ملاكى الهادى

الفصل آل 23

صباح الورد
مين عايز يعرف حصل
إيه مع ريتاج ونجم
تعالوا نشوف حصلهم إيه
بقلمى موفاااا💚
--------------------
الفصل آل 23
-----------------------
بعد ما خرجت ريتاج هى وناجى من بيت الحاج ثابت
-------- ------- ------- ------- -------
ماشية ريتاج وماسكة في ايد ابوها
ناجى مالك يا ريتاج
ريتاج ابتسمت مافيش حاجه يا بابا
ناجى أنتى زعلانة من كلام الحجة صح
ريتاج ابتسمت لا يا بابا
ناجى عارفة أنا مبسوط اوى منك
ريتاج بصتله باستغراب
ناجى ايوة أنتى رديتى على الحجة بهدوء وحكمة
ريتاج الموضوع مش مستاهل يا بابا ودا واجب علينا نساعد أى حد محتاجنا
وربنا يشفيه ويشفى كل مريض
ناجى بصلها باستغراب واعجاب
أنا فخور بيكى يا ريتاج
ريتاج ابتسمت لابوها وفضلت ماشية مبتسمة
_______________________
فى بيت الحاج ثابت
_________________
الحاج ثابت بعصبية وصوت عالى انتي إيه اللي عملتيه دا عايز اعرف
ام ابراهيم ردت بعصبية هي كمان فى ايه انا عملت ايه يعنى
ابراهيم لا يا اما مالكيش حق انتي إيه قولتيه لبنت عم ناجي دا
ام ابراهيم فى ايه انتم عاملينى محكمة ولا ايه وبصت لهدى مش عايزة تسنى لسانك أنتى كمان وتقوليلك كلمتين
هدى مصدومة من أم ابراهيم وبصتلها أنا مالى يا مرات عمى
أم ابراهيم كتك ملة على جنابك أنتى كمان زهقتينى في عشتى كتك القرف
هدى الصدمة لجمت لسانها بس عيونها ردت
ابراهيم بعصبية إيه يا أما هو فى ايه وهدى عملتلك إيه عشان تكلميها كدا
هدى قربت من ابراهيم خلاص يا ابراهيم محصلش حاجة يا ابراهيم مرات عمى في مقام امى الله يرحمها ومن حقها تعمل إللى هى عايزة فيا انا هطلع اطمن على نجم وطلعت وهى بتعيط
ابراهيم حرام عليكى يا أما هدى عملتلك إيه عشان تزعليها كدا
الحاج ثابت اطلع يا ابنى راضى خاطرها بكلمتين زمانها ميتة من العياط
ابراهيم بص لامه بحزن وسابهم وطلع
الحاج ثابت أنتى إيه إللى حصلك عايز اعرف داخلة في الكل شمال كدا ليه
حتى البت اليتمة اللى شيلاكى وشياله البيت كله مرحمتهاش من لسانك وسمه
أم ابراهيم أنا سموية يا ثابت
الحاج ثابت اسئلى نفسك وشوفى عملتى كدا ليه
أم ابراهيم بعصبية هو أنا عملت إيه يعنى عشان تعملولى كدا علقولى المشنقة أحسن وارتاحوا منى
الحاج ثابت استغفر الله العظيم أنا مش عارف أنتى مالك حصلك إيه أنا هطلع أبص على الواد التعبان فوق
وطلع وسبها وطلع
بقلمى موفاااا💚
_______________________
في بيت الحاج ثابت
------------------------------------
عدا كام يوم وفعلا جه واحد من
الصيدلية يدى نجم باقى الحقن
وبدأت حالته تتحسن
-----------------------------
في بيت ناجى
---------------------
كان ناجى وريتاج وفكرية بدأوا يشغلوا نفسهم بتربية الطيور والمعيز
وكان الحال ماشى كويس أوى لحد في يوم حصل إللى حصل
----------------------------
كانت ريتاج قاعدة مع ابوها وامها ياكلوا الكتاكيت وباقى الطيور
ناجى أنا خلاص تعبت
فكرية وكان لازمته إيه بس
