ملاكى الهادى

الفصل آل 15

الفصل آل 15
---------------------------
فصل مليان بالاحداث والمفاجأت
يارب يعجبكم و ياريت أعرف رائيكم بقى.........
فصل طويل اهو 3649 كلمة
يعنى لو كل واحد عمل تصويت على النجمة ناس كتير هتشوف القصة ياريت تقدروا تعبى شوية
ياريت الناس إللى بتعدى كدا من غير ما تصوت للقصة ياريت نعمل تصويت وتقولوا رائيكم حتى لو وحشة. بقلمى موفاااا💚
------------------------------------
الفصل آهو يلاااااااا نقرا سوا
------------------------
طول الطريق ريتاج متجنبة نظرات ناجى
أما ناجى حيران من تصرفاتها
ناجى احمممم أنا كنت عايز اعرف أنتى عملتى كدا ليه
ريتاج بتوتر وصوت مكتوم ومخنوق عشان هو كويس وخلى باله من ريتا وهى ضايعة
ناجى عشان كدا بس
ريتاج بصتله بحزن  وصوتها اتكتم أنا عارفة أنت خايف عليا
ناجى بحزن أيوة صح أنا خايف عليكى
عشان أنتى
ريتاج قطعت كلامه عشان انا عيانة ومجنونة
سواق التوك توك بصلهم بصدمة
ناجى بص للسواق
ناجى بحدة للسواق عايز كام
السوق بصله وسكت
ناجى رماله فلوس ونزل هو وريتاج
ريتاج ماشية تعيط وماسكة في ايد ناجى جامد.
ناجى لاحظ خوف ريتاج وهى ماسكة في إيده جامد
ناجى بحزن متخافيش يا حبيبتي
ريتاج بحزن ودموع في عيونها
وصوت طفولى جميل
ريتاج ليه يا بابا
ناجى باستغراب هو ايه اللى ليه يا ريتاج
ريتاج دموعها نزلت ليه أنا كدا
ناجى وقف وركز في عيونها
ريتاج بحزن أنا تعبانة اوى يا بابا
ناجى عيونه دمعت سلمتك يا بنتى ياريتنى كنت اقدر  اشيل عنك تعبك دا
بس اعمل ايه كل واحد بياخد نصيبه
ريتاج اتنهدت بشهقات العياط
ناجى لا امسحى  دموعك .
.دموعك دى غالية عليا أوى
ريتاج مسحت دموعها وفضلت ماشية وماسكة في ايد ناجى
وصل ناجى وريتاج قدام البيت
ناجى بصى يا ريتاج بلاش تقولى لماما
علي موضوع السلسة
ريتاج بصت للشنطة الصغيرة إللى فيها السلسلة حرف N
متقلقيش هاتيها اشالها فى جيبى ولما ندخل ابقى طلعيها أوضتك
ريتاج ابتسمت بحزن لابوها
وعدا اليوم بحلوه ومره
بقلمى موفاااا💚
---------------------------------
يوم الجمعة في بيت الحاج ثابت
بعد صلاة الفجر
-------------------------
الحاج ثابت. قاعد يقول اذكار الصباح بعد ما صلى الفجر
حضرت هدى الفطار
هدى صباح الخير يا مرات عمى
أم ابراهيم صباح النور يلا حضرى الفطار أصل عمك صحى اومال ابراهيم فين
هدى أنا صحيته وقالى نازل ورايا بس هيخبط على نجم
ام ابراهيم طيب يلا بسرعة قدامنا حاجات كتيره هنعملها النهاردة
هدى بابتسامة فرح حااضر يا مرات عمى
بعد الفطار راح نجم وابراهيم الارض
وبدأت هدى وام ابراهيم وكانت بتساعدهم منى فى تحضير
أكل العزومة وتنضيف البيت
بقلمى موفاااا💚
---------------------------------
في بيت ناجى
-----------------------
فكرية صحيت لقت ناجى قام من جمبها
خرجت تشوفه
فكرية صباح الخير يا ناجى
ناجى صباح الخير يا فكرية
