ملاكى الهادى

الفصل آل 32

وحشتووووونى اووووووووى
وسمحوووونى والله النت كان
فاصل بقاله شهر
واكيد نسيتونى ونسيتو ابطالنا
بس تعالوا نفتكر سوا حصل إيه في حكايتنا #ملاكى_الهادى
بقلمى موفاااا💚
---------------------------------
دا الفصل إللى فات عشان نفتكر أخر الاحداث
----------
حبايبى آلحمد لله رجعت اكتب
تانى أهو  وإن شآء الله هنكمل
حلقات #ملاكى_الهادى
يلا بينا.......
الفصل آل 31
______________
تانى يوم
ريتاج كانت قاعدة قدام عشة الفراخ لوحدها زى ما متعودة 
فجأة ظهر قدامها شريف
ريتاج بصتله باحتقار
شريف صباح الخير
ريتاج نفخت في الهوا استغفر الله العظيم وكانت هتقوم تدخل
شريف لحقها بسرعة استنى بس أنا جاى اتأسف لك عن اللى حصل إمبارح
انا آسف ليكى يا ريتاج
ريتاج بحدة خلاص حصل خير عن اذنك.وقبل ما تمشى ركزت في وشه
شريف ابتسم باحراج لأ دى حاجة بسيطة أصل باين البلد دى فيها مجانين
ريتاج باستغراب مجانين
شريف أيوة أصل امبارح لما سبتينى ودخلتى ظهر قدامى فلاح من البلد ونزل فيا ضرب وخلانى بالشكل دا
ريتاج فلاح ضربك
شريف بتوتر لا أنتى لو شوفتيه أنا كسرته مش هيخرج من المستشفى قبل شهر
ريتاج باهتمام الفلاح المجنون دا كان شكله إيه لأ لأ قصدى كان لابس إيه
شريف أنا مش فاكر بالظبط أصل خدنى على خوانه بس باين كان لابس جلبيه سودا حرير وضحك بسخرية مجنون ولابس حرير
ريتاج ابتسمت بفرح وكانت ماشية فجأة وقفت وبصتله تعيش وتاخد غيرها ودخلت بسرعة
شريف وقف يكلم نفسه إيه دا هى فرحانه فيا ولا اية طيب  اصبرى لما اطلبك من ابوكى هطلع كل دا عليكى
-------------------
في بيت الحاج ثابت
____________________
بقلمى موفاااا💚
---------------
نجم ها إيه رائيك في إللى عملته امبارح يا ابا
الحاج ثابت أيوة كدا خلينا نخلص
أم ابراهيم عايزين نفرح بقى يا نجم يا ابنى
نزلت منى من فوق هى وحسين اخوها
أم ابراهيم رايحين فين كدا يا منى
منى أنا قولت لماما نروح عند عمتى شوية أصل بقالى كتير مشفتهاش
نجم بصلها
حسين بس انا مش عايز اروح معاكى أنتى إللى غلسة عايزة تاخدنى بالعافية
الحاج ثابت وبعدين يا حسين عيب كدا روح مع اختك
حسين لا ماليش دعوة أنا هطلع أطير الطيارة فوق السطح وفعلا سابها وطلع تانى
منى خلاص هروح أنا ومش هتاخر
أم ابراهيم طيب خلى بالك من نفسك ومن الطريق وقوليلها لما تفضى تعدى عليا
منى حاضر وكمان افرحها وأقولها أن عمى هيجيب الشبكة يوم الجمعة
نجم بصلها وكان حاسيس ان قصدها حاجة
الحاج ثابت مترجعيش لوحدك خلى الواد على يوصلك
منى حاضر وخرجت بسرعة
نجم مقولتيش يا أبا هو ابراهيم اتفق مع الناس اللي هتوضب الشقة
الحاج ثابت أيوة خلاص كلها يومين ويبدأوا في التوضيب
أم ابراهيم بفرح ربنا يقربلك البعيد يا ابنى
نجم اتنهد بصوت عالى يارب أنا هطلع أشوف حسين
أم ابراهيم هو ماله نجم يا حاج
الحاج ثابت ماله في إيه
ام ابراهيم حاسة أنه مش فرحان كدا
الحاج ثابت ازاى مش فرحان دا مستعجل أهو زى ما انتى شايفة
فجأة الباب خبط
ام ابراهيم قامت فتحت انصدمت لما شافت بسملة قدامها
أم ابراهيم بحدة أنتى...
