عشان محدش يقول عليا نكدية 😁😁😁عملتلكم الفرح أهو عشان محدش يزعل منى
وأنا وانتم هنروح سوا😁😁
_______________
الفصل آل 34
----------------------
* في بيت الحاج ثابت إللى في البلد
كان الأهل والقرايب كلهم موجودين
وناس من أهل البلد يساعدوا في استعدادات الفرح
أول ما قرب نجم من البيت كان الحاج ثابت وابنه ابراهيم وفريد جوز بنته سعاد قاعدين قدام البيت مع رجالة كتيرة
ناجى سلم عليهم وقعد معاهم
أما نجم اخد ريتاج وفكرية ودخلوا البيت
أول ما دخلت ريتاج البيت كل الستات زغرطتت بصوت عالى لولولولولولولى
ريتاج اتفاجات واتخضت مسكت إيد أمها
كل الموجودين بيسلموا على العروسة وامها
نجم همس لأخته دخلى ريتاج الأوضة وشوفى البت إللى هتمكيجها
ضحكت سعاد مستعجل أوى كدا يا نجم يا أخويا
نجم اتلغبط لا بس
سعاد كتمت ضحكتها بس عارف ليك حق تستعجل البت زى العسل
نجم بتوتر بص لريتاج
سعاد مش كدا يا عريس الناس تقول عليك إيه روح أقعد برا مع الرجالة
نجم طيب وريها الأوضة عشان تدخل الفستان وهدومها
سعاد بمكر أنت عايز إيه بالظبط يا عريس
نجم بصدمة عشان اخته فهمته
نجم وأنا هعوز إيه يعنى بس ورجع بص لريتاج اللى قاعدة جمب منى سرحانة
سعاد أنت عايز تكلمها لوحدكم
نجم بصراحة هى كانت معيطة من شوية وأنا عايز أعرف مالها يمكن فى حاجة
سعاد معيطة ليه بعد الشر
نجم ما هو دا إللى عايز اعرفه وبعدين ما أنتى شايفة البيت زحمة ازاى
سعاد طيب استنى أنا هخليك تكلمها بس بسرعة احسن أمها تاخد بالها
نجم بلهفة خمس دقايق بس
سعاد طيب استنى أما اشوف كدا
نجم بس بسرعة يا سعاد
سعاد ابتسمت وراحت لريتاج
سعاد همست لريتاج وامها واخدت منها الشنط وريتاج قامت مع سعاد ودخلوا الأوضة
نجم واقف مبسوط يكلم نفسه جدعة يا بت يا سعاد
سعاد دخلت ريتاج الأوضة وخرجت بسرعة شاورت لنجم
منى لاحظت اللى بيحصل قربت بسرعة منهم هو إيه الموضوع
نجم بص بعيد
سعاد مالكيش دعوة يا بت أنتى وروحى غنى مع البنات
منى ضحكت هههههه طيب خلينى هنا يمكن انفع في حاجة وكتمت ضحكتها هههههه
سعاد هقطع رقبتك لو نطقتى بكلمة
منى عيب دا أنا حبيبتك بس هو في إيه
سعاد بصت لنجم ورجعت بصت لمنى
سعاد عايزاكى تقفى هنا ومتدخليش حد خالص لحد ما ورجعت بصت لنجم
منى ابتسمت بكسوف لأنها عرفت الموضوع
منى من عينى بس خليكى أنتى جمب ستى ام ريتاج احسن تقوم وتيجى على هنا
سعاد دانتى طلعتى مش سهلة
منى كله عشان خاطر عمى وريتاج
سعاد بغيظ طيب يا اختى خلى بالك
منى حاضر بس روحى اقعدى جمبها
منى يلا بسرعة يا عمى
نجم بسرعة خبط ودخل وقفل الباب وراه
ريتاج كانت قاعدة على طرف السرير والفستان جمبها
ريتاج بفزعة في إيه
نجم بتوتر قرب منها مافيش حاجه بس أنا كنت عايز وركز في وشها
وسكت
ريتاج بكسوف عايز إيه
نجم بتوتر بص للفستان ااه كنت عايز اشوف الفستان
ريتاج وتانى مرة تعمل الحركة الغير ارادية ترفع حاجب واحد
نجم ابتسم نفسى اعرف بتعملى الحركة دى ازاى
ريتاج اتكسفت وبتوتر أنت جاى هنا ليه الوقت مش خايف ماما تشوفك هنا ولا حد من اهلك هيقولوا إيه علينا
نجم قرب منها وبهمس خلاص كلها كام ساعة ونتجوز
ريتاج اتوترت وبعدت عنه
