ملاكى الهادى

الفصل آل 24

حبايبى فصل محبش اهو
ومتهيئلى هيغير كل توقعاتكم
يلا تعالوا شوفوا إيه إللى حصل
بقلمى موفاااا💚
______________________

الفصل آل 24
______________
نجم خد عوض ومشى وكان عصبى أوى
قولى بقى يا سى زفت عايز منى إيه
عوض بحزن مصطنع يا سى نجم أنا جاى استسمحك عشان ترجعنى الشغل تانى أنا من ساعة ما مشيت من عندكم مش لاقى شغل ولا حد راضى يشغلنى عنده
نجم تستاهل ما أنت لو ماشى عدل مكنش كل دا حصلك
عوض وحياة راس ابويا الحاج ما هعمل حاجة تانى
نجم أنا قولتها كلمة مش هترجع الأرض تانى وطلع فلوس من جيبه وادها لعوض في ايده
نجم روح ربنا يسهلك بعيد عننا
وسابه ومشى
عوض وقف يكلم نفسه بغضب وحقد
ربنا يسهلى وبتدينى حسنة كأنى شحات قدامك طيب يا نجم وحياة راس ابوك لكون حاطط راسك في الطين ومتعرفش ترفع وشك قدام حد
ومشى وهو كله كره لنجم وناوى على الشر
بقلمى موفاااا💚
----------------------------

عدا كام على مقابلة نجم لريتاج
وريتاج مقالتيش لحد عن إللى حصل ولا نجم هو كمان مقالش لحد على إللى حصل
لحد في يوم حصل إللى مكنش حد متوقعه
بقلمى موفاااا💚
------------------------
فى الجامع إللى بيصلى فيه الحاج ثابت
وهو قاعد شوية بعد الصلاة
قرب منه راجل من أهل البلد
الراجل تقبل آلله يا ابا الحاج
الحاج ثابت اذيك يا سيد يا ابنى عامل إيه وازاى ولادك
سيد آلحمد لله عايشين بحسك وبركتك يا ابا الحاج
الحاج ثابت استغفر الله كله بركة ربنا
سيد كنت عايز اقولك على حاجة يا ابا الحاج بس خجلان منك
الحاج ثابت تخجل منى  دا أنا اللى مربيك يا سيد قولى يا واد يا سيد عايز فلوس
سيد بسرعة لا لأ خيرك مكفينا وزيادة
الحاج ثابت يا واد متتكسفش منى
سيد ربنا يخليك لينا يا رب بس أنا عايزك في موضوع تانى خالص
الحاج ثابت خير يا سيد
سيد بص على الناس اللي قاعدة في الجامع ينفع نتكلم برا
الحاج ثابت باستغراب الموضوع شكله كبير
سيد معلش يا أبا الحاج نقعد لوحدنا أحسن
الحاج ثابت بقلق طيب تعالى
وخرجوا من الجامع  وماشين سوا
الحاج ثابت قول بقى في إيه يا سيد
سيد ادينى الامان يا ابا الحاج
الحاج ثابت بقلق للدرجة اتكلم يا سيد عليك امان ربنا
سيد بقلق
الموضوع يا ابا الحاج أن أنا سمعت الواد عوض إللى سى نجم طرده من الأرض
الحاج ثابت ماله عوض عمل إيه تانى
سيد أنا سمعته هو والواد خلف والواد شعبان اللى بيقعد معاهم على القهوة بيلسنوا على سى نجم
الحاج ثابت في صدمة إيه بيلسنوا على نجم ابنى
سيد أيوة يا ابا الحاج ومش هما بس دا البلد كلها بتتكلم
