ملاكى الهادى

ا الفصل آل 27

معلش يا جماعة اتاخرت عليكم
وان شاء الله هنزل كل يوم ويوم
عشان الحق اكتب
تعالوا نكمل احداث #ملاكى_الهادى
أنا كتبت ٤٠٠٥ كلمة ياريت نتفاعل شوية حتى لو بالتصويت
بجد عشان مش يجيلى احباط
بقلمى موفاااا💚
-----------------------------------
الفصل آل27
-----------------------
في بيت الحاج ثابت
____________
نجم باستغراب يعنى ايه معنى الكلام دا
ومنى تقصد ايه وليه قالتلى أصلا
أنا شكلى هتجنن وفجأة دخل تحت الدش بهدومه عشان اعصابه تهدا
______________________
عدا يومين والكل في حالة حيرة من إللى بيحصل
---------------------------
لحد في اليوم التالت حصل اللى حصل
___________________
في بيت الحاج ثابت
___________________
الحاج ثابت كان قاعد مع مراته والعيلة كلها
الحاج ثابت أنا هخرج اصلى العشا وهعدى على الحاج ناجى اسأله رائ ريتاج وامها وعلى فكرة ريتاج متعرفش حاجة عن اللى حصل الكام يوم إللى فاتوا
ابراهيم معقولة يا أبا
الحاج ثابت أيوة ابوها خاف عليها وكدا احسن عشان هتفكر وتاخد القرار لوحدها من غير ضغط عليها وبص لنجم
أم ابراهيم طيب لو موافقتيش هنعمل ايه
الحاج ثابت منقدرش البلا قبل وقوعه نشوف الأول رائيها ايه مش يمكن توافق
هدى طيب لو وافقت يا عمى أن شاء الله هنعمل ايه
الحاج ثابت هو دا المهم لو وافقت عايز شقة نجم تبقى على المفتاح ودى مهمتك يا إبراهيم هتتعب شوية معانا
ابراهيم بفرح نهار الهنا لما أتعب لاخويا
أم ابراهيم بس لسة قدامنا حاجات كتير
الحاج ثابت لا يا حجة خير البر عاجله لو وافقوا ابراهيم ينزل يجيب العفش ويشوف حد يبيض الشقة باسرع وقت عشان يادوب شهرين ويتجوزوا
كل دا ونجم ساكت
وأعمل حسابك يا نجم انك متجبيش سيرة لريتاج عن اى حاجه عملتها زمان ولا أى حاجة قالها وعمالها عوض اظن فاهمنى
نجم عوج وشه حاضر
وانتى يا حجة عايزك أنتى وهدى وسعاد تجيبوا كل شوار العروسة وبزيادة كمان
نجم بحدة مش نستنى لما نعرف رائيها الأول
الحاج ثابت أنا بقول لو وافقت يا سى نجم أنا الوقت هروح اعرف رائيهم السلام عليكم ورحمة الله وبركاته
وسابهم وخرج وكل واحد قاعد يشوف وراه ايه
إلا نجم طلع فوق السطح مخنوق ومش عارف يفكر
بقلمى موفاااا💚 ياريت نعمل تصويت للقصة*
_______________________
فى بيت ناجى
-----------------
الحاج ثابت قاعد مع ناجى
ناجى اهلا وسهلا يا حاج نورت
الحاج ثابت النور نورك يا ناجى يا أخويا
اذى الست الحجة وبنتنا عاملة ايه
ناجى الحمد لله بخير يا حاج
الحاج ثابت أحمم هاا ياترى هتفرحنى ولا اية يا ناجى يا اخويا
ناجى ابتسم طيب نشرب الشاى يا حاج
الحاج ثابت الصراحة أنا عايز اشرب الشربات
ناجى ابتسم إن شاء الله يا حاج وبصوت عالى يا حجة أم محمود
خرجت فكرية من أوضة في الدور الارضي
فكرية بابتسامة
ناجى إيه يا حجة فين الشاى
فكرية من عنيا طبعا اذيك يا حاج نورتنا
الحاج ثابت تسلمى وتعيشى يا حجة
ناجى اعمللنا شاى يا حجة ولو سمحتى خلى ريتاج تنزل تسلم على عمها الحاج
فكرية حاضر ودخلت المطبخ .
