ملاكى الهادى

الفصل آل 35

يلا يا حلوين تعالوا نشوف حصل
فى صباحية العرايس
--------------------------------
الفصل35
--------------------

الصباحية
---------------------
تانى يوم في شقة العرايس
ريتاج كانت لسة نايمة
صحى نجم على صوت خبط على الباب
نجم ااه يا راسى  وقرب من الباب
نجم بص على أوضة النوم اتنهد بصوت عالى وفتح الباب
أول ما فتح الباب زغاريط بصوت عالى لولولولولولولى لولولولولولولى كانت هدى ومعاها الفطار
هدى صباحية مباركة يا عريس
ودخلت بصنيىة مليانة أكل
نجم واقف ساكت
هدى عامل ايه يا عريس والعروسة فين
نجم بتوتر احمم لسة نايمة
هدى ابتسمت بكسوف على راحتها مرات عمى وعمى وكل العيال بيسلموا عليك
نجم الله يسلمك ويسلمهم
هدى أن شاء الله تسلم مش عايز حاجة تانى يا عريسنا يا غالى
نجم كتر خيرك يا أم حسين
هدى طيب اسيبك أنا بقى ولو احتجت حاجة انده عليا
نجم طيب  وخرجت هدى ونجم وقف يبص على أوضة ريتاج
ووقف يكلم نفسه يا ترى صاحية ولا نايمة
وحشتنى الشخصية العكسية لنجم عشان كدا هتظهر😁😁
الشخصية العكسية لنجم مبروك يا عريس
نجم إبتسامة باهتة عريس فين بقى يعنى مش عارف إللى حصل
الشخصية العكسية لنجم ما هى معاها حق
نجم ازاى بقى وأنا عملت ايه
الشخصية العكسية لنجم يعنى عايزها  تعرف كل إلى حصل من العقربة إللى اسمها بسملة وتبقى عادى
نجم اوووف وعايزنى أعمل ايه
الشخصية العكسية لنجم عايزك تقوم تصالحها حرام عليك تلاقيها طول الليل بتعيط وهى ملهاش ذنب في حاجة
نجم يوووه أنت معايا ولا معاها
الشخصية العكسية لنجم ضحك هههههه معاها  طبعا قوم يلا عشان أنا جعان وعايز افطر والصراحة مش هفطر من غيرها قوم يلا بقى
نجم طيب متزقش هقوم اهو وفعلا قام نجم وقرب من الباب
نجم واقف متوتر وأخيرا خد القرار وخبط
ريتاج لسة نايمة
نجم خبط أكتر من مرة
ريتاج بتعب مين
نجم ضحك لتانى مرة هقولك مافيش غيرى معاكى فى الشقة
ريتاج بتعب عايز إيه
نجم طيب اخرجى اغسلى وشك وهقولك بس اخرجى
ريتاج قامت من على السرير وخرجت
نجم صباح الخير
ريتاج صباح النور
نجم ممكن نتكلم شوية
ريتاج احمم طيب ممكن أدخل وبصت على الهدوم إللى في ايديها والفوطة
نجم ابتسم ااه طبعا خدى راحتك
ريتاج دخلت الحمام
أول ما ريتاج دخلت الحمام
نجم دخل بسرعة الأوضة
وقف نجم يبص للاوضة بإعجاب وقعد على السرير ولمس مكان ريتاج ما كانت نايمة وبص على الفستان المرمى على السرير
فجأة سمع صوت ريتاج خرجت من الحمام ملحقش يخرج من الأوضة
دخلت ريتاج وكانت لابسة البرنس ولفة شعرها بالفوطة
نجم احممم أنا كنت ب وبصلها  بتركيز
ريتاج مالك في إيه
نجم  هاا  مافيش حاجه  بس أصل
ريتاج رفعت حاجبها
