ملاكى الهادى

الفصل آل 29

صباح معطر بحب الله
__________________
الفصل 29
_______________
تعالوا نشوف مين شاف نجم وبسملة
نجم واقف مصدوم ومش عارف يتكلم
بسملة واقفة مبسوطة
نجم بتوتر وعصبية أنتى ايه اللى جابك هنا الوقت وواقفة من امتى وزعق بصوت عالى انطقى
صوت مكتوم ودموع محبوسة في العيون  أ أنا كنت جايا اطمن عليك
نجم بعصبية تطمنى عليا ليه وعشان إيه تطمنى عليا هو حد قالك عليا عيل صغير
اخيرا دموعها نزلت أصل ابويا قال في البيت انك قاعد هنا لوحدك مدايق وأنا كنت عايزة اطمن عليك وعايزة اتكلم معاك بس خلاص مالوش لازمة ومسحت دموعها وكانت ماشية
نجم استنى يا منى
منى لسة بتعيط نعم يا عمى
نجم متوتر استنى هنروح سوا
منى بصت لبسملة ورجعت بصتله
بسملة قربت من نجم بس إحنا لسة مخلصناش كلامنا يا حبيبي
نجم  بتوتر بعد عنها بعدين بعدين يا بسملة ومسك ايد منى يلا يا منى
ومشيوا وسابوا بسملة لوحدها
وقفت بسملة تصحك أما إللى حصل دا هيبقى في مصلحتى وهتجوزك يعنى هتجوزك يا نجم
ومشيت هى كمان
بقلمى موفاااا💚
بلاش ننسى التفاعل يا حلوين
_____________________
فى الطريق
ماشى نجم ومنى
منى كانت لسة بتعيط وكاتمة صوت عياطها
نجم بكسوف واحراج من بنت اخوه
نجم بتوتر يا منى أنا عايز اقولك إن اللى حصل دا
منى بصتله بحزن أنت بجد هتسيب ريتاج وتتجوز بسملة دى
نجم بصلها واتوتر وسكت
منى يا عمى بسملة دى مش كويسة خالص
نجم باستغراب يعنى إيه يا منى
منى يعنى هى واحدة وحشة وكمان سمعتها وحشة
نجم اتصدم من كلامها ووقف مكانه
ومسك ايد منى أنتى جبتى الكلام دا منين
منى يا عمى بسملة محدش في البلد يعرف عنها حاجه لكن أنا عارفة حاجات كتير وكنت بخاف من ماما عشان كدا كنت بسكت
نجم عارفه إيه يا منى
منى بتوتر وخوف بعدت عن نجم
نجم اتكلمى متخافيش
منى معلش يا عمى أنا مش هقدر اتكلم عشان الكلام دا كله كلام عيب
نجم فتح عيونه مرة واحدة
كلام عيب يعني إيه يا منى انطقى
منى متوترة و خايفة واحدة صاحبتى في المدرسة  كانت بتزور اهلها اللى في مصر السنة اللي فاتت وابوها كان يعرف إللى اسمه هيثم دا وكان يعرف أهله وصاحبتى كانت عارفة انك كنت هتتجوز بسملة
نجم بعصبية وبعدين كملى
منى صاحبتى قالت إنها شافت أكتر من مرة بسملة وهيثم دول مع بعض
نجم يعنى إيه مع بعض
منى مع بعض يا عمى وبصت في الأرض
نجم باحراج ااه ماهما اتجوزا من زمان
منى لأ يا عمى متجوزوش وهيثم ساب بسملة وسافر يشتغل برا
نجم واقف مصدوم
منى أنا مكنتش هقدر أقول الكلام دا لحد لكن كان لازم اقولك بعد إللى شوفته وعلى فكرة أنا مش هقول لحد على إللى شوفته وسابته وجريت بسرعة في طريقها للبيت
بقلمى موفاااا💚
_______________________

نجم واقف مصدوم من إللى سمعه من منى
وبقى يكلم نفسه معقولة كل دا حصل وأنا مااعرفش