الحاج ثابت أنا شايف كدا بشاير الفرح على وشك يا حاج ناجى بنتنا ريتاج وافقت
ناجى ابتسم وافقت يا حاج
الحاج ثابت بفرح الف حمد وشكر يارب
ناجى الحمد لله
الحاج ثابت يعنى ريتاج وافقت على نجم ابنى
ناجى ايوة يا حاج وافقت
الحاج ثابت ألف مبروك مبروك علينا نسبكم يا حاج ناجى
ناجى آلله يبارك فيك يا حاج
كانت ريتاج نازلة على السلم
الحاج ثابت ابتسم بفرح
ريتاج قربت منهم السلام عليكم ورحمة الله وبركاته
الحاج ثابت وعليكم السلام ورحمة الله وبركاته
ريتاج اذيك يا عمى
الحاج ثابت الحمد لله يا عروستنا
ريتاج ابتسمت بكسوف الحمد لله
اذى طنط وهدى ومنى عاملة ايه
الحاج ثابت كلهم بيسلموا عليكى ويومين كدا ويجيوا كلهم يزوريكى أنتى والست والدتك
خرجت فكرية بالشاى ومعاه كيك يشرفونا وينورونا
الحاج ثابت الشرف لينا إحنا يا حجة
الحاج ثابت يا حاج ناجى أنا يشرفنى أن أطلب بنتك لابنى نجم
ناجى بص لريتاج وامها
ريتاج اتكسفت عن اذنكم
وسابتهم وخرجت برا وقعدت جمب الكتاكيت
ريتاج قاعدة فرحانة ومسكت الكتكوت الشركسى طلبنى للجواز يا كوكو
أنا فرحانة أوي بس هو مجاش مع ابوه ليه مش المفروض انه هو اللى عايز يتجوزنى ولا ابوه إللى طلبنى ليه
امممم وبعدين يا ريتاج لأ ما أنا لازم أعرف
فجأة الديك إللى في ايديها ادن كوكو كوكو
ريتاج ضحكت آلله اكبر
آلله الكتكوت ادن ومسكت الديك ودخلت تجرى وهى بتنده عليهم
ماما بابا وداخلة تجرى
ريتاج ماما ماما
فكرية بفزعة في إيه يا ريتاج
ريتاج بفرحة الكتكوت بتاعى ادن أول واحد يأدن في الكتاكيت
فكرية مدايقة من تصرف ريتاج
ناجى ابتسم بجد
ريتاج ابتسمت وهى ماسكة الكتكوت
كل دا والحاج ثابت بيتفرج عليهم
ناجى معلش يا حاج أصل دا كتكوت ريتاج اختارته من ساعة ما عملنا المشروع
الحاج ثابت باستغراب مشروع مشروع ايه
ناجى اصل جبنا كتاكيت وفراخ وكام معزة صغيرين كدا عشان ريتاج وامها يتسلوا بيهم
وكمان اتفقت مع لبان في البلد اننا هنبيع له البيض إللى هيطلع
الحاج ثابت ما شاء الله ربنا يوفقكم يارب
ناجى يارب
فكرية بحدة روحى حطى الكتكوت في العشة وتعالى يا ريتاج
ريتاج حاضر يا ماما وخرجت
الحاج ثابت اقوم أنا بقى
ناجى لسة بدرى يا حاج
الحاج ثابت أن شاء الله الجايات كتيرة
ناجى أن شاء الله تنورونا
الحاج ثابت أن شاء الله هنيجى يوم الجمعة عشان نقرا الفاتحة
ناجى ابتسم تنورونا يا حاج
الحاج ثابت خلاص إحنا هنقرا الفاتحة بس وبعدها تروح العروسة هى وعريسها يشتروا الشبكة وأنا قولت لإبراهيم يبدأ يشوف العفش ونظبط الشقة
ناجى بفرح ربنا يتمم بخير يا رب
الحاج ثابت يارب
ومشى الحاج ثابت على ميعاد فى قراية الفاتحة
وناجى وفكرية وريتاج فرحنين اوى
------------------------
روح الحاج ثابت وبلغ أهل بيته كل إللى حصل
الكل فرحان ماعدا هذا النجم الحائر في سماء ذكرياته.....