فكرية صاحى من بدرى
ناجى لا من شويه
فكرية هعملك الفطار
ناجى لا ماليش نفس واتنفس بصوت عالى
فكرية مالك يا ناجى فى ايه
ناجى مردش
فكرية بقلق قربت منه في إيه يا ناجى
ناجى مافيش حاجه أنا بس منمتيش كويس ليلة امبارح
فكرية ليه حصل إيه ما أنت جاى من برا أنت وبنتك كنت كويس لحد ما نمت
ناجى متقلقيش مافيش حاجه قومى اعملى الفطار عشان شوية كدا الحاج ثابت هيعدى عليا عشان نصلى الجمعة سوا  وياخدنا معاه
فكرية طيب بس ريتاج
ناجى بحزن  واضح عليه مالها ريتاج
فكرية مش عارفه من ساعة ما رجعت معاك امبارح وهى فى اوضتها دى حتى مرضيتيش تتعشا معانا وانت اللى قولتلى اسيبها براحتها أنا حاسة أن في حاجة حصلت ومش عايز تقولى عليها
ناجى اتنهد بصوت عالى وحزين لا مافيش حاجه ويلا اعملى الفطار ولا اقولك متعمليش حاجة وسابها وطلع أوضة بنته
ناجى فتح الباب بالراحة وبص على ريتاج وهى نايمة شافها ماسكة السلسلة  إللى عليها حرفN في حضنها
ناجى قفل الباب وخرج لقى في وشه فكرية
ناجى بفزعة خضتينى انتى واقفة كدا ليه
فكرية بتبصله بتركيز
ناجى مالك بتبصيلى كدا ليه
فكرية انت متأكد أن مافيش حاجه حصلت أنا مش عارفاها
ناجى بعد عنها لا أنا هدخل استحمى عشان صلاة الجمعة وعقبال ما ارجع تكونى جهزتى أنتى وبنتك وسابها واقفة لوحدها
فكرية قلبى بيقولى ان في حاجة وحاجة كبيرة كمان
بقلمى موفاااا💚
----------------------------------
في بيت الحاج ثابت
----------------------------
هدى بس انتى مين قالك على حكاية ريتاج وعم ناجى
سعاد  أصل أنا والبت بهية شوفناهم فى البلد
أم ابراهيم بتسمع وهى ساكتة
سعاد بس شوفى سبحان الله يبقى ابويا واخويا بيدوروا مع ابوها وهى هنا عندنا
ام ابراهيم بطلوا رغى وخلصوا اللى وراكم وسابتهم وخرجت قدام البيت
هدى ايوة يمكن عشان البت دى غلبانة أوى وربنا حماها لما جبها هنا
سعاد بس انتم معرفتوش هى عيانة من إيه
هدى سرحت في كلام فكرية أنها تعبت بسبب علاج غلط
سعاد يا بت مقولتيش عرفتوا عنها حاجة
هدى الله أعلم بيها هى فين البت منى
سعاد بتلعب برا مع العيال ما ابراهيم لما عدا عليا قالى اجيب العيال معايا
هدى كتر خيرك أنا قولتله يبعتلى بهية
سعاد عيب عليكى تبعتى لبهية وأنا لا
هدى مش عايزة اتعبك ما أنا عارفه إللى وراكى وشغل البيت والعيال
سعاد مافيش تعب بس يلا خلينا نخلص قبل امى ما تقلب علينا 
وقعدوا يكملوا الأكل وينضفوا البيت
بعد شوية خرج الحاج ثابت بتعملوا إيه يا بنات
هدى خلاص قربنا نخلص اهو يا عمى
الحاج ثابت عايزكم تشرفونا قدام الناس
سعاد متخافش يا ابا احنا عاملين وليمة عشان خاطر عم ناجى وعيلته
الحاج ثابت تسلموا يا بنات وانتى يا سعاد جوزك هيجى ولا لأ أنا بقالى كتير مشفتوش
سعاد مش عارفه والله يا ابا اصل مشغول خالص الايام دى بيشطب شقة محمد اخوه عشان هيتجوز كمان كام شهر  كدا......