نجم مالك يا ريتاج
ريتاج أنا خايفة أوى
نجم عشان كدا أنا جيتلك
ريتاج بصتله
نجم مش عايزك تخافى أنتى خلاص هتبقى مراتى وأنا هكون امانك وسندك واهلى اهلك
ريتاج دموعها نازلة يعنى محدش هيعرف
نجم بسرعة حط ايده على شفايفها هوووش انسى الموضوع دا زى ما أنا نسيته
ريتاج دموعها نازلة
نجم بيمسح دموع ريتاج وبهمس مش عايز اشوف دموعك دى تانى ابدا ممكن
فجأة الباب اتفتح
نجم وريتاج اتفزعوا
منى معلش أصل جدى بيسال عليك من بدرى وكمان ستى بتقولى انده ريتاج تقعد معانا واحنا بنغنى برا
ريتاج بتوتر ماما لو شافتك هنا مش هيحصل كويس
نجم مسك ايديها طيب اهدى مش هيحصل حاجة أنا خلاص بعد العشا هيبقى جوزك
نجم اصبرى وبص لمنى
منى اتنهدت بصوت عالى وفكرت بسرعة
منى بصوا أنا هاخد ريتاج واخرج نقعد معاهم
وانت اخرج بعدنا بشوية
نجم ماشى يلا
ريتاج بصت لنجم
نجم همسلها افرحى بقى النهاردة فرحك وغمزلها
خرجت منى وريتاج وهى متوترة
سعاد إيه يا عروسة تعالى اقعدى معانا
فكرية كنتى بتعملى إيه جوا كل دا
ريتاج اتوترت
منى كانت بتعلق الفستان وكانت هتنعس وهى قاعدة
فكرية معلش اصلها منمتيش كويس بقالها كام يوم
هدى حقها مش عروسة ولا اية يلا يا بت يا بهية غنى
بهية مسكت الطبلة وهتغنى
خرج نجم بالراحة وفضل واقف يتفرج عليهم وهما بيغنوا
اغنيه هنعلق البنور
و دى كانت من إختيارى😁😁
-----------------------------
* عدا الوقت ودخل الليل ونور الفرح نور البلد والمزيكا اشتغلت وأهل البلد كلهم قاعدين
كانت ريتاج في الأوضة والكوافيرة بتمكيجها وامها معاها والبنات
دخلت سعاد بسم الله ما شاء الله إيه الحلاوة دى
ريتاج بصت في المرايا على نفسها
سارة أنا عايزة أعمل مكياج يا ماما أنا ومنى
الكوافيرة بعد العروسة
سعاد اصبرى يا بت منك ليها لما تخلص العروسة الأول
وبعد وقت طويل خلصت ريتاج مكياج ولبست الفستان وكل الموجودين معجبين بريتاج وجمالها
دخلت هدى بقولك إيه يا خالتى مرات عمى عايزاكى عشان تعرفك على قرايبنا
فكرية حاضر بصت لريتاج بعيون دمعة وخرجت
منى قربت من ريتاج مالك يا ريتاج أنتى طول النهار ساكتة ليه كدا أنتى مدايقة من حاجة
ريتاج هزت راسها واتنهدت بصوت عالى
الكوافيرة أنا كدا خلصت إيه رائيكم
منى زى القمر
سارة دى عسل
سعاد زغرطت بصوت عالى لولولولولولولى
بعد شوية سمعوا المأذون جه
منى هيكتبوا الكتاب
كل إللى واقفين خرجوا يتفرجوا
ريتاج واقفة لوحدها في الاوضة
فجأة دخلت عليها ست لابسة جلبية وطرحة
ريتاج بصتلها باستغراب
الست اكيد مش هتعرفينى باللبس دا
ريتاج انتى مين
الست أنا بقى وشالت الطرحة من على راسها
ريتاج باستغراب أنا شوفتك قبل كدا
الست لا ذاكرتك قوية يا عروسة
الست أنا بقى بسملة هانم حبيبت نجم
ريتاج واقفة مصدومة
بسملة بسخرية قربت من ريتاج إيه مالك مش مصدقة ولا اية أنتى مصدقة إللى بيحصل دا ولا إيه
ريتاج انتى قصدك إيه
بسملة ضحكت بصوت عالى أنتى غبية ولا بتستعبطى ولا تكونى متعرفيش
ريتاج احترمى نفسك واتفضلى امشى من هنا
بسملة ضحكت تانى أنتى لسة مصدقة نفسك
ريتاج لو عندك حاجة قوليها وخلصينى
بسملة قربت منها هقولك عشان شكلك مش عارفة
ريتاج نفخت فى الهوا بخنقة