. أنتى  إيه إللى جابك هنآ واصلا إيه إللى فكرك بينا تانى
بسملة وحشتيني اوي يا ماما وحضنتها
أم ابراهيم زقتها وحش ياكلك يا بعيدة
بسملة بحزن مصطنع ليه كدا يا ماما يعنى دا جزائى عشان جايا اسلم عليكى
وبصت للحاج ثابت اذيك يا بابا الحاج ومسكت ايديه وباستها
الحاج ثابت مصدوم
بسملة معلش ليكم حق تزعلوا منى بعد إللى حصل زمان بس أنا ونجم خلاص رجعنا لبعض هو مقالكمش ولا اية
أم ابراهيم بعصبية رجعتوا لبعض يعنى إيه يا بت انتى
بسملة قعدت بكبرياء يا ماما أنا ونجم خلاص هنتجوز
أم ابراهيم بعصبية وصدمة أنتى اجننتى ولا اية يا بت
بسملة لا طبعا يا ماما أنا عاقلة جدا ااااااااه اذا كان قصدك على موضوع ريتاج دى فخلاص الناس نسيت الكلام إللى كان بيتقال عليهم ويعنى هو أول مرة واحد يمشى مع حد ومش يتجوزها
الحاج ثابت بصوت عالى استغفر الله العظيم إيه إللى انتى بتقوليه دا يا بنتى
أم ابراهيم مسكتها من دراعها اتبنت عليها حيطة أنتى عايزة إيه مننا الوقت جايا الوقت بعد ما سبتى نجم في عز ما كان بيحبك جايا الوقت ليه يلى منك لله
بسملة قعدت جمب ام ابراهيم اهدى بس يا ماما مين ريتاج دى اللى عايزة تجوزيها لنجم هو انتم تعرفوا أصلها من فصلها ولا كان سبب إيه جنانها والحالة إللى كانت فيها قبل ما تخف
أم ابراهيم أنتى عرفتى كل دا ازاى
بسملة ضحكت بخبث أى حاجة تخص نجم أنا بعرفها حتى لو كنت بعيدة
الحاج ثابت يا بسملة يا بنتى الكلام دا مالوش لازمه عشان خلاص نجم هيتجوز ريتاج بنت الحاج ناجى
بسملة ضحكت مش هيحصل أنا إللى هتجوز نجم ابقوا سلمولى على نجم وسابتهم وخرجت
قعدت أم ابراهيم والحاج ثابت مصدومين
نزلت هدى هى وابراهيم
هدى فى ايه يا مرات عمى مالك كفل الشر
أم ابراهيم أنا مش عارفه اقولك ايه يا بنتى
ابراهيم في إيه يا أبا حد يتكلم
الحاج ثابت حكى كل إللى حصل
هدى ونجم مصدومين
هدى صحيح بت بجحة
ابراهيم طيب هو نجم فين الوقت
أم ابراهيم فوق السطح مع حسين
هدى حسين هو مراحش مع منى
الحاج ثابت لا مرضيش
ابراهيم اسمعوا محدش يجيب سيرة لنجم أن الزفت دى جات وقالت حاجة خلينا نجوزه ونخلص
الحاج ثابت أيوة دى أحسن حاجه وأنت يا إبراهيم شد حيلك وهات الناس يوضبوا الشقة بسرعة
أم ابراهيم بس العقربة دى قالت إنها شافت نجم وكلمته
هدى بس هو خلاص راح واتفق مع الناس مش هينفع برجع في كلامه
ابراهيم طيب إيه رائيكم لو بدل ما نعمل شبكة بس نعمل شبكة وكتب كتاب
الكل بص لإبراهيم
هدى فكرة حلوة اوى
ام ابراهيم أيوة عشان حتى لو فكر يفشكل الخطوبة مش هيقدر عشان دى هتبقي طلاق
ابراهيم بس هو يرضى والاهم عمى ناجى وبنته
أم ابراهيم سيبوها عليا هزور ام محمود أنا وهدى ونقنعها وهى تقنع جوزها وبنتها
هدى صح كلامك يا مرات عمى
------------------
فى بيت سعاد
------------------------
منى أنا همشى يا عمتى
سعاد لسة بدرى
منى لا عشان متاخرش أصل ماما ماكدة عليا مرجعش بالليل
سعاد طيب كنتى استنينى على يجى يوصلك
منى اتنهدت بصوت عالى مش مهم الظاهر انه هيتاخر في شغله بس متنسيش تيجى لستى
سعاد أيوة هجلها بكرا بالكتير
منى طيب همشى بقى وكانت خارجة هى وسارة
سارة متزعليش هو لو يعرف انك هنا مكنش خرج
منى مش مهم أنا كنت جايا اقعد معاكى عشان كنت مخنوقة
سارة ما أنتى مرضتيش تقولى مالك
منى مافيش أنا ماشية سلام وسابتها وخرجت
بعد لحظات من خروج منى دخل على
على السلام عليكم
سعاد وعليكم السلام اتاخرت كدا ليه النهاردة
على فى ايه يا أما كنتى عايزنى في حاجة
سارة بحدة كنت هتوصل منى بدل ما مشيت لوحدها كدا
على اتصدم إيه هى منى كانت هنا لوحدها كمان
سارة أيوة ولسة ماشية
على طيب هروح الحقها يمكن القاها أوصلها بدل ما تمشى لوحدها