نجم ابتسم وقرب منها  وبهمس وتركيز فى عيونها صباحية مباركه يا ريتاج
ريتاج  بحدة  صباحية الى هى ازاي يعني
نجم إيه يا ريتاج مش احنا امبارح كانت دخلتنا  يبقي النهاردة صباحيتنا  وضحك ههههه
ريتاج انت بتضحك علي ايه
نجم افتكرت مسرحية ريا وسكينة
ريتاج اشمعنا يعني ريا وسكينة
نجم  اصل شادية كانت بتقول لحسب الله  امبارح كانت دخلتهم والنهاردة صباحيتهم  يبقوا يصحوا علي راحتهم
وضحك تاني بصوت عالي ههههه
ريتاج  ابتسامة باهتة  ومن غير ما تاخد بالها شالت الفوطة من علي شعرها
وقعدت تسرح شعرها
نجم وقف يبصلها بتركيز
ريتاج لاحظت انه مركز معاها لما شافته بيبص عليها في المرايا
ريتاج احمم دورت وشها عليه انت بتبص على إيه
نجم باحراج لا مببصش
ريتاج لا والنبي
نجم ضحك غصب عنه ههههه
ريتاج بغيظ انت بتضحك علي ايه  تانى واصلا انت كنت مصحينى ليه
نجم يوووه اااه أنا نسيت  دا  ام حسين جابت الفطار  وانا قولت اصحيكى  عشان تفطرى
ريتاج لا روح أنت انا ماليش نفس
نجم لا طبعا  انتي مكلتيش كويس امبارح
ريتاج بس
نجم مابسش قومي يا ستى بطلى دلع وشدها من ايديها وخرج قعد على السفرة
ريتاج بعصيية سيب ايدى وفهمنى انت بتعمل كدا ليه  ولا دى باقى التمثلية  وانت بتكملها
نجم نفخ  فى الهوا ومسك ايديها جامد
وبصوت عالى  اسمعي بقي الكلمتين  دول عشان مش هتكلم فيه تاني
ريتاج اتفزعت  منه
نجم لسة بيزعق ويشد ايد ريتاج
نجم  اسمعي بقى موضوع بسمله كان ايه وبدا يحكى  بسملة كانت أول حب عرفته كانت زميلتى فى الجامعه بس هى كانت عايشه مع اهلها في مصر
حبينا بعض أوى لدرجة إن الجامعه كلها كانت بتحسدنا على الحب دا 
ريتاج لسة بتسمع  والدموع اتجمعت في عيونها
نجم  من كتر حبى ليها كنت بخاف عليها اكتر من نفسي
من الآخر خطبتها  وكانت خطوبه كلها خروج وغرام  وحددنا سنة للجواز  وبعد ما حضرت كل حاجه سبتنى  بكل اهانة  وقالتلى  ان هيبقي عار عليها  لو اتجوزت  فلاح زى  وسبتنى  واللى عرفته انها اتجوزت واحد كان زملنا فى الجامعه بس ابوه كان عنده شركة استيراد وتصدير  ورجعت تانى  وبالتحديد  قبل ما نحدد على الفرح بكام يوم
ريتاج بالدموع  عشان كدا حنتلها تانى صح
نجم  كان ممكن  يحصل قبل ما اعرف انها متجوزتش الشاب دا  وكانوا متصحبين  ومقدينها بس
ريتاج لسة بتعيط وانا ذنبى تطلع عليا اشاعات زى دى ليه والبلد كلها تعرف إلا أنا واهلى حرام والله وفضلت تعيط
نجم  احممم  عشان يبقى مافيش حاجه مخبىيها عنك  امك وابوكى كانوا عارفين
ريتاج انصدمت انت بتقول ايه بابا وماما كانوا عارفين ازاى وخبوا عني ريتاج بقت تتكلم من غير ما تحس بطريقة هسترية يعني هما مشتركين معاك في التمثلية القذرة دى طيب  وانا محدش عملى  حساب  ولا حتى فكر فيا  انى ممكن اعرف من اى حد زى ما عرفت امبارح هو انا هفضل كدا طول عمري حقى ضايع فى الدنيا دي
