ملاكى الهادى

الفصل الثامن

مين عايز يعرف حصل إيه النهاردة اللى عايز يعرف يجى معايا 😉
----------------------------
الفصل الثامن
-------------------------
----------
فى بيت ناجى
--------------------
الحاج ثابت وام ابراهيم وابراهيم لسة قاعدين مع ناجى ومراته
ابراهيم همس لأمه
ابراهيم بقولك ايه يا اما
ام ابراهيم خير يا ابراهيم
ابراهيم الوقت اتاخر واحنا برا من بدرى
وانا سايب نجم من بدرى زمانه روح
وكمان الناس لازم يرتاحوا شوية ياكلوا  لقمة
ام ابراهيم معاك حق يا ضنايا أنا هروح  اخلى مراتك تعملهم لقمة كمان الراجل لازم يتقوت
ابراهيم طيب يلا إحنا بقى
أم ابراهيم طيب وابوك
ابراهيم بقول كفاية كدا وابقى اجى أنا بالاكل
أم ابراهيم زى بعضه يلا
ام ابراهيم احممم بقولك إيه يا حجة أنا هروح اعملك لقمة على ما قسم كدا ونسيب الحاج يرتاح
فكرية بحزن كتر خيركم تعبناكم معانا النهاردة
الحاج ثابت ربنا يطمنكم إن شآء الله على بنتكم ويردها سالمة غانمة
فكرية يارب يسمع منك يا حاج ادعلنا يا حاج ادعلنا
الحاج ثابت لا حول ولا قوة الا بالله ان شاء الله ترجع بالسلامه يا حجة
ومشى الحاج ثابت ومراته وابنهم ابراهيم
بقلمى موفاااا💚
---------------------------------
في بيت الحاج ثابت
----------------------------
هدى الحمد لله اهى فاقت
منى الحمد لله
هدى عاملة ايه يا غالية
ريتاج بتعيط  وبصوت طفل ضاع من أمه عايزة ماما ودينى لماما
هدى حاضر الصبح هقلب البلد كلها لحد ما الاقى اهلك واوصلك ليهم بس اهدى كدا واجبلك تاكلى
ريتاج بحزن لا مش عايزة اكول بس عايزة عايزة
هدى عايزة إيه يا حبيبتى
ريتاج بكسوف واحراج عايزة  ريتاج عايزة ادخل الحمام
ابتسمت هدى ومنى
هدى تعالى يا حبيبتي ادخلك
ريتاج بطفولية لا عيب أنا ادخل لوحدى
ابتسمت هدى طيب تعالى ادخلى هنا الحمام وأنا هنزل احضر الاكل وناكل سوا ماشى
ريتاج ماشى
هدى تعالى يا منى حضرى معايا الاكل معرفش جدك وستك وابوكى اتاخروا كدا ليه
نزلت هدى ومنى ودخلت ريتاج الحمام
ريتاج خرجت من الحمام وقفت تبص فى الأوضة
شافت صورة لنجم بلبس الجيش
وصورة تانية مرسومة بخط الايد وجمبها امضا باسم بسملة
ريتاج لمست صورة نجم بطرف ايديها
فجأة عنيها جات على البرفان بتاع نجم
مسكت البرفان وشمته ورشت على ايدها شوية بصت في المرايا مسكت مشط نجم وسرحت شعرها وعملته ديل حصان وبعدين لفته كحكة ونزلت
نجم كان قاعد في الدور الارضي
أول ما نزلت ريتاج بص عليها بإعجاب وابتسم ابتسامة عريضة لما شم البرفان بتاعه
ريتاج بتوتر قعدت جمبه
نجم عاملة ايه الوقت كويسة
ريتاج هزت راسها
نجم كل شوية يبصلها ويبعد وشه عنها
بعد لحظات سكوت
ريتاج احمم
نجم عايزة حاجة
ريتاج هزت راسها
نجم عايزة ايه اؤمرينى
ريتاج بتوتر فين فين سعيد النونو
نجم ابتسم عايزة سعيد
ريتاج عايزة اشيله
نجم بفرح حاضر من عنيا ونده على منى بصوت عالى منى منى بت يا منى
منى خرجت من المطبخ نعم يا عمى عايز حاجة
نجم فين سعيد
منى نايم يا عمى
نجم طيب روحى سعدى أمك
منى ابتسمت حاضر ودخلت المطبخ
نجم ابتسم معلش نايم الوقت يصحى
ريتاج هزت راسها
وكل شوية يبصلها ويبتسم
ريتاج اتوترت وسابته ودخلت المطبخ بسرعة
هدى الغالية جعانة ولا اية
ريتاج هزت راسها لا
ريتاج بتوتر وخوف  هتودينى لماما صح
هدى حضنتها بحنية صح يا حبيبتي هوديكى متخافيش
بقلمى موفاااا💚
------------------------------
فجأة دخل الحاج ثابت ومراته وابراهيم
نجم أول ما شافهم قام وقف
الحاج ثابت السلآم عليكم ورحمة الله وبركاته