الحاج ثابت ألف مبروك عقبال ما تفرحى بولادك
سعاد فى حياتك يارب وتفرح بنجم يارب
الحاج ثابت يارب يا سعاد ادعيله يلاقى بنت الحلال اللى تسعده
سعاد يارب يا ابا بكره رينا يوقعه في بنت الحلال
خرجت أم ابراهيم ما تخلصى يا ست هانم منك ليها هتفضلووا طول النهار فى شوية الأكل وأنت يا حاج الجمعة على وشك هتفضل  واقف معاهم كدا مش هتاخد الحاج ناجى تصلوا وبعدين تجبهم معاك
الحاج ثابت أيوة
ام ابراهيم مااعرفش مكنش له لازمة انك تعدى  عليهم وتجبهم معاك ما كانوا جوم على العصر وخلاص
هدى وسعاد بصوا لبعض باستغراب على كلام أم ابراهيم
الحاج ثابت فى إيه يا حجة إللى يشوفك ويسمعك يقول عليكى مدايقة من الناس
ام ابراهيم بحدة و سخرية فى نفس الوقت وانا هدايق منهم ليه مش أنت وولادك مبسوطين يبقى خلاص مش مهم أنا
الحاج ثابت مالك يا حجة فى ايه وليه طريقتك في الكلام معايا بالشكل دا دى أول مرة تتكلمى كدا
ام ابراهيم بتوتر وإحراج معلش يا حاج يمكن عشان الناس زمانهم جاين ولسة مخلصناش الاكل
هدى إحنا خلصنا يا مرات عمى
سعاد أيوة يا اما إحنا خلصنا كل حاجة هدى أعصابك وبلاش تتعصبى كدا
أم ابراهيم اتنفست بصوت عالى وسابتهم ودخلت اوضتها
سعاد معلش يا أبا بس هى أمى متعصبة النهاردة كدا ليه
هدى معلش يمكن عشان العزومة والناس إللى جايا وكدا يعنى
الحاج ثابت طيب خلصوا وأنا هروح اصلى وانتى يا هدى ابعتى حسين ينده لابوه وعمه عشان يكونوا موجودين قبل الناس ما تيجى
هدى حاضر يا عمى
الحاج ثابت السلام عليكم
هدى وسعاد وعليكم السلام ورحمة الله وبركاته
بقلمى موفاااا💚
--------------------------------
فى بيت ناجى
---------------------
فكرية دخلت تصحى ريتاج
فكرية يلا يا ريتاج اصحى بابا زمانه جاى هو والحاج ثابت عشان نروح معاه عندهم
ريتاج اتقلبت في السرير وبدأت تصحى
فكرية يلااا يا كسلانة
ريتاج فتحت عيونها وابتسمت ماما
فكرية صباح الخير يا جميل الضهر ادن وبابا زمانه جاى
ريتاج ابتسمت وقامت حضنت أمها
فكرية يلا أنتى لسة هتدخلى الحمام وتلبسى
ريتاج بطفولية بريئة حاضر وقامت دخلت الحمام
فكرية من برا اخدتى هدومك ولا نسيتي حاجة
ريتاج من جوا الحمام لا كله معايا
فكرية طيب يلاا بسرعة
خرجت ريتاج من الحمام
دخلت أمها تشوفها
فكرية لسة مخلصتيش يا ريتا
ووقفت تسرحلها شعرها
ريتاج ابتسمت لامها
فكرية بقيتى زى القمر
ريتاج بجد يا ماما انا حلوة
فكرية طبعا حلوة طيب بصى كدا في المرايا وشوفى بنفسك أهو قمر قدامى
ابتسمت ريتاج ورجعت فكرية تسرح شعرها تانى
فجأة لاحظت فكرية إن ريتاج مش لبسة السلسة بتاعتها
فكرية بفزعة فين سلسلتك يا ريتا
ريتاج لمست رقبتها وقامت وقفت بفزعة مش عارفه يا ماما
فكرية طيب اهدى يمكن هنا ولا هنا
ريتاج بحزن ودموع في عيونها ضاعت يا ماما ضاعت واترمت فى حضنها وعيطت
فكرية متزعليش نفسك أنا هخلى بابا يجبلك احسن منها يلا بقى البسى بسرعة وعارفة أنا جبتلك حاجة حلوة اوى
ريتاج مسحت دموعها وبصت لامها باهتمام
فكرية البسى عقبال ما اجى