سعاد ياربت تلحقها
سارة اجرى بسرعة بقى قبل ما تبعد
وفعلا خرج على جرى
بعد ما على جرى بسرعة اخيرا شاف منى خارجة من شوارع البلد وهتدخل فى الغيطان
بصوت نده على على منى
منى وقفت أول ما سمعت صوته
----------------------
على وصل عند منى وهو بيتنفس بسرعة بسبب الجرى
منى إيه في إيه وكنت بتجرى كدا ليه
على لسة بيتنفس بصوت عالى ومش قادر يتكلم
منى اهدأ وخد نفسك وقولى في إيه حصل خلاك تجرى كدا
على بدأ يهدا عشان احصلك أنا أول ما ه عرفت انك كنتى عندنا ومشيتى  محستيش غير بنفسى وأنا بجرى عشان احصلك
منى وعايز تحصلنى ليه بقى
على استعبطى بقى ما أنتى عارفة أنى هتتجنن واشوفك
منى بدلع البنات يا سلام أنت لو كنت عايز تشوفنى كنت جيت تشوفنى
على صدقينى مش عارف اسيب ابويا لوحده وكمان عمى هيتجوز وكل حاجة على دماغى
منى يا سلام يا اخويا
على قرب منها وبهمس أنا لو اعرف انك جايا عشان وحشتك كنت مخرجتيش من البيت
منى بتوتر وبعدين معاك حد يشوفنا وسابته ومشيت ودخلت في طريق كله شجر
على مشى وراها استنى بس أنا هوصلك
منى لأ روح أنت لسة جاى تعبان من الشغل وأنا كمان بعرف اروح لوحدى العفريت مش هيكولنى
على تروحى لوحدك إيه معنديش الكلام دا مراتى ما تمشيش لوحدها أبدا
منى وقفت مرة واحدة مراتك
على أيوة أنتى مراتى ومش من النهاردة من يوم ما حبينا بعضنا
منى بكسوف بس بقى يا على
على قرب منها بحبك أوى يا منى ومسك ايديها جات تشدها مسكها جامد
منى بتوتر سيب ايدى يا علي
على قرب منها لأ مش هسبها ولا هسيبك أبدا
منى بتوتر على حد يشوفنا
على محدش هيشوفنا وقرب منها ومسك ايديها وباسها
منى شدت ايديها بسرعة
على ابتسم. وقرب منها أكتر وهمس في ودانها أنا بحبك أوى اوى يا منى وفجأة حضنها جامد
منى بفزعة عيب يا على سبنى وبقت تزوقه
على هوووش هتفضحينا
منى بخوف سبنى يا على أحسن ما اقول لبابا
على حضنها جامد مش هتقولى لحد عشان أنتى كمان بتحبينى صح وركز في عيونها
منى فى حالة مش عارفه سببها إيه
على ردى عليا بتجبينى يا حبيبتي
منى فى حالة توهان هزت راسها
على يبقى خلاص تهدى بقى وبلاش تضيعى اللحظة إللى كنت مستنيها من زمان وقرب اكتر وحاول يبوسها
فجأة منى زقته لأ يا على لا وجريت بين شجر الفاكهة
على استنى بس هقولك حاجة
منى بخوف لأ يا على إللى أنت عايز تعمله دا غلط وعيب وحرام كمان وقعدت تعيطى
على يا بت استنى هقولك
منى بتعيط
على يا منى أنا بحبك ودى حاجه بتحصل بين أى اتنين بيحبوا بعض أنتى مش بتشوفى الافلام
منى الأفلام دى اصلا حرام وقعدت تعيط
على خلاص حقك عليا مش هعمل كدا تانى
منى بصتله
على وحياة منى
منى ابتسمت ومسحت وشها
على ممكن نروح بقى
منى ماشى وفعلا روحت منى وهى مشاعرها مضطربة بسبب إللى حصل ودا اول مرة يحصلها
_______________________
عدا كام يوم على كل إللى حصل
--------------------
فى بيت الحاج ثابت
كان بدأ الشغل فى شقة نجم وكان ابراهيم بيستعجل العمال عشان يخلصوا بسرعة
أم ابراهيم بقولك إيه يا حاج
الحاج ثابت أيوة يا حجة
أم ابراهيم أنا بقول ازور ريتاج واهلها مع نجم وهو رايح يجيب الشبكة واخد رائيهم في موضوع كتب الكتاب دا
الحاج ثابت مش المفروض أنا إللى اكلم ناجى الأول
أم ابراهيم ما أنا هجس نبض أم ريتاج الأول لو لقتها قابلة تروح تتكلم انت وبينى وبينك أنا مش عايزة شبكة وكتب كتاب بس
الحاج ثابت باستغراب اومال عايزة ايه تانى
أم ابراهيم أنا بقول نقطع عرق ونسيح دم ونجوزهم ونخلص
الحاج ثابت إيه تجوزيهم ازاى
أم ابراهيم وفيها إيه خلينا نخلص من الموضوع ده بقى وكمان قبل العقربة إللى اسمها بسملة ما تخرب الدنيا أنت مسمعتيش قالت إيه لما جات هنا دى حاطة البت في دماغهاا وناويلها وعايز تخطف الواد منها ومننا
