ملاكى الهادى

الفصل آل 25

فصل طويل أهو تعويض
عن غياب إمبارح
يلا التفاعل بقى
بقلمى موفاااا💚
___________________
الفصل آل 25
________________

في بيت ناجى
-------------------------
فكرية طبعا بعد ما عرفت اللى بيتقال على بنتها بقت حالتها غريبة وعصبية أوى
ناجى اهدى يا فكرية مش كدا أنا مش عايز البت تاخد بالها من حاجة حرام كفاية إللى حصلها ممكن لو عرفت تروح فيها
فكرية شهقت بغزغة بنتى
وإحنا ذنبنا إيه في كل ده بس ياربى
ناجى بحزن كل واحد بياخد نصيبه من الفرح والحزن يا فكرية
فكرية بحزن وإحنا مالناش نصيب غير في الحزن ووجع القلب
ناجى استغفرى ربنا يا فكرية ومش عايز ريتاج تاخد بالها من حاجة وربنا يسترها عليها يارب
بقلمى موفاااا💚
-------------------------------
في بيت الحاج ثابت
وبالاخص في شقة نجم
----------------------- -
نجم بفزعة وصوت عالى أنت بتقول إيه يا أبا أنا مش ممكن أقبل بحاجة زى دى
الحاج ثابت اهدا يا نجم يا ابنى بس وأنا هفهمك كل حاجة
نجم بعصبية لا يا ابا أنا إللى هفهمك حاجة مهمة أوى عارف لو عملنا كدا الناس هتقول دول عملوا كدا بعد ما موضوعنا اتعرف وبندارى  على الفضيحة أنا مش ممكن أقبل بحاجة زى دى وعوض والكلاب إللى معاه أنا هعرف اعلمهم الادب كويس
الحاج ثابت ما أنت لو هديت وسمعتنى هتفهم وترتاح أستغفر ربنا بس وأقعد وبطل العصبية دى
نجم أستغفر الله العظيم
الحاج ثابت ايوة كدا
أول حاجة عايزك تقولى أنت إيه رائيك في بنت عمك ناجى
نجم قام وقف مرة واحدة
الحاج ثابت  ضحك هههههه اقعد بقى ومش كل شوية تنط زى أبو الفصادة كدا
نجم استغرب هدوء ابوه
الحاج ثابت بص رد عليا بصراحة البت فيها حاجة تتعيب
وقبل ما ترد يمكن الأول لما كانت تعبانة كتت قولتلك ااه الوقت بسم الله ما شاء الله عليها بت ولا كل البنات وشكلها متعلمة ومتنورة
نجم يا أبا هو انت عايزنى اتجوزها عشان كدا بس
وبعدين يجيلك منين انها توافق عليا مش يمكن ترفض هى واهلها
الحاج ثابت مالكيش دعوة أنت
نجم يا أبا أنا مش عايز أتجوز عشان لو اتجوزت ريتاج هظلمها معايا
الحاج ثابت وليه الظلم يا ابنى
نجم بص بعيد عن ابوه
الحاج ثابت اياك تكون لسة بتفكر في إللى طعنتك في ضهرك اخص عليك اخص وأنا أقول هو مش عايز يتجوز ليه
نجم بحزن يا أبا أنا
الحاج ثابت أنت إيه بس يا شيخ أنا قولت أنت خلاص نسيت وكرهتها بعد اللى عملته فيك بس الظاهر أنك تستاهل إللى عملته فيك
نجم بحزن غصب عني يا أبا
الحاج ثابت واللى مالهاش ذنب في حاجة غير أن نصبها وقعها فى طريقك يوم ما شوفتها وأنت ازاى هتسمح للناس تنهش فى عرضها مش كتت بتقول إحنا واكلين عيش وملح سوا
نجم يا أبا يمكن هما إللى ميرضوش
الحاج ثابت مالكيش دعوة أنت أنا هطلبها لو وافقوا يبقى خير البر عاجله
موفقوش يبقى يا دار ما دخلك شر
نجم طيب ولزمته كل دا إيه
الحاج ثابت ليه لازمة ونص عشان حتى لو موفقوش هيخرس كل لسان يفكر يتكلم هيقولوا طلبها والناس موفقتيش والنار تخمد وتتطفى
نجم اتنهد بصوت عالى استغفر الله العظيم كان لينا من دا كله إيه
الحاج ثابت مقدر و مكتوب يا ابنى
نجم قعد حزين
الحاج ثابت سيبها على الله واصبر لما نعرف رائيهم الأول لما اروح اخطبهالك
نجم بصله وأنت ناوى تروح أمتى
الحاج ثابت الوقت هنزل أغير هدومى واروحلهم على طول
نجم بسرعة كدا
الحاج ثابت لازمة نطفى النار بسرعة يا ابنى بس تكون مقتنع ومش عايزك تحس انى بجبرك على حاجة