حرام والله حرام  وضمت وشها بايديها  وقعدت تعيط
نجم  عشان خاطري يا ريتاج اهدى  كل اللي حصل دا كان عشان مصلحتنا احنا الاتنين
ريتاج لسة بتعيط
نجم كفاية عشان خاطري واوعدك انى عمرى ما هعمل حاجه من وراكى
وحاول براحه يشيل ايديها من علي وشها  فاجاة ريتاج وقعت علي الارض واغمى عليها
نجم يوووه مش وقته خالص وشالها بالراحة  ونيمها على السرير  وقعد جمبها يحاول يفوقها
قعد نجم يبص في وشها وعيونها بتنزل  منها الدموع وهى مغمى عليها
نجم اتنهد بصوت عالى ااه يانى إيه التدبيسة إللى دبست نغسى بيها دى
وجاب البرفان بتاعه ورش على ايده وقعد شمم ريتاج عشان تفوق
ريتاج بتشم البرفان وهى بين الأفاقة والاغماء
ريتاج بصوت كأنه نعسان بدأت تتكلم من غير ما تحس
ريتاج نجم وفتحت عيونها بالراحة
نجم ريتاج اتكلمى أنا هنا جمبك
ريتاج انت اتجوزتنى ليه
نجم باستغراب ايه
ريتاج اتجوزتنى عشان بتحبنى صح زى ما أنا بحبك نجم قرب منها
ريتاج مسكت ايده  أنا بحبك بحبك وراحت في النوم وهى ماسكة ايده جامد
نجم اتوتر معقولة يا ريتاج تكونى بتحبينى بعد كل إللى عرفتيه
طيب أعمل إيه الوقت ااه يانى
حاول يفك ايد ريتاج من ايده لكن معرفش اضطر أنه يفرد جسمه على السرير جمبها وقعد يبص لشكلها وهى نايمة ويلعب فى شعرها لحد ما راح في النوم جمبها
---------------
________________________
صحيت ريتاج قبل نجم لقت
نفسها نايمة في حضن نجم وايديها ماسكة فى ايده
فضلت ريتاج تبص لنجم وتكلم نفسها بصوت مسموع ياترى إيه نيمه جمبى وازاى انا ماسكة ايده كدا أنا آخر حاجة فكراها ان اغمى عليا
جات تقوم وتشد ايديها  لقت نجم ماسك ايديها جامد
ريتاج لسه بتحاول تشد ايديها ومش عارفه تقوم
ريتاج يووه هو ماسك جامد كدا ليه
فجاة سمعت صوت زعاريط لولولولواى
وسمعت خبط علي الباب 
ريتاج اتفزعت وبقت تزق نجم عشان يصحى قوم يا نجم أصحى بقي أنت نومك تقيل كدا ليه عمرك ما نمت
نجم حاول يبقي طبيعى لما لاقاها مش فاكرة ايه اللي حصل
وفجاة فتح عيونه مرة  واحده
نجم ايوه طبعا لازم نومى يبقي تقيل عشان نايم  في حضن اجمل واحده في الدنيا
ريتاج شهقت إيه دا انت صاحى
نجم اتعدل وهو لسة ماسك ايديها  نجم ايوة صحيت علي اعذب صوت سمعته وباس ايديها
ريتاج سحبت ايديها  بكسوف وعصبية
نجم ابتسم 
ريتاج بتوتر  ولغبطة ممكن اعرف أنت ايه اللي نيمك هنا  جمبى وكمان ماسك ايدى ليه
نجم هرش فى شعره   نايم هنا جمبك عشان انتى مراتى  وماسك  ايدك عشان ابوسها كدا  ومسك ايديها وباسها
ريتاج شدت ايدبها تانى لو سمحت بلاش الحركات دي انا عارفه إنك كداب فى كل حاجه حتى مشاعرك نحيتى