لبست ريتاج  وفضلت مستنية أمها
رجعت فكرية ومعاها كيس بلاستيك
ريتاج بتبص للكيس
فكرية ابتسمت عارفة معايا إيه
ريتاج هزت راسها لا
فكرية فتحت الكيس وكان ادوات مكياج عبارة عن قلم كحل وقلم روچ وعلبة بودرة
ريتاج فتحت عيونها على الاخر من المفاجأة
فكرية إيه رأيك بقى
ريتاج ضحكت بكسوف مكياج
فكرية ااه مكياج إيه رأيك أنا جبته عشانك
ريتاج اخدت الكيس وحضنت امها جامد
فكرية مبسوطة يا ريتا
ريتاج بفرح أوى اوى يا ماما
فكرية طيب قوليلى هتعرفى تحطى لوحدك ولا أنا احطلك
ريتاج بفرح أنا هعرف أحط وحدى
فكرية طيب ورينى كدا حطى عقبال لما اروح البس قبل ما بابا يجى
ريتاج ابتسمت وهزت راسها حاضر
ريتاج قعدت قدام المرايا وقدامها المكياج مسكت قلم الكحل وبدأت تتكحل فجأة سرحت
-----------------------
Flash back
------------------------
قاعدة ريتاج في الجامعة مع اصحابها
أحمد بيعاكس ريتاج
بس قوليلى سر جمالك دا إيه
رباب صاحبة ريتاج ما تلم نفسك يا احمد ريتاج مبتحبيش الكلام دا
أحمد لأ بس خليها تقولى يا رباب هى إيه سر جمالها
سحر صاحبة ريتاج ورباب
سحر أصل دى حاجة إللى زيك ميفهماش ريتا دى جمالها ربانى
رباب أيوة يادوب الكحل والروچ
أحمد شوفت بنات كتير وقليل مشوفتيش زيك يا ريتاج يا ام كحل وروچ بس
ريتاج بصتله بحدة ومشيت هى واصحابها
بقلمى موفاااا💚
_________________
إلى الواقع
--------------------
دخلت فكرية لقت ريتاج سرحانة وهى ماسكة قلم الروچ
فكرية كل دا يا ريتا ومخلصتيش
ريتاج بصت لأمها
فكرية مالك انتى مش عارفه تحطى الروچ ولا اية
ريتاج هزت راسها لا
فكرية طيب مالك
ريتاج بتوتر مش هحط روچ كفاية الكحل.  واتنفست بصوت عالى
فكرية طيب عارفه انتى زى القمر بالكحل بس
ريتاج حضنت أمها جامد
فجأة سمعوا صوت ناجى يا فكرية يا ريتاج
فكرية شايفة ابوكى جه اهو هو والحاج ثابت يلااا بقى خلصى  وانزلى ورايا
ريتاج حاضر يا ماما
فكرية نزلت
بسرعة ريتاج فتحت الدولاب واخدت السلسلة إللى عليها حرف N
ريتاج كل شوية تبص لنفسها في المرايا
سمعت صوت ناجى يلا يا ريتاج
نزلت بسرعة على الدور الارضي
بقلمى موفاااا💚
__________________________
في الدور الارضي
__________________
أول ما نزلت ريتاج
الحاج ثابت اول ما شافها بسم الله ما شاء الله اذيك يا بنتى
ريتاج ابتسمت الحمد لله
الحاج ثابت تستهلى الحمد يا بنتى
ربنا يفرحك بيها يا حاج ناجى
ناجى يارب يا حاج يارب
الحاج ثابت مش يلا ولا اية يا حاج ناجى
ناجى أيوة حاضر يلا يا حجة
فكرية حاضر ودخلت بسرعة وخرجت معاها شنطة الهدايا إللى فيها الساعة وشنطة كمان فيها العاب لحسين وسعيد
وخرجوا في طريقهم لبيت الحاج ثابت
بقلمى موفاااا💚
_____________________
قدام بيت الحاج ثابت
منى واقفة في الشارع مستنية ريتاج
فجأة لقت ابوها ونجم قدامها
ابراهيم واقفة كدا ليه يا بت يا منى
منى مستنية ريتاج يا بابا
ابراهيم ابتسملها وسابها ودخل وكان داخل معاه لحقته منى ريتاج زمانها جايا يا عمى
نجم بصلها باستغراب
منى ضحكت وسابته ودخلت تجرى على جواا
