ملاكى الهادى

الفصل آل 11

الفصل آل 11
وادى كمان فصل عشان اعوض التأخير
بس ياريت نتفاعل شوية عشان خاطرى😘😘
________________
قدام شقة ناجى القديمة
واقف محمود يخبط
خبط اكتر من مرة ومحدش رد
فجأة طلع الحاج مرزوق صاحب البيت
محمود بصله
الحاج مرزوق مافيش حد جوا
محمود بقلق ليه اومال بابا وماما راحوا فين
الحاج مرزوق عزلوا
محمود بصدمة إيه عزلوا يعنى ايه
الحاج مرزوق من حوالى شهرين ابوك ساب الشقة وخد العفش والست والدتك واختك ومشى
محمود مصدوم ووقف يكلم نفسه معقولة بابا يعزل وميقوليش على مكانه
مش ممكن أنا مش متخيل أنه يعمل كدا
الحاج مرزوق مالك يا ابنى هو أنت متعرفش ان ابوك عزل ولا إيه
محمود لا معرفش وسابه ومشى وهو غضبان
----------------------
في بيت ناجى
--------------------
نازلة فكرية وماسكة ريتاج فى ايديها
ريتاج سابت ايد أمها  وشمتها
فكرية بصتلها باستغراب
منى وام ابراهيم بصوا عليهم
فكرية قربوا منهم معلش اتاخرنا عليكم
أم ابراهيم قامت وقفت أول ما شافت ريتاج
أم ابراهيم بسم الله ما شاء الله زى القمر. وقربت عليها وحضنتها
نجم لسة قاعد وبيبص لابوه وناجى
منى اذيك يا ريتا فكرانى
ريتاج ابتسمت وقربت من منى وحضنتها وباستها
الحاج ثابت ما شاء ربنا يحفظها ويصونها
ناجى يارب إيه يا حجة هو إحنا هنشرب شاى بس ولا ايه
فكرية وهى بتبص لريتاج باستغراب
حاضر حاضر وسابتهم ودخلت المطبخ
ام ابراهيم قعدت ريتاج جمبها اذيك يا حبيبتي
ريتاج  الحمد لله
أم ابراهيم تستاهلى الحمد
ومن هنا رفع نجم وشه وأول ما شافها مصدقش عيونه معقولة هى دى إللى كانت معاه وفى بيتهم
منى ماما بتسلم عليكى يا ريتا وحسين كمان
ريتاج ابتسمت لمنى
ريتاج قربت ايديها وشمتها وابتسمت
نجم شاف ابتسمتها
ريتاج بصت لمنى احمم سعيد عامل ايه
ناجى بص لبنته باستغراب مين سعيد إللى بتسأل عليه
ناجى سعيد مين يا ريتا
ريتاج بصت لابوها النونو يا بابا
الحاج ثابت دا ابن ابنى ابراهيم إللى حضرت العقيقة بتاعته
ناجى ربنا يخلى يارب وبقى يبص لبنته وفرحان أنها عرفت تتجاوب مع الناس ودا محصلش من سنين عشان كانت مبتشوفش حد غيره وامها بس
خرجت فكرية بعصير
أم ابراهيم تعبناكى معانا يا حجة
فكرية تعبك راحة انتم نورتونا النهاردة
أم ابراهيم منور باصحابه
وفضلوا قاعدين يتكلموا سوا وريتاج كان كلامها قليل ومش بتبص على نجم
ناجى وأنت شغال إيه يا نجم يا ابنى
ريتاج بصت لنجم
نجم أنا ماسك الأرض أنا واخويا ابراهيم
ناجى ماشاء الله
الحاج ثابت ابنى نجم بعد ما خلص الجامعة صمم انه يشتغل مع أخوه ابراهبم في الأرض ومرضيش يشتغل مع انه كان جايله وظيفة في المركز
ناجى ربنا يباركلك فيه
الحاج ثابت يارب
بعد قاعدة حلوة بس مليانة قلق واستغراب
ناجى طيب إيه رأيك يا حاج تتغدوا عندنا بكرا واهو يبقى عيش وملح
فكرية بصت لناجى باستغراب
الحاج ثابت طيب خليها علينا إحنا المرة دى
ناجى أنا سبقتك وعندك وعندى واحد ولا إيه
الحاج ثابت واحد طبعا ربنا يديم المعروف
ناجى يارب خلاص الصبح تشرفونا وطبعا ابراهيم ينورنا
فجأة اتكلمت ريتاج وسعيد يا بابا
ناجى بصلها وابتسم وسعيد يا حبيبة بابا
فكرية بصتلها بحدة
أما نجم كان مش عارف ايه إللى بيحصل من الطفلة إللى في جسم انسة كبيرة
ريتاج باين عليها أنها مبسوطة
ريتاج مسكت ايد منى وقامت وقغت
فكرية رايحة فين يا ريتاج
ريتاج ابتسمت هديها حاجة حلوة