نجم بزعل مصطنع  حركات  أنا مش بتاع حركات يا ريتاج
ولا كداب يا متربية يا بنت الناس المحترمين  وقام من جمبها وفتح الدولاب
ريتاج باحراج قامت وراه  انا مش قص
نجم قطع كلامها وهو لسة مصطنع الزعل مش وقته  أنا هشوف مين عقبال ما تغيرى هدومك
وعدل نفسه  وراح يفتح الباب
لقى هدى في وشه
هدى بكسوف  معلش بقي مافيش غيرى النهارده يخبط عليكم ولايقلقكم
نجم ابتسم ولا يهمك  تغالى ادخلي
هدى لا طبعا ادخل ازاى  أنا بس مرات عمي بعتتنى عشان اقولكم ان عمى ناجي وخالتى تحت جاين يباركلكم
نجم ماشي  احنا نازلين وراكى
هدى ماشي مش تتاخر انت و العروسه
نجم على طول وراكى  وقفل الباب
وقف قدام اوضة النوم يتنهد  وخبط بالراحة
ريتاج بصوت عياط ادخل
نجم دخل لقى ريتاج قاعده مكانها  وبتعيط
نجم قرب منها ممكن اعرف انتي بتعيطى ليه الوقت
ريتاج بشهقات العياط انت بتعملنى كدا ليه 
نجم أنا عملتك ازاى يا ريتاج أنا بحاول اعملك احسن معاملة
ريتاج ما هو دا اللى هيجننى 
نجم قعد جمبها ليه بس
ريتاج المفروض انك تكون مش طيقنى يعني متجوز غصب عنك عشان ناس منهم لله طلعوا علينا إشاعات وكمان والاهم انك متجوز واحدة ليها ماضى مايشرفش أى حد وبعد كل دا بتعاملنى المعاملة دى ليه وضمت وشها وعيطت
نجم بحزن على حالتها أنا هقولك اخر كلمتين في الموضوع دا عشان ترتاحى
أول حاجة فاكرة لما قولتى ان ربنا ليه حكمة لما جمعنا سوا أنا اتجوزتك عشان ربنا حكم بده
أما موضوع واحدة وليها ماضى والكلام الفارغ دا أنا عايز اقولك أنك تشرفى أى حد في الدنيا وقرب منها وباس راسها
ريتاج اتنهدت بصوت عالى من قربه ليها
نجم فضل مركز على وشها ومسكه بايده وكان😘بس فجأة الباب خبط
نجم باحراج ياااه تلاقيهم بيستعجلونا
ريتاج بصتله وهى مش قادرة تتكلم
نجم ابتسم أصل عمى ناجى وخالتى تحت
ريتاج بفرحة بابا وماما تحت وقامت بسرعة أنا هنزل اشوفهم عشان وحشونى اوى
نجم مسك ايديها استنى هنا هتنزلى كدا
ريتاج بصت للبسها وفيها إيه
نجم اسمعيني أنا مش عايزك تنزلى تحت باى لبس من لبس الشقة وقرب منها وعدل لايقة التريتج وكمان أنا شايف أنك عندك هدوم كتيرة تنفع تنزلى بيها
ريتاج اتنهدت في وشه بصوت عالى
نجم بهمس ممكن تغيرى هدومك عقبال ما اشوف إللى بيخبط
ريتاج هزت راسها
نجم شطورة وكان خارج لكن رجع تانى
اسمعى يا ريتاج مالوش لازمه حد يعرف إللى حصل بنا من امبارح وابقى طمنى مامتك ان كل حاجة تمت على خير
ريتاج بكسرة بصت في الأرض
نجم لا خلى راسك دايما مرفوعة وباس راسها وخرج
نزلت ريتاج ونجم قعدوا مع العيلتين والكل كان فرحان
بعد ما مشى ناجى وفكرية
فضلت ريتاج ونجم قاعدين مع أهل نجم
هدى ومنى قاعدين جمب ريتاج
