ملاكى الهادى

الفصل آل 13

الفصل آل13
-----------------------
فى بيت ناجى
------------------------
فكرية قاعدة هى وناجى زعلانين على سوء حالة بنتهم بعد ما اتحسنت شوية
فجأة الباب خبط
فكرية اتفزعت الناس جوم يا ناجى جوم
ناجى بتوتر أنا هفتح وانتى ادخلى المطبخ
فكرية لو سألوا على ريتاج هنقولهم إيه
ناجى بيفكر والباب لسة ببخبط
ناجى بسرعة أيوة هنقول أنها عندها برد وتعبانة ونايمة
فكرية بتبص للباب إللى لسة بيخبط
ناجى يلا بقى عشان أفتح
دخلت فكرية المطبخ
وبتوتر ناجى فتح الباب
الحاج ثابت السلام عليكم ورحمة الله وبركاته
ناجى بيحاول يسيطر على أعصابه
وعليكم السلام ورحمة الله وبركاته أهلا وسهلا اتفضلوا
دخلوا ورا بعض يسلموا على ناجى
ام ابراهيم اومال فين الحجة واسم آلله عليها ست البنات
ناجى  قبل ما يرد خرجت فكرية من المطبخ وابتسمت أهلا وسهلا نورتونا
أم ابراهيم منور بيكى يا حبيبتي
فكرية بتبص لهدى اللى شايلة ابنها سعيد
أم ابراهيم دى مرات ابنى إبراهيم وتبقى بنت اخو الحاج
فكرية أهلا وسهلا يا حبيبتي
هدى أهلا بيكى يا حجة
منى فين ريتاج
ناجى بص لفكرية بقلق
نجم لاحظ دا
أم ابراهيم أصل منى شغالة زن عشان عايزة تقعد مع إسم آلله عليها شوية واحنا كمان طبعا
ناجى بتوتر وحزن احممم معلش اصلها نايمة شوية
كل اللى قاعدين بصوا  لبعض
ناجى اصلها امبارح قعدت في البلكونة للفجر وشكلها خدت برد وعشان كدا تقوم من النوم تنام تانى
أم ابراهيم وهى مش مقتنعة ألف سلامة عليها
هدى سلمتها يا حجة متخالهاش تقعد في الهوا بتاع الفجرية اصله بيكون بارد أوى
فكرية معلش آلحمد لله انها جات لحد كدا
ناجى ايه يا حجة ناوية تجوعينا ولا اية
فكرية هااا لا على طول كل حاجة جاهزة
هدى اجى اساعدك يا خالتى ولا تدايقى لو ندتيك بخالتى
فكرية ابتسمت بحب لا يا حبيبتي نادى براحتك بس متتعبيش نفسك أنا محضرة كل حاجة
هدى مافيش تعب ولا حاجة خدينى بس معاكى
ودخلوا المطبخ
منى بتهمس لجدتها عايزة اشوف ريتا
يا ستى
أم ابراهيم بكلام ساخر لمنى أنتى مسمعتيش أنها تعبانة ونايمة
منى ماليش دعوة عايزة اشوفها
ام ابراهيم اخرسى خالص
منى لا ماليش دعوة وقربت من ناجى
منى جدى ناجى
ناجى بصلها وابتسم نعم يا حبيبتي
منى عايزة اشوف ريتا واسلم عليها
ناجى باستغراب إيه
منى دا بعد اذنك أنا عارفة انها تعبانة بس لما تشوفنى وتشوف سعيد هتصحى وتخف كمان
ناجى ابتسم وكلم نفسه يمكن دا يطلع سبب شفاها بصى أنتى عارفه اوضتها روحى اطلعى صحيها بالراحة
منى بفرحة حاضر وهاخد سعيد معايا
ناجى اطلعى يا حبيبتي
وكلم نفسه يارب اقف مع بنتى واسترها واشفيها يارب
نجم عينه على منى لحد ما دخلت أوضة ريتاج
بقلمى موفاااا💚
-------------------
في المطبخ
---------------------
هدى تكونيش مدايقة منى يا خالتى
فكرية لا يا حبيبتي اديق منك ازاى كتر خيرك وكمان أنا كنت عايزة اشكرك على إللى عملتيه مع بنتى وهى عندكم
وأنا غسلت الجلابية والغيار وكوتهم
هدى ابتسمت على فكرة الهدوم دى كانت جديدة وانا سيباهم لريتاج دى بقت اختى
فكرية تعيشى يا حبيبتي
هدى احممم لو مؤاخذة يا خالتى هى ريتاج تعبانة من إيه