الحاج ثابت اتنهد بصوت عالى
أم ابراهيم قولت إيه يا حاج
الحاج ثابت لله الأمر من قبل ومن بعد ابقى روحى معاه أنتى وهدى وشوفى الدنيا فيها إيه
خرجت هدى من المطبخ أنا خلصت أكل العمال يامرات عمى
الحاج ثابت طيب أنا هطلعه واشوف وصللوا لحد فين
هدى دول خلصوا أوضة النوم امبارح
وزمانهم بيعملوا أوضة الانترية
أم ابراهيم يبقى ناقص أوضة العيال والصالة والحمام والمطبخ
هدى على خير إن شآء الله
الحاج ثابت ربنا يسهل أنا هطلع الاكل
وسابهم وطلع
أم ابراهيم سرحانه
هدى مالك يا مرات عمى
أم ابراهيم مش عارفه قلقانة ليه
هدى قلقانة بسبب اللى متسماش بسملة
أم ابراهيم هو في غيرها يقلق آلله ينتقم منها من ساعة ما شوفتها وقالت إللى قالته وأنا حاسة أنها ناوية على حاجة
هدى متخافيش ان شاء الله ربنا يسهل ونخلص بقى ونجوز نجم قبل ما تعمل حاجه
نزل الحاج ثابت من شقة نجم
الحاج ثابت بفرح اللهم صل على النبى على الشقة اتغيرت خالص بعد ما اتعملت
أم ابراهيم بفرح بجد بقت حلوة
الحاج ثابت حلوة وبس دى بقت جميلة
وكمان العمال قالوا هيخلصوا على آخر الاسبوع كل الشقة
هدى بفرح  يارب يفرحك يا نجم يا اخويا
أم ابراهيم ما اسم آلله عليه ابراهيم جايب عمال كتير
الحاج ثابت كدا ناقص العفش
هدى إحنا ممكن نخلى ريتاج تختاره وهى بتجيب الشبكة بالمرة
الحاج ثابت تصدقي يا هدى فكرة حلوة عشان نخلص
أم ابراهيم وعقبال أول الشهر يكونوا دخلوا
هدى على خير يارب
الحاج ثابت يارب خلاص ابقوا روحوا مع نجم يوم الجمعة وهو رايح يجيب الشبكة وشوفوا موضوع العفش بالمرة
أم ابراهيم زى بعضه ربنا يسهل الأمور يارب
الكل يارب
فجأة دخل  نجم
نجم السلآم عليكم
الكل وعليكم السلام ورحمة الله وبركاته
الحاج ثابت إيه يا نجم يا ابنى إيه إللى جابك بدرى
نجم مافيش حاجه أصل ابراهيم قالى اجى اشوف الناس إللى شغاله وصلوا لفين
ام ابراهيم صلاة النبى قربوا يخلصوا اهو
نجم كويس
هدى بصت لأم ابراهيم
أم ابراهيم مالك يا نجم
نجم اتنهد بصوت عالى مافيش يا اما
الحاج ثابت في إيه يا ابنى أنت مش فرحان ولا اية دا إحنا هنروح نجيب شبكتك يوم الجمعة المفروض تكون فرحان
نجم بصلهم أنا هدخل ارتاح شوية
ودخل أوضة في الدور الارضي وكان فيها كل حاجاته
قرب من كارتونة فيها صوربسملة
نجم بيكلم نفسه وبعدين معاك يا نجم انت إيه إللى بتعمله في نفسك دا
هتتجوز واحدة مبتحباهاش وكمان جايا وشايلة مصيبتها على ايديها زى إللى شايلة كفنها والتانية أنا إللى كنت عايز اتجوزها راحت وغابت والوقت راجعالى عشان اتجوزها اااه يانى هعمل ايه يا رب
ظهرت الشخصية العكسية لنجم
طول ما انت بتقول يارب هيقف معاك ويرشدك للطريق الصح
نجم أنا تعبان اوى
الشخصية العكسية لنجم أنا هقولك كلمتين مهمين أوى إللى حصل لريتاج أوعى تقول عليه مصيبة  بالعكس أنا شايف ان دا وسام شرف
نجم باستغراب وسام شرف
الشخصية العكسية لنجم أيوة ريتاج حصلها كدا عشان مرضتش تخالف ضميرها وتضمى على ورق ممكن يجيب أمراض خطيرة للناس اللى هتاكل اللحمة دى وممكن الناس تموت أنت هنا بعيد عن الحرامية الكبار إللى في بلدنا استنى بس ما أنت شوفت حرامى بس على صغير عوض إللى شهر بيك أنت وريتاج وكان كل شوية عامل مشاكل مع طوب الأرض في البلد
الشخصية العكسية لنجم اتنهدت بصوت عالى استهدا بالله يا نجم وبلاش تظلم ريتاج وكل شوية تفتكر إللى حصلها
نجم نام على السرير وبص للسقف وسرح
-----------------------
Flash back
-------------------------
ريتاج أنا هقولك على سبب الحالة اللى كنت فيها
نجم بيسمع باهتمام
ريتاج أنا كنت  فى عيادتى البيطرية إللى اشتغلت فيها تبع وزارة الصحة