بسملة عارفه نجم حبيبي هيتجوزك ليه
ريتاج بصتلها بقلق
بسملة الجوازة دى كلها متفبركة عشان منظر نجم وعيلته في البلد أنتى طلعتى غبية بجد
بسملة لسة بتسخر وتستهزئ من ريتاج
بسملة وكمان هيتجوزك بعد ما أهله غصبوا عليه عشان يدارى على الفضيحة بتاعتكم سواااا
ريتاج اتوترت وخافت
بسملة إيه افتكرتى إللى حصل ولا اكمل
ريتاج واقفة متوترة
بسملة يعنى هو كل واحد يمشى مع واحدة يتجوزها بس الصراحة انتى سبكتيها أوى وقعتى قدامه لا وأيه طلع عندك انهيار عصبى وقعدتى في بيتهم وعرفتى تضحكى عليه وعلى أهله والبلد كلها تتكلم عليكم واللى حصل بينكم والناس كلها عرفت إللى حصل بينكم ااه منك انتى دبستيه في الجواز واهو هتتجوزيه النهاردة لا عرفتى تحبكيها يا بت
ريتاج واقفة مصدومة
بسملة إيه مالك يا عروسة
ريتاج اخرسى أنتى واحدة قليلة الادب
اطلعى برا
بسملة اذا كان عليا هطلع برا وانتى هتدخلى بس هتخرجى برا قريب
بسملة وهى خارجة ضحكت مبروك يا عروسة وسابتها وخرجت........
ريتاج واقفة لوحدها مصدومة
من إللى عرفته من بسملة وبقت تكلم نفسها معقولة كل إللى حصل دا تمثلية عشان منظره قدام الناس لأ وكمان مغصوب عليا من اهله بس ليه أنا عملت إيه عشان كل دا يحصلى لأ اكيد فى حاجة غلط بتحصل
ريتاج ابتسمت بسخرية غلط هو في اكتر من إللى بيحصل دا قال وأنا احكيله كل حاجة زى الغبية لا فعلا أنا غبية زى ما قالت حبيبته بس انا مش هسكت على المهزلة دى أنا لازم امشى من هنا بسرعة مش هتجوز بالطريقة دى أبدا وفتحت الباب واتصدمت اول ما لقت ابوها قدامها
ريتاج بتوتر بابا
ناجى بابتسامة جميلة مبروك يا حبيبتي ومسك ايديها لحد ما وصلوا للفرح والزفة والناس وراهم
ريتاج بهمس بابا أنا كنت عايزة أقولك حاجة مهمة أوى
ناجى بصلها اهدى يا حبيبتي وفجأة وقف قدام العريس
نجم سلم على ناجى وقرب ياخد ايد
ريتاج لسة متوترة وبتبص فى الأرض وكل الستات بتزغرط لولولولولولولى
نجم مسك ايديها وهى كانت بتترعش ومتوترة لدرجة انها مش قادرة تمشى على الأرض
نجم اتحرك وهى اتحركت معاه
نجم بهمس مالك
ريتاج هزت راسها وهى لسة بتبص في الأرض
وصلوا للكوشة
نجم قعد ريتاج وهى لسة بتبص فى الأرض
قربت منها منى وسلمت عليها وقعدت ترقص
نجم همس مالك في إيه
ريتاج بغضب وصوت واطى قولتلك مافيش حاجه
نجم استغرب اسلوبها وسكت
جه ابراهيم يلا يا عريس عشان نكتب الكتاب
نجم قام من جمبها
ريتاج اتفزعت مرة واحدة
فكرية قربت من ريتاج مالك يا بنتي في إيه
ريتاج هزت راسها
منى أما عمى النهاردة زى القمر
سارة أنا أول مرة اشوف خالى نجم حلو كدا
فكرية الصراحة هو فاجأ الكل بلى هو فيه دا
ريتاج سرحت هما قصدهم إيه ورفعت وشها بالراحة تبص على نجم وهو بيكتب الكتاب
ريتاج فتحت عيونها مرة واحدة وكانت المفاجأة أن نجم لابس بدلة
منى قربت من ريتاج إيه رائيك في عمى قمر صح
ريتاج بلغبطة دا لابس بدلة
منى أيوة طالع عسل فيها أنا هقوله ميلبسش الجلبية تانى
فجأة كل الستات بتزغرط لولولولولولولى لولولولولولولى لولولولولولولى لولولولولولولى
وصوت ضرب نار
منى كتبوا الكتاب
إبراهيم وعلى بيرقصوا سوا
منى جريت ودخلت في النص وبقت ترقص مع ابراهيم