نجم اعمل إللى أنت عايزه يا أبا
الحاج ثابت أبتسم رينا يقدم اللي فيه الخير ارتاح أنت الوقت واستنانى لما اجيلك معايا الأخبار الحلوة
وسابه ونزل وعلى طول خرج يتفذ اللى فكر فيه
بقلمى موفاااا💚
--------------------------
وصل الحاج ثابت قدام بيت ناجى
وقبل ما يخبط سمع همس ريتاج بتكلم الكتاكيت والفراخ
قرب من الصوت شاف ريتاج وهى بتأكل الكتاكيت والطيور
الحاج ثابت أبتسم السلام عليكم ورحمة الله وبركاته
ريتاج بصت لصاحب الصوت سابت إللى في ايديها وقربت بسرعة وعليكم السلام ورحمة الله وبركاته
اذيك يا عمى
الحاج ثابت الحمد لله اذيك أنتى يا بنتى عاملة ايه
ريتاج بابتسامة جميلة الحمد لله طنط عاملة إيه وهدى ومنى
الحاج ثابت كلهم بخير وبيسلموا عليكى كتير
ريتاج الله يسلمهم
الحاج ثابت هو الحاج ناجى موجود
ريتاج بابا أيوة بابا جوا اتقضل حضرتك
وبسرعة قربت وخبطت
الحاج ثابت بيكلم نفسه اكيد معرفوش حاجة ولا سمعوا إللى حصل الحمد لله
ريتاج لسة بتخبط معلش يمكن ماما في المطبخ
الحاج ثابت ولا يهمك على راحتها
صوت ناجى من جوا دايما بتسيبى مفتاحك جو يا ريتا وفتح الباب
ناجى بصدمة حاج ثابت
الحاج ثابت بابتسامة السلآم عليكم ورحمة الله وبركاته
ناجى بتوتر وعليكم السلام ورحمة الله وبركاته
لسة ريتاج والحاج ثابت واقفين برا
ريتاج بابا مش هتدخلنا
ناجى بتوتر ااه لا مؤاخذة اتفضل يا حاج
الحاج ثابت يزيد فضلك يا حاج ناجى
ريتاج اتفضل يا عمى أعمل لحضرتك شاى ولا اجيب ليمون
الحاج ثابت ابتسم أى حاجة من ايدك حلوة يا بنتى
ريتاج ابتسمت ودخلت المطبخ
ناجى قاعد متوتر
الحاج ثابت اذيك يا ناجى يا اخويا
ناجى الحمد لله
الحاج ثابت دايما يارب
الحاج ثابت والحجة عاملة ايه
ناجى بخير
الحاج ثابت احمم أنا كنت جاى النهاردة
خرجت ريتاج من المطبخ اتفضل يا عمى أنا عملت لحضرتك ليمون عشان عارفة الطريق طويل من عندكم لهنا
الحاج ثابت ابتسم تسلم ايدك يا بنتى
ريتاج عن اذنكم وطلعت على اوضتها
الحاج ثابت بدأ يتوتر
ناجى خير يا حاج في إيه
الحاج ثابت الصراحة يا ناجى يا اخويا أنا جاى النهاردة وليا طلب عندك
ناجى خير يا حاج طلب إيه
الحاج ثابت احمم الصراحة أنا جاى اطلب أيد المحروسة بنتك لابنى نجم
ناجى قام وقف مرة واحدة إيه
الحاج ثابت مالك يا حاج ناجى إحنا يشرفنا نسبكم
ناجى بقى يتلفت في ييته عشان يتأكد أن ريتاج مش هتسمع حاجه
ناجى يشرفك نسبنا إللى خلاك طبعا تننازل وتتكرم وتيجى تطلب أيد بنتى إللى سمعته بيتقال على كل لسان في البلد
الحاج ثابت مصدوم وسكت
ناجى كنت فاكر أن الكلام مش هيوصلى لا وصلى يا حاج وسمعته بودانى
الحاج ثابت استغفر الله العظيم طيب ممكن تسمعنى يا حاج ناجى
ناجى بحزن لا أنا عايزك أنت تسمعنى أنا عشت سنين قافل على نفسى وبنتى عشان خاطر ابعدها عن اى حد ياذيها بكلمة وهى تعبانة والوقت بعد ما خفت وربنا شفاها يحصلها كدا ويتقال عليها كل دا والمصيبة يتهموها مع مين مع ابن الناس إللى نقذها وحماها فى بيته أنا مش عارف أعمل ايه من يوم ما عرفت وسمعت إللى بيتقال علينا
الحاج ثابت حسبي الله ونعم الوكيل
بس لازم تهدا وتسمعنى انتم لو وافقتم على نجم ابنى كدا هنقطع اى لسان يجيب سيرتنا باى حاجة وحشة
ناجى يا حاج الناس هتقول بيصلحوا غلطة ولادهم بالجواز
الحاج ثابت ابتسم اوعدك ان كل الكلام دا هيتغير دا لو وافقتم على نجم ابنى
ناجى بصله بحزن
الحاج ثابت صدقنى يا ناجى أنا يشرفنى اننا نبقى نسايب ومش عشان إللى حصل لا عشان انتم ناس طيبين وولاد حلال