فى اليوم دا جالى تليفون وقالولى إن
فى شحنة لحمة عايزة تدخل البلد ولازم تتحلل ويتكشف عليها
نزلت على طول عشان أروح المكان إللى فيه الشحنة
اول ما نزلت الشارع لقت حد حط منديل فيه مخدر على وشى محستيش بحاجة غير بعد ما فوقت وانا مربوطة ايدى ورجلى وظهر قدامى واحد كان عايزنى امضى أن اللحمة المستوردة بتاعته سليمة ومطابقة للمواصفات وأنا رفضت مع كل العروض اللى هو عرضها عليا وبعد كدا اختفى قولت أنه خلاص فقد الأمل وهينسى لكن إللى حصل غير كدا
ريتاج بتعيط
نجم أهدى خلاص
ريتاج مش ههدا ولا هرتاح غير لما تعرف كل حاجة سبنى اكمل
ريتاج اتنهدت بصوت عالى حزين موجوع
ريتاج بتتحرك بهستريا عشان مربوطة
راجل من شكله مركزه كبير ووراه بادى جارد شكلهم يخوف
الراجل هاا عرفتينى يا دكتورة ولا لسه
ريتاج بخوف أنت
الراجل ضحك بصوت عالى ااه أنا سلطان سلامة استحالة تنسينى وضحك بصوت عالى
إيه  انتى صدقتى التليفون إللى جالك لا دى حركة بس
ريتاج بخوف أنت عايز منى ايه
سلطان أنا عايز اعلمك إللى يقف قصادى هيحصله إيه وضربها بالقلم
ريتاج صوتت بهستريا أنت حيوان أنا هيوديك في ستين داهيه لو مفكتنيش
سلطان نزل لمستوى ريتاج على الأرض أنتى يا قطة هتودينى في داهيه طيب أنا عايز اشوف وشد حجابها من على شعرها
ريتاج في حالة خوف هستيرى وبتعيط سبنى ابوس ايدك وأنا مش هقول كلمة عن إللى حصل الوقت
سلطان بغيظ شد شعرها هتضحكى عليا تانى زى المرة اللي فاتت لما بلغتى عن الشحنة إياها واعدومها وكنت هروح فيها
ريتاج بتصوت احلفلك انى مش هقول لحد بس سبنى امشى
سلطان امممم عايزة تمشى من هنا معززة مكرمة
ريتاج هزت راسها بسرعة أيوة
سلطان وأحد من إللى واقفين ادله ملف فيه ورق
سلطان امضى يا دكتورة
ريتاج بقلق امضى على إيه
سلطان على ورق الشحنة الجديدة بدل إللى اتعدمت
ريتاج فتحت عيونها مرة واحدة
سلطان متخافيش هديكى أكتر من المرة اللي فاتت
ريتاج حاولت تمسك اعصابها صدقنى مش هينفع بعد امضتى في حوالى خمس مشرفين هينزلوا بعدى يكشفوا على اللحمة واكيد هيعرفوا أنها فاسدة
سلطان ضحك مالكيش دعوة كل واحد هيخد اللى هيسكته
ريتاج مصدومة إيه يعنى كل المشرفين إللى أكبر منى هيمضوا إن الصفقة سليمة
سلطان كل حاجة بتمنها بس زى ما قولتلك انتى وضع تانى هتاخدى إللى عمرك ما تحلمى بيه بس امضى بقى
ريتاج اسفة مش همضى
سلطان يعني إيه
ريتاج يعنى مش همضى على أكل هيموت الناس واللى مش هيموت هيجيله سرطان أو الكبد أو غيره و غيره وبصوت عالى  أنت إيه مبتخفش من ربنا اتقى الله حرام عليك
سلطان مسكها من دراعها عشان تقف بس معرفتيش
البادى جارد واقفها
سلطان هسيبك خمس دقايق  تفكرى يمكن تغيرى رأيك وكمان نص مليون مش قليل
ريتاج بعصبية ولا خمسة مليون يخلونى اغير رائى
سلطان أنتى إللى جبتيه لنفسك هزعل عشانك اوى
يلا يا ولاد مين عليه الدور فيكم
كل البادى جارد بصولها وكأنهم هيفترسوها
ريتاج واقفة مرعوبة هوديكم في داهية لو حد لمسنى
ضحك سلطان لسة معاكى وقت انجزى يا دكتورة
ريتاج مهما خوفتنى أنا بخاف من ربنا أكتر منك ومهما عملت مش همضى
سلطان أنتى إللى جنيتى على نفسك
ورماها في الأرض مين عليه الدور فيكم
ظهر راجل كبير فى السن وضخم الجسم
ريتاج أول ما شافته بقت تسحف على الأرض وانكمشت في نفسها
سلطان أنت هتقدر يا جمعة
جمعة ضحك الدهن في العتاقى يا باشا وبعدين دا دورى ولا ايه وأنا سبت دورى قبل كدا ليهم
سلطان كانت مين
جمعة كانت الرقاصة أصل مكنتش هقدر عليها لكن دى حلوة وهادية ولمس شعرها
سلطان ضحك بصوت عالى بالهنا والشفا يا جمعة  وسابه وخرج مع ريتاج لوحدهم
ريتاج بخوف اوعى تلمسنى هقتلك.
