الفصل آل 30
___________________
فى بيت الحاج ثابت
كلهم قاعدين سوا
الحاج ثابت هو نجم اتأخر كدا ليه
ام ابراهيم بت يا منى مش أنتى روحتى لعمك ساعة العصر في الأرض
منى كانت قاعدة جمبهم بتذاكر
هدى ردى على ستك يا بت
منى قفلت الكتاب يووو أيوة يا ماما وقولتلك مالقتيش حد هناك
الحاج ثابت يا ترى راح فين للوقت
منى مااعرفش
فجأة الباب خبط بصوت عالى
فتحت هدى بسرعة
الكل اتصدم لما شافوا نجم راكب توك توك وفى ناس معاه
واحد من الرجالة السلام عليكم يا ابا الحاج ثابت
الحاج ثابت صالح في إيه يا صالح ماله نجم
واحد تانى متخافش يا حاج هو كويس
الحاج ثابت سند نجم بسرعة مع الرجالة ودخلوا كلهم البيت
أم ابراهيم مالك يا نجم يا ابنى حصلك إيه
نجم بصوت تعب مافيش حاجه يا اما متشكر يا رجالة
الحاج ثابت هو إيه إللى حصل يا صالح
صالح إحنا كنا رايحين حدا أرض البرسيم بتاعت الواد مرسى لقينا سى نجم مسخسخ على الأرض فوقنا وجبنا توك توك وجبناه على هنا
أم ابراهيم بفزعة مسخسخ ليه يا ابنى حصلك إيه
نجم بتعب مافيش حاجه يا اما
الحاج ثابت كتر خيركم يا رجالة اتفضلوا
صالح كتر خيرك يا ابا الحاج تؤمرنى باى حاجة تانى
الحاج ثابت طلع فلوس من جيبه
صالح عيب يا ابا الحاج دا سى نجم اخ لينا وانت ابونا كلنا ربنا يطمنكم عليه
الحاج ثابت كتر خيرك يا ابنى
مشى صالح
الحاج ثابت قرب بسرعة من نجم مالك يا نجم يا ابنى حصلك إيه
هدى مالك يا اخويا سلمتك
أم ابراهيم بسرعة يا هدى اعملى كوباية عصير ليمون وزودى السكر
هدى حاضر يا مرات عمى ودخلت المطبخ
الحاج ثابت هو فين ابراهيم يا منى
نجم رفع عيونه على منى ورجع بص في الأرض
منى دا خرج يشوف عمى يا جدى بعد أنا ملقتوش العصرية في الأرض
نجم رفع عيونه تانى لمنى بس المرة دى باحراج وانكسار واتاكد انها مقلتيش إللى شافته لحد
خرجت هدى بالليمون سلمتك يا نجم
دخل ابراهيم بعد شوية وعرف أن نجم تعبان وقعد معاهم يطمن عليه
كل شوية نجم يبص لمنى إللى متجنبة نظراته خالص
إبراهيم إيه يا نجم إللى حصلك بس مش تشد حيلك كدا
نجم اتنهد بصوت عالى
ام ابراهيم مالك يا ابنى
نجم اتنهد تانى بصوت عالى مافيش يا أما ورجع بص لهدى بقولك إيه يا أم حسين
هدى نعم يا نجم يا أخويا
نجم معلش الصبح هتعبك معايا تفضى الشقة عشان ابراهيم يجيب الناس يوضبوها عقبال ما اشد حيلى كدا
واروح واتفق مع عم ناجى على الفرح
هدى باستغراب فرح كدا على طول يا نجم يا أخويا مش كنا هنعمل الشبكة الاول وبصت لام ابراهيم
أم ابراهيم ايوة يا ابنى مش المفروض نعمل الشبكة الاول
نجم بتوتر مش مهم نعمل كله سوا وخلاص
فجأة منى اتكلمت
منى وياترى ريتاج واهلها هيوفقوا على اتفاقتكم دى
الكل بصلها باستغراب
اما نجم مش قادر يبص لمنى
ام ابراهيم شوفوا البت المفعوصة فكرت في إللى احنا مفكرناش فيه
الحاج ثابت بس عارفين هى معاها حق يا ترى الحاج ناجى وجماعته هيوفقوا على الكلام دا
منى ابتسمت بسخرية والاهم من الكل ريتاج واخدت كتابها وخرجت قعدت على المصطبة إللى قدام الباب
الحاج ثابت يبقى كدا لازم أنا إللى اروح للحاج ناجى واشوف رائيه هو وجماعته وبنته على الكلام دا
نجم لا يا ابا
الحاج ثابت باستغراب لا ليه يا ابنى
نجم أنا إللى هروح بس لما نبدأ في توضيب الشقة الأول وقام وقف وأنا هطلع الم حاجاتى وهدومى
هدى طيب استنى لما تاكل حاجه أنت وشك مسفر أوى
نجم معلش مش الوقت ماليش نفس خالص وسابهم وطلع
وفعلا بدأ يلم حاجاته وفجأة شاف صورة بسملة ومعاها الدبلة بتاعتها وجوابات وصور بتجمعهم سوا وهما في الجامعة وبيتفسحوا سوا
مسك نجم الصور والجوابات ياترى إللى أنا هعمله دا صح ولا غلط
أنا تعبان ومش عارف اعمل ايه ولا حتى افكر وفجأة ساب كل إللى في ايده ورمى نفسه على السرير ونام
__________________
بتعدى الأيام وشريف بيعمل اساس البيت وبقى قريب من ناجى اوى لدرجة أنه بقى يقعدوا مع بعض وهما العمال شغالين وياكلوا ويشربوا سوا من الاخر كدا بقوا اصحاب
وريتاج كانت ملاحظة دا ومش مرتاحة
لحد في يوم حصل إللى حصل
بقلمى موفاااا💚
_______________________
أنت تقرأ
ملاكى الهادى
Romanceمغتصبة مرمية قدام شقة اهلها لمس الحب قلبها خلاها واحدة تانية ملاكى الهادى....
