ملاكى الهادى

الفصل آل 41

حبايب قلبي إللى وآلله بنشر عشانهم فصل النهاردة فيه مفاجأة خطيرة ياريت بجد الاقى تفاعل يفرحنى
بقلمى موفاااا💚
_______________________
الفصل آل 41
______________
تعالوا نفتكر اخر مشهد
ان نجم خرج كان رايح للمكيانيكى

نجم فضل ماشى لحد ما وصل للميكانيكى
نجم السلام عليكم
ابراهيم وعبد الله الميكانيكي وعليكم السلام ورحمة الله وبركاته
ابراهيم اتاخرت كدا ليه
نجم هو أنا لحقت دى مسافة السكة وجاى على آخر نفس
ابراهيم طيب تعالى شوف عايز اوريك إيه
نجم خير
عبد الله تعالى شوف ومشى خطوتين
ووقف قدام عربية نص نقل إيه رائيك
نجم باستغراب مش فاهم قصدك إيه
ابراهيم إيه رائيك هشترى العربية دى
نجم أخيرا أنا ياما اتخيلت عليك
ابراهيم معلش بقى اهو لما ربنا اذن
نجم مبروك عليك يا ابراهيم ربنا يكفيك شرها
ابراهيم مبروك علينا يا اخويا
وفعلا ابراهيم ونجم اشتروا العربية وروحوا ووقفوا يفرجوها لكل اللى في البيت
أم ابراهيم ألف بركة عليكم
الحاج ثابت آلله أكبر
منى الله عندنا عربية
حسين هيييييه ونط هو ومنى وركبوا فيها
ريتاج ألف مبروك
نجم أبتسم لريتاج
هدى احنا لازم ندبحلها يا ابراهيم
ابراهيم والله كلام جميل إيه رائيك يا ابا
الحاج ثابت زى بعضه كله من خيركم يا ولاد ادبحلها
منى بسرعة اوعى تدبح البقرة
نجم لا ندبح خروف كبير وحلو كدا
منى هيييييه وجريت هى وحسين عشان يشوفوا الخروف مع كل العيلة
ريتاج واقفة مكانها
نجم مالك يا ريتاج
ريتاج سلمتك مافيش حاجه مبروك
نجم الله يبارك فيكى يا حبيبتي شايفة وشك حلو علينا ازاى
ريتاج ربنا يوسع رزقكم
ابراهيم تعالى يا نجم يلا
نجم طيب جاى هتيجى تتفرجى ولا تخافى
ريتاج ابتسمت طبعا هاجى أنا كنت بشوف كل الدبايح فى المجزر ومش بخاف خالص
نجم يا جامد أنت وغمزلها
ريتاج ابتسمت يلا عشان نتفرج
كل العيلة واقغة تتفرج ومبسوطين
أم ابراهيم قومى يا هدى ولعى النار على اللحمة واعملى فتة
هدى حاضر يا مرات عمى
ريتاج واقفة تساعد هى ومنى وهما فرحنين
أم ابراهيم تعالى يا ريتاج
ريتاج نعم يا طنط
أم ابراهيم خدى كيس اللحمة دى وروحى وديه عندكم
ريتاج بصدمة إيه اروح عندنا
ام ابراهيم أيوة روحى ودى اللحمة دى عندكم وسلمى على اهلك
ريتاج بفرح من غير ما تحس حضنت أم ابراهيم متشكرة أوى يا طنط ربنا يخليكي
أم ابراهيم طيب يلا غيرى هدومك
ريتاج حاضر وكانت هتمشى لكن رجعت بس نجم هيقول إيه
أم ابراهيم هو يقدر يتكلم إيه وهو كمان هيروح معاكى عشان يودى لاخته حتة لحمة
نجم يا سلام يعنى اتفقتوا عليا
أم ابراهيم أنت تقدر تقول حاجة يا واد بعد كلمتى
نجم أنا اقدر يا ست الكل يلا يا ريتاج عشان ننفذ  كلام الحجوج القمر دا
أم ابراهيم اختشى يا واد
طلع نجم وريتاج بسرعة
الحاج ثابت ربنا يخليكي لينا يا حجة يا أم قلب ابيض
أم ابراهيم ويخليك لينا يارب
_______________________
ركب نجم العربية هو وريتاج في طريقهم لييت أهل ريتاج
ريتاج أنا مبسوطة أوى عشان طنط رضيت عليا
نجم وأنا متغيظ أوى عشان كل شوية حاجة تبعدنى عنك
ريتاج ابتسمت معلش بقى
نجم يا سلام وأنا هكسب إيه بمعلش بتاعتك
ريتاج ضحكت هههههه بصوت عالى
نجم يالهوى على جمالك إللى مجننى دا
واخيرا وصلوا قدام بيت ناجى
نجم بصى أنا هسلم على اهلك
واسيبك تروحى تقعدى معاهم شوية واروح عند سعاد وارجع لك بسرعة