الحاج ثابت بعصبية بيتكلموا بيقولوا إيه يا سيد
سيد باحراج بيقولوا إن سى نجم مصاحب مصرواية وكانت مقضية كام يوم معاه فى بيتكم
الحاج ثابت بعصبية وغضب استغفر الله العظيم إيه الكلام الفارغ دا
سيد وكمان بيقولوا إنهم بيتقبلوا في بيتها
الحاج ثابت أنا مش مصدق إللى بسمعه دا
سيد دول يا ابا الحاج بيقولوا وسكت مرة واحدة 
الحاج ثابت بصله بحدة بيقولوا إيه كمان يا سيد
سيد بيقولوا إنهم عايشين سوا في الحرام يا ابا الحاج
الحاج ثابت بصوت عالى استغفر الله العظيم استغفر الله العظيم
سيد سامحنى يا ابا الحاج غصب عني كان لازم ابلغك بلى سمعته
الحاج ثابت بغضب كل واحد جاب سيرة ابنى منه لله
سيد وبنت الناس إللى بياكلوا فى عرضها دى وهى متعرفش حاجة
الحاج ثابت حسبي آلله ونعم الوكيل
وبنت مين دى يا سيد
سيد بتوتر بيقولوا بنت عم ناجى إللى ساكن جمبكم من كام شهر
واول ما سمع الحاج ثابت قصدهم على مين اتفزع من مكانه لا لحد كدا ومش هسكت على كل ده
سيد ناوى على إيه يا ابا الحاج
الحاج ثابت هقطع لسان أى حد يجيب سيرة ابنى أو بنت الناس
سيد بس يا ابا الحاج هو انتم تعرفوا الناس دول وكنتم بتعزموا بعض ورايحين جاين على بعض
الحاج ثابت بصله باستغراب أنت عرفت كل ده منين
سيد يا ابا الحاج البلد كلها ملهاش سيرة غير الموضوع دا
الحاج ثابت بعصبية  حسبي الله ونعم الوكيل
وسابه ومشى وهو بيكلم نفسه حسبي الله  ونعم الوكيل حسبي الله ونعم الوكيل
____________________
روح الحاج ثابت وهو مصدوم وعصبى وغضبان من كل إللى سمعه
أول ما دخل شافته ام ابراهيم لقيته داخل ساكت وسرحان
أم ابراهيم مالك يا حاج ثابت
الحاج ثابت بارهاق فين نجم
ام ابراهيم باستغراب نجم نزل الارض مع ابراهيم هو أنت كنت عايزة في حاجة ولا ايه
الحاج ثابت أيوة بس بعدين لما يجى بقى
هدى اعملك شاى يا عمى
الحاج ثابت بصلها لأ يا بنتى كتر خيرك أنا هطلع فوق السطح شويه
هدى قريت من ام ابراهيم هو ماله عمى يا مرات عمى
أم ابراهيم العلم عند الله بس شكله
هدى ربنا يسترها
أم ابراهيم يارب
قعد الحاج ثابت لوحده يفكر في كلام سيد عن نجم وريتاد
الحاج ثابت بس حرام دول معملوش حاجة وربنا شاهد عليهم
بس ليه للكلام دا كله
بس هما ياترى قالوا للكلام دا على نجم وبنت الناس إللى ملهاش ذنب فى اى حاجة حسبى آلله ونعم الوكيل
فضل الحاج ثابت قاعد فوق سطح البيت  وقت طويل
ومنزلش غير لما حصل إللى حصل
------------------------
في بيت ناجى
---------------------
فكرية قاعدة هى وريتاج يتفرجوا على التليفزيون
فكرية هو ابوكى اتاخر كدا ليه يا ريتا