نجم وقف يكلم نفسه البت دى قصدها إيه
فجأة صوت من وراه انت واقف كدا ليه يا نجم
نجم بفزعة خضتينى يا أما
ام ابراهيم ما انت إللى واقف سرحان أنت سرحان في إيه وواقف كدا ليه
نجم اتنفس بصوت عالى مافيش حاجه
ام ابراهيم طيب يلا اطلع غير هدومك الناس زمانهم جاين
نجم طيب يا أما
دخل نجم قبلته سعاد
نجم اذيك يا ام على
سعاد يا سلام يعنى انت فاكر على ولا ام على  عارف بقالى قد إيه مشفتكش ولا انت شوفت العيال
نجم معلش ليكى عندى مرة هجلكم اقعد عندكم طول النهار
سعاد لما نشوف
نجم هجيلك حاضر اومال فين العيال
سعاد بيلعبوا على السطح مع ولاد ابراهيم
نجم طيب وسابها وطلع على شقته
----------------------------------
بعد حوالى نص ساعة وصل الحاج ثابت ومعاه ناجى وفكرية وريتاج
-----------------------------------
الحاج ثابت اتفضلوا  نورتونا
ناجى دا منور باصحابه يا حاج
ابراهيم قابلهم اذيك يا عم ناجى
ناجى اذيك يا ابراهيم يا ابنى عامل إيه
ابراهيم الحمد لله اذيك يا حجة
فكرية الحمد لله اذيك يا ابنى واذى مراتك وولادك
ابراهيم الحمد لله بخير
فكرية دايما يا ابنى
الحاج ثابت اومال امك فين واخواتك يا ابراهيم
ابراهيم حاضر يا ابا اشوفهم
الحاج ثابت أيوة اندهلهم يسلموا على الجماعة وفتح باب وكانت اوضة لاستقبال الضيوف
الحاج ثابت اتفضلوا
دخلوا كلهم وقعدوا سوا كل دا وريتاح ماسكة فى أمها وبصة في الأرض
دخلت أم ابراهيم يا مرحب
فكرية منور بيكم يا حجة اذيك عاملة ايه
ام ابراهيم الحمد لله اذيك يا ريتاج يا بنتى
ريتاج رفعت وشها لام ابراهيم وابتسمت بتوتر
أم ابراهيم ما شاء الله إيه القمر دا
فكرية تسلمى يا حجة دا بس من زؤقك
دخلت منى تجرى عشان تسلم على ريتاج
منى ريتا اذيك عاملة ايه
ريتاج ابتسمت بحب لمنى وقربت وحضنتها
منى وحشتينى اوى تعالى احكيلك لما اصحابى في المدرسة شافوا الحاجات إللى انتى ادتهالى عملوا إيه وبقت تشدها من ايديها
ريتاج بصت لامها
أم ابراهيم عيب كدا يا بت يا منى
منى يا ستى هنقعد برا مع امى وعمتى
ريتاج لسة بتبص لامها
منى همست لريتاج تعالى نشوف سعيد وحسين وكمان ولاد عمتى
ريتاج ابتسمت لمنى
ناجى روحى يا ريتا
كانت ريتاج ومنى خارجين رجعت بسرعة واخدت الشنطة إللى مع أمها إللى فيها اللعب وخرجت بسرعة هى ومنى
دخلت سعاد وهدى سلموا وقعدو معاهم
فكرية اتفضلى يا حجة دى حاجة بسيطة مش قد المقام
وادتها الساعة
الكل بيتفرج على الساعة
سعاد الله دى جميلة اوى يا خالتى
هدى لا بجد حلوة اوى تسلم ايدك
أم ابراهيم ليه تعبتى نفسك كدا
فكرية تعبك راحة ميجيش من بعد خيرك
------------------------
-----------
قعدت منى ومعاها ريتاج وأخواتها وولاد عمتها وادت ريتاج سعيد اللعب إللى اشترتها من سوق البلد
منى بصى بقى دا علي إبن عمتى على فكرة علي في أولى ثانوى
علي لا بس أنا اشطر منك صح وغمز لمنى
ونظرات لبعض من تحت لتحت
ريتاج ابتسمت
علي لسة مركز مع منى
سارة هزت منى وأنا يا منى
منى بتوتر احمم ااه دى سارة فى تالتة اعدادي  ودا مراون لسة مدخلش المدرسة