ناجى ابتسم بفرح وكلم منى روحى يا منى يا بنتى متخافيش
منى بابتسامة مش خايفة منها أنا بحبها أوى ويعتبرها صحبتى
ناجى ربنا يسعدك يا بنتى
ريتاج مسكت ايد منى وطلعت تجرى لاوضتها
فكرية بتوتر معلش أصل ريتاج معندهاش اصحاب من زمان
أم ابراهيم بحزن ربنا يحفظها
الحاج ثابت لو هتبقى مبسوطة اخلى منى تيجى تقعد معاها كل يوم شوية
ناجى بفرح بجد زى بعضه وزى ما أنت شايف أنها بتحبها هى كمان
الحاج ثابت دى زى الملايكة
كل دا ونجم بيسمع بس
ناجى ظهر على وشه الحزن
نجم لاحظ دا وفكر يتكلم عشان عايز يعرف أى حاجة عن حالة ريتاج
نجم احممم هو حضرتك كنت بتشتغل إيه يا عمى
ناجى كنت بشتغل في شرطة المرور
نجم باستغراب بجد
ناجى أيوة يا ابنى أنا كمان كنت برتبة صول بس لما لقيت نفسى مش قادر سويت معاشى وقلت ارتاح بقى اخر ايامى
الحاج ثابت ربنا يديك الصحة
نجم وحضرتك عندك إبن تانى صح غير الانسة
ناجى بحزن أيوة يا ابنى بس أنا زعلان منه
الحاج ثابت لا حول ولا قوة الا بالله ليه كدا يا حاج ناجى
وقبل ما ناجى يتكلم اتكلمت فكرية بسرعة
فكرية بتوتر اصله غير اسم ابنه إللى كان على اسم ناجى
أم ابراهيم ليه كدا حد يعمل كدا
فكرية معلش بقى مراته مكنش عجبها الاسم
أم ابراهيم معلش ربنا يهديه ويصلح حاله
فكرية يارب
فجأة ناجى بس أنت عرفت منين ان ابنى اسمه محمود يا نجم يا ابنى
نجم بتوتر وحس أنه استعجل في الكلام
نجم أصل الانسة هى إللى قالت امبارح لمنى وامها
ناجى ااه أنا مش عارف أقولك إيه يا ابنى عشان خدت بالك من بنتى ورجعتهالى تانى
نجم رب يخليها لك يارب
الكل يارب
فجأة نزلت ريتاج ومنى
أم ابراهيم كل دا يا منى أوعى تكونى ديقتها
ريتاج باين عليها الفرح
منى لا وآلله يا ستى شوفى ادتنى أيه
كان مع منى علبه مليانة اكسوارات
ام ابراهيم إيه دا كله
منى والله هى صممت انى اخدهم
ناجى وايه يعنى يا حجة دى حاجة بسيطة مبروك عليكى يا بنتى
ريتاج ابتسمت ريتا بتحب منى
منى وانا بحبك اوى وحضنت ريتاج
نجم مش لاقى تفسير للى بيحصل
فكرية غضبانة من تصرفات بنتها
الحاج ثابت طيب نستئذن احنا بقى
والف حمد الله على سلامة الغالية
ناجى الله يسلمك شرفتونا ونورتونا وعلى ميعادنا بكرا متتاخروش علينا
الحاج ثابت إن شاء الله السلام عليكم ورحمة الله وبركاته
وبعد سلامات من الطرفين مشى الحاج ثابت واهله...
-----------------------------------
في شقة محمود
-----------------------
محمود قاعد غضبان وبيتصل بقرايبه يسأل على ابوه وامه واخته
دخلت فريدة وابنها
فريدة إيه دا أنت جيت امتى
محمود لسة غضبان
فريدة مالك فى ايه مبتردش ليه
محمود اسكتى يا فريدة أنا عفاريت الدنيا بتتنطط في وشى الوقت
فريدة بصوت عالى وسخرية ما تتكلم عدل أنت صوتك هيعلى عليا ولا إيه
محمود بصلها وسكت
فريدة بصوت عالى وبعدين لما أسألك عن حاجة تجاوب على طول
محمود بحزن بابا
فريدة اشمعنا
محمود بلاش تريقة
فريدة خلصنى وانطق في إيه وماله سيادة الصول حصله إيه
محمود عزل
فريدة باستغراب إيه وقعدت جمبه عزل يعنى إيه
محمود زى ما بقولك ابويا خد امى واختى وعزل من الشقة ودا من شهرين مش النهاردة
فريدة ازاى عزلوا من غير ما يقولنا
محمود بسخرية دى أقل حاجة يعملها بعد إللى حصل مننا اخر مرة
فريدة وإحنا عملنا إيه مش اختك المجنونة هى السبب
محمود بصلها وسكت
فريدة على فكرة بابا عايزك تعدى عليه بكرا بعد الشغل
محمود حاضر أنا داخل انام تصبحى على خير.....
