ملاكى الهادى

الفصل الثاني

الفصل آلثانى
----------------------
واقف ناجى في شرطة المرور سرحان بيفكر فى ريتاج
ظهر قدامه المامؤر  المسؤل
المأمور مالك يا حضرة الصول سرحان في إيه
ناجى بتوتر أنا اسف يا فندم أنا بس
المأمور مالك يا ناجى في إيه
ناجى مسح دمعة في عينه
المأمور خد مكان ناجى يا فهمى
فهمى حاضر يا فندم
المأمور وانت تعالى يا ناجى معايا قولى مالك ودخلوا المكتب سواا
المأمور مالك يا ناجى احكيلى محتاج فلوس ولا حاجة
ناجى كتر خيرك يا فندم مستورة آلحمد لله بس تعب بنتى بيزيد كل يوم عن إللى قبله ومبقتيش عارف اعمل ايه في كلام الناس عنها
المأمور استغفر ربنا يا ناجى وزى ما جاب الداء بايديه يجيب الدوا
ناجى يارب  بس صاحب البيت والجيران عايزين يبلغوا البوليس ويدخلوها مستشفى المجانين
المأمور لا حول ولا قوة الا بالله العلى العظيم وأنت ناوى تعمل إيه
ناجى اتنهد بصوت مسموع وحزين أنا قررت اسوى معاشى
المأمور إيه تسوى معاشك
ناجى أيوة يا فندم عشان افضل جمبها ومحدش يقدر يأذيها وكمان اشوفلها  دكتور كويس بدل الدكتور إللى بيتابع حالتها دا
المأمور ربنا يعينك يا ناجى ويشفيها ويطمنك عليها
ناجى يارب
وفعلا قدم طلب تسوية معاش
أتصل ناجى بمراته يبلغها انه هيتاخر فى الشغل وكمان استئذن من الشغل وراح مشوار
بقلمى موفاااا💚
التفاعل بقى عشان اكمل
-----------
في شقة ناجى
-----------------------
فكريةر قاعدة فى أوضة وداد حزينة على حالها
وداد  اتقلبت في السرير
فكرية انتى صحيتى يا حبيبتى
ريتاج بتعب ااااه وحطت ايديها على راسها
فكرية يا حبيبتى معلش هجبلك مسكن للصداع بسرعة
ريتاج بصوت طفولى جميل  بابا فين
فكرية زمانه جاى يا حبيبتى
ريتاج بحزن ماما هو أنا مجنونة
فكرية بسرعة اسم الله عليكى يا بنتى اتقطع لسان إللى يقول عليكى كدا
ريتاج  بقت تتهت وتتكلم بصعوبة
فكرية بخوف اهدى يا بنتى مش فاهمة بتقولى إيه
ريتاج بالدموع بابا هيودينى مستشفى المجانين
فكرية متخافيش يا حبيبتى عمر دا ما هيحصل ابدا طول ما أنا وابوكى  عايشين بس انتى جبتى الكلام دا منين
ريتاج محمود ضربنى وقال أنا مجنونة
فكرية لا يا حبيبتى انتى ست البنات متفكريش في الكلام دا تانى خالص
ريتاج عيطت وحضنت أمها
فكرية ايه رأيك ناكل سوا
ريتاج بتبصلها وساكتة
قامت فكرية حضرت الاكل وقعدت تاكل وكانت متعودة انها هى إللى بتاكل ريتاج وقعدت معاها لحد ما  نامت  ودخلتها اوضتها وقعدت جمبها
فكرية بتكلم نفسها يا ترى إيه إللى اخرك يا ناجى استرها يارب
وبعد وقت طويل وصل ناجى للبيت
فكرية اتأخرت كدا ليه يا ناجى
ناجى بتعب السلام عليكم
فكرية وعليكم السلام اتاخرت ليه النهاردة طول النهار قلقانة عليك حتى ريتاج سألت عليك
ناجى معلش كنت في مشوار مهم
فكرية خير مشوار إيه دا
ناجى مشوار كدا المهم أنا عايزك من بكرا الصبح تلمى هدومنا انا وانتى و وداد  وتلمى فرش البيت كمان
فكرية باستغراب ايه مش فاهمة يعنى إيه الم هدومنا والفرش انت ناوى على ايه احنا هنعزل ولا إيه
ناجى أيوة هنعزل
فكرية نعزل من بيتنا اللى عشنا فيه حياتنا بحلوها ومرها ليه يا ناجى
ناجى نعزل أحسن ما فى يوم وليلة الاقى البوليس ومستشفى المجانين جاين  ياخدوا مننا البنت في غمضة عين كدا
فكرية طيب هنعزل ونروح فين بس
