ملاكى الهادى

الفصل آل 12

الفصل ال12
-------------------------
تانى يوم في بيت الحاج ثابت
أم ابراهيم واد يا حسين تعالى انده لابوك وعمك قولهم الضهر ادن
حسين حاضر يا ستى
وخرج حسين بسرعة على الأرض
نجم واقف يتابع شغل الأرض هو وابراهيم اخوه
عوض قرب من محمدين
بقولك إيه يا واد يا محمدين هو سى نجم عمل إيه مع البت إللى لقاها من يومين
محمدين بحدة إحنا مالنا خليك في شغلك
عوض انت مش قولت قبل كدا أن مراتك بتشتغل عند أخت سى نجم
محمدين بحدة أنا مراتى مش شغالة عند حد أنا مراتى بتحبهم وهما كمان بيعملوها كانها واحدة منهم مش شغالة هى بتساعد اخت سى نجم عشان عندها عيال صغيرة وبتخلى بالها منهم وهى مش في البيت
عوض ااه قولتلى بقى إلا بالحق أنت مش ناوى تروح تكشف تانى أنت وبهية يمكن ربنا يسهل المرة دى
محمدين بعصبية وصوت عالى ساب شغله ومسك في هدوم عوض
محمدين عارف لو جبت اسم مراتى على لسانك هقطعهولك
عوض بصوت عالى إيه انت هتضربنى ولا اية يا محمدين
محمدين واموتك كمان لو نطقت بكلمة كمان وقعد يضرب فيه
من هنا اتجمع كل الفلاحين ونجم وابراهيم
ابراهيم بصوت في إيه بتتخنقوا ليه منك ليه
باقى الفلاحين سلكوا محمدين وعوض
نجم بص لمحمدين
محمدين بص في الأرض
ابراهيم كل واحد يروح يشوف شغله يا أما هخصم اليومية  للكل
نجم تعالى انت وهو  ووقف على جمب
نجم بص للاتنين بالراحة كدا قولولى إيه حصل وخلاكم تضربوا بعض بالشكل دا
عوض يا سى نجم أنا معملتيش حاجة هو اللى جر شكلى  الأول
نجم بص لمحمدين حصل إيه يا محمدين
محمدين بحزن مافيش حاجه يا سى نجم
نجم بصله وفهم أنه مش عايز يتكلم
نجم طيب روحوا شوفوا شغلكم بس لو سمعت صوتكم مش هخصم منكم اليومية لا همشيكم من الشغل
كل واحد راح يشوف شغله
فجأة جه حسين ابن ابراهيم
ابراهيم إيه اللى جابك لوحدك كذا مرة قولتلك متجيش لوحدك الشجر كبر وممكن تتوه
حسين متخافيش يا بابا أنا عارف الطريق
ابراهيم على الله تعملها تانى سامع وخلصنى قولى جاى الوقت ليه
حسين ستى هى اللى بعتتنى بتقولك انت وعمى تعالوا يلا
ابراهيم باستغراب ليه
حسين يمكن عشان نروح العزومة
ابراهيم عزومة إيه إللى الضهر دى
ابراهيم  بقولك إيه يا نجم
نجم أيوة يا ابراهيم
ابراهيم امك بعتلنا عشان العزومة
نجم باستغراب عزومة إيه
ابراهيم انت نسيت اننا معزومين عند عمك ناجى
نجم بعدم اهتمام اااه
ابراهيم مالك يا نجم يا اخويا
نجم مش عارف متاخد ليه من ساعة ما ظهرت وشوفتها
ابراهيم قصدك بت عم ناجى
نجم بصله واتنهد بصوت عالى
ابراهيم مالك يا نجم في إيه
نجم مش عارف مع ان عرفتها من يومين بس حاسيس
قطع كلامهم حسين يلا بقى يا عمى هنتاخر
ابراهيم أصبر يا زنان أنت بص يا نجم روح انت لأمك وقولها أنى مش هعرف اجى
نجم ليه بس كدا
ابراهيم ما أنت شايف أهو إحنا الاتنين واقفين والبهوات اتخنقوا وضربوا بعض قدامنا
نجم معاك بس أنا حاسيس ان في حاجة كبيرة سبب الخناقة دى أنت محمدين مش بتاع خناقات
ابراهيم أنا متأكد من كدا عارف لو محمدين اتخانق مع حد غير عوض كنت صدقت بس عشان اتخانق مع الخسيس دا مش ممكن اصدق اى حاجه على محمدين
نجم آلله يسمحه أبوك هو اللى صمم نشغله عندنا
ابراهيم انت عارف أبوك وقلبه الطيب ما هو كل شوية يطلعله ويقوله عندى كوم لحم
نجم طيب إللى عنده كوم لحم يمشى المشى البطال دا ولا يخلى باله من بيته وعياله