دا وقتك يا جميل اظهر وبان عليك الامان
ظهرت الشخصية العكسية لنجم
عشان كنت اعمى كنت مجنون بحاجة اسمها بسملة حتى بعد ما عيرتك بانك فلاح وسابتك لما لقت حد شكلها
نجم مش ممكن اومال هى فهمتنى أنها هتتجوز هيثم ليه عشان أهلها هما إللى غصبين عليها
الشخصية العكسية لنجم انت لسة هتقاوح بعد ما عرفت الحقيقة من بنت أخوك بزمتك مش مكسوف من نفسك لما بنت صغيرة تقف تعرفك الحاجات دى دى لسة صغيرة وجتلها الشجاعة انها تقولك كل حاجة في وشك وانت ولا بتحس
نجم بعصبية يوووه وأنا كنت هعرف منين بس
الشخصية العكسية لنجم
أنت كنت عارف كل حاجة ومش من الوقت لا من زمان اوى اقولك من أمتى من يوم ما شوفت بسملة هى والدكتور بتاعكم وهما لوحدهم في المكتب وعشان أنت كنت حمار صدقتها لما قالتك أنها كانت بتترجاه يرفع عنها الغياب عشان تعرف تدخل الامتحان وكمل بسخرية وعرفت تترجاه وكمان نجحت في كل المواد
نجم بعصبية بس بس بقى كفاية
الشخصية العكسية لنجم لا مش كفاية لازم تعرف كمان أنك كنت بتشوف تريقة اصحابها عليك وانت تعمل نفسك مش فاهم ولا واخد بالك
فاكر لما اصحابها ضحكوا عليك واقنعوك انك تروح تذاكر معاهم وكانت خطة عشان يتريقوا عليك قدام اصحابها
نجم سكت
الشخصية العكسية لنجم أنت فاكر شوفت  إيه في الشقة ولا مش فاكر وطبعا عرفت تقنعك أنهم متجوزين عرفى عقبال ما يخلصوا الجامعة وهيتجوزوا رسمى ودا بالظبط إللى حصل مع بسملة وهيثم وأنت بردوا مش عايز تصدق ولا تفهم
وجاى الوقت تحن لبسملة عارف أنت عمرك ما هتتغير وهتفضل زى ما انت واحسن حاجه تعملها أنك تسيب ريتاج في حالها وتستاهل أنك تتجوز بسملة
نجم صرخ بصوت عالى ااااااااااااااااه
ووقع على الأرض مغمى عليه
________________________

فى بيت ناجى
-------------------------
ريتاج كانت بتحاول تعيش حياتها بطريقة عادية وتنسى نجم حتى ولو قدام اهلها
كانت قاعدة قدام عشة الفراخ
فجأة ظهر  قدامها راجل غريب وباين من لبسه انه مش فلاح
الراجل الغريب السلام عليكم
ريتاج بتوتر وعليكم السلام ورحمة الله وبركاته
الراجل الغريب أنا آسف خضيتك
ريتاج بتوتر لا
الراجل الغريب ابتسم الحمد لله أصل أنا قولت السلام عليكم تلات مرات وانتى كنتى سرحانه وغصب عنى زعقت
ريتاج انت مين
الراجل الغريب ابتسم أيوة صحيح أنا آسف اعرفك بنفسى أنا  ابقى المهندس  شريف
ريتاج باستغراب مهندس
شريف بهزار ااه وآلله هو مش باين عليا
ريتاج مش قصدى
شريف ابتسم ولا يهمك يا انسة
ريتاج واقفة متوترة
شريف شكلك مش من البلد هنا صح
ريتاج هزت راسها بهدوء
شريف باين عليكى طبعا لا لبسك ولا لهجتك
ريتاج حضرتك عايز إيه
شريف ضحك هههههه إيه الاحراج إللى أنت فيه يا شريف
شريف قرب من ريتاج احمم معلش يا انسة اصل انا اول مرة اشوف واحدة كدا زيك