ناجى أنا خلاص اتصرفت وكلها يومين ونعزل
فكرية وشغلك
ناجى اتنهد بحزن أنا خلاص قدمت طلب عشان اسوى معاشى وكلها يومين واخلص بقى  من كل القلق إللى احنا فيه دا
فكرية قعدت تعيط ليه بس كدا ياربى إحنا عملنا إيه في دنيتنا عشان يحصلنا كدا
ناجى بحزن صلى على النبى يا فكرية كله مقدر ومكتوب
فكرية عليه الصلاة والسلام بس هنروح فين
ناجى اى مكان هيكون أحسن من هنا
فكرية طيب والشقة
ناجى الصبح هتفق مع الحاج مرزوق انى هسبها واهو اى فلوس اخدها منه هتنفعنا بعد كدا
فكرية ومحمود هتقوله
ناجى بعصبية مش عايز اسمع اسمه طول ما أنا عايش أنا معنديش عيال غير ريتاج وبس سامعة يا فكرية واوعى تقوليله عن مكانا لحد ما أموت
فكرية بعد الشر عليك يا ناجى احنا ملناش غيرك فى الدنيا
ناجى يبقى تنسيه زى ما قسى على أخته إللى ملهاش غيره وأنا كنت مفكر انه هيبقى سندها من بعدى
فكرية الله يهديه يارب
ناجى آلله يسامحه
بقلمى موفاااا💚
------------------------------
وفعلا بعد حوالى اسبوع طلع ناجى على المعاش وخد مكافأة نهاية الخدمة وساب الشقة لصاحب البيت وخد مبلغ كويس وجمع العفش في عربية كبيرة وقعد هو وفكرية فوق العفش وبدأوا رحلتهم الجديدة
----------
فوق عربية العفش
ريتاج  بتهته أنا خايفة يا ماما
فكرية متخافيش يا حبيبتى
ريتاج ماسكة فى أمها وخايفة 
ناجى بصلها وسكت
فكرية انا  عايزة اعرف رايحين فين يا ناجى يا اخويا
ناجى هانت وتعرفى كل حاجة
فكرية هانت ايه بقالنا ساعتين ماشين على الطريق السريع
ناجى ربك كريم وبيهون كل صعب قولى يارب
فكرية يارب
وفجأة استغربوا لما شافوا ريتاج  بتبص للسما وبتقول يا رب
ناجى ابتسم وضمها قولى يارب يارب يا حبيبتى يارب
ريتاج بصوت عالى يارب يارب
ناجى نيمها على رجله لحد ما نعست
واخيرا وصلوا لمكانهم الجديد
بقلمى موفاااا💚
-----------------------------
واخيرا وقفت العربية بعد مشوار طويل
ناجى يلا يا فكرية عشان ننزل
فكرية ايه احنا وصلنا ولا ايه
ناجى ايوة وصلنا هاتى كرسى من  دول عشان ننزل احنا وريتاج
فكرية بس عرفنى وصلنا فين
ناجى هاتى بس ايديك وانزلى
ونزلوا من العربيه
وقفت فكرية و ريتاج بتبص على المكان
فكرية بقلق احنا فين يا ناجى
ناجى امسكى بنتك في ايدك وامشي ورايا احسن تقعى في الضلمة دى
ونور التليفون لحد باب بيت
فكرية هو دا البيت اللي هنسكن فيه
ناجى ايوة وفتح الباب ونور نور البيت من جوا وقدام الباب
ضحكت ريتاج  هييبه النور جه
ابتسم ناجى تعالى يا ريتاج  يا حبيبتي
افرجك على البيت من جوا هيعجبك اوى
ريتاج ابتسمت ومسكت ايد ناجى ودخلوا البيت
فكرية واقفه على باب البيت
ناجى قولى بسم الله وادخلى برجلك اليمين
دخلت فكرية بسم الله الرحمن الرحيم
اول ما دخلت فكرية اندهشت من شكل البيت
ناجى ايه رأيك يا فكرية
فكرية ماشاء الله البيت كبير وواسع اوى
ناجي والدور اللى فوق كمان اربع اوض بس ايه حلوين اوي و كمان لما يتفرشوا هتشوفى جمالهم بجد واصبرى كمان لما النهار يطلع وتشوفى جمال البلد
فكرية واقفه تتفرج على البيت
ناجي أنا هخرج انا والسواق ننزل العفش وانتى استنى هنا عشان نوضب البيت سوا
وخرج ناجي ينزل العفش من العربية ويدخله البيت وبعد كدا
ايه  دا خلص الفصل نكمل بكرا
بقلمى موفاااا💚

_______________________