منى أنا فرحانة أوى عشان أنتى عايشة معانا يا ريتاج
ريتاج ابتسمت لمنى
هدى همست لريتاج عاملة ايه يا عروستنا
ريتاج الحمد لله
هدى مبسوطة ولا في حاجه نقصاكى
ريتاج ابتسمت آلحمد لله
نجم قاعد مع ابوه وامه وابراهيم
منى وهدى قاعدين مع ريتاج بيتكلموا بهمس وريتاج بتبتسم بهدوء
كل دا نجم متابع ريتاج بعيونه ومركز معاها
أم ابراهيم خدت بالها  من نظرات نجم لريتاج
أم ابراهيم همست لنجم مبسوط يا حبيبي مع مراتك
نجم ابتسم لامه ريتاج بنت حلال اوى يا اما وطيبة اوى ورقيقة اوى اوى
إبراهيم إيه دا يا عم نجم حيلك شوية إحنا قاعدين
الحاج ثابت ابتسم ربنا يهدى سيرك يا ابنى ويفرحك كمان وكمان
نجم لسة بيبص لريتاج وسرحان
إبراهيم بص لابوه وابتسم
أم ابراهيم احممم مش هناكل ولا اية يا هدى
هدى حاضر يا مرات عمى وكانت داخلة المطبخ
ريتاج اجى اساعدك
هدى لا طبعا مايصحش خليكى قاعدة
ريتاج اساعدك أحسن عشان مش تتعبى
هدى زى ما تحبى ودخلوا المطبخ سوا
وبعد شوية خرجت هدى من المطبخ
نجم دخل المطبخ بالراحة من غير ما حد يحس بيه
ريتاج اتفاجات بنجم
ريتاج احمم محتاج حاجه
نجم قرب منها عطشان عايز اشرب
ريتاج بتوتر حاضر وقريت عشان تفتح التلاجة
نجم قرب منها مبسوطة يا ريتاج
ريتاج بتوتر اتنهدت بصوت عالى
نجم مالك مش مبسوطة معانا
ريتاج اتنهدت بصوت عالى الحمد لله
نجم قرب منها تدوميلى بخير يا ريتاج
وقرب منها وباس راسها
دخلت منى فجأة شافت المنظر دا
منى ابتسمت بكسوف احمم
نجم عايزة إيه يا زفتة
منى لسة كاتمة ضحكتها أصل جدى بيدور عليك
نجم جاى اهو وخرج وساب ريتاج ومنى واقفين سوا
خلص العشا وطلع نجم وريتاج لشقتهم
ريتاج كانت داخلة أوضة النوم
نجم لحقها بسرعة استنى يا ريتاج أنتى هتنامى ولا اية
ريتاج بتوتر ااه عايز حاجة
نجم كنت بقول نقعد شوية سوا
ريتاج بس انا عايزة انام تصبح على خير وسابته ودخلت بسرعة
نجم لما أشوف اخرتها معاكى يا ريتاج
------------------------------------
وعدا كام يوم والحال هو هو الحال
لحد في يوم حصل إللى حصل
________________________
ريتاج قاعدة في الشقة رايحة جايا
نجم مالك في إيه
ريتاج زهقانة أوى
نجم قرب منها طيب شغلى التليفزيون
شوية اتسلى
ريتاج التليفزيون ممل كمان
نجم قرب منها طيب إيه رائيك نخرج
ريتاج بلهفة قربت منه بسرعة بجد ينفع نخرج
نجم ابتسم لها أيوة ينفع طبعا يلا البسى ولو سمحتى هاتيلى جلبية
ريتاج حاضر دخلت بسرعة وخرجت بجلبية لنجم
نجم ابتسم لها يلا البسى
ريتاج أيوة بس طنط مش هتقول حاجه أو عمى الحاج
نجم قرب منها يقولوا إيه
ريتاج قصدى مايردوش أننا نخرج
نجم أنتى خارجة معايا وبعدين محدش هيقول حاجة يلا البسى بقى
ريتاج ابتسمت حاضر ودخلت تلبس
نزل نجم وريتاج