ابراهيم معلش ربنا يهديه وخليه عشان خاطر أبوك وخلاص
حسين ما يلا بقى هنمشى امتى
ابراهيم يلا يا نجم خلصنى من الزنان ابن الزنان دا
نجم ضحك طيب قدامى يا زنان
حسين بهزار لا أنا حسين مش زنان وضحك بصوت عالى ههههه
ابراهيم امشى يا ابن ال
نجم بصله قبل ما يشتم
ابراهيم ضحك يا ابن ابراهيم
مشى نجم وحسين على بيت الحاج ثابت
بقلمى موفاااا💚
بلاش ننسى التفاعل
------------------
دخل نجم وحسين
أول ما شافته ام ابراهيم
ام ابراهيم كل دا يا نجم ساعة عشان تيجى أنت واخوك
نجم اتنهد بصوت عالى يااما الضهر لسة مدن يعنى لسة بدرى
أم ابراهيم لا مش لسة بدرى وبعدين مش لسة هتتسبح وتغير هدومك ولا هتروح للناس كدا بطينك
نجم بسخرية كأنك رايحة تخطبيلى
أم ابراهيم اتعدل في كلامك يا واد وبطل تريقة ويارب يا اخويا ميجيش اخر الشهر غير وأنا خطبالك ست البنات
مش هتصبر كل ده وتقع على واحدة زى دى
نجم اتصدم من كلام امه
نجم بتوتر أنتى بتقولى إيه يا اما
أنا أول حاجة مش ناوى اتجوز خلاص
وكمان حرام عليكى تعيبى في بنت الناس كدا آلله اعلم بظروفها وغير كدا انت عندك زيها استغفرى ربنا يااما
خرج الحاج ثابت من اوضته
الحاج ثابت عفارم عليك يا نجم
عارف لو مكنتيش رديت غيبة البنية كنت زعلت منك اوى واقول انى قصرت في تربيتى ليك
ام ابراهيم باحراج ايه ده مش قصدى وبعدين مكنش كلمتين قولتهم
الحاج ثابت يا حجة استغفرى ربنا زى ما ابنك قالك
ام ابراهيم استغفر الله العظيم وسابتهم ودخلت الأوضة
الحاج ثابت بابتسامة فين اخوك يا نجم
نجم معلش يا حاج ابراهيم قال نروح احنا عشان عندنا شغل كتير في الأرض وكمان عوض ومحمدين اتخنقوا
الحاج ثابت بقلق اتخنقوا ليه
نجم علمى علمك عوض بيقول بيجر شكلى ومحمدين مقلش حاجة
الحاج ثابت معلش أنا لما نرجع هبعت للاتنين هنا وافهم منهم كل حاجة
نجم زى ما تحب يا ابا بس أنا مش مرتاح لعوض
وقبل ما الحاج ثابت يتكلم خرجت ام ابراهيم أنا إللى مش مرتاحة لوقفتكم دى ما تطلع تلبس بقى العصر هيدن ويمكن الحجة تكون محتاجة حد يساعدها وهى لوحدها وبنتها تعبانة كدا
نجم والحاج ثابت بصوا لبعض
الحاج ثابت اطلع يا ابنى عشان نخلص
أم ابراهيم بت يا منى أنتى يا بت
منى ايوة يا ستى أنا جاهزة من بدرى
أم ابراهيم ااه منك أنتى لما يكون ليكى مزاج لحاجة
منى قعدت جمب جدها أيوة أنا بحب ريتاج وعايزة اروح عندها واشوفها على طول
أم ابراهيم بصوت عالى وانتى يا هدى
هدى من فوق أنا خلصت يا مرات عمى بس هلبس حسين بسرعة وانزل
أم ابراهيم  وانت يا نجم بيه انزل بقى
هنده على كل واحد باسمه
نجم لبس جلبية وحط برفان وطلع سلسلة ريتاج وماسكها في ايده ومركز عليها وبيكلم نفسه أنا مخليها معايا ليه مش المفروض ادهلها اتنهد بصوت عالى أنت فيك إيه يا نجم اعقل كدا
وقغل باب شقته وخرج
نزلت هدى معلش يا مرات عمى كنت بلبس العيال
أم ابراهيم طيب يااختى أدى سعيد لمنى وانتى شيلى كرتونتين المانجة دول
هدى حاضر بس هو فين ابراهيم
نزل نجم معلش ابراهيم مش هيعرف يجى معانا يا ام حسين  وبعدين انا إللى هشيل الحاجة مش أنتى
هدى ابتسمت عقبال يارب ما اشيل فطار صبحيتك وأنت عريس واطلعه لباب شقتك
نجم تعيشى يا مرات أخويا
أم ابراهيم لا بجد أنتم عايزين تفرسونى
كلهم ضحكوا
الحاج ثابت يلا يا ولاد  هات ايدك يا واد يا حسين