ريتاج ابتسمت متشكرة أوى يا نجم
نجم متشكرة إيه مافيش شكر بين الواحدة وجوزها
ريتاج اتنهدت بصوت عالى أنا بحبك أوى يا نجم
نجم بزمتك مش حرام ابقى جمب الماية وعطشان
ريتاج ابتسمت بكسوف بس بقى ويلا عشان تسلم على ماما وبابا وتروح لسعاد وترجعلى بسرعة
نجم يلا ودخلت ريتاج ونجم وبعد ما سلم نجم مشى لبيت سعاد وساب ريتاج مع اهلها
وصل نجم لبيت سعاد  وبعد شوية من زيارة اخته،مشى نجم
وهو في الطريق حصلت حاجة غربية
ظهر واحد عجوز  فجأة قدام عربية نجم
نجم وقف مرة واحدة وخرج يشوف الراجل
نجم بعصبية حصلك حاجة
الراجل الحمد لله حصلى احسن حاجة في حياتى
نجم باستغراب ما أنت إللى غلطان حد يقف كدا أنا كنت ممكن ادوسك
الراجل أنا مش مهم انى اموت بس بعد ما اتكلم معاك
نجم باستغراب اكتر تتكلم معايا تتكلم في إيه
الراجل طيب ممكن نقعد هنا شوية
نجم قلق من الراجل عشان كمان الليل كان دخل وجه في باله انه حرامى وهيسرق العربية
نجم بقلق نقعد هنا ليه ومسك مفتاح العربية
الراجل معلش كلمتين صغيرين
نجم فضل قاعد في العربية بس مخرج رجله برا
الراجل قعد على حجر قدام العربية
الراجل أنت متعرفنيش ويمكن مسمعتيش عنى خالص
نجم وانت تطلع مين بقى
الراجل بخوف وتوتر أنا اسمى جمعة
نجم جمعة جمعة مين
الراجل أنا جمعة كنت شغال عند واحد اسمه سلطان ودا كان راجل مفترى ظالم ممكن يعمل أى حاجة عشان يمشى مصالحه
نجم وأنا إيه علاقاتى بالكلام دا
جمعة اتنفس بصوت عالى أنا هحكيلك كل حاجة بس عايزك  تعرف أنى مأذتهاش عشان كان لسة في قلبى شوية خوف من ربنا
نجم قصدك على مين
جمعة بخوف قصدى على الدكتورة ريتاج
نجم فجأة خرج من العربية ومسك في هدوم جمعة بعصبية أنت تعرف مراتى منين
جمعة أنا هحكيلك بس ابوس ايديك خلينى اشوفها واقولها تسامحنى
نجم انطق أنت تعرف مراتى منين
جمعة أنا كنت بشتغل عند سلطان وكانت الدكتورة شغالة في الصحة 
والراجل دا كان عايز يدخل عايز يدخل شحنة لحمة مستوردة ولما الدكتور مرضيتيش توافق على كدا
نجم بصوت عالى وعصبية يا ولاد الكلب افتكرتك أنت اللى دبحت مراتى وبقى يضربه ويشتم فيه بهستريا
لدرجة أن جمعة  وشه كله بقى ينزف دم وكان هيموت في ايده
جمعة بصدمة أنت عارف إللى حصل
نجم أيوة عارف وياويلك أنت واللى مشغلك
جمعة ابوس ايديك سامحني واسمعنى
نجم اسمع إيه أنت لو حسيت بوجع ابوها واللى حصله لما شاف بنته مدبوحة مرمية قدام شقته لو شوفت بنتك مش حاسة بحاجة وخايفة من كل الناس وكأنها عيلة صغيرة وجاى تقولى اسمحك دا أنا هدفنك حى واعذبك لحد ما تموت
جمعة وهو بيلهس كأنه روحه بتطلع اسمعنى الحكاية مخلصتيش لسة
نجم بعصبية هو لسة بعد إللى حصل دا إيه وقعد يضرب فيه
جمعة نزل وكان هيبوس رجله
ابوس رجلك اسمعنى وبعد كدا لو عايز تموتنى موتنى
نجم عصبى وقعد يخبط على العربية بعصبية
جمعة بعد إللى أنت عرفته حصلت حاجة تانى وحاجة مهمة أوى
نجم بصله باهتمام
جمعة أنا لما كان الدور عليا أنى
نجم خبط بعصبية  على كاوتش العربية
جمعة أنا كنت ممكن اسيب مكانى لحد تانى زى ما كنت بعمل قبل كدا بس مسكت في دورى المرة دى
نجم بعصبية يا ابن الكلب وضربه تانى
جمعة بياخد نفسه بالعافيه
جمعة كان غصب عني كان لازم امثل انى وسكت
نجم بصله مرة واحدة يعنى إيه تمثل
جمعة هقولك
Flash back