مراون بس بعرف اكتب أ - ب
ريتاج ابتسمت لمراون
علي أنتى مين بقى ووجه كلامه لريتاج
ريتاج اتوترت
منى دى صاحبتى ريتا
سارة ريتا أنتى اجنبية
منى ريتا دلع ريتاج
علي اسمك حلو اوى
منى بصتله بحدة
ريتاج ابتسمت لما حست أن منى بتغير على علي
سارة ريتاج بقى ب g ولا ب j
وكان معاها كراسة وقلم
علي ريتاج طبعا ب j
منى بسرعة صح طول عمرك شاطر في الانجليزى
سارة لا يااختى انتى إللى طول عمرك بتوافقى على أى حاجة يقولها
منى اتكسفت وبصت لاخوها
حسين قولى أنتى يا ريتا ريتاج بحرف
ريتاج مسكت الكراسة والقلم وكتبت اسمهاRetag
سارة اهو طلع ب g
منى بصت لخطها أنتى خطك حلو أوى
مروان تعرفى تكتبى اسمى
ريتاج ابتسمت لمروان وكتبت اسمه
حسين وانا وانا حتى سارة وأنا اكتبى اسمى
ريتاج كانت مبسوطة وهى بتكتب اسميهم
فجأة صوت من وراهم إللى كان متابع الحوار كله وهو واقف على السلم
طيب تعرفى تكتبى اسمى أنا كمان
علي خالى انت جيت
نجم أيوة يا فاشل مش عارف ريتاج بg ولا ب j
سارة وحسين ومروان ضحكوا عليه
نجم قرب من ريتاج اذيك
ريتاج بتوتر الحمد لله
نجم مقولتيش تعرفى تكتبى اسمى أنا كمان
ريتاج ابتسمت وهزت راسها بكسوف
وفتحت صفحة فاضية وكتبت اسم نجم
نجم باستغراب أنتى فعلا خطك حلو أوى
سارة أنتى بتعرفى تكتبى انجليزى كويس صح
ريتاج هزت راسها
سارة طيب بتعرفى تقرى انجليزى كمان
ريتاج هزت راسها ااه
سارة تعرفى تذكريلى انجليزى
ريتاج ابتسمت بفرح ااه اعرف معاكى الكتاب
سارة لأ بس هخلى أمى تجبهولى المرة الجاية
نجم بصلها بتركيز
منى بقولكم إيه تعالوا نشوف تكعبة العنب العنب طرح فيها
خرجوا أخواتها وولاد عمتها
وسابوا ريتاج ونجم
نجم بيبصلها بتركيز
فجأة ريتاج طلعت السلسة الصغيرة إللى عليها حرفNوادتها لنجم بسرعة
وقبل ما نجم يفوق من المفاجأة دخلت منى يلا يا ريتا
منى هتيجى معانا يا عمى
نجم أيوة بس اسلم على الضيوف واجى وراكم
منى ماشى مسكت ايد ريتاج وخرجت برا البيت
نجم دخل سلم على ناجى وفكرية
أم ابراهيم هاتى حاجة ساقعة عقبال الغدا يا هدى
هدى حاضر يا مرات عمى وخرجت
نجم قاعد متوتر عايز يخرج
فجأة الباب خبط جامد
نجم قام يفتح بسرعة
منى الحق يا عمى البقرة الكبيرة واقعة في الأرض وكأنها بتموت
نجم بفزعة إيه
ابراهيم بص عليها يا نجم عقبال ما اجيب السكينة يمكن نلحقها
والكل خرج يجرى
كانت ريتاج قاعدة مع باقى الاولاد لكن فجأة قربت من البقرة وبقت تفتش في جسمها
الكل دخل وشافوها
ناجى وفكرية اتصدموا من منظر بنتهم وهى قاعدة في الأرض بتفتش في جسم البقرة
نجم بلهفة وخضة أنتى بتعملى إيه
أم ابراهيم انتى قاعدة كدا ليه
فكرية بحدة قومى من الأرض يا ريتاج
ريتاج بصتلهم ولسة بتفتش في جسم البقرة وفجأة دورت على كيس بلاستيك ولبسته في ايديها وفتحت فم البقرة جامد
الكل في حالة عدم فهم هى بتعمل ايه
نجم قعد جمبها في الأرض فهمينى أنتى بتعملى إيه
ريتاج قامت وقفت واتنفست بصوت ومسموع
ريتاج بتوتر وقلق
الحاج ثابت في إيه يا بنتى
فكرية بحدة مسكتها من ايديها كفاية بقى لحد كدا