ريتاج يمكن يا ماما بيتفق مع الراجل اللي هياخد منه البيض
فكرية يمكن
ريتاج بهزار وحشك المز يا فوفو
فكرية بس يا بت كدا عيب
ريتاج ضحكت وقربت من أمها عيب إيه يا فوفو هو عيب أنك بتحبى بابا
فكرية اتنهدت وابتسمت ابوكى دا حب عمرى من أول مرة شوفته دخل قلبى وحسيت بحاجة غريبة حصلت جوايا
ريتاج ابتسمت لأمها
فكرية أنتى يا بت بتوقعينى في الكلام
ريتاج حضنت أمها من حق كل واحد يحب ويعبر عن اللى جواه يا ماما ودا حقك وحق بابا عليكى
ابتسمت فكرية وضمت ريتاج جامد عقبال ما ربنا يطمنى عليكى وتلاقى إللى يحبك وتحبيه
ريتاج ابتسمتها راحت وخرجت من حضن أمها وكملت بحزن هو ممكن يا ماما
فكرية بعدم فهم هو ايه يا بنتى إللى ممكن
ريتاج خلاص هتعيط قصدى ممكن الاقى حد يحبنى وأنا كمان احبه
فكرية ضمت بنتها بلهفة أن شاء الله يا حبيبتي أنتى تستهلى احسن واحد في الدنيا
ريتاج بعد كل إللى حصلى هلاقى احسن واحد في الدنيا يا ماما
فكرية هى إللى عيطت كفاية يا بنتى بلاش تقسى على نفسك أكتر من كدا وصدقينى ربنا لسة شيلك نصيبك عنده وزى ما بيقولوا إللى انكتب على الجبين لازم تشوفه العين
ريتاج ونعم بالله
فكرية متفكريش أنتى وسبيها على الله
أنا هقوم أعمل كوبيتن نسكافيه أصل أبوكى مدلعنا خالص الايام دى وجابلنا نسكافيه
ريتاج ابتسمت لا خليكى مرتاحة أنا هعمل يا ماما
وسابتها ودخلت المطبخ
فكرية يارب ارزق بنتى بالزوج الصالح اللى يعوضها عن كل إللى شافته
وفجأة دخل ناجى
-------------------------
في بيت الحاج ثابت
---------------------
فجأة صوت خبط جامد على الباب
أم ابراهيم إيه دا مين إللى بيخبط كدا استرها يارب وقامت بسرعة تفتح
حتى هدى خرجت من المطبخ مفزوعة
أم ابراهيم فتحت الباب سعاد أنتى بتخبطى كدا ليه هى الدنيا اتهدت
سعاد بتاخد نفسها بصعوبة
هدى فى إيه حد من العيال حصله حاجة جوزك كويس
سعاد بتتنفس بصوت عالى وكلام مكتوم فين نجم
أم ابراهيم وهدى بصوا لبعض
أم ابراهيم إيه حكاية نجم النهاردة ابوكى يدخل يسأل على نجم وبعدين يطلع فوق السطح من يعد الفجر لحد الوقت وانتى كمان بتسألى على نجم هو ماله نجم حصله إيه
سعاد هو ابويا هنآ وسابتهم وطلعت تجرى على فوق
وبعدها نزلت هى والحاج ثابت
أم ابراهيم بعصبية ما حد يفهمنا حصل إيه ونجم ماله بتسئلوا عليه ليه
الحاج ثابت بص لسعاد في ايه يا سعاد يا بنتى
سعاد فين عيالك يا هدى
هدى فوق بيذكروا بس هو إيه الموضوع
سعاد تعالوا ندخل هنا ودخلوا كلهم أوضة الضيوف وقفلوا الباب
أم ابراهيم بعصبية ما تنطقى يا بت احسن ما اقوم اضربك
سعاد اصبرى يا أما بس .....