جمعة بيقلع هدومة
ريتاج بتصوت بهستريا
جمعة أنتى هتوجعى دماغى ليه هو أنا لسة لمستك وضربها بالقلم وفجأة طلع ازازة  ورش على ريتاج غابت عن الوعى وحصل إللى حصل
ورموا ريتاج على باب شقتهم وبقت حالتها زى ما شوفناها
----------------------
نرجع للواقع
-----------------------
نجم اتنهد بصوت عالى
الشخصية العكسية لنجم وبعد كل دا عايز تسبها حرام عليك بجد
فجأة خبط على الباب خلى نجم فاق من سرحانه
نجم مين
منى أنا يا عمى
نجم اتعدل ادخلى يا منى
منى دخلت وهى بصة في الأرض
نجم تعالى يا منى
منى قربت شوية جدى بيقولك هو هيروح لجدى ناجى عشان يتفق على الشبكة تحب تروح معاه
نجم انتى بتحبى ريتاج يا منى
منى بصتله مرة واحدة
نجم أنا هتجوز ريتاج يا منى
منى ابتسمت مبروك يا عمى
نجم قولى لجدك أنى هروح معاه هلبس واجى وراكى
منى حاضر وخرجت بسرعة
وصل نجم والحاج ثابت لبيت ناجى
الحاج ثابت إيه دا هو في حد هيسكن هنا ولا اية
نجم باين كدا ملناش دعوة يلا نخبط
خبط نجم فتح ناجى
الحاج ثابت السلام عليكم
ناجى وعليكم السلام ورحمة الله وبركاته يا ألف مرحب اتفضلوا
الحاج ثابت اذيك يا حاج ناجى
ناجى الحمد لله يا حاج بخير بدعواتك
الحاج ثابت تعيش يارب واذى الحاجة وعروستنا عاملة ايه
ناجى الحمد لله بخير هندهم يسلموا عليكم وسابهم وخرج
الحاج ثابت مالك أنت ساكت كدا ليه ما تقول حاجة
نجم اتنهد بصوت عالى اتفق أنت على كل حاجة يا أبا
الحاج ثابت أنا هتفق على شبكة وكتب كتاب وبعد شهر الفرح
نجم زى ما تحب
الحاج ثابت طيب افرد وشك شويه الناس تقول عليك إيه وأنت جاى تتفق وشايل الهم كدا
نجم  حاضر اهو وابتسم ابتسامة عشان يرضى ابوه
الحاج ثابت ابتسم ربنا يقربلك البعيد يا ابنى
نجم يارب
نزلت فكرية وريتاج مع ناجى
وبعد ما اتفقوا على كل حاجة
نجم أنا هعدى عليكم يوم الجمعة عشان ننزل البلد نجيب الشبكة
ريتاج ابتسمت وهزت راسها
فكرية هنستناكوا إن شاء الله
الحاج ثابت على خير إن شآء الله نمشى احنا بقى
ناجى لسة بدرى
الحاج ثابت بدرى من عمرك معلش أصل العمال شغالين في شقة العرايس وأنا لازم أتباعهم
ناجى ربنا يدك الصحة ويبارك فيك
نجم لو عايزة تيجى تتفرجى على الشقة عادى
ريتاج ابتسمت لا خليها مفاجأة
نجم ابتسم ماشى براحتك على ميعادنا يوم الجمعة
ريتاج ابتسمت وهزت راسها
ومشى الحاج ثابت ونجم وسابوا ريتاج وابوها وامها فرحنين
----------------- -
واخيرا جه يوم الجمعة
فى بيت ناجى
------------------------------
ناجى إيه يا فكرية لسة ملبستيش الناس زمانهم جاين
فكرية أنا هلبس أهو بس شوف أنت بنتك خرجت قعدت جمب الفراخ ومش عايزة تدخل تلبس
ناجى طيب اجهزى وأنا هخرج اشوفها
خرج ناجى يشوف ريتاج لقاها قاعدة قدام الفراخ
ناجى إيه يا ريتا قاعدة كدا ليه
ريتاج فى حاجة يا بابا
ناجى انتى ملبستيش ليه خطيبك زمانه جاى هو واهله عشان تشتروا الشبكة
ريتاج اتنهدت بصوت عالى
ناجى مالك يا ريتاج يا بنتى
ريتاج إللى أنا هعمله دا صح يا بابا
ناجى أنتى لسة خايفة
ريتاج أنا مرعوبة يا بابا
ناجى متخافيش  يا بنتى سبيها على ربنا ويلا بقى اطلعى البسى أمك زمانها لبست
ريتاج حاضر يا بابا
ناجى ربنا يصلح حالك يا بنتى
وصل نجم وأم إبراهيم وهدى ومعاهم منى لبيت ناجى
الباب كان مفتوح
دخلت منى بسرعة
شافها ناجى وفكرية
فكرية اهلا وسهلا
أم ابراهيم السلام عليكم ورحمة الله وبركاته
ناجى وفكرية وعليكم السلام ورحمة وبركاته
وبعد سلامات من العلتين
أم ابراهيم اومال فين عروستنا الحلوة
فكرية هطلع اندهلها
منى ينفع اطلع أنا
فكرية ابتسمت وماله اطلعى يا حبيبتي
منى طلعت بسرعة
ناجى العصير يا حجة
فكرية  حاضر ودخلت المطبخ
نجم وناجى بيتكلموا سوا
هدى همست لام ابراهيم بقولك إيه يا مرات عمى ما بلاش نروح معاهم ونقعد
هنا مع الحجة ونتفق على كل حاجة بالمرة
ام ابراهيم يعنى هنسبهم يمشوا لوحدهم كدا
هدى البت منى هتكون معاهم ويعنى هما هيروحوا فين ما في البلد إيه رائيك
أم ابراهيم  أمها وابوها هيرضوا وبعدين دول جاهزين اهوم ولبسين
هدى نجرب ونقولهم مش هنخسر حاجه
أم ابراهيم مش عارفه يا هدى ابقى قوليلهم أنتى بقى مش عايزة اتكسف معاهم.