وخرجوا في طريقهم لبيت ناجى
---------------------------------------
فى بيت ناجى
------------------------------
فكرية واقفة في المطبخ بتظبط الأكل
وناجى واقف يساعدها
ناجى بصلها بحب تسلم ايدك يا حب عمرى
فكرية اتكسفت إيه دا يا ناجى
ناجى ايه ما أنتى حب عمرى أنتى مش فاكرة لما ابوكى وقفته في المرور عشان يدفع المخالفة أنا من يومها لما شوفت وعينى جات في عينك حبيتك من أول نظرة
فكرية بس يا راجل أنت لسة فاكر إحنا كبرنا على الحاجات دى وضحكت بكسوف
ناجى لا يا اختى مكبرناش طيب عارفة أنا بفكر أعمل شهر عسل جديد
فكرية ضحكت بكسوف اكتر اختشى يا راجل دا انت بقيت جد
ناجى بحزن ياااه فكرتينى ليه يا فكرية انا كنت ما صدقت نسيت
فكرية ربنا يهديه بكرا يجى يتأسفلك ويبوس راسك
ناجى بعصبية دا لو عمل إيه مش هسامحه وقفلى على الكلام دا بقى ويلا شوفى ناقص ايه عشان اعمله معاكى
فكرية كتر خيرك خلاص مش ناقص غير السلطة وهعملها قبل ما احط الاكل على طول
ناجى تعيشى يا مشرفانى
فكرية تعيش ويسعد قلبك يارب بس يلا اطلع البس عقبال ما اطلع البس ريتاج اصلى سيباها من بدرى
ناجى طيب أنا هطلع أهو
بقلمى موفاااا💚
-----------------------------
في أوضة ريتاج
--------------------   
ريتاج كانت قاعدة قدام المرايا وبتحاول تسرح شعرها
دخلت فكرية القمر بيعمل إيه
ريتاج بتوتر أنا خايفة
فكرية بقلق اسم الله عليكى خايفة ليه
ريتاج بحزن وتوتر وكلام مقطع حححاااا سسية اللبنانيون غغغغزة ففى قققلللبى
فكرية حضنت ريتاج بسم الله الرحمن الرحيم أنتى حصلك إيه ما انتى كنت كويسة بتعملى كدا ليه الوقت
نزلت دمعة من عيونها
فكرية متخافيش أنا وابوكى معاكى وبعدين دول ناس طيبين أوى وهما شكلهم حبوكى لما كنتى عندهم
ريتاج اتنهدت بصوت عالى حزين مكسور
فكرية مالك بس يا ضنايا حصل إيه
ريتاج دموعها بتنزل وهى ساكتة
فكرية مسحت دموعها لا لا متعيطيش وقومى طلعى الهدوم إللى عايزة تلبسيها
ريتاج هزت كتفها بمعنى لا
فكرية لا إيه قومى يلا دانتى بتطلعى هدومك احسن منى ومسكت ايديها وفتحت الدولاب
ريتاج مش عارفه تطلع اى حاجه وبقت تترعش
فكرية هى حصلها إيه لا كدا لازم أعمل حاجة وخرجت بسرعة على أوضة ناجى
فكرية تعالى بسرعة يا ناجى شوف ريتاج مالها
ناجى بقلق مالها حصل إيه
فكرية بفزعة تعالى شوف بنفسك
دخلت فكرية هى وناجى
انصدموا أول ما دخلوا
شافوا ريتاج نايمة على السرير متغطية وينترعش
ناجى ايه دا مالها حصلها إيه اوعى تكونى زعلتيها
فكرية أبدا وحياتك أنا دخلت لقتها خايفة وبتعيط وبتتهت كدا
ناجى حضن ريتاج مالك فيكى إيه أنا ما صدقت أنك بقيتى كويسة
فكرية بتعيط يا ترى حصلها إيه
ناجى فكر بسرعة فكرية أنتى عندك الحقن بتاعتها
فكرية ايه الحقن
ناجى أيوة شوفيها بسرعة نديها حقنة عشان تهدا وتنام شوية
فكرية تنام والناس إللى زمانهم جاين يقولوا إيه لما يلقوها نايمة
ناجى مش مهم المهم بنتى
فكرية بصت عليها وبصوت همس ناجى دى نامت
ناجى بصلها واتنهد الحمد لله سبيها تنام شوية يمكن تهدا وتصحى كويسة
فكرية يارب
وخرجوا الاتنين من الأوضة على اعتقاد أن ريتاج نايمة
أول ما خرجوا ريتاج فتحت عيونها مرة واحدة وبتعيط عيطت كتير وفى الاخر نامت بجد المرة دى.
نكمل بكرا ان شاء الله....
بقلمى موفاااا💚
----------------------------------