ملاكى الهادى

الفصل آل 33

حبايب قلبي الحلوين إللى يارب يكونوا مستنين فصل النهاردة
تعالوا نشوف هيحصل ايه
😍😍😍😍😍😍😍😍😍

الفصل آل 33
__________________
ريتاج لسة بتزعق مع شريف
ريتاج دا آخر تحذير ليك سامع واتحركت خطوتين وفجأة شافت نجم قدامها وقفت مصدومة وفتحت عيونها على الاخر
نجم ابتسامة عريضة أهلا
ريتاج بتوتر ن ن
نجم هووووش ادخلى البسى عشان هنروح عندنا سوا
شريف قرب منهم بسرعة انت مين اللى بتقولها هوووش وهتروح معاك عندكم بصفتها  إيه
ريتاج بصت لشريف
نجم يلا يا ريتا بسرعة عشان نمشى
ريتاج بصت لنجم وهزت راسها ودخلت بسرعة تجرى
نجم  بص لشريف بنظرات غضب
شريف وكمان بتدلعها تعاللالى هنا أنا شوفتك فين قبل كدا
نجم قرب منه لسة مش فاكرنى  طيب يمكن دى تفكرك وعلى غفلة  هوووب ضربه في وشه
شريف بصله بصدمة ايوة افتكرتك انت الفلاح المجنون إللى ضربنى المرة اللي فاتت
نجم ضحك هههههه مجنون أنا هعرفك الجنان شكله إيه لو قربت من ستك وتاج راسك ريتاج
شريف مسك نجم من هدومه وأنت مالك ومال ريتاج
نجم زقه جامد أنا بقى بعد اسبوعين هكون جوزها كدا ارتحت وضحك بصوت عالى ههههه وسابه واقف مصدوم  ومشى
فضل نجم واقف قدام باب البيت لحد ما ريتاج نزلت
اول ما نزلت بصتله بتوتر
نجم بهدوء يلااا بينا
ريتاج هزت راسها وقفلت الباب وراها ومشيت معاه وهى متوترة
--------------------

ريتاج ماشية متوترة جمب نجم
نجم متهيألى كدا مش هيتعرضلك تانى ريتاج بتوتر وآلله أنا كنت هضربه لو لزم الأمر وكنت هقول لبابا لو عمل حاجة تانى
نجم خلاص أنا سمعت كل حاجة
ريتاج سمعت
نجم أيوة سمعت واصلا خلاص دول كلها اسبوعين ونتجوز يعنى مش هيشوفك تانى
ريتاج بحزن. هو أنت مش هتخلينى  ازور بابا وماما لما اتجوز
نجم ابتسم لا طبعا احنا هنزورهم سواا
ريتاج اتنهدت بصوت عالى
نجم مالك في إيه
ريتاج قعدت جمب شجرة
نجم فى ايه أنتى عايزة تقولى حاجة
ريتاج بصتله بحزن
نجم قرب منها في إيه اتكلمى
ريتاج بحزن وخلاص هتعيط. أنا خايفة
نجم خايفة من إيه
ريتاج من الحياة الجديدة إللى هدخلها وكمان عشتى مع اهلك والاهم أنت
نجم باستغراب أنا
ريتاج هزت راسها أيوة
نجم مالى في إيه
ريتاج انت لسة مصمم على الجواز منى
نجم هقولك على حاجة لازم تعرفيها عنى
ريتاج بصتله باهتمام
نجم أنا مبرجعش في كلامى خالص
ووعدى سيف على رقبتى
أنا راجل يا ريتاج مش عيل
ريتاج بس قصدى
نجم أنا فاهم كل حاجة وياريت متفكريش في حاجة خالص وسيبى ربنا يعمل إللى هو عايزه
ريتاج اتنهدت بصوت عالى حزين موجوع
نجم كفاية تأخير ويلا عشان زمانهم مستنينا
ريتاج ااه افتكرت أنت جيت تاخدنى ليه
نجم ابتسم عشان كان لازم تيجى مع مامتك وباباكى عشان تفرشى شقتك يا عروسة يلا بقى
ريتاج حاضر ومشيت ساكتة طول الطريق
أما نجم ماشى حيران متلغبط من إللى بيقوله واللى حاسيس بيه
واخيرا وصلوا بيت الحاج ثابت
هدى وسعاد أول ما شفوهم قعدوا يزغرطوا بصوت عالى لولولولولولولى
نجم شايفة مستنينك على نار
ريتاج ابتسمت بكسوف
بسرعة قربت فكرية من ريتاج وبهمس مش كنتى جيتى معانا من الاول بدل إللى حصل
ريتاج ابتسامتها راحت وبصت لنجم
نجم لاحظ دا إيه يا سعاد مش هتطلعى ريتاج تتفرج على الشقة بعد ما اتفرشت
منى بسرعة لأ أنا إللى هفرج العروسة تعالى يا ريتاج ومسكتها من ايديها وبتشدها
ريتاج لسة واقفة مكانها وبتبص لامها
منى قوليلها تطلع يا ستى وبصت لفكرية
ناجى اطلعى يا ريتاج مع منى
منى بلهفة اهو جدى قالك اطلعى تعالى البت سارة فوق بتمسح وشدتها وطلعت بسرعة
الحاج ثابت الغدا يا ولاد
هدى على طول يا عمى
الحاج ثابت طيب اعملى للرجالة شاى عقبال الأكل ما يجهز
ودخل هو وناجى ونجم وابراهيم وفريد جوز سعاد أوضة الضيوف
ام ابراهيم تعالى ارتاحى يا حجة وأنتم يا بنات خلصوا الاكل
فكرية طيب ارتاحى يا حجة وأنا اساعد البنات
سعاد وآلله ابدا يا خالتى أنا وهدى والبت بهية هنخلص الغدا هوا ارتاحى انتى مع مرات عمى
قعدت فكرية وأم ابراهيم سوا
ودخلوا البنات المطبخ
فى أوضة الضيوف عند الرجالة
الحاج ثابت شوف الشاى يا نجم هو لا هيبقى اكل ولا شاى
كل الموجودين ضحكوا
نجم حاضر وخرج عشان يشوف الشاى