بقلمى موفاااا💚
----------------------------------------
في بيت ناجى
-----------------------
قاعد ناجى فرحان ببنته واسلوبها اللى اتغير
فكرية قاعدة عصبية
ناجى مالك النهاردة يا فكرية أنتى غريبة أوى
فكرية بصت لبنتها ورجعت بصت لجوزها
فكرية هو ايه اللى بيحصل دا
ناجى بيضحك مالك يا ولية فى إيه
فكرية بصت لبنتها إللى قاعدة مبتسمة
ناجى أنا عمرى كله فدا النظرة إللى في عيون بنتك دى
فكرية ما هو دا اللى هيجننى
ناجى باستغراب أنتى زعلانة عشان بنتك حالتها اتحسنت شوية
فكرية بصتله بحدة عايزة أعرف هى إيه إللى حصلها واتغيرت كدا ازاى وليه
ناجى سبحانه مغير الأحوال
فكرية بقلة حيلة يا ناجى افهمنى أنا خايفة عليها دى فى يوم وليلة اتغيرت بالشكل دا يعنى أنت مشوفتيش لما طلعت اشوفها قامت ولبست لوحدها حتى هدومها طلعتها لوحدها وكأنها فاهمة كل حاجة
ريتاج بصتلها بحزن 
ريتاج قامت وقفت وبصوت طفولى عذب ريتاج هتنام
ناجى بص لفكرية إللى اتكلمت من غير ما تاخد بالها من بنتها
ناجى ابتسم لريتاج وفتح درعاته وخدها في حضنه
ريتاج ابتسمت لابوها
فكرية بحزن وأنا لا خلاص بقت أنا إللى وحشة الوقت
ناجى ابتسم لريتاج ماما وحشة يا ريتة
ريتاج هزت راسها بسرعة ماما حبيبتي
بس زعلت ريتا
فكرية أنا زعلتك عشان خايفة عليكى
ريتاج حضنت أمها جامد كأنها بتوصلها رسالة اطمئنان
فكرية ابتسمت ربنا يبعد عنك كل شر يا بنتى
ريتاج هتنام
ناجى طيب اطلعى
ريتاج وهى طالعة على السلم ندهت على فكرية
ريتاج ...ماما سعيد هيجى الصبح وسابتها وطلعت بسرعة
فكرية بحدة أهو شوفت بنفسك مش عايزنى اتجنن
ناجى تتجننى ليه بس عارفه أنا حاسس أن اليوم إللى ريتاج عاشته بعيد عنا هو سبب إللى حصلها دا
فكرية يعنى ايه ؟
ناجى يعنى حاسيس انها حاولت تعتمد على نفسها
فكرية أيوة أنا كنت ناسيه وهى فكرتنى قولى بقى عزومة إيه إللى دبستنى فيها مع الناس الصبح دى
ناجى وفيها إيه الناس تعبوا معانا وأنا بحاول ارد شوية من جميلهم علينا
دا كفاية أنهم خلوا بالهم من بنتنا إللى كانت ممكن تضيع خالص اكتر ما هى ضايعة
فكرية طيب أنا هعملهم اكل إيه دول
ناجى يا فكرية أنتى استاذة مطبخ واكيد هتشرفينى قدام الناس وبعدين شايفة الحجة أم ابراهيم جايبة إيه معاها دا كفاية وآلله الحاجات دى
ماتشليش هم وسبيها على الله
فكرية ونعم بالله
ناجى على فكرة أنا بفكر أعمل أى مشروع بدل ما أنا قاعد كدا وكمان أحسن ما الفلوس تخلص مننا ونرجع منلقيش ناكل
فكرية مشروع إيه يا ناجى إللى عايز تعمله وبعدين مش أنت حاطط باقى الفلوس في البوستة واهى للزمن واحنا معاشك هيكفينا
ناجى بس بردوا لازم ادور على اى حاجة اعملها بدل قاعدة البيت زى الستات كدا
فكرية طيب عايز تعمل ايه
ناجى لسة هفكر وربنا عليه التدبير
فكرية ونعم بالله ربنا يعينك
اشوفكم بكرا...........
بقلمى موفاااا💚
-------------------------------------