ريتاج يا ماما بزمتك دا في إيه وحش دا كفاية اننا وفرنالك البيض انتى مش ملاحظة أنك بطلتى تشترى بيض ولا فراخ كمان وكمان بتاخدى ومش بتدفعى وضحكت بصوت عالى ههههههههه
ناجى أيوة كدا اديها يا بنت ابوكى
ريتاج لا المرة على حضرتك اتفضل ادخل ارتاح شوية وانتى يا ماما اعمليله كوباية ليمون ساقعة
ناجى بس لسة في شغل كتير
ريتاج وبعدين عشان خاطرى يا بابا
فكرية اسمع كلام بنتك يا ناجى عشان شكلك تعبان بجد
ناجى ابتسم اتفقتوا عليا
فكرية أيوة يلا ادخل بقى
ناجى حاضر بس انتى هتقعدى لوحدك يا بنتى
ريتاج ابتسمت يعنى العفريت هياكلنى وبعدين أنا صحبت الكتكوت الشركسى دا وبنقعد نتكلم سوا
فكرية كتكوت انتم مش بتتكلموا قولى بنصوص سوا صوصو صوصو وضحكت بصوت عالى ههههههههه
ضحكت ريتاج وناجى
ريتاج ماشى يا ست فوفو يلا بقى من غير متطرود
فكرية مسكت ايد ناجى وكانوا داخلين
فكرية وقفت بت يا ريتا اوعى تجوعى تاكلى العلف مع الكتكوت صحبك وضحكت ههههههههه وسابتها ودخلت هى وناجى
ريتاج بصت للكتكوت الشركسى إللى قدامها ومسكته شايف بيتريقوا عليا بسببك ازاى وضحكت ههههه والكتكوت بيصوصو في ايديها
ريتاج بصت للكتكوت و هو بيحاول يفك نفسه من مسكت ايديها
ريتاج بصت للكتكوت بحزن انت مخنوق من مسكت ايدى حقك عليا متزعليش وسابت الكتكوت قعدت تبص على الكتكوت وهو فرحان بالحرية إللى خدها وقعدت تتنهد بصوت عالى
وفجأة
بقلمى موفاااا💚
هقولكم تانى التفااااااعل
______________________
وفجأة
سمعت صوت من وراها
للدرجة دى بتحبيه
ريتاج بصت لصاحب الصوت وقامت وقفت وهى مصدومة
قرب منها وابتسم
ريتاج بصوت مكتوم ن نجم
نجم أيوة معلش لو كنت خضيتك بس كلامك مع صحبك شدنى
ريتاج بتوتر صحبى
نجم أيوة الكتكوت الشركسى أنتى مش لسة قايلة لعمى ناجى انه صحبك
ريتاج بصت على الكتكوت ورجعت بصت لنجم
نجم احممم ممكن اتكلم معاكى كلمتين
ريتاج متوترة كلمتين إيه
نجم أنا أول حاجة جاى اشكرك
ريتاج باستغراب تشكرنى على إيه
نجم أبتسم يعنى تتفزعى من النوم وتسيبى بيتك في عز الليل
وتيجى عشان تلحقينى وتدينى الحقنة
ريتاج متوترة ومكسوفة أ أ أنا معملتيش غير الواجب
نجم بس انتى مخدتيش حق الواجب
ريتاج بصدمة حق أنت جاى تدينى حق
نجم ابتسم لأ طبعا انتى فهمتينى غلط بس أنا قصدى
انك بعد كل إللى عملتيه عشانى امى تعاملك كدا وتخرجك زعلانة من بيتنا بالأسلوب دا
ريتاج اتنهدت بحزن
نجم حقك عليا متزعليش من امى اصلها يعنى
انا هجبها لحد عندك عشان تعتذرلك
ريتاج بسرعة لا لأ مش ممكن أنا مرضاش بكدا ابدا
نجم لأ طبعا يعنى أنتى تيجى وتلحقينى وهى تزعلك بالشكل دا
دا بدل ما تقولك كتر خيرك
ريتاج صدقنى محصلش حاجة لكل دا
نجم ابتسملها أنتى بجد وسكت
ريتاج أنا أيه
نجم قصدى انتى يعنى لأ قصدى انا يعنى
ريتاج ابتسمت مالك في إيه
نجم احممم انا متشكر اوى على انك ادتينى الحقنة ولمس دراعه مكان الحقنة
ريتاج ابتسمت بكسوف المهم أنت عامل إيه الوقت
نجم أنا بقيت احسن من الاول بكتير
ريتاج حمد الله على سلامتك
نجم آلله يسلمك أنتى كمان حمد لله على سلامتك أنا شايف أنك خفيتى وبقيتى كويسة وزى الفل
ريتاج بتوتر الحمد لله.