فكرية دا برد وإن شاء الله تبقى كويسة
هدى لا مش قصدى ... قصدى يعنى هى كانت مولودة كدا ولا وسكتت
فكرية بحزن وتوتر ودموع في عيونها
هدى مش قصدى يا خالتى والله
فكرية مسحت دموعها محصلش حاجة وعلى فكرة ريتاج كانت زى الفل بس وسكتت تانى وهدى مركزة معاها
فكرت شوية ورجعت اننهدت بصوت عالى أصلها تعبت شوية والدكتارة علجوها غلط في يوم وليلة بقت زى ما انتى شايفة كدا
هدى بحزن يا حبة عينى يااختى اسم الله عليها وعلى شبابها
فكرية مسحت دموعها وعشان أنا اعتبرتك زى بنتى حكتلك بس اوعدينى متقوليش لحد وبالذات ريتاج عشان بتتعب اكتر
هدى وعد عليا ولا كانى عرفت حاجة
ووقفوا يكملوا تظبيط الاكل
بقلمى موفاااا💚
------------------------
في أوضة ريتاج
---------------------
دخلت منى بالراحة شايلة سعيد
شافت ريتاج نايمة
قربت منها ولاحظت انها عرقانة لان وشها كان كله ماية
فضلت واقفة ساكتة
ريتاج .....بتحلم
الحلم ريتاج بتجرى وبقر كتير بيجرى وراها وهى مش عارفه تروح فين من البقر بس الغريب البقر كله مدبووح وبينزف دم كتير
ريتاج لسة بتجرى والبقر كله بيجرى وراها
ريتاج بتوجه كلامها للبقر ابعدوا عنى أنا ماليش دعوة انا ادبحت ذيكم ابعدوا عنى وفجأة ظهر نور جامد أوى من السما وكانت نجمة منورة اوى نورت كل المكان وفجأة اختفى البقر وصحيت ريتاج وهى بتكح  جامد وشرقانة
منى كانت هتخرج تنده حد من تحت لكن شافت ازازة ماية على الكيمود
منى بسرعة شربت ريتاج ومسكت فوطة كانت متعلقة على الشماعة ونشفت عرق ريتاج
منى بقلق بسم الله الرحمن الرحيم
انتى كنتى مكوبسة ولا اية
ريتاج لسة بتتنفس بصوت عالى
منى اهدى خلاص أنتى صحيتى
ريتاج هديت وبصت لمنى
منى أنا جدى ناجى قالى انك عندك برد وتعبانة قولت لازم اطلع اشوفك
ريتاج قربت من منى وشمت هدومها
منى ابتسمت اسكتى أوعى تقولى لحد احسن امى تاكلنى ولو عمى  عرف هيزعل منى ويخاصمنى
ريتاج بتبصلها وهى مش فاهمة قصدها
منى أصل بحط برفان من بتاع عمى نجم اصله رحته جبارة
ريتاج أول ما سمعت اسمه ابتسمت
منى عارفه أنا حطيت وأنا راحة المدرسة الابلة سالتنى اسمه عشان تجيب لجوزها منه وحطت ايديها على بوقها وكتمت ضحكتها
ريتاج ابتسمت اسمه ايه
منى ابتسمت لريتاج اقولك وتقومى تنزلى تقعدى معانا تحت
ريتاج بصتلها  وبصت لسعيد اللى كان نايم جمبها على السرير
منى بهزار ها هتنزلى تقعدى وتتغدى معانا تحت
ريتاج ابتسمت وهزت راسها اسمه ايه
منى (  لابيدوس ) وغمزتلها
«««على لسان الكاتبة إللى هى أنا على فكرة البرفان دا ريحته جامدة بجد ومعظم الستات بتحبه ومنهم أنا كمان😊😊»»»
منى هتنزلي صح
ريتاج ابتسمت وهزت راسها
مني حضنت ريتاج جامد اوي
اما ريتاج حضنت منى وبقت تشم هدومها
ريتاج قامت سرحت شعرها
منى ما شاء شعرك حلو أوى
ريتاج ابتسمت وفتحت دولابها طلعت طقم جميل وهادى وحجاب لايق عليه وكمان كوتشى
منى انزل عقبال ما تغيرى
ريتاج ابتسمت لا بس روحى هناك وبصت على البلكونة
منى حاضر هدخل البلكونة وخلصى واندهيلى
بقلمى موفاااا💚
------------------------
خرجت فكرية من المطبخ هى وهدى
كانوا بيحطوا الأكل على طرابيزة مدورة بتاعت زمان
