ملاكى الهادى

الفصل آل 17

وادى كمان فصل عشان إللى قرا الفصل إللى فات فى دقيقة واخدالى بالك أنتى يا زعيمة قسم المعارضة😂😂
-----------------------
الفصل آل 17
---------------------
في بيت ناجى
-----------------------------
ناجى بفزعة اتكلمى قولى أى حاجة
ريتاج بتحاول تتكلم لكن صوتها مكتوم
ناجى فى ايه يا ريتاج أنتى مش عارفه تتكلمى ليه
ريتاج لسة بتحاول تتكلم بالعافية بابا
ناجى مالك يا ريتاج فى إيه
ريتاج  ونبرة صوتها نبرته مش مظبوطة
ناجى اتكلمى يا بنتى بلاش تقلقينى عليكى أكتر من كدا
ريتاج احممم أنا خايفة
ناجى خايفة من إيه يا حبيبتي
ريتاج بالدموع وجسمها بيترعش خايفة احسن نجم يعرف عنى حاجة
ناجى باستغراب نجم
ريتاج كتمت عياطها وطلعت تجرى على اوضتها
وقف ناجى يكلم نفسه معقولة يا ريتاج يكون حصل إللى في بالى
استرها يارب على بنتى ومتكسرش بخاطرها
بقلمى موفاااا💚
-------------------------------
وعدا اليوم  الطويل بحلوه ومره على الكل
-------------------------------------
بتعدى الايام بهدوء ممل
لحد في يوم حصل إللى -----------------------------
في بيت ناجى
------------------------
ناجى كان قاعد يصلى الفجر
فكرية صحيت شافته بيصلى
ناجى خلص صلاة
فكرية تقبل الله
ناجى منا ومنكم
فكرية احنا هنفضل سايبين البت كدا يا ناجى دى من يوم ما كنا عند الحاج ثابت وهى حابسة نفسها في الاوضة ومش بتتكلم مع حد ولا بتاكل غير بالعافية
ناجى اتنهد بحزن
فكرية هنعمل ايه يا ناجى قولى هنسبها كدا
ناجى قام وقف مرة واحدة لأ مش هسيب بنتى ترجع للحالة إللى كانت فيها  تانى وكان طالع لريتاج
فكرية  وقفته طيب هتعمل ايه فهمنى
ناجى اصبرى بس وطلع أوضة ريتاج
ناجى خبط على الباب بالراحة ودخل
لقى ريتاج نايمة على السرير وبصة للسقف
ناجى بابتسامة حزينة ريتا أنتى صاحية
ريتاج بصت لابوها ورجعت بصت للسقف
ناجى دخل قعد جمبها وابتسملها
حبيبة بابا
ريتاج بصتله واتنهدت
ناجى ضم راسها في حضنه حبيبتى ليه حابسة نفسك كدا أنتى تعبانة ولا زعلانة
ريتاج اتنهدت بصوت حزين وحضنت ابوها  جامد
ناجى طيب اتكلمى قولى أى حاجة طمنيني عليكى
مافيش غير صوت شهقات عياط ريتاج
ناجى بحزن على حالة بنته إللى مش عارف اخرتها إيه
ناجى بابتسامة جميلة بقولك إيه يا ريتا تيجى نتفسح سوا
ريتاج بصتله باستغراب
ناجى ايوة نتفسح فيها إيه
ريتاج لسة مستغربة
ناجى بهزار عارفة كمان هنسيب امك لوحدها وضحك غصب عنه خليها تقعد لوحدها
ريتاج ابتسمت
دخلت فكرية فجأة وضحكت هى كمان غصب عنها يعنى هتتفسحوا وتسبونى لوحدى كدا ماشى مش هعملكم حاجه حلوة
ناجى ضحك مش عايزين منك حاجة إحنا هناكل برا وانتى لأ
فكرية ماشى براحتكم بقى أنت وحبيبتك
ريتاج بصتلها
فكرية ايوة ما انتى حبيبة ابوكى واحنا راحت علينا بس انت هتروح فين يا ناجى
ناجى بصلها لبسى بنتك عقبال ما البس
وسابها وخرج
وقغت فكرية تبص لريتاج باستغراب
وقامت عشان تلبسها لان ريتاج حالتها سأت اكتر من قبل كدا
خرج ناجى وريتاج من غير فكرية ما تعرف رايحين فين
----------------------------
فى جنينة الموالح بتاعت الحاج ثابت وولاده
نجم قاعد تحت شجرة البرتقال
قرب منه ابراهيم
ابراهيم مالك يا نجم بقالك كام يوم متغير ليه
نجم مافيش حاجه يا ابراهيم وأنا إيه إللى هيغيرنى يعنى
ابراهيم قعد جمبه عايز الحق كلنا بقى فينا حاجة غريبة من يوم زيارة عمك ناجى وبنته دا حتى البت منى ملهاش سيرة غير موضوع بنت عمك ناجى
نجم اتنهد بصوت عالى
ابراهيم شايف انك فيك حاجة غريبة
نجم مش عارف يا ابراهيم من يوم إللى حصل وأنا حيران مش عارف اللى حصل دا كان بجد ولا حلم
ابراهيم لا كان بجد وعلى فكرة من حقنا نعرف كل حاجة
نجم باستغراب نعرف كل حاجة عن إيه
ابراهيم عن ريتاج بنت عمك ناجى
نجم وانت عايز تعرف عنها إيه بالظبط
ابراهيم نعرف اى حاجه عن حالتها أو على الاقل إيه سبب اللى عملته فى بيتنا وقدامنا كلنا
نجم طيب وهتعرف ازاى
ابراهيم هخلى ابوك يروح يزوره ويعرف كل حاجة إيه هو احنا ملناش أهمية عند الراجل دا يحصل كل دا وحتى ميهونش عليه يفهمنا أى حاجة
نجم آلله اعلم بظروف الناس
ابراهيم بس أنا مش هسكت غير لما اعرف كل حاجة وسابه وقام
فجأة نجم طلع السلسلة إللى ريتاج جابتهله هدية
نجم اتنهد بصوت عالى ياترى حكايتك إيه يا ريتاج
اعرف توقعاتكم بقى
وياترى ناجى وريتاج هيتفسحوا فين عشان حالة ريتاج تتحسن
ويا ترى الحاج ثابت وولاده هيعرفوا حقيقة مرض ريتاج ولأ.
يلاااااا مستنية التوقع الصح😉
بقلمى موفاااا💚
--------------------------