سلطان وأنت هتقدر عليها يا جمعة
جمعة ضحك بخبث مصطنع دى وزة صغيرة على قدى
سلطان ضحك بصوت عالى يا جمالك أنت والوزارة وسابه وخرج
ريتاج بتصوت بهستريا وتزحف جمب الحيطة
جمعة ضربها على وشها انتى هتوجعى راسى ليه وفجأة حط منديل فيه مخدر على وشها لحد ما فقدت الوعى
فجأة جمعة قام بص بالراحة على سلطان وحراسته لقاهم بعدوا عن المكان إللى فيه ريتاج
جمعة شال ريتاج ونيمها على السرير أنا مش عارف إللى إيه إللى بعمله دا بس يمكن عشان خوفت على بنتى إللى في كلية الطب أنها تبقى دكتورة وتلف الأيام وتكونى مكانها
وفجأة قام وقف قعد يقطع هدومها ويبهدل شعرها عشان أى حد يشوفها يتأكد انها مغتصبة وبهدل هدومه هو كمان عشان الموضوع يبقى واضح للكل
جمعة قاعد يكلم نفسه طيب لو حبوا يتاكدوا أكيد هكشف قعد لحظات يفكر وفجأة رفع هدومه عن دراعه. وطلع مطوة صغيرة وجرح دراعه ومسح الدم في هدومها  وعلى جسمها وقعد جمبها ماسك الجرح في دراعه وقعد يكلم نفسه جرحى أنا هيخف بس مكنتش هسامح نفسى لو عملت إللى عايزة سلطان  واكيد ربنا كان هينتقم منى اشد انتقام وكفاية إللى هتحاسب  عليه من شغلى معاه
وهو قاعد جمب ريتاج فجأة الباب اتفتح خلصت عليها يا جمعة
جمعة قام وقف مرة واحدة وضحك بخبث طبعا يا ست هانم كلام الباشا لازم يمشى على رقبة الكل
ضحكت الهانم جدع يا جمعة هخلى الباشا يزود اتعابك المرة دى
جمعة أنا خدامك يا فريدة هانم
يلا يا جمعة شلوها زى ما هى وارميها قدام شقة ابوها عشان الكل يتعلم ان محدش يقدر يقف قدام الباشا سلطان
جمعة حاضر يا ست هانم
بقلمى موفاااا💚
________________
نرجع للواقع
____________
نجم واقف مصدوم  انت بتقول إيه
جمعة احلفلك على المصحف إن ملمزتش الدكتورة ريتاج غير وانا بضربها على وشها وبمسح الدم على جسمها وهدومها
نجم مسكه من هدومه وانت جاى تقولى الكلام دا الوقت ليه مقولتيش لريتاج من زمان ليه
جمعة غصب عني كنت لسة بشتغل عند الباشا سلطان
نجم والوقت أنت مش بتشتغل عند الزفت دا
جمعة بقالى حاولى عشر شهور سايب الشغل عنده
نجم وسبت الشغل ليه
جمعة قعد في الأرض وحط ايده على راسه ربنا حكم عليا في الدنيا قبل الآخرة ورزقنى بالمرض الوحش وبشوف الحزن كل يوم في عين مراتى وولادى عشان في اى وقت ممكن اموت واسبهم وكنت خايف اموت قبل ما اعرف الدكتورة حقيقة اللى حصل
نجم بلهفة ريتاج لازم تعرف كل دا وبسرعة قوم معايا
جمعة هروح معاك أى مكان بس الأول لازم احذرها من واحد من رجالة الباشا سلطان بيقرب منها وكان عندهم من كام يوم
نجم بخوف يعنى ايه الكلام دا مين دا
جمعة جوز فريدة بنت الباشا سلطان
نجم ودا عرف طريق ريتاج منين
وأسمه إيه الراجل دا
جمعة اسمه محمود
نجم بصدمة محمود جوز فريدة
جمعة أيوة محمود جوز فريدة بنت الباشا سلطان
نجم واقف سرحان وبيكلم نفسه محمود اخو ريتاج يبقى جوز فريدة بنت سلطان
طيب بعد كل إللى حصل دا ريتاج بتخاف من فريدة ليه أكيد في حتة ناقصة من الحكاية
نجم فاق على صوت جمعة
جمعة قولت إيه يا سى نجم عايز اشوف الدكتورة ريتاج وابوس جزمتها وأقولها تسامحنى
نجم قبل ما تشوف ريتاج هى ريتاج تعرف فريدة منين
جمعة أنا مااعرفش الحكاية دى  ومعرفش اصلا هى تعرف فريدة منين
نجم عارف لو كنت بتكدب عليا
جمعة بطلت اكدب يا سى نجم وأنا لفيت ودورت كتير لحد ما عرفت مكان الدكتورة ريتاج وآخر طلب ليا اشوف الدكتورة واطلب منها تسامحنى