ناجى اتنهد بحزن
الحاج ثابت اسمع بقى الكلمتين دول
أنا هسيبك يومين تفكر وعايزك لو وافقتم تعمل إللى هقولك عليه بالحرف
ناجى باستغراب أعمل ايه
الحاج ثابت قولى الأول الجماعة عرفوا حاجة
ناجى أمها بس إللى عرفت هى معرفتيش حاجة
الحاج ثابت الحمد لله
الحاج ثابت عارف حتى لو موفقتوش لقدر الله أعمل بردوا كدا
ناجى أنا مش فاهم أعمل ايه بس
الحاج ثابت أنا هقولك أسمع يا سيدي
الحاج ثابت اسمعنى يا ناجى يا اخويا أنا بعد ما امشى قول لريتاج والست والدتها بطلبى وسيبهم يفكروا براحتهم وأنت انزل البلد وأسأل عليا وعلى ابنى واما حد يقولك فى ايه قوله طلبين ايد بنتى وأنا عايز أعرف هما ناس كويسين ولا لأ
ناجى باستغراب إيه الكلام دا يا حاج دا أنتم أحسن الناس   ازاى اسأل عنكم بس
الحاج ثابت ما هو دا إللى هيقطع اى لسان بيتكلم وانت وانت بتسأل قول كاننا كنا طلبنها من زمان بس انت كنت مستنى اخوها إللى مسافر قول اى حاجه يفهمهم اننا طلبنها من زمان

الحاج ثابت مشى وساب ناجى قاعد حيران ومش عارف يعمل ايه
فكرية نزلت من فوق بقلق
فكرية الحاج ثابت كان عايز إيه يا ناجى
ناجى بصلها وحكى كل إللى حصل
فكرية وأنت ناوى على إيه
ناجى مش عارف أنت إيه رائيك يا فكرية.
فكرية مش عارفه يا ناجى بس وسكتت
ناجى بس إيه يا فكرية
فكرية بس ياترى لو عملت كدا يبقى صح ولا غلط
ناجى اتنهد بصوت عالى مش عارف يا فكرية
فكرية يا ناجى المشكلة مش فينا المشكلة فى ريتاج ازاى هنقولها كل دا
ناجى بفزعة أوعى يا فكرية تقوليلها حاجة اصبرى أنا إللى هقولها بس لما اخرج وأعمل اللى الحاج ناجى قال عليه
فكرية أنا خايفة اوى
ناجى متخافيش ربنا يعمل إللى فيه الخير
أنا هخرج
فكرية رايح فين
ناجى هروح البلد وأعمل إللى اتفقت عليه مع الحاج ثابت
وفعلا خرج
و هو خارج مافيش على لسانه غير الدعاء
واول ما قرب من البلد خد نفس وحاول يسيطر على توتره
وبقى ماشى يلقى السلام على إللى رايح واللى جاى
وفجأة وقف قدام الجامع وسأل على شيخ الجامع
وفعلا خرجله راجل عجوز وكان شيخ الجامع
ناجى السلآم عليكم ورحمة الله وبركاته
شيخ الجامع وعليكم السلام ورحمة الله وبركاته
ناجى لو سمحت كنت عايز اسألك عن حاجة يا حاج
شيخ الجامع خير يا ابنى عايز إيه
ناجى خد نفس أنا كنت عايز اسألك عن الحاج ثابت
شيخ الجامع استغرب الحاج ثابت
ناجى أيوة انت متعرفوش ولا اية
شيخ الجامع لا اعرفه بس معلش عايز تسأل عليه ليه
ناجى ابتسم أصل طالب ايد بنتى وأنا الصراحة غريب عن البلد ودى بنتى الوحيدة بردوا
شيخ معلش أنت تبقى مين
ناجى أنا ناجى إللى ساكن في الطريق الزراعى وقريب من بيت الحاج ثابت اومال هو عرفنى ازاى
شيخ الجامع ابتسم بفرح  أيوة أنا شوفتك كام مرة معاه
ناجى أيوة و هو طالب ايد بنتى
شيخ الجامع بفرح طالب ايد بنتك لابنه نجم
ناجى ابتسم أيوة أنت طلعت تعرفه وتعرف كمان نجم
شيخ الجامع طبعا اعرفهم دول أحسن الناس ويا بخت إللى هينسبه
ناجى طيب معلش وابنه نجم كويس يعنى ومحترم
شيخ الجامع دا مش محترم بس دا فى قمة الاحترام دول أحسن الناس اتوكل على الله ومتنساش تعزمنى
ناجى بفرح أن شاء الله السلام عليكم ورحمة الله وبركاته
وسابه ومشى فى طريقه لمحل عم جرجس للهدايا
يا ترى هيحصل ايه بعد كدا توقعاتكم بقى
ياترى ريتاج هترضى ولا لأ ؟
بقلمى موفاااا💚
بلاش ننسى التفاعل يا حلوين
عشان نكمل سوا.......
_____________________