أصل أنا كنت في السوق النهاردة وسمعت طرطيش كلام كدا
الحاج ثابت قام وقف مرة واحدة وبص لسعاد
أم ابراهيم طرطيش كلام عن إيه
سعاد بتوتر عن نجم وريتاج
______________________
في بيت ناجى
---------------------
دخل ناجى وعيونه بتدور على ريتاج
ناجى هى ريتاج فين
فكرية باستغراب يا اخويا قول السلام عليكم ورحمة الله وبركاته
ناجى بصوت همس وحزين فين بنتك يا فكرية
فكرية بقلق في المطبخ بتعمل نسكافيه بس مالك في إيه
ناجى قعد وحط ايده على راسه
فكرية في إيه يا ناجى مالك عامل كدا ليه
ناجى مش وقته هحكيلك بعدين
بس الوقت مش عايز ريتاج تخرج من البيت لوحدها رجلك على رجليها وأنا كمان مش هسبها لحظة لوحدها أنا ما صدقت أنها بقت كويسة
فكرية أنا مش فاهمة حاجة خالص منك
وقبل ما يتكلم خرجت ريتاج بصينية عليها كوبيتن نسكافيه
ريتاج بابتسامة بابا حمد الله على السلامة
ناجى ابتسم لريتاج الله يسلمك يا حبيبتي كنتى بتعملى إيه
ريتاج عملت كوبيتن نسكافيه أنا وماما أشرب أنت مع ماما وأنا هعمل ليا
ناجى تسلم ايدك يا حبيبتي بس معلش أنا هطلع ارتاح شوية المشوار كان طويل اوى عليا
ريتاج أنت اتفقت مع حد على موضوع البيض
ناجى أيوة في محل لبان  في أول البلد هياخد منى كل البيض إللى يطلع وكمان قالى على طريقة ازود بيها البيض
ريتاج بفرحة بجد يا بابا طريقة إيه دى
ناجى معلش يا ريتا أنا أنام شوية ولما اصحى احكيلك كل حاجة
ريتاج ماشى يا بابا تحب اجبلك مسكن لو في حاجة تعباك
ناجى قرب منها وضمها لحضنه يا حبيبتي أنتى بس إللى بتسكنى وجعى لما اشوفك مرتاحة ومبسوطة وباس راسها وطلع على اوضته
ريتاج بابا ماله يا ماما
فكرية احمم مالوش يا بنتى يمكن زى ما قالك تعبان من المشوار بس أنا هطلع اشوفه وانتى خدى النسكافيه بتاعك واشربيه في أوضتك
ريتاج حاضر بس أبقى طمنيني على بابا
فكرية طيب يلا اطلعى عقبال ما اعمله كوباية ليمون ساقعة
تهديه شوية
ريتاج حاضر وفعلا طلعت اوضتها
----------------------
في بيت الحاج ثابت
--------------
الكل في حالة صدمة
أم ابراهيم يعنى ايه الكلام ده يا سعاد
سعاد يا أما الناس بتقول ان نجم اخويا ماشى مع ريتاج بنت عم ناجى
ام ابراهيم بسرعة استغفر الله العظيم
هدى إيه الكلام الفارغ ده قطع لسان إللى قال كدا
سعاد يا هدى الكلام اكتر من كدا
الحاج اسكتى يا سعاد
سعاد قربت من ابوها أنت سمعت كمان يا أبا
الحاج ثابت حسبي الله ونعم الوكيل
أم ابراهيم متفهمونا هو في إيه
الحاج ثابت قعد يحكى كل حاجة سمعها من سيد
أم ابراهيم ضربت على صدرها يخربيت عوض واللى شوفنا من عوض
هدى يالهوى لو نجم عرف قليل ما راح قتله
أم ابراهيم بفزعة لا يا هدى اوعى حد يقوله
سعاد طيب والعمل يا أما الناس كلامها بيكتر كل يوم
هدى طيب وريتاج ذنبها إيه في كل ده حرام يا ناس
أم ابراهيم حسبي الله ونعم الوكيل فيك يا عوض أنت وكل اللى جاب سيرة ابنى بالباطل
سعاد هتعمل ايه يا أبا
الحاج ثابت اتنهد بصوت عالى اصبروا لما نجم يجى وأنا مش عايز حد يتكلم في الموضوع ده قدام اى حد وانتى يا سعاد متتكلميش مع حد في البلد خالص غير لما اشوف هعمل ايه
هدى طيب لو الكلام وصل لعم ناجى وبنته إيه هيكون الحل بقى