فكرية قربت منهم أنتم نورتونا النهارده
الحاج ثابت دا نوركم يا حجة
هدى باستغراب  اومال فين منى
أم ابراهيم بشيء من السخرية طلعت تشوف اسم الله عليها فوق
فكرية بفزعة ايه طلعت لريتاج
نجم لاحظ فزعة فكرية
فكرية بتوتر أنا هطلع اشوفها
فجأة لقوا ريتاج نازلةو معاها منى
هدى بابتسامة اللهم صلى على النبى
إيه القمر دا
ام ابراهيم رفعت وشها تشوف ريتاج
اتصدمت لما شافتها 
نجم بص بإعجاب وكلم نفسه البت دى فيها حاجة غريبة بتشد إللى يشوفها على طول ولا يمكن بتشدنى أنا بس
ريتاج ومنى قربوا منهم
هدى بسرعة خدتها في حضنها اذيك يا حبيبتي عاملة ايه
ريتاج بابتسامة وبتحاول تسيطر على اعصابها آلحمد لله
هدى تستهلى الحمد يا حبيبتي
ريتاج بصت لام ابراهيم وقريت منها اذيك يا طنط
أم ابراهيم بتوتر أن شا آلله تسلمى يا ضنايا
ريتاج بصت لنجم وابتسمت وهزت راسها
ناجى مبسوط لما شاف بنته حالتها استقرت تانى
فكرية احممم اتقضلوا حاجة كدا على ما قوسم
هدى تسلم ايدك تعبتى نفسك يا خالتى
فكرية تعبكم راحة إحنا النهاردة بيتنا نور بيكم
الحاج ثابت منور بيكم يا حجة
منى بصت للاكل بشهية وشافت طبق فيه اكل غريب
منى إيه دا يا ستى
فكرية بصت للطبق وقبل ما تتكلم ريتاج اتكلمت
ريتاج كنلونى الكل بصلها في استغراب
منى فتحت عيونها على الاخر اسمه ايه
ريتاج بابتسامة كنلونى
هدى يعنى ايه الكنمونى ده
ريتاج ابتسمت بهدوء وكلهم ضحكوا عليها حتى أم ابراهيم
ام ابراهيم بس بقى منك ليها كدا عيب
هدى قعدت جمب  نجم وقعدت حسين على رجلها
الحاج ثابت قاعد جمب ناجى
ام ابراهيم قعدت جمب فكرية
ريتاج قعدت هى ومنى فى وش نجم وام ابراهيم
فكرية أنا مش هعزم يا جماعة البيت بيتكم
وبدأت تقرب الاكل منهم
الكل بدأ ياكل الا هى
فكرية بحزن بصت عليها وهو كمان بص عليها وشافها أنها مش بتاكل وافتكر أنها خلته يأكلها
منى آلله حلو أوى الكملونى دا يا ستى
يا ريت تعلميه لماما عشان تعملهونا في البيت عندنا
فكرية وهى مركزة على ريتاج حاضر يا حبيبتي
ريتاج بتوتر عايزة تاكل بنفسها قدامهم لكن مش عارفه
ناجى اخد باله هو كمان وبصلها بحزن
الكل بياكل ويتكلم إلا هى
ريتاج رفعت وشها شافته بيبصلها اتوترت
نجم ركز في وشها وابتسم وشاور بعيونه على طبق الاكل إللى قدامها ورجع شاور على بوقه
ريتاج لسة بتبصله
نجم كرر نفس الحركة وابتسم ومد ايده واخد ورك فرخة وبدأ ياكلها
فجأة ريتاج اخدت ورك فرخة هى كمان وبدأت تاكل
نجم بصلها وابتسلها
نجم بص لفكرية تسلم ايدكى يا خالتى الفراخ طعمها يجنن وبص لريتاج
فكرية بالف هنا يا حبيبي
أم ابراهيم بجد تسلم ايدك ياحجة
فكرية ابتسمت من بعد خيركم
منى بفرح طيب لو دوقتى الكملونى دا يا ستى هتقولى إيه حلو اوى
منى دوقه يا عمى حلو اوى
أم ابراهيم اختشى يا بت عيب
ناجى سبيها براحتها كولى يا حبيبتي زى ما انتى عايزة
نجم مسك رول كنلونى وبص لريتاج واكله وهز راسه وابتسم
ريتاج مسكت هى كمان رول كنلونى وبدأت تاكله
أم ابراهيم دا الكشك الكداب يا حجة صح
فكرية أنتم بتسموه كدا إحنا بنسميه كشك الماظية
هدى أصل احنا بنعمل الكشك بطريقة تانية
فكرية أيوة الكشك الفلاحى المكبب دا