نجم رجع قعد على الكوشة
ريتاج لسة بتبص عليه وهو بينتسم والكل بيباركله
سعاد بترش ملح عليهم وهما قاعدين
قربت هدى ومعاها الشبكة
نجم مسك الدبلة وبص لريتاج
فكرية مسكت ايديها لنجم عشان يلبسها الدبلة والخاتم والسلسة
وجه الدور على ريتاج تلبسه دبلته
ريتاج بتوتر مسكت الدبلة ولبستها لنجم
الكل فرحان وبيرقص
فجأة جه شريف عشان يبارك لنجم وريتاج
شريف مد ايده لنجم مبروك
نجم ابتسم آلله يبارك فيك عقبالك
شريف مد ايده لريتاج مبروك يا ريتاج
نجم مسك ايد شريف جامد آلله يبارك فيك أصل إحنا عادتنا ان الست متسلمش على راجل غريب وكان بيضغط على ايد شريف جامد
ريتاج كانت متابعة الموقف الله يبارك فيك يا بش مهندس رجع شريف قعد جمب الرجالة
قرب على وشد نجم عشان يرقص
نجم بكسوف مبعرفش ارقص يا على
إبراهيم شد نجم لا بتعرف يلا هاته يا واد يا على
نجم قلع جاكت البدلة واداه لريتاج
ريتاج مسكت الجاكت وركزت فيه وشمت ريحة برفان نجم اتنهدت بصوت عالى وحطت الجاكت على رجليها
منى بتشد ريتاج عشان ترقص
ريتاج لأ لأ مش هرقص
نجم غمزلها وهمس مش بتعرفى ولا إيه
ريتاج بصتله وعملت حركتها اللى نجم اتعود عليها وهى متنرفزة ورفعت حاجب واحد
منى لسة بتشد ايد ريتاج
وفجأة ريتاج لقت ابوها قدامها وبيمسك ايديها عشان ترقص معاه
ريتاج اترمت في حضن ابوها وغصب عنها عيطت
ناجى مسك ايديها وبقى يلف بيها والكل فرحان ريتاج نسيت نفسها وبقت تلف مع ابوها وهى فرحانة
ورجعت قعدت على الكوشة هى ونجم
نجم بيمسح عرقه وبهمس مكنتش اعرف أنك بتعرفى ترقصى كدا
ريتاج بحدة بس انا مابعرفش ارقص
نجم اومال كنتى بتعملى إيه من شوية
ريتاج ابتسمت بسخرية
نجم همس أنتى فيكى إيه النهاردة
ريتاج بزهق هيكون فيا إيه يعنى
نجم انتى حلوة اوى النهاردة وغمزلها
ريتاج اتوترت وبصت الناحية التانية
الفرح كان جميل بكل اللى فيه
-----------------------
واخيرا الفرح خلص
-------------------------
* ريتاج قبل ما تركب العربية وقفت تسلم على ابوها وأمها
ريتاج بتعيط بهستريا وهى حاضنة أمها
فكرية خلاص يا غالية هتسيبى حضن أمك
أم ابراهيم ما خلاص بقى حضن جوزها وبس يا حجة
فكرية بتعيط ربنا يهدى سيركم يارب
ناجى هتوحشينى يا بنت ابوكى
ريتاج بابا أنت هتوحشنى أوى مش تنسانى يا بابا
ناجى حد يقدر ينسى روحه أنتى روحى
فكرية خلى بالك من نفسك ومن جوزك مش عايزاكى تزعليه وأنت يا نجم يا ابنى خلى بالك منها أنا مدياك نن عينى
نجم متخافيش يا خالتى دى فى عينى
فكرية تسلم عينك يا حبيبي
ركب نجم ومعاه ريتاج والعربية مشيت والكل واقف يزغرط
فكرية واقفة تبص على طيف العربية وتعيط
ناجى خلاص بقى يا أم العروسة يلا عشان نروح
فكرية مش مصدقة أنى هروح من غيرها
ام ابراهيم وهى راحت فين بس يا حجة ما أنتى هتروحلها وهى هتيجيلك
فكرية خلى بالك منها يا حجة اعتبريها بنتك
ام ابراهيم متوصنيش دى اغلا من بنتى
ناجى يلا يا نمشى إحنا بقى
فكرية طيب وسلمت على الكل
ومشيت هى وناجى
-----------------------------
أنت تقرأ
ملاكى الهادى
Romanceمغتصبة مرمية قدام شقة اهلها لمس الحب قلبها خلاها واحدة تانية ملاكى الهادى....
