ملاكى الهادى

الفصل آل 19

الفصل آل 19
______________
تعالوا نشوف حصل إيه لنجم بعد خناقة عوض ومحمدين
فضل نجم ماشى مش عارف يروح فين
فضل ماشى لحد ما لقى نفسه قدام بيت ناجى
فضل واقف يبص على البيت من فوق لتحت
فجأة ريتاج فتحت البلكونة ووقفت فيها
نجم استخبى عشان ريتاج مش تشوفه و بص عليها بتركيز شافها من غير حجاب وشعرها مفرود وطاير في الهوا
نجم فضل يبص عليها حط ايده في جيبه وطلع السلسلة إللى ريتاج جابتهاله وفجأة لقى السلسلة إللى عليها حرفRمشبوكة فى السلسلة إللى عليها حرف  N
نجم باستغراب إيه دا إللى جاب سلسلتها فى جيبى أنا كنت حطتها في الدولاب
مسك السلسلتين ووقف يبص لريتاج إللى مش واخدة بالها منه وبعد وقت هو مش عارف قد إيه
فجأة دخلت ريتاج من البلكونة
نجم بلهفة بيكلم نفسه كأنه شخصيتين بيكلموا بعض
نجم  الحقيقى إللى مشغول بريتاج... دخلتى ليه كنتى وقفتى شوية كمان واتنهد بصوت عالى
الشخصية العكسية لنجم  انت عايز منها إيه  مشغول بيها ليه
نجم الحقيقي بتوتر وهعوز منها إيه واصلا أنا مش مشغول بيها ولا حاجة
الشخصية العكسية لنجم يا سلام مش مشغول بيها أصلا طيب إيه إللى جابك لحد هنا وكنت مش عايزها تدخل اعترف يا نجم أنت مشغول بيها وكمان يمكن دا بديته ولا اية وغمزله
نجم الحقيقي بتوتر ااه يمكن مشغول بيها شوية عشان حالتها يعنى لكن بداية إيه ونهاية إيه انت عبيط ومش فاهم حاجة
الشخصية العكسية لنجم ضحك هههههه بمكر عبيط ااه بس فاهم كل حاجة انت مشدود لريتاج ودا مش عيب يعني هى تستاهل مش زى ناس أول موقف تسيبك وتخلع يكونش مستنيها ترجعلك لا فوق بسلمة خلاص مالهاش وجود في قلبك ولا حتى خيالك
نجم الحقيقي بعصبية بسملة مين جاب سيرة بسملة الوقت
الشخصية العكسية لنجم لازم تنسى بسملة وفى غيرها تستاهل حبك بس خلى بالك أنت منها عشان هى بجد تستاهل وبص لفوق على البلكونة
نجم الحقيقي سرح وسكت
الشخصية العكسية لنجم بلهفة وبسرعة الحق ريتاج خرجت تانى
نجم الحقيقي بلهفة بجد فين دى وبص على فوق
الشخصية العكسية لنجم  ضحك بصوت عالى ههههه  مش بقولك مشغول بيها
نجم الحقيقي وقف اتنهد بصوت عالى وكلم نفسه أنا
إيه إللى بيحصلى دا أنا شكلى اتجننت وبص مرة أخيرة على بلكونة ريتاج ومشى وهو بيتلفت على البلكونة لدرجة أنه كان هيقع  أكتر من مرة وهو ماشى
بقلمى موفاااا💚
------------------------
في بيت ناجى
--------------------------
فكرية بصدمة أنت عملت كل دا يا ناجى أنا مش مصدقة نفسى
ناجى بحزن كان لازم يا فكرية لازم اعرف حالة بنتى وصلت لحد فين وفى أمل ترجع زى الاول ولا لأ
ومسح دموعه إللى نازلة غصب عنه
بقلمى موفاااا💚
-------------------
Flash back
--------------------------
بعد ما خرج ناجى وريتاج بحجة أنهم هيتفسحوا
ناجى ماسك ريتاج من ايديها جامد
وركب المواصلات اللى نازلة القاهرة
ريتاج بتبص للطريق بقلق وهمست لابوها إحنا رايحين فين
ناجى ابتسم لريتاج اخيرا سمعت صوتك
ريتاج أنا خايفة اوى يا بابا كل الناس بتبص عليا وهيقولوا المجنونة اهى
ناجى بالعكس الناس كلها هتقول بص الراجل العجوز إللى ماشى مع البنت اللي زى القمر دى
ريتاج بابا أنا
ناجى قطع كلامها هوووش اهدى بقى
عارفة احنا رايحين فين
ريتاج فين
ناجى هننزل القاهرة
ريتاج باستغراب القاهرة
ناجى أيوة هنتفسح زى ما قولتلك
ريتاج نتفسح ازاى يا بابا
ناجى اصبرى بس لما نوصل بصى ريحى راسك هنا على كتفى عقبال ما نوصل
ريتاج ابتسمت لابوها أنا بحبك أوى يا بابا
ناجى ضحك هههههه معلش يا قلبي انا مرتبط ومرتبط بواحدة إيه بتحبنى أوى
ريتاج ضحكت هههههه وفعلا ريحت راسها على على كتف ابوها وبقت تبص على الطريق
وصل ناجى وريتاج القاهرة بعد وقت طويل
ناجى تحبى نروح فين بقى
ريتاج ابتسمت مش عارفة
ناجى اقولك تعالى ناكل اول حاجة وبعد كدا نتفسح دا أنا ناوى اعيشك يوم تحلفى بيه
ريتاج ابتسمت لابوها وفعلا أكلوا واشتروا حاجات كتيره من لبس واحذية وحجابات
ناجى مبسوطة يا ريتا
ريتاج ضحكت هههههه أنا مبسوطة أوى يا بابا
ناجى يا حبيبتي دى امنيتى الوحيدة انك تفضلى مبسوطة كدا على طول
بس كنت عايز نروح مشوار سوا قبل ما نرجع البلد
ريتاج باستغراب مشوار ايه
ناجى أنتى بتثقى فى بابا صح
ريتاج هزت راسها بتوتر
ناجى طيب تعالى معايا وشال الأكياس إللى معاه وركب تاكسى
التاكسى وقف قدام عمارة 
ناجى يلا يا ريتاج انزلى
ريتاج نزلت وهى ماسكة الأكياس وقلقانة
ناجى متخافيش تعالى وطلع قدام عيادة أمراض نفسية وعصبية
ريتاج بتوتر ورعشة في جسمها وبقت تتهته في الكلام
ريتاج بباببا انت جيييت هنااا لييبببه
ناجى بقلق وخوف اهدى يا حبيبتي متخافيش
ريتاج بفزعة أنا عايزة ماما عايزة ماما