-- ----------------------
أما في بيت ناجى
بدأو يظبطوا كل حاجة لقراية الفاتحة
-------------------------------
وعدا اليومين بسرعة وجه اليوم الموعود
يوم خطوبة نجم وريتاج
----------------------------------
فى بيت الحاج ثابت
---------------،----،
فى حالة غربية الكل داخل خارج
وبيظبط نفسه عشان هيروحوا يخطبوا ريتاج
______________________
في بيت ناجى
________________
فكرية بقولك إيه يا ناجى
ناجى خير يا ام العروسة
فكرية ابتسمت عارف كان نفسى اسمع الكلمة دى من زمان
ناجى أهو ربنا جبر بخاطرنا وهيخطبها واحد ابن حلال واهله كمان ناس طيبين
فكرية يارب يتملها بخير يارب العالمين
ناجى يارب المهم أنتى كنتى عايزة إيه
فكرية يووه دا أنا نسيت أنا كنت عايزاك تيجى تشوف الاكل إللى عملته دا كفاية ولا ازود كمان
ناجى ضحك يا فكرية أنتى بقالك يومين بتجهزى الأكل اكيد هيكفى بس المهم خلصى بقى الضهر اذن والناس هيجوا على المغرب
فكرية متخافيش أنا خلصت كل حاجة وعملت الشربات كمان وحطيته في التلاجة
ناجى كويس أوى هى ريتاج فين مشفتهاش خالص حتى منزلتيش تفطر معانا ولا خرجت تشوف الكتاكيت والفراخ بتوعها
فكرية خبطت عليها لقتها نايمة ماهى بقالها يومين شغالة معايا قولت اسبها تصحى براحتها عروسة بقى
ناجى أنا فرحان أوى بس قوليلى هى هتلبس ايه
فكرية عندها لبس حلو كتير تلبس أى حاجة
ناجى مش كنا المفروض جبنلها هدوم جديدة
فكرية لا ما أنا اتكلمت معاها قالت هتجيب في الشبكة
ناجى زى بعضه بس خلى بالك منها ولبيسها ومكيجها كويس خليها تبقى زى القمر
فكرية أنا بنتى طول عمرها قمر
ناجى ضحك مين هيشهد للعروسة
فكرية ضحكت طيب يلا قوم اكوى هدومك عقبال ما اطلع اشوف ريتاج
ناجى هخرج اشوف الفراخ الأول وبعدين ابقى اكوى
فكرية طيب هطلع أنا بقى
وسابته وطلعت أوضة ريتاج
_____________________
فى بيت الحاج ثابت
____________________
كانت في حالة من الفرح من كل الموجودين حتى أم ابراهيم كانت فرحانة
كانت سعاد وهدى فرحنين وبيزغرطوا
كل شوية وهما بيحضروا حاجات هيخدوها معاهم بيت ناجى
أم ابراهيم اوعى تنسى حاجة يا هدى
هدى متخافيش يا مرات عمى أنا عملت زى ما قولتلى بالظبط يا مرات عمى
أم ابراهيم عقبال ما تفرحى بولادك
هدى في حياتك يارب يا مرات عمى
دخل فجأة على ابن سعاد وعقبالى أنا كمان يا ستى
ابراهيم شوف الواد لسة مطلعش من البيضة عايز يتجوز وضحكوا كلهم
على بيضة إيه يا خالى انا كبرت وكلها سنتين وادخل الجامعة وخلاص ينفع اتجوز
سعاد اتلم يا واد يا علي إيه قلة الادب دى طيب اصبر لما ابوك يجى شوف هخليه يعمل فيك إيه
على يا سلام وأنا عملت ايه يعنى
هدى بكرا تكبر يا على ونفرح بيك
على ربنا يخليكي ليا يا مرات خالى
بس على فكرة هو خالى العريس فين
ام ابراهيم بصت لهدى وسعاد
ابراهيم فوق في أوضته
على طيب أنا هطلعله اباركله
أم ابراهيم اطلعله يا ابنى
طلع على وهو طالع قابل منى على السلم
منى بفرحة علي أنت جيت امتى
علي لسة جاى الوقت المهم
منى بصتله إيه
علي قرب منها وبهمس وحشتينى أوى
منى بكسوف وأنت كمان بس أنت كنت طالع ليه
علي يووه دا أنا نسيت شوفتى أنا أول ما بشوفك بنسى الدنيا كلها
منى بس بقى حد يشوفنا
علي ما أنتى بتوحشينى أعمل ايه بس
منى بس بقى الله
علي بصلها وضحك طيب مكسوفة ليه
منى بس بقى ووسع خلينى انزل أحسن حد يشوفنا قولى أنت كنت طالع فين
علي كنت طالع ابارك لخالى عقبالنا وكان هيمسك ايديها
منى وبعدين معاك يا علي أنا مبحبش الحركات دى وزقته ونزلت بسرعة
وقف على يضحك ودخل عند نجم
لكن نجم عاملة وحش ونزله
أم ابراهيم أنت لحقت تقعد مع خالك
علي مااعرفش ماله مش طايق يكلمنى
ونزلنى
أم ابراهيم أستغفر الله العظيم مش عارفه ماله عامل كدا ليه
هدى خلى عمى يطلع بشوفه
ام ابراهيم الوقت اخليه يطلعله
ابراهيم مش عارف قلقان ليه كأن نجم مالوش مزاج للجوازة دى
سعاد ربنا يسترها والجوازة دى تتم على خير
الكل يارب
بقلمى موفاااا💚
بلاش ننسى التفاعل
_______________________