفتى ان محمود اخوكى جاى النهاردة
ريتاج ابتسمت محمود
ناجى ايوة
وفريدة جايا معاه
ريتاج اتوترت وبقت تتهت
ناجى مالك يا ريتاج
ريتاج بقت تتهت ف ف فريدة وحشة وحشة
ناجى اهدى يا حبيبتى نفسى اعرف ايه بيخليكى تقولى كدا على فريدة انتى من ساعة ما تعبتى وخرجتى من المستشفى وانتى مش حبة فريدة يا ترى ليه ريتاج بقت تتهت واستخبت تحت البطانية
دخلت فكرية على صوت ريتاج
مالها يا ناجى حصلها إيه
ناجى معرفش أنا يادوب جبت سيرة فريدة عملت كدا
ريتاج بتتهت ف ف فريدة وحشة وحشة
فكرية اهدى يا بنتى حصلك ايه نفسى اعرف
ناجى هاتى حقنة بسرعة يا فكرية
فكرية ادتها الحقنة ونامت ريتاج
بقلمى موفاااا💚
~~~~~~~~~~
جه محمود ومراته فريدة بالليل
ناجى ايه يا ابنى كدا متجيش تشوفنا كل دا
محمود انا مقدرش اتاخر عليكم يا بابا بس انت عارف ظروف شغلى
ناجى ربنا يقويك يا ابنى
فكرية إيه يا ناجى يا حبيبى تعالى لستك
فريدة اتنهدت بخنقة
ناجى يا ناجى يا ناجى تعالى لجدك أنت مش عارف جدك ما هو الحق على ابوك إللى مش بيجبك هنا
مالك يا واد انت مش عرفنى ولا إيه
فريدة قاعدة مدايقة
فكرية هو مش عارفنا ولا ايه
محمود لا طبعا بس يمكن مستغرب عشان مبيجيش هنا كتير بس بكرا لما يروح المدرسة هيبقى ناصح شوية
فكرية إيه دا انت هتوده المدرسة دا لسة صغير على المدرسة
فريدة لا يا طنط دا سن المدرسة
فكرية يا واد يا ناجى مالك
فريدة معلش اصل اسر مستغرب بس الجو
ناجى اسر انتم بتدلعوه بأسر
محمود بص لفريدة
فريدة لا يا عمى دا اسمه اسر
ناجى اتصدم انتم غيرته اسمه
فكرية لا يا ناجى مش ممكن
ناجى ابتسم بسخرية غيرت اسم ابنك يا محمود و لا لأ
محمود يا بابا اصل
فريدة أصل يا عمى
محمود قطع كلامها أصل يا بابا الراجل إللى في السجل المدنى هو اللى اتلغبط في الإسم وهو بيكتبه
ناجى ااه الراجل اللى في السجل المدنى وابتسم بحزن
قومى يا فكرية حضرى العشا
دخلت فكرية المطبخ
فريدة اومال فين ريتاج يا عمى
ناجى نايمة يا بنتى
محمود مافيش جديد يا بابا
ناجى الحمد لله على كل حال
فريدة طيب ينفع ادخل اشوفها
ناجى بس
محمود ادخلى يا حبيبتى
ناجى قاعد قلقان من دخول فريدة عند ريتاج
بقلمى موفاااا💚
-------------------
في اوضة ريتاج
----------------
واقفة فريدة تبص على ريتاج وهى نايمة
فريدة بسخرية نايمة ولا حاسة بحاجة احسن حاجة هتفضلى مجنونة كدا على طول
واقفة فريدة تبص لريتاج
وهزتها جامد عشان تصحى
ريتاج فتحت عيونها بكسل
فريدة بسخرية صح النوم
ريتاج فتحت عيونها على اخرها برعب
فريدة اذيك يا مجنونة هههههه
ريتاج بقت في حالة رعب هستيري واستخبت تحت البطانية
فريدة ضحكت بسخرية وسابتها وخرجت
ناجى بصلها
فريدة لسة نايمة زى الملايكة
ناجى بيكلم نفسه الحمد لله يارب تفضل نايمة لحد ما يمشوا
خرجت فكرية من المطبخ
يلا يا جماعة العشا
ناجى قام ووراه محمود ومراته وابنه
وهما بياكلوا فجأة سمعوا
خبط في أوضة ريتاج
محمود في إيه
ناجى بص لفكرية
صوت الخبط زاد قام بسرعة ناجى دخل أوضة ريتاج ووراه فكرية ومحمود وفريدة
فكرية قربت بسرعه من ريتاج في إيه يا بنتى مالك حصلك إيه بس وحاولت تضمها
فريدة بابتسامة شيطانية سلمتك يا ريتاج
ريتاج بقت تصوت بهستريا وتكسر كل حاجة في الأوضة وفجأة رمت حاجة على فريدة بس جات في محمود
محمود بعصبية. يخرييت جنانك عايزة تموتينى وقرب منها وضربها على وشها
ريتاج بقت تصوت أكتر
ناجى أنت اتجننت بتضرب أختك وقدامى كمان انت مشوفتيش تربية
محمود بعصبية وصوت عالى إللى اتجنن هو إللى ساكت على إللى بتعمله دا