بس مين إللى قالك على الموضوع دا
نجم صاحبتك أم لسانين
ابتسمت ريتاج هى عاملة ايه وحشتيني اوي
نجم قرب منها وانتى كمان وحشتيها أوى
ريتاج ابتسمت بكسوف
نجم أصلها بتحبك أوى
ريتاج بتوتر وأنا كمان بحبها أوى
نجم بتركيز في عيونها بجد
ريتاج هزت راسها
نجم يا بختها بحبك دا
ريتاج بتوتر وكسوف المهم أنت عامل إيه الوقت بقيت كويس
نجم لمس دراعه مكان الحقنة أهو زى ما انتى شايفة عارفه أنا عمرى ما خدت حقنة بالراحة كدا
ريتاج ابتسمت يمكن محستيش بيها عشان كنت تعبان اوى
نجم ويمكن عشان ايدك حنينة وخفيفة أوى
ريتاج ابتسمت ووقفت ساكتة
نجم أنا نسيت اشكرك على حاجة تانية
ريتاج ابتسمت هو يوم الشكر النهاردة ولا اية
نجم ضحك هههههه الظاهر كدا
ريتاج طيب عايز تشكرنى على إيه تانى
نجم انتى نسيتى انك جبتيلى هديه
ريتاج ابتسمت بكسوف يارب تكون عجبتك
نجم طبعا عحبتنى تسلم ايدك
ريتاج ابتسمت وسكتت
نجم بس انا ملحقتيش اديكى هديتك أنتى كمان
ريتاج بفرحة ولهفة بجد جبتلى هدية ليا أنا
نجم استغرب فرحتها ولهفتها
نجم بس مش عارف هتعجبك ولا لأ
ريتاج بلهفة وفرح في عيونها اكيد هتعجبنى بس جبتلى إيه
نجم طلع السلسلة بتاعتها
ريتاج فتحت عيونها على الاخر سلسلتى
نجم أيوة أنا لقتها ساعة ما كنتى نايمة فى سريرى وانتى تعبانة اتفضلى
ريتاج ابتسمت واخدت السلسة متشكرة أوي متعرفش أنا كنت زعلانة قد إيه عشان مكنتش لقياها
نجم يعنى هديتى عجبتك
ريتاج طبعا أصل دى بابا جبهالى لما نجحت في الثانوية العامة
نجم ابتسم شكلك كنتى شاطرة أوى
ريتاج ابتسمت ااه طبعا عارف أنا طلعت التانية على المدرسة والتالتة مقرر على الجمهورية
نجم ابتسم بجد برافوا عليكى وياترى دخلتى كلية إيه اكيد طب أو هندسة
فجأة ريتاج اتوترت
نجم مالك أنا قولت حاجة دايقتك
ريتاج هزت راسها لا
نجم بس أنا حاسيس انى زعلتك
ريتاج احمم لأ مافيش حاجه
فجأة اتفجئوا هما الاتنين بعوض واقف قدامهم
نجم عوض
عوض سى نجم أنا كنت عايزك في كلمتين وبقى يبص على ريتاج
نجم وانت إيه إللى جابك هنا
عوض بخبث اصل دورت عليك
الواد خلف والواد شعبان شفوك هنا وقالولى أنك هنا وبص لريتاج بخبث
اذيك يا استاذة ان شاء الله تكونى أحسن من المرة اللي فاتت
ريتاج بصتله بعدم فهم
نجم لاحظ اسلوب عوض قوم يلا قدامى لما اشوف اخرتها إيه معاك
ريتاج استنى لو سمحت أنت قصدك ايه من المرة اللي فاتت
عوض بابتسامة خبث اصلك كنتى تعبانة أوى المرة اللي فاتت لما لاقناكى مرمية على الأرض وسى نجم شالك ووداكى بيتهم
نجم كفاية لحد كدا قوم معايا وشده من ايده ورجع بص لريتاج عن اذنك
وشد عوض جامد وبعد عن عيون ريتاج
ريتاج قعدت تفكر هو في إيه والراجل دا قصده إيه أنا حاسة أن في حاجة هتحصل مش كويسة استرها يارب
ياترى هيحصل ايه مع ريتاج
توقعاتكم بقى؟
شدوا حيلكم شوية.فى التفاعل.......
بقلمى موفاااا💚
------------------------------------