أم ابراهيم باستغراب إيه دا أنتم رايحين فين
نجم خارجين شوية
ام ابراهيم بصت لهدى والحاج ثابت
أم ابراهيم خارجين على فين يا ابنى
نجم هنتمشى شوية
أم ابراهيم عوجت وشها تتمشى من أمتى وأنت بتخرج تتمشى يا نجم وبصت لريتاج
ريتاج اتوترت وبصت لنجم ورجعت بصت في الأرض
نجم مسك ايديها من الوقت ياااما أنا عريس  وهخرج اتفسح فيها حاجة دى
الحاج ثابت لا ابنى اخرج واتبسط
نجم السلآم عليكم ومسك ايد ريتاج وخرج
أم ابراهيم بحدة إيه الكلام الفارغ دا من أمتى وحد بيخرج يتمشى في البلد
الحاج ثابت وفيها إيه العيال عرسان جداد سبيهم يتفسحوا شوية
ام ابراهيم أنا مش عجبنى الموضوع ده
الحاج ثابت اهدى يا حجة هما بس زهقانين من قاعدة البيت بكرا لما ينزل الشغل هيصحى من الفجر وينام من العشا
أم ابراهيم أيوة وانتى يا هدى أبقى شغليها معاكى فى البيت زيها زيك احنا مش هنستتها هنا
هدى ساكتة
أم ابراهيم أنتى متنحة كدا ليه
هدى باحراج حاضر يا مرات عمى أنا هروح اشوف الطيور وسابتهم وخرجت هى كمان
نجم ماشى مع ريتاج ساكتين
نجم مالك ساكتة ليه من ساعة ما خرجنا كدا
ريتاج بحزن شوفت طنط اديقت ازاى
نجم ابتسم لا مديقتيش ولا حاجة هى أمى شكلها كدا
ريتاج اتنهدت بصوت عالى
نجم وقف
ريتاج وقفت ليه
نجم تعالى اوريكى حاجة
ريتاج حاجة إيه
نجم مسك ايديها تعالى بس ودخل في جنينة كلها أشجار مانجة
ريتاج بصت للشجر باعجاب
نجم إيه رائيك
ريتاج ماشاء آلله شكلهم حلو أوى
نجم قرب منها بس مش أحلا منك أنتى ولمس وشها
ريتاج بعدت عنه بكسوف
نجم مشى ومسك ايديها
ريتاج بصتله
نجم احسن تقعى ولا حاجة الأرض مبلولة
نجم إيه رائيك تدوقى المانجة
ريتاج ابتسمت بجد
نجم ااه ولله الحمد الأرض دى كلها شغل أيدى
ريتاج ابتسمت طيب وابراهيم اخوك
نجم ابراهيم معايا بس أنا المسئول عن الموالح يعنى المانجة والبرتقال والخوخ
وابراهيم ماسك جنينة الموز بس بنساعد بعض بردوا
ريتاج ربنا يخليكم لبعض
نجم قرب منها ويخليكى ليا
ريتاج بكسوف مش هتدوقنى المانجة
نجم ابتسم من عنيا تعالى وقطف كام واحدة مانجة
ريتاج بس إحنا هناكلها كدا
نجم اومال
ريتاج يعنى عايزة اغسلها
نجم ابتسم تعالى حظك حلو في ماية هنا
قرب تحت شمسية وقعدوا على كراسى وكان في ازايز وبراميل ماية
ريتاج. باستغراب ايه دا كأنك عامل حسابك اننا نيجى هنا
نجم وقف يغسل المانجة وضحك ههههههههه لا أصل انا دايما بقعد هنا والماية عشان الفلاحين تعالى بقى دوقى مانجة جوزك هتحلفى إن عمرك ما كلتى زيها
ريتاج قشرت المانجة وبتاكلها هى ونجم
نجم إيه رائيك
ريتاج اممم حلوة اوى
نجم قرب منها تانى ومسك ايديها واخد منها المانجة قولتلك انتى أحلا
وقرب منها عشان يبوسها
ريتاج بعدت عنه
نجم ليه كدا
