ملاكى الهادى

الفصل الخامس

مساء الورد
تعالوا نشوف ابطالنا عاملين إيه
-------------------
الفصل الخامس
------------
------------------
نجم بص لعوض بغضب
ودايما عوض بيكره محمدين عشان نجم بيحبه وبيعامله زى صاحبه
نجم بحدة  اتكسف  على دمك يا عوض وبص بعيد
نجم قلع جلييته وغطى بيها ريتاج
عوض ابتسم ابتسامة باهتة
نجم بحدة روح اربط البهايم دى  واحرت يلا
عوض بتوتر حاضر يا سى نجم
نجم بصوت عالى يلاااا بسرعة
عوض مسك البقر ومشى بسرعة
نجم قعد بعيد وكل شوية يبص على ريتاج
نجم بيكلم نفسه يا ترى انتى مين وطلعتيلى منين وياترى فيكى نفس ولا هروح في داهية
بعد شوية رجع محمدين ومعاه اتنين ستات
واحدة منهم اخت  نجم
اخت نجم سعاد حصل ايه يا نجم يا اخويا ومين دى وحصلها إيه
نجم مش وقته يا سعاد شوفيها فيها النفس ولا ماتت ولا روحت فى داهية
سعاد بقلق قربت من ريتاج وحاولت تطمن وتشوفها عايشة ولا ماتت
سعاد الحمد لله لسة فيها النفس
نجم اشهد ان لا اله الا الله واشهد ان محمدا رسول الله
بهية مرات محمدين بس لازم نوديها الدار ونجبلها الدكتورة يا سى نجم
نجم بص لاخته
سعاد لو معرفناش نفوقها يبقى نجبلها دكتورة الصحة
نجم بقلق طيب يلا بسرعة
سعاد اسندى معايا يا بهية
بهية حاضر يا ست سعاد
سعاد وبهية سندوا ريتاج وكانوا جرنها على الأرض
وكان ماشى قدامهم نجم وكل شوية يبص عليهم
نجم بيكلم سعاد البت اتبهدلت خالص
سعاد بتتفس بسرعة ومش قادرة تتكلم
متخافش تفوق بس وارجعالك احسن من الاول
نجم ربنا يسترها
بقلمى موفاااا💚
---------------------
بعد جهد وتعب اخيرا وصلوا بيت الحاج ثابت
دخلت سعاد وبهية 
نجم هى أمك فين يا سعاد
سعاد نزلت تزور ناس قرايبنا في البلد
وبعد تعب وجهد وارهاق طلعوها الدور التانى شقة نجم ودخلوها أول أوضة
نزلت  سعاد الدور الارضي المخصص لامها وابوها والمطبخ الكبير
سعاد وهى بتتنفس بسرعة
قرب منها نجم بسرعة 
نجم إيه الأخبار يا سعاد
سعاد هجيب بصلة يمكن تفوق
نجم بعصبية بصلة إيه يا سعاد عندك البرفان فوق
سعاد بسخرية برفان ايه ااه صحيح ما انت متعلم في المدارس وكمان دخلت الجامعة يبقى هتعجبك البصلة😕
نجم بعصبية انجزى يا سعاد وفوقيها بقى
سعاد طيب أصبر بس أنا مااعرفش إيه اللى جبنى النهاردة
نجم بعصبية اوووف بقى انتى رغاية كدا اخلصى
سعاد طيب طيب واخدت بصلة وطلعت تجرى على فوق
نجم قاعد قلقان
دخلت فجأة مرات اخوه هدى
وكمان هدى تبقى بنت عمه واكبر منه
هدى إيه دا نجم أنت إيه اللى مقعدك كدا
نجم بتوتر ايه أم حسين أنتى كنتى فين
وبص لفوق بتوتر
هدى هو في إيه أنت مالك قلقان كدا ومرات عمى  فين
نجم بتوتر اكتر إيه امى مش عارف راحت فين
وفجأة سمعوا صوت  خبط من فوق
هدى بحدة هو مين فوق
نجم بتوتر مافيش أصل فجأة نزلت بهية عايزين وبصت لهدى
بهية كويس انك جيتى يا ست هدى تعالى بسرعة عايزين غيار وجلبية
هدى بفزعة غيار وجلبية لمين هو في إيه
بهية معلش مش وقته البت مفرفرة بين ايدينا
هدى بفزعة بت بت مين يا بهية
بهية بصت لنجم
هدى بصت لنجم بت مين إللى فوق يا نجم
نجم بتوتر الحقيها الأول وبعدين احكيلك
صوت عالى من فوق بت يا بهيييية
بهية طالعة يا ست سعاد  وسابتهم وطلعت
نجم اطلعى شوفيها يا هدى بسرعة
هدى بخوف استر علينا يارب وطلعت ورا بهية
بقلمى موفاااا💚
--------------
فضل نجم واقف لوحده قلقان
نزلت سعاد
نجم طمنيني يا سعاد
سعاد اهو أنا وهدى غيرنالها هدومها وبتنقلب إن شآء الله الوقت تفوق
بس هى ايه إللى وقعها في طريقك وتطلع بنت مين وأيه إللى جابها الأرض عندك
نجم بتوتر مااعرفش أنا كنت جرر البهايم لقتها بتجرى بسرعة عليا واول ما شافتنى اتفزعت وصوتت وسخسخت على الأرض
سعاد يا ترى بنت مين دى
فجأة بهية نزلت وبصوت عالى ولهفة
فاقت يا ست سعاد فااااقت
سعاد بلهفة ألف حمد وشكر ليك يارب
دخلت سعاد الأوضة عند ريتاج وهدى وبهية
سعاد بابتسامة حمد الله على السلامة يا ست البنات
اتفزعت أول ما شافت ريتاج بتصوت وتهمهم بكلام مش مفهوم
سعاد حصل إيه يا مرات أخويا هى مالها
هدى بتوتر مش عارفه من ساعة ما فتحت عينها وهى مش على بعضها كدا
سعاد أهدى يا حبيبتى متخافيش
أنتى زى الفل
اسمعى استهدى بالله وقولنا فين داركم ومين اهلك
ريتاج لسة في حالة هستريا وخوف
هدى اهدى يا بنت الناس انزلى يا بهية
هاتى كوباية لبن سخنة لست البنات عشان تهدى اعصابها
ريتاج لسة بتهمهم بكلام مش مفهوم
سعاد طيب انتى بتقولى إيه إحنا مش فهمينك
ريتاج اخيرا اتكلمت ماما عايزة ماما
هدى ايوة أهدى كدا وقوللنا ماما مين وساكنة فين
ريتاج سكتت مرة واحدة وسرحت