هدى طيب هقول أنا  لامها
وفعلا قالت هدى لفكرية وخرجت ريتاج ونجم ومعاهم منى
منى ماسكة ايد ريتاج وهى فرحانة
ونجم سابقهم بكام خطوة
منى عارفة يا ريتا أنا فرحانة أوى النهاردة
ريتاج بصت على نجم اللى ماشى قدامهم واتنهدت بصوت عالى
منى إيه يا ريتاج انتى مش معايا خالص
ريتاج بتقولى حاجة يا منى
منى ايوة كنت بقولك انى فرحانة أوى النهاردة
ريتاج ليه
متى عشان خرجت معاكى وانتى رايحة تجيبى الشبكة
ريتاج ابتسمت بسخرية ااه
منى مالك يا ريتاج أنتى مدايقة من حاجة
ريتاج وقفت وسرحت في إللى ماشى قدامها مش حاسيس بيها
منى مالك يا ريتاج وقفتى ليه
ريتاج بصتلها وكملت مشى 
فجأة وهما داخلين في طريق الشجر
منى اتوترت ومسكت ايد ريتاج جامد
ريتاج لاحظت دا
ريتاج مالك يا منى فى ايه
منى بتوتر أصل مبحبش الطريق دا بخاف منه
ريتاج ابتسمت متخافيش هاتى ايدك ويلا نمد ونخرج منه بسرعة
فجأة ظهرت قدامهم بسملة
نجم وقف مصدوم حتى منى شهقت وفتحت عيونها على الاخر
بسملة قربت من نجم إيه المفاجأة الحلوة دى أنا كنت لسة جايلك
نجم واقف متوتر وبيبص لريتاج ومنى
منى قربت بسرعة من بسملة اذيك يا بسملة عاملة ايه
بسملة بعدم اهتمام أهلا
وبصت تانى لنجم إيه يا نجم إحنا مش بنا ميعاد ولا اية وحطت ايديها على كتفه
ريتاج بصتلهم باستغراب
منى بسرعة أيوة صح بس الظاهر أنتى إللى نسيتى ميعادك دا كان قبل الوقت بكتير واللى كنتى عايزة من عندنا خلاص خلص ومالكيش نصيب فيه مبروك على صحابه بقى وبصت لريتاج
ريتاج واقفة مش فاهمة حاجة
بسملة يعنى إيه الكلام دا يا نجم
نجم بيتكلم بلغبطة أصل يعنى
منى بسرعة معلش يا بسملة إحنا مش فاضيين ورانا مشوار مهم ومسكت ايد نجم وايد ريتاج واتحركت ومشتهم بسرعة
بسملة واقغة لوحدها متغاظة وعصبية
طيب يا منى اصبرى عليا أنتى كمان
ريتاج هى مين يا منى وبصت لنجم
منى بصت هى كمان لنجم
نجم دى
منى دى واحدة غلسة اوى كانت عايزة تاخد حاجة من عندنا بس خلاص عمى اداها للى احسن منها ألف مرة
ريتاج حاجة إيه دى
منى سيبك من العالم الغلسة دى وقوليلى هتجيبى الشبكة غوايش ولا سلسلة
ريتاج اتنهدت بصوت عالى وصل لنجم أى حاجة يا منى مش هتفرق
وكملوا مشى وهما ساكتين
لحد ما وصلوا البلد
----------
وقف نجم هو وريتاج ومنى
نجم احممم بصوا فى محلين دهب إيه رائيكم نروح أى واحد الأول وبص لريتاج
ريتاج اتجهلت كلامه
نجم هاا عايزين إيه
منى لاحظت تغير ريتاج
منى نشوف واحد واحد يا عمى
نجم طيب تعالوا نركب توك توك عشان هما مشوارهم طويل
منى أيوة اخيرا أنا رجلى اتكسرت
وقف نجم توك توك ركبت منى وجمبها ريتاج وكان نجم هيقعد جمبها
ريتاج تعالى كدا يا منى وخلت منى تقعد جمب نجم
نجم ابتسم بسخرية
وصل التوك توك قدام بتاع الدهب
نجم نزل يلا
نزلت ريتاج ومنى ودخلوا وبدأوا يتفرجوا على الدبل
منى آلله الدبلة دى حلوة اوى بصى كدا يا ريتاج
ريتاج بتتفرج بزهق
منى قربت من نجم يا عمى مش كدا اقف معاها واختار معاها
نجم لا خليها على راحتها
منى لا أنت مش شايف زهقانة ومخنوقة ازاى يلا يا عمى عشان خاطري
نجم قرب منها بعد ما منى عملت نفسها بتتفرج على الدهب
نجم احممم في حاجة عجبتك
ريتاج أى حاجة مش مهم
نجم لا طبعا لازم تختارى حاجة عجباكى وبص على الدبل إيه رائيك في دى
ريتاج لأ دى عريضة اوى
نجم طيب شوفى دى
ريتاج طيب إيه رائيك في دى
نجم لا شوفى دى وبدأ الجو يلين شوية
وفعلا اختارت دبلة وخاتم وسلسلة
منى عارفة كنتى المفروض جبتى غوايش يا ريتاج
ريتاج لا السلسة احلا أنا كمان مبحبش الحاجات الكتيرة
منى ماشى يا عم الرقيق وغمزت لريتاج
ريتاج ابتسمت