نجم هيحصل بس مش هينفع في البيت عندنا
جمعة خلاص في أى مكان أنت تؤمر بيه
نجم خلاص استنانى بكرا المغربية هنا
وأنا هعدى عليك بكرا أنا وريتاج
جمعة انا هنام لحد الصبح هنا
نجم أنت ليك مكان هنا في البلد
جمعة لأ
نجم اومال بتبات فين
جمعة ببات في الجامع كتر خيره شيخ الجامع سبنى ابات في الجامع الكام يوم دول وخلاص هانت واشوف الدكتورة ريتاج
نجم أنا همشى الوقت واياك بكرا المغربية ملقيكش مستنينى هنا
جمعة أنا إللى بترجاك متتأخرش عليا
نجم أن شاء الله هشوفك بكرا
جمعة أن شاء الله
نجم ركب عربيته ومشى على بيت ناجى عشان ياخد ريتاج ويروح
وفعلا اخدها وطول الطريق ماشى
ساكت
بقلمى موفاااا💚
______________________
وصل نجم وريتاج لبيت الحاج ثابت
قبل ما يدخلوا
ريتاج استنى يا نجم
نجم فى ايه يا ريتاج عايزة إيه
ريتاج هو إيه إللى عايزة ايه مالك من ساعة ما رجعت من عند سعاد وانت ساكت
نجم مافيش حاجه أنا بس تعبان من شغل طول النهار يلا ندخل بدل الواقفة دى
ريتاج بصتله باستغراب ودخلت هى ونجم
ريتاج السلام عليكم
ام ابراهيم وعليكم السلام ورحمة الله وبركاته حمد لله على سلامتكم اتاخرتوا ليه كدا يا ولاد
نجم معلش يا أما أصل قعدت على القهوة مع واحد صاحبي شوية
ريتاج بصتله باستغراب واحد صاحبك
نجم بخنقة ايوة يا ريتاج واحد صاحبى وسابها وطلع
ريتاج حست باحراج قدام أم ابراهيم
أم ابراهيم في إيه يا ريتاج
ريتاج مش عارفه يا طنط حصله إيه من ساعة ما رجع ياخدنى من عند بابا
أم ابراهيم أنتى مرحتيش معاه عند سعاد
ريتاج لأ قالى استناه عند بابا ومن ساعة ما رجع وهو متغير كدا وطول السكة منطقش غير الوقت
أم ابراهيم طيب قومى اطلعى شوفى ماله ولو مدايق من حاجة خففى عنه
ريتاج اتنهدت بصوت عالى حاضر يا طنط تصبحى على خير
أم ابراهيم وانتى من أهل الخير يا بنتى
________________________

في شقة نجم
___________________

دخلت ريتاج لقت نجم بياخد دش
دخلت اوضة النوم تغير هدومها
وقعدت تكلم نفسها هو حصله إيه ما كان كويس قلب ليه مرة واحدة كدا
خرج نجم من الحمام
ريتاج قربت منه بسرعة مالك يا نجم في إيه ومين صحبك إللى كنت قاعد معاه دا
نجم اتنهد بصوت عالى أنا تعبان اوى يا ريتاج واترمى في حضنها
ريتاج بقلق مالك يا نجم في إيه قلقتنى بجد قولى حصل إيه
نجم أنا تعبان و عايز أنام 
ريتاج بقلق حاضر تعالى يا حبيبي ارتاح جوا
نجم لأ هنام هنا فى أوضة الانتريه
ريتاج باستغراب إيه
نجم معلش يا ريتاج متزعليش منى
تصبحى على خير وسابها ودخل
ريتاج واقفة تكلم نفسها وهى مصدومة هو حصله إيه
ودخلت اوضتها وقعدت تعيط
____________________
في أوضة نجم
______________________
نجم قاعد يفكر ليه زعلتها كدا
المفروض افرح أنها كويسة وكمان كنت فرحتها
الشخصية العكسية لنجم  عشان تعرف أنك عبيط المفروض كنت خدتها وخرجت تتفسح وتخلينا نعيشلنا يومين بقى
نجم اووووف يووه منك أنا مخنوق لوحدى وأنت جاى تكمل عليا سبنى في حالى بقى عشان عندى بكرا شغل مهم
الشخصية العكسية لنجم روح يا اخويا نام كتك نيلة
نجم قعد يفكر لوحده وفى الاخر نام
توقعاتكم بقى على فكرة اقتربت النهاية..........
التفاعل بقى عشان اقدر أكمل
بقلمى موفاااا💚
__________________
________________________