ريتاج بصت لسارة ومسكت الكراسة والقلم إللى في ايديها
الكل واقف يبص للريتاج باستغراب
ماعادا ناجى واقف فرحان
ريتاج كتبت كلام بالانجليزى
وادت الورقة لنجم وبصوت مخنوق دا علاج
نجم بصدمة علاج  علاج إيه دا
ريتاج بدأت تتوتر دا علاج للبقرة
جه ابراهيم وهدى ومعاه السكينة وسعوا اما ادبحها
صرخت ريتاج بصوت عالى اوعى تدبحها انا مش هوافق على كدا فاهم وبقت تقول كلام مش مفهوم وبقت تزق ابراهيم
ناجى بسرعة مسك ريتاج
ريتاج بتترعش مش هخليه يدبحها حرام كفاية بقى وصرخت بصوت عالى كفااااية
علي تعالى معايا يا خالى نجيب العلاج دا بسرعة أنا معايا الموتسكل
ومشى ابراهيم وعلي بسرعة والكل واقف مكانه
ريتاج كلهم بيبصوا عليها بدأت تتوتر وجسمها يترعش
منى مالك يا ريتاج
ريتاج بتترعش جامد
ناجى ضمها لحضنه متخافيش مافيش حاجه
ريتاج بتترعش جامد وبتتكلم كلام مش مفهوم وفجأة بدأت تصوت ووقعت في الأرض
الكل في حالة صدمة
فكرية بخوف هستيرى بنتى بنتى
ناجى قعد في الأرض وحضنها وهى مرمية على الأرض
الحاج ثابت لا حول ولا قوة الا بالله
سعاد زى المرة اللي فاتت يا هدى شيلى معايا بسرعة
ريتاج بتتشنج على الأرض
أم ابراهيم بسم الله الرحمن الرحيم هى بتعمل كدا ليه هى ملبوسة
فكرية بصتلها بحزن
نجم اسكتى يا أما الوقت روحى يا منى هاتى البرفان بسرعة
منى حاضر وطلعت تجرى
فكرية بتعيط وهى ماسكة ايد ريتاج
وناجى حضنها
منى خد يا عمى
نجم قعد في الأرض ورش على ايده البرفان وبيحاول يفوق ريتاج
-----------------------------
ريتاج مرمية على الأرض فاقدة الوعى
--------------------------------
ريتاج بتصوت جامد
ريتاج أنا لازم أقول كل اللى شوفته
راجل واقف لابس نضارة سودا يعنى مصممة خدى الفلوس واسكتى احسن
ريتاج استحالة ابيع ضميرى بكام الف جنيه
صاحب النضارة السودا ضحك بصوت عالى كام ألف جنيه ماشى خليهم ربع مليون جنيه كدا سكوتك يستاهل صح
ريتاج بصدمة إيه ربع مليون جنيه
صاحب النضارة السودا ايوة إيه رأيك
ريتاج متوترة وسكتت
صاحب النضارة السودا متهيئلى اقتنعتى صح
ريتاج بس
صاحب النضارة السودا بس إيه تانى
ريتاج بس دا كارثة الناس هتتعب ويمكن  تموت كمان
صاحب النضارة السودا يا ستى الأعمار بيدى الله محدش يعرف مين هيموت ومين هيعيش قولتى إيه بقى
ريتاج اتحركت خطوتين لحد باب الاوضة حتى لو ادتنى مليون جنيه مش هوافق على إللى شوفته وهبلغ ومسكت شنطتها وورق وخرجت تجرى
صاحب النضارة السودا بصوت عالى وراكى وراكى اما وريتك هاتوووووها
ريتاج وهى بتجرى قابلها راجل عجوز
---------------------------------------
فجأة بدأت تفوق وتتكلم كلام مش مفهوم مش ممكن اسكت ابدا مهما حصل وفجأة صوتت وفتحت عيونها
الكل في حالة صدمة من إللى حصل
ريتاج بتتنفس بسرعة وصوت عالى
نجم بقلق  انتى كويسة
ريتاج هزت راسها ولسة بتتنفس بصوت عالى ووشها كله عرق
فكرية الحمد لله
ناجى ريتاج ريتاج
ريتاج ابتسمت بابا
ناجى يا نور عين ابوكى
سعاد الحمد لله فاقت
ريتاج حاولت تقوم
ناجى سندها 