ام ابراهيم أيوة هو ده
فكرية طيب دوقى الالماظية كدا وشوفى حلوة ولا لأ
أم ابراهيم تسلم ايدك حلوة اوى
الكل بياكل و بيتكلموا حتى أم ابراهيم بدأت تلين شوية من حدتها
ناجى فرحان ان بنته بتاكل لوحدها
خلصوا اكل وقامت هدى ومنى يلموا الاطباق مع فكرية
أم ابراهيم بت يا منى شطبى المطبخ لستك الحجة
منى حاضر يا ستى
ودخلوا المطبخ وكانت معاهم ريتاج
فكرية ولعت على الشاى
هدى روحى اقعدى معاهم يا خالتى وأنا هلم المطبخ
فكرية ميصحش سبيه وتعالى نقعد سوا
منى بصوا روحوا أنتم اقعدوا وأنا هلمه واصب الشاى
فكرية هتعرفى تعملى الشاى
هدى دى منى شاطرة وبتساعدنى في كل حاجة
فكرية ربنا يحرسك يارب
فكرية طيب خلصى بسرعة وتعالى دوقى الكيكة بتاعت ستك ام محمود وقوليلى رأيك
منى هواااا  هخلص و هعمل الشاى واجى وراكم
خرجت فكرية وهدى من المطبخ ومعاها الكيك والاطباق والشوك
فكرية اتفضلوا
الحاج ثابت لا كدا الحمد لله هو في مكان
ناجى لا ازاى لازم تدوق كيكة الحجة عارف يا حاج لو اقولك بقالها سنة معملتيش الكيكة دى تقول كداب
فكرية والله دا عشان خاطركم بس
هدى ليه كدا يا خالتى
فكرية والله البال مكنش رايق بس من ساعة ما جينا هنا والحمد لله
أم ابراهيم ربنا يروق بالكم ويفرحكم باسم الله عليها ريتاج
ناجى يارب
نجم احممم اومال محمود ابنك مجاش ليه معاك يا عمى
ناجى بحزن مرضيش يا ابنى قال اتعود على عيشة مصر وشغله كمان ومدرسة ابنه هناك
الحاج ثابت هو شغال إيه
ناجى محاسب في شركة استيراد وتصدير
أم ابراهيم صلاة النبى ومعاه عيال كتير
فكرية لا معاه نا.. وسكتت معاه اسر بس
أصل مراته خايفة على شكلها من الحمل والولادة
أم ابراهيم ماله الحمل والولادة ماشوفى يا اختى هدى مرات ابراهيم معاها تلاتة وأنا بقولها لما سعيد يشد حيله تجيب تانى
وسعاد بنتى معاها اربعة وحماتها عايزاه تجيب تانى وصلاة النبى عليهم زى الفل
الحاج ثابت يا حجة كل واحد وليه ظروفه
ناجى والحاج ثابت بيتكلموا فى السياسة
أم ابراهيم يادى السياسة
الحاج ثابت وبعدين يا حجة
فكرية تعالى نقعد على جمب يا حجة
ونسبهم براحتهم
أم ابراهيم تعالى يااختى أحسن بردوا
فكرية تعالى يا حسين يا حبيبي اتفرج على التلفزيون الريموت اهو بس مش عارفه قناة الكارتون على كام
حسين هاتلى الكارتون يا عمى
نجم تعالى وقعدوا قدام التليفزيون يدور على الكارتون
خرجت منى بالشاى لقتهم اتفرقوا
الحاج ثابت وناجى لوحدهم
وام ابراهيم وفكرية وهدى لوحدهم
منى وزعت الشاى عليهم وشافت حسين ونجم قاعدين قدام التليفزيون
منى تعالى نتفرج على التلفزيون مع عمى وحسين
منى الشاى يا عمى
نجم شكرا يا منى أوعى يكون مسكر
منى لا ملعقتين بس
حسين يوووه التليفزيون دا مفيهوش كارتون
نجم هوووش اسكت
وكان بيحول  فى التليفزيون فجأة منى خلى الفيلم دا يا عمى حلو أوى نجم بص للتليفزيون
منى خسارة قرب يخلص
نجم يعنى مش هتتفرجى
منى لا خليه
والفيلم كانت شغالة فيه الأغنية دى أنا عن نفسى بحس إنها لايقة  عليهم 💕
تعالوا نسمعها سوا
-------------------
الاغنية
-------------------
🎶🎶🎶🎶🎶🎶🎶🎶🎶
* إحسآس غريب بحسه وانا معاك  بقالى كتير محستوش بالشكل ده