ناجى انت بتقول إيه قصدك أنا مجنون طيب يا محمود انا هوريك الجنان اطلع برا أطلع برا ومش عايز اشوف وشك هنا تانى
: محمود يعنى كنت هترتاح لما بنتك المجنونة دى تموتنى
ناجى انا قولت أطلع برا سمعت امشى منك لله يارتنى ما خلفتك ولا شوفتك وبقى يزقه لحد باب الشقة
محمود بتطردنى يا بابا
ناجى اطردك احسن ما اموتك امشى يلا اطلع برا واوعى رجلك تعتب البيت دا مرة تانية
محمود خليك فاكر يا بابا
ناجى ضحك بسخرية ياريت انت اللى تفتكر وفتح الباب ناجى شاف واحد جاره واقف على الباب كان لسة هيخبط
ناجى اتفضل يا حاج مرزوق
الحاج مرزوق صاحب البيت إللى ساكن فيه ناجى
مرزوق إيه يا ناجى احنا مش هنخلص من اللى بيحصل دا كل ما نقول بنتك خفت وبقت كويسة ترجع تانى تصوت عاملة رعب للعيال الصغيرة والصراحة واحنا كمان بنصحى في عز الليل على صواتها أعصابنا خلاص باظت
: ناجى بتوتر معلش يا حاج مرزوق
ناجى بتوتر معلش يا حاج مرزوق انت عارف أنها تعبانة وكان بقالها فترة هادية ومبتصوتيش ولا تعمل حاجة تدايق حد
مرزوق يا ناجى بصراحة كدا كل جيرانك اشتكولى اكتر من مرة وكانوا عايزين يبلغوا البوليس وانا هدتهم وعشان المعزة اللى بنا انا طلعت اكلمك ياريت يا ناجى توديها المستشفى احسن وقبل السكان ما يبلغوا البوليس وهما كدا كدا لو شافوا حالتها هيودها المستشفى
محمود بسخرية اهو شايف يا بابا مافيش حل غير مستشفى المجانين
وديها وريح الناس وريح نفسك يا بابا
ناجى بص لمحمود بغضب انت لسة هنا ورجع بص لمرزوق خلاص يا حاج مرزوق انا هتصرف
الحاج مرزوق آلله يعينك ونزل على شقته
محمود كفاية يا بابا لحد كدا ووديها المستشفى
ناجى بحزن حسبى الله ونعم الوكيل
امشى يا محمود امشى
محمود اخد مراته وابنه ومشى وقفل الباب وراه
قعد ناجى حزين خرجت فكرية وهى بتعيط
ناجى سمعتى إللى حصل يا فكرية
فكرية هتعمل ايه يا ناجى
ناجى لله الأمر من قبل ومن بعد
فكرية هتوديها مستشفى المجانين
ناجى لسة هفكر يا فكريةخلى بالك انتى بس من ريتاج وسابها ودخل اوضته
بقلمى موفاااا💚
-------------------------
فى شقة محمود
--------------------
محمود كان شايل ابنه اسر
فريدة عجبك اللى حصل من أبوك دا
محمود نيم ابنه فى سريره
فريدة بعصبيه أنت ساكت ليه مترد عليا
محمود لو سمحتى يا فريدة أنا مش عايز اتكلم فى اى حاجه
فريدة عشان اهلك مش عايز تتكلم لكن لو كان حد من اهلى هو اللى عمل حاجه مكنتيش سكت ابدا
محمود ابوس ايدك اسكتى بقي وسابها ودخل اوضته
بقلمى موفاااا💚
ــــــــــــــــــــــــــــــــــ
تانى يوم صحى ناجى ملقاش فكرية جمبه لبس ودخل بالراحة لقاها نايمة في حضن ريتاج
صحاها بالراحة
فكرية فكرية فكرية
فكرية صحيت ايه ناجى انت صحيت
ناجى هووش تعالى برا
وخرج هو وفكرية برا أوضة ريتاج
ناجى صباح الخير
فكرية يسعد صباحك يا اخويا معلش راحت عليا نومة وانا نايمة جمبها إمبارح
ناجى معلش محصلش حاجة
فكرية انا هعملك الشاى بسرعة
ناجى لا مالوش لازمة انا خارج على طول بس خليكى جمبها خلاص مبقاش لينا غيرها في الدنيا
فكرية اتنهدت بحزن ربنا يشفيها يارب
ناجى يارب انا ماشى وخلى بالك منها كويس
فكرية حاضر ربنا يسهلك طريقك يارب
ناجى يارب وخرج على الشغل
بقلمى موفاااا💚
----------------------
واقف ناجى في الطريق
لانه صول في شرطة المرور
ناجى راح الشغل ووقف سرحان بيفكر في بنته واللى حصل واللى لسة هيحصل
ظهر فجأة قدامه المأمور المسؤل
المأمور مالك يا حضرة الصول سرحان في إيه
ناجى بتوتر أنا آسف يا فندم أنا بس الفصل خلص وهنكمل بكرا اوعى حد يشتمنى 😂😂 اشوف بقى رأئيكم أكمل ولابلاش
بقلمى موفاااا💚
---------------------