ريتاج دموعها بتنزل وبتحاول تتكلم م ما ما ماما
فكرية بنتى حبيبتى
الحاج ثابت تعالوا ندخل جوا يا جماعة
فكرية بتوتر وخوف لا احنا لازم نروح احسن
الكل بصلها
ناجى اهدى بس يا فكرية ريتاج فاقت اهى وبقت كويسة
ريتاج بتبص لكل الواقفين كأنها أول مرة تشوفهم
ناجى حبيبتي مالك في إيه
ريتاج ابتسمت بابا وضمته جامد وعيطت
ناجى ضمها لحضنه وعيط هو كمان وبهمس بس الكل سامع متخافيش أنا معاكى
ريتاج ابتسمت ومسحت دموعها وقعدت في الأرض جمب البقرة تطبطب عليها وقربت من البقرة وبقت تكلمها بصوت محدش سمعه ودموعها بتنزل
رجع علي وابراهيم بالعلاج
علي العلاج اهوو
ريتاج ابتسمت ومسكت العلاج وبدأت تملى الحقنة عشان تديها للبقرة
قبل ما تدي البقرة الحقنة بصتلهم كلهم
ريتاج ابتسمت و قربت من البقرة تانى وادتها الحقنة مرة واحدة
ام ابراهيم هو إيه إللى بيحصل دا
ريتاج بتبص فى الأرض جمب البقرة شافت ماية حاولت تخرجها وتبعدها عن البقرة
نجم أنتى عايزة تبعدى الماية عن البقرة عشان متشربش منها
ريتاج هزت راسها
نجم شال الماية وبعدها عن البقرة
وكلهم خرجوا وقفلوا الباب على البقرة
الحاج ثابت تعالوا ندخل كلنا جوا
دخلوا كلهم وجوا كل واحد منهم  جواه أسئلة مالهاش أول من اخر
ريتاج اتنهدت بصوت مسموع
وهمست لمنى
منى حاضر ومسكت ايديها وكانت هتخرج
فكرية رايحة فين يا ريتاج
منى هتغسل ايديها يا ستى متخافيش مش هنخرج تانى خلاص
الحاج ثابت معلش يا حاج ناجى اعذرنى انا مش فاهم ايه اللي حصل برا من شويه ازاى بنتك عرفت أن البقرة تعبانة وعايزة كمان علاج والأغرب من كل دا كتبت العلاج
ناجى بيبص في الأرض وحاسيس باحراج
فكرية أصل الموضوع
دخلت ريتاج هى ومنى وكانت مبتسمة وكأنها فرحانة
ناجى بص لبنته ومش عارف يفرح ولا يزعل عليها
نجم معلش يا ابا بلاش الوقت كلنا اعصابنا متوترة خليها بعدين ولا اية يا عم ناجى
ناجى ابتسم لنجم
نجم إيه يا ام حسين انتى بخيلة ولا اية فين الوليمة اللى عملاها النهاردة
ناجى لا معلش إحنا لازم نمشى كفاية لحد كدا
الحاج ثابت لا طبعا أنت بتقول إيه لازم نتغدا سوا
ناجى معلش يا حاج بجد الواحد مش عارف يقولك إيه واحنا اسفين على إللى حصل
الحاج ثابت وحصل إيه بس دا بسبب بنتك بعد ربنا طبعا لحقنا البقرة وكانت ممكن تموت
ناجى الحمد لله معلش نستئذن احنا
نجم لا يا عم ناجى مينفعش خالص لازم نتغدا سوا ولا اية يا حجة
أم ابراهيم إللى مش مركزة خالص
نجم يا أما يا اما
ام ابراهيم هااا في إيه يا نجم
نجم باحراج احمممم إحنا مش هنتغدا ولا اية
ام ابراهيم أيوة حضروا الاكل يلا يا هدى
فكرية معلش كتر خيركم إحنا هنمشى يلا يا ناجى وقامت مسكت ايد ريتاج
الحاج ثابت في إيه يا جماعة
ناجى معلش يا حاج بس بجد أنا حاسيس أنى تعبان اوى وان شاء الله الجايات أكتر من الريحات السلام عليكم
ومسك هو كمان ايد ريتاج وخرجوا بسرعة ياريت أعرف
توقعاتكم بقى........
اشوفكم بكرا
ونتفاعل شوية
بقلمى موفاااا💚
------------------------------
-------------------------------------