🎶🎶🎶🎶🎶🎶🎶🎶🎶🎶

*مش مألوف في فرحة وفى خوف وتفكير في الظروف  وحكاية م الذاكرة

🎶🎶🎶🎶🎶🎶🎶🎶🎶🎶🎶

*كنت خلاص حسيت انى نسيت ومافيش حاجة هتأثر فيا حتى لو حبييييت

🎶🎶🎶🎶🎶🎶🎶🎶🎶🎶🎶

*شوفت اكتر من الكلام مابقتش عارف انااام وعنيه بقت ليا حضن وبيت

🎶🎶🎶🎶🎶🎶🎶🎶🎶🎶🎶

*خايف ليكون البيت ده مش بيتى  مش بيتى

احساسى إللى أنا حسه أنتى مش حسااه

🎶🎶🎶🎶🎶🎶🎶🎶🎶🎶🎶

*دانا ما صدقت إنك جيتى طليتى ورديتى فيا الحياة

🎶🎶🎶🎶🎶🎶🎶🎶🎶🎶🎶

*حاسيس البيت ده هيبقى بيتى اللى أنا حسه انتى كمان حساه

🎶🎶🎶🎶🎶🎶🎶🎶🎶🎶🎶

*دانا ما صدقت إنك جيتى طليتى ورديتى فيا الحياة
*طليتى ورديتى فيا الحياة.......

🎶🎶🎶🎶🎶🎶🎶🎶🎶🎶🎶

نجم كان بيبص لريتاج من أول الاغنية وريتاج كانت مركزة مع الاغنية
الاغنية خلصت
نجم اتنهد بصوت عالى لدرجة إن منى وريتاج بصوا عليه
نجم باحراج وتوتر احمم اشوفلكم حاجة تانية
منى لا لسة فى اغانى تانية حلوة اوى
حسين لا شوف الكارتون
منى أنت غلس
نجم كان لسة مركز على ريتاج وهى كمان لحظت دا وبقت تخطف نظرات بسرعة
حسين يا عمى هات الريموت ادور انا واخد الريموت وفضل يحول لحد ما فعلا لقى الكارتون
نجم بيفكر يكلمها عايز يسمع صوتها وهو مش عارف دا سببه إيه
نجم احممم انتى معملتيش شاى لابلة ريتاج يا منى
ريتاج بصتله
منى لأ يا عمى قالت مش بتشرب الشاى
نجم احممم معقولة دا ووجه كلامه لريتاج
ريتاج هزت راسها وهى كمان حست انها عايزة تتكلم معاه
ريتاج بتوتر بتتكلم كلمة وتسكت  احممم الشاى .... بيعليلى .....الضغط
نجم باستغراب الضغط
ريتاج هزت راسها
نجم ليه هو ضغطك في العادى عالى ولا واطى
ريتاج احمم  لسة بتتكلم كلمة وتسكت
واطى ....بس .... اقل حاجه ....بيعلى أوى
نجم ابتسم ألف سلامة عليكي بلاش شاى
ريتاج ابتسمت بتوتر
منى ملاحظة نظراتهم لبعض
القاعدة كانت كلها حلوة بمعنى الكلمة
الحاج ثابت نستاذن احنا بقى وعلى معادنا يوم الجمعة يلا يا نجم
نجم قرب بسرعة نعم يا حاج
الحاج ثابت أنا اكدت على عمك ناجى علي عزومة يوم الجمعة
نجم ابتسم طبعا هى دى عايزة كلام إن شاء تشرفونا يا عمى عشان كمان اوريك جنينة الموالح بتاعتنا
الحاج ثابت خلاص أنا اعدى عليك نصلى الجمعة سوا واخدكم معايا
ناجى ان شاء الله
الحاج ثابت على خيرة الله يلا يا نجم انده لامك وبنت عمك كدا مش هنخلص
نجم ابتسم حاضر
وبعد سلامات من العلتين مشى نجم واهله
على ميعاد يوم الجمعة
نكمل بكرا ان شاء الله
ياريت أعرف رائيكم في أحداث النهاردة
بقلمى موفاااا💚
نتفااااعل شوية بقى
___________________
----------------------------------------