ريتاج لو سمحت بلاش
نجم ليه هو أنا مش جوزك وانتى مراتى
ريتاج بتوتر أنا عايزة اروح
نجم بعصبية لا مش هنروح غير لما نتكلم في إيه مالك بتبعدى عنى ليه كل أما احاول اقرب منك
ريتاج لازم ابعد عنك
نجم قرب منها ومسك ايديها جامد ليه لازم
ريتاج عشان أنت تستاهل واحدة أحسن منى وانضف منى
نجم إيه الكلام دا أنا قولتلك أنتى احسن واحدة في الدنيا وضمها لحضنه
ريتاج عيطت لا يا نجم لازم نكمل التمثلية للاخر ونسيب بعض وإحنا بنحترم بعض أحسن ما تسبنى لما تتصدم بالواقع وما تقدرش تتحمله
نجم دا آخر قرار يا ريتاج
ريتاج أيوة لو سمحت يلا نروح
نجم يلا
ورجع نجم وريتاج وكان باين عليهم انهم متخانقين
الحاج ثابت مالكم يا ولاد
نجم مافيش حاجه يا ابا
الحاج ثابت مالك يا ريتاج يا بنتى
ريتاج مافيش حاجه يا عمى
أم ابراهيم خرجت من المطبخ لاحظت أن في حاجة هى كمان
أم ابراهيم في إيه يا نجم يا ابنى اتبسط لما خرجتوا
نجم بسخرية بص لريتاج ااه انبسطت أوى
أم ابراهيم وانتى يا عروسة انبسطى
ريتاج بصتلها  وبصوت مكتوم ومبحوح الحمد لله
أم ابراهيم طيب كويس هاا نتعشا بقى
هو فين إبراهيم
الحاج ثابت منى طلعت تندهله
خرجت هدى من المطبخ أحضر العشا يا مرات عمى العرايس جوم اهو
أم ابراهيم حضرى عقبال جوزك ما ينزل
نجم معلش أنا ماليش نفس أنا هطلع وكان طالع وساب ريتاج
الحاج ثابت باستغراب هو ماله نجم يا ريتاج يا بنتى
ريتاج حابسة دموعها مافيش حاجه يا عمى معلش ينفع اطلع
الحاج ثابت لا يا بنتى لازم تتعشى
ريتاج معلش ماليش نفس يعد اذنك ممكن اطلع
الحاج ثابت اطلعى يا بنتى
ريتاج طلعت تجرى على السلم
هدى كأنهم متخانقين
أم ابراهيم شكلهم كدا
نجم طلع ودخل وقفل الباب وراه
ريتاج طلعت و  وقفت على باب الشقة تعيط بهستريا
كان نازل ابراهيم ومنى
إبراهيم احممم  السلام عليكم
ريتاج وعليكم السلام
إبراهيم نزل بسرعة لما شاف ريتاج بتعيط
منى وقفت معاها مالك يا ريتاج بتعيطى كدا ليه
ريتاج بشهقات العياط مافيش حاجه يا منى
منى لا فى أنتى بتعيطى ليه
ريتاج مافيش حاجه معلش انزلى عشان تتعشى ومتقوليش لحد انى كنت بعيط
منى حاضر وسابتهم ونزلت
ريتاج فضلت واقفة تعيط
منى أول ما نزلت
هدى قربت منها ريتاج كانت بتغيط قدام شقتها ليه يا منى
منى هاا مين قالك
أم ابراهيم ابوكى ما هو شافها
إبراهيم أنا نزلت عشان ما تتكسفش منى بس هى مالها مش كانت خرجت تتفسح هى ونجم
الحاج ثابت شكلهم اتخنقوا لما خرجوا وبص لام ابراهيم
أم ابراهيم المهم قالتلك إيه يا بت يا منى
منى مقالتيش حاجة بس قالتلى مقولش لحد انها كانت بتعيط
الحاج ثابت خلاص سيبوهم براحتهم
توقعاتكم بقى
يا ترى هيحصل ايه لما ريتاج تدخل لنجم؟؟؟::
______________________