ريتاج بتوتر واحدة زى يعنى إيه
ناصر لا لا متفهمنيش غلط أنا قصدي واحدة زى بنات مصر كدا هنآ في البلد أصل أنا لسة جاى من السفر
ريتاج أنا سألتك أنت عايز إيه
شريف الصراحة مش عارف أنا من اول ما شوفتك نسيت أنا عايز إيه
ريتاج بعصبية أنت واحد مش محترم وكانت هتمشى من قدامه
شريف استنى بس بلاش النرفزة دى كلها على العموم يا ستى أنا اسف
أنا بقى صاحب الأرض إللى قدام بيتكم دى كلها وكمان إللى جمب البيت دى
يعني أنا أبقى جاركم معلش أصل البيت دا من زمان فاضى وكنت باجره لما اجى البلد ابص على الأرض
ريتاج هزت راسها
شريف انتم إللى اجرتوا  البيت
ريتاج لا احنا اشترناه
شريف ابتسم نورتوا البيت والبلد كلها
ريتاج سابته ودخلت تجرى على البيت وطلعت اوضتها بسرعة
بعد شوية سمعت صوت ناس وعربيات
طلعت وقفت في البلكونة لقت عمال ومعاهم ادوات عشان هيبنوا
شريف رفع وشه لقى ريتاج واقفة ابتسملها
فجأة خرج ناجى وفكرية على الصوت هما كمان
ناجى هو في إيه بيحصل هنا
شريف قرب من ناجى السلام عليكم
ناجى وعليكم السلام ورحمة الله وبركاته هو في إيه
شريف معلش جيران مزعجين من اول يوم كدا
ناجى ابتسم جيران أنت هتسكن هنا
شريف أيوة أنا صاحب الأرض الفاضية دى كلها
ناجى أهلا وسهلا الأرض نورت بيك
شريف أهلا بيك
ناجى بس أنا شايفك أنت هتبنى على الأرض ولا اية
شريف ما الأرض مهجورة من زمان وأنا عشان ازرعها لازم اكون جمبها وعشان كدا هبنى بيت الآول وبعدين أبدأ ازرع بقى
ناجى بس شكلك مش فلاح
شريف ابتسم. أنا مش فلاح بس أنا مهندس زراعى وأنا أصلا من البلد بس كنت مسافر ولسة راجع يادوب ظبط التصاريح وقلت ابدا على طول
ناجى ربنا يباركلك ويوفقك
شريف يارب يا استاذ
ناجى أنا عمك ناجى
شريف يشرفنى اناديك بعمى
ناجى يلا يا حجة واجب الضيافة
فكرية حاضر من عنيا وسابتهم ودخلت كل دا وريتاج واقف تسمع من البلكونة
ناجى كنت مسافر برا
شريف كنت مسافر امريكا
شريف بعد ما خلصت الكلية حبيت اكمل دراستى سافرت واهو بقالى حوالى خمس سنين وكنت شغال هناك بمرتب كبير اوى بس قولت لازم ارجع بلدى وارضى أولى بالعلم إللى اتعلمته دا كله
ناجى بإعجاب ما شاء الله عليك ربنا يوفقك ياابنى يارب
خرجت فكرية بصينية شاى كبيرة
شالها شريف بسرعة منها متشكر أوى يا طنط تعبتى نفسك
فكرية تعبك راحة أنا عملت للرجالة شاى عقبال ما احضركم الغدا
شريف لا غدا إيه هو حلو الشاى وهما كمان واخدين الاجر بالاكل وبعد كام ساعة بيروحوا يتغدوا ويرجعوا يكملوا شغل
ناجى ربنا يكملك على خير يا ابنى
شريف يا رب و رفع ايده وعيونه لفوق كأنه بيدعى
وفجأة شاف ريتاج
وسرق نظرة لريتاج قبل ما تدخل وتقفل البلكونة
ياترى وراك إيه يا سى شريف أنت كمان .......
توقعاتكم بقى
بقلمى موفاااا💚
__________________