أم ابراهيم بحزن وهى البت عملت ايه لكل دا إحنا من يوم ما شوفناها. وهى غلبانة حتى بعد ما خفت هى فى حالها وإحنا في حالنا
هدى بحزن حتى عرض الولايا بيتكلموا فيه
الحاج ثابت مش عايز اسمع كلام في الموضوع دا تانى لحد ما اتصرف
-------------------
عدا كام يوم والقلوب كاتمة الوجع من إللى سمعوا على نجم وريتاج
لحد في يوم حصل إللى حصل
------------------------
في بيت الحاج ثابت
--------------------
الحاج ثابت قاعد مع أم ابراهيم في اوضتهم
الحاج ثابت بقولك ايه يا حجة
أم ابراهيم خير يا حاج
الحاج ثابت احمم أنتى إيه رائيك في ريتاج بنت الحاج ناجى
أم ابراهيم بصتله قصدك إيه يا حاج
الحاج ثابت قصدى يعنى عايز اعرف رأيك فيها
أم ابراهيم اوعى تكون بتفكر في إللى جه في بالى
الحاج ثابت وايه يعنى يا حجة
ام ابراهيم اتنهدت بحزن غلط يا حاج
الحاج ثابت هو إيه إللى غلط يا حجة
أم ابراهيم أنت عايز تصحح الغلط بغلط
الحاج ثابت أنا بس عايز أعرف أنتى مش طايقة البت واهلها ليه
أم ابراهيم لا والله يا حاج بالعكس أنا خايفة عليها الوقت زى ما بخاف على سعاد بالظبط بس حرام نجبرها تصحح غلط هى مالهاش ذنب فيه وكمان نسيت ابنك ولا هتجبره هو كمان
الحاج ثابت طيب هعمل ايه بس شورى عليا يا حجة
أم ابراهيم اتنهدت بحزن أستغفر الله العظيم
مش عارفه يا حاج أنا من ساعة ما سمعت الكلام ده وأنا مش ببطل تفكير
الحاج ثابت يبقى إللى أنا هعمله احسن حاجة والبت غلبانة واهلها ناس طيبين
زى ما انتى شايفة
أم ابراهيم المهم العيال يرضوا ببعض
الحاج ثابت ربنا يقدم اللي فيه الخير
فجأة سمعوا صوت نجم ببزعق وواقف معاه ابراهيم
الكل خرج ونزل على صوت نجم
ابراهيم ماسك نجم جامد اهدا يا نجم بس مش كدا
نجم بصوت عالى سبنى يا ابراهيم دا هيكون اخر يوم في عمره مش هسيبه لحظة عايش
الحاج ثابت بصوت عالى نجم في إيه وعايز تدوى نفسك في داهية عشان خاطر مين يعنى دا آخر واحد الناس تاخد بكلامه
اتصدم نجم أنت كنت عارف يا ابا
منى واقفة على السلم ماسكة فى أمها هو في إيه يا ماما
هدى هوووش اطلعى فوق واقفلى الباب وعلى الله أشوفك قدامى امشى
طلعت منى تجرى بس الفضول وقفها تسمع
نجم  بصوت عالى وغضبان رد عليا يا ابا أنت كنت عارف إللى ببتقال عليا وساكت وتليقيكم كلكم. كنتم عارفين وأنا إللى ماشى زى الأطرش في الزفه
الحاج ثابت قرب من نجم اهدا بس يا ابنى
نجم عايزنى اهدأ والبلد كلها بتتكلم عنى طيب أنا راجل وميهمنيش حاجة طيب محدش فكر في بنت الناس اللى مالهاش ذنب في حاجة دا إحنا واكلين عيش وملح سوا نسيب شوية كلاب زى دول ينهشوا فى شرفها ونقف كدا نتفرج أنا لازم اخدلها حقها واشرب من دم عوض واللى معاه
الحاج ثابت عشان تعرف تجبلها حقها وتاخد حقك أنت كمان لازم تهدا
نجم قعد وحط أيده على راسه
الحاج ثابت مين إللى قالك وبص لإبراهيم
ابراهيم بسرعة وآلله ما أنا دا الواد محمدين انت عارف انه بيحب نجم ويخاف عليه
الحاج ثابت فين محمدين الوقت
ابراهيم في الأرض
الحاج ثابت طيب  تعالى ننكلم في شقتك يا نجم وأنت يا ابراهيم روح كمل شغل 
وطلع هو ونجم
كل واحد يقولى رائيه بقى😉
وتوقعاتكم في إللى جاى....
بقلمى موفاااا💚
بلاش ننسى التفاعل يا حلوين
-----------------------------------