نجم إيه رائيكم نروح نسلم على عمتك سعاد يا منى
منى بجد ياريت أنا كمان عايزة اسأل سارة على حاجة
نجم طيب إيه رائيك يا ريتاج
ريتاج احممم ماشى
-----------------
فى بيت سعاد
----------------------
سعاد البيت نور النهاردة يا نجم
وبالذات عشان العروسة عندنا
ألف مبروك يا ريتاج
ريتاج ابتسمت آلله يبارك فيكى
منى اومال فين سارة يا عمتى
سعاد فوق بتنشر الغسيل اطلعى اندهيها تسلم على خالك والعروسة
منى حاضر وسابتهم وطلعت
سعاد تشربوا إيه بقى عقبال ما نتغدا
نجم لا اعملى شاى بس يا سعاد
سعاد إيه يا نجم يا اخويا أول مرة اعرف أنك بخيل كدا
نجم ليه بس
سعاد يعنى اول مرة ريتاج تدخل بيتنا
وتقولى شاى تبقى بخيل ولا لأ
ريتاج ابتسمت
سعاد آهو ريتاج ضحكت عليك احسن
وسألته ودخلت المطبخ
نجم على فكرة ضحكتك حلوة اوى
ريتاج ابتسمت بكسوف
نجم بس حاسيس انك مدايقة من حاجة
ريتاج لا
نجم يعنى مبسوطة
ريتاج ابتسمت بحزن مش هتفرق خلاص  مبسوطة ولا لأ
نجم ليه الكلام دا أنتى مش فارق معاكى الموضوع كله ولا اية
ريتاج اتنهدت بصوت عالى طيب قولى بذمتك أنت مبسوط أو حتى فارق معاك الموضوع
نجم بصلها بصدمة
ريتاج ابتسمت بحزن شوفت انك بتضحك على نفسك
نجم اتنهد بصوت عالى وسكت
نزلت منى وسارة اهى صدقتى أنها هنا
سارة بفرح آلله دا بجد ريتاج عندنا
ريتاج ابتسمت اذيك يا حبيبتي عاملة ايه
سارة الله يسلمك أنا مبسوطة أوى أنك عندنا
ريتاج ابتسمت متشكرة أوى
منى بصت لنجم  لقته سرحان
منى مالك يا عمى
سارة هيكون ماله يعنى خالى زى القمر طول عمره
نجم ابتسم لسارة اذيك يا سارة
سارة الحمد لله يا خالى مبروك
نجم آلله يبارك فيكى يا حبيبتي
فجأة دخل على وابوه
على إيه دا خالى هنا ومحدش يقول فريد أبو على اذيك يا نجم عامل ايه
نجم اذيك الله يسلمك اذيك يا فريد عامل ايه
فريد آلحمد لله منورنا النهاردة وبص لريتاج
نجم ابتسم اصل كنا بنجيب الشبكة وقولنا نسلم عليكم
فريد الف مبروك ربنا يتمم بخير مبروك يا عروسة
ريتاج آلله يبارك فيك
على واقف يبص لمنى
سارة عمى محمد كمان هيتجوز يوم الخميس مش هتعزمهم يا بابا
فريد طبعا هما عايزين عزومة ولا اية وان شاء الله الانسة تشرفنا
ريتاج ابتسمت أن شاء الله وبصت لنجم وهمست مش نمشى بقى
نجم أيوة حاضر إحنا هنمشى بقى
خرجت سعاد من المطبخ مش ممكن ابدا لازم نتغدا ولا اية يا ست العرايس
ريتاج معلش مش هينفع عشان مش نتاخر على بابا وماما
فريد مش ممكن يلا يا ام على حضرى
سعاد خلاص هحط الاكل قدامى يا هانم منك ليها واخدت منى وسارة المطبخ
وبعد الغدا مشى نجم وريتاج ومنى
نجم معلش سعاد اخرتنا شوية
منى ما أنت عارف عمتى لما تقول نتغدا لازم نتغدا وصخكت
ريتاج ماشية ساكتة
منى مالك يا ريتاج
ريتاج مافيش حاجه
منى بصت لعمها
نجم فى حاجة مدايقاكى
ريتاج لا بس مخنوقة شوية
نجم مالك في إيه أنتى من ساعة ما خرجنا وانتى ساكتة
ريتاج اتنهدت وفضلت ماشية ساكتة
لحد ما وصل نجم ريتاج لبيتهم وروح هو ومنى
اتصدمت ريتاج لما عرفت أن ام ابراهيم وهدى اتفقوا على شبكة وكتب كتاب وفرح
ريتاج ازاى يا ماما كل دا يحصل مرة واحدة
ناجى وفيها إيه يا بنتى خلينا نفرح بقى الراجل جاهز خلاص
ريتاج طيب وأنا مش لازم اجهز
ناجى متقلقيش يومين وهجهزك احسن جهاز بس أنتى ايه رائيك
ريتاج طيب انتم رائيكم إيه
فكرية بصراحة احنا موافقين المهم أنتى
ريتاج خلاص زى ما انتم عايزين وسابتهم وطلعت اوضتها وهربت من التفكير في النوم
ياترى هيحصل ايه
الجوازة هتم ولا فى حاجة تعطيلها ؟
---------------------------------
الفصل ال 32
-----------------------