نجم وعليكم السلام ورحمة الله وبركاته
ابراهيم قاعد لوحدك كدا ليه اومال فين العيال وهدى
نجم بتوتر هدى في المطبخ بس أنتم كنتم فين كل دا
ابراهيم اسكت يا نجم دا كان يوم مش راضي يخلص
ام ابراهيم ربنا يصبرهم يا ضنايا
الحاج ثابت وإبراهيم يارب
نجم هو في إيه
أم ابراهيم مش وقته أنا هقوم احضر الاكل وانت معلش يا ابراهيم عارفه انك تعبان طول النهار بس الناس مكلتيش ولا لقمة
ابراهيم أنا جاهز جهزى الأكل أنتى وأنا هروح اوديه
أم ابراهيم سابتهم ودخلت المطبخ
نجم في إيه أنا مش فاهم حاجة
الحاج ثابت عارف عمك ناجى إللى اشترى البيت بتاع سعفان من شهرين
نجم إللى على أول آلارض بتاعتنا
الحاج ثابت أيوة
نجم ماله حصله إيه
الحاج ثابت بنته ضاعت
نجم قام وقف مرة واحدة وبص على المطبخ
نجم بتوتر بت صغيرة يعنى تاهت
الحاج ثابت لا يا ابنى دى عروسة كبيرة زى البدر المنور أنا شوفتها مرتين تلاتة وهى واقفة في البلكونة
نجم وقف متوتر بيتنفس بسرعة كأنه كان بيجرى
وبصوت عالى ريتاااااااا
الحاج ثابت وابراهيم اتفزعوا
خرجت فجأة أم ابراهيم وهى ماسكة ريتاج في ايديها وواقغة جمبها هدى وبنتها منى
لحظة صمت
قطع الصمت ابراهيم مين دى يا اما
الحاج ثابت متهيئلى شوفتها قبل كدا
أم ابراهيم هى يا حاج صح
الحاج ثابت معقولة مش ممكن وإحنا دايخين عليها في البلد بحالها وهى هنا
واهلها حالتهم تصعب على الكافر والراجل كان هيروح فيها
ابراهيم انتم قصدكم ان دى بنت عم  ناجى
فجأة اتكلمت بطريقة طفولية ريتاج بابا
ابراهيم والحاج ثابت وأم ابراهيم اتصدموا من الطفلة إللى قدامهم في جسد ذات الثلاثين من عمرها
الحاج ثابت ناجى ابوكى
ريتاج ابتسمت وهزت راسها ورجعت بصت لنجم بحزن عايزة بايا وماما
نجم حاضر أنا وعدتك أنى هوديكى ليهم بعد اذنك يا ابا هوديها
الحاج ثابت قبل ما توديها فهمنى هى إيه إللى جبها هنا
نجم بحزن معلش ام حسين تحكلوكوا وأنا اوديها مش بتقولوا اهلها حالتهم صعبة
أم ابراهيم أيوة يا ابنى دى تصعب على الكافر
نجم طيب بعد اذنكم اوديها
نجم بص لريتاج يلا عشان تروحى
عند بابا وماما
ريتاج بفرحة ريتا هتروح عند بابا وماما
نجم أيوة يلا
وكانوا خارجين  لكن وقفت ريتا وبصت على سعيد إللى شالته هدى لما عيط
ريتاج قربت من سعيد باى باى يا سعيد وباسته
الكل في حالة صدمة ماعدا طبعا نجم
الحاج ثابت يلا يا ابنى روحها بس خلى بالك الدنيا ضلمت
نجم حاضر يا ابا
وخرج هو وريتاج
ام ابراهيم تعالى احكلنا هى جات هنا ازاى يا هدى
هدى دى حكاية ولا في الأفلام يا مرات عمى وقعدت تحكى
بقلمى موفاااا💚
----------------------
-----------
ماشى نجم وريتاج فى الأرض الزراعية
بخطوات بطيئة عشان الجو ضلمة وعشان ماشين  على طريق  صغير عشان مشي يدوسوا على الزرع
وماشين ساكتين
فجأة ريتاج اتكلمت بتوتر أنا خايفة
نجم متخافيش قربنا نوصل
ريتاج احممم أنت زعلان من ريتاج
نجم وقف وقرب  منها وبنظرة حزن مش ممكن حد يعرفك ويعيش معاكى يزعل منك ابدا
ابتسمت ريتاج بحزن
وكملوا مشى
واخيرا وصلوا قدام البيت
نجم بحزن دا بيتكم
ريتاج ابتسمت بفرح هزت راسها
نجم ابتسم أنا وصلتك اهو تعالى ادخلك
ريتاج سبقته على الباب وهى فرحانه
نجم وقف جمبها وقبل ما يخبط وقف يبصلها وهى فرحانه
نجم خلى بالك من نفسك
ريتاج هزت راسها
نجم كان هيخبط
ريتاج مسكت ايده
نجم بصلها باستغراب
ريتاج شكرا يا نجم
وقف مصدوم دى اكيد فاهمة كل حاجة
خبطت هى بسرعة
خبطت اكتر من مرة لحد ما مرة واحدة فتحت فكرية الباب
أول ما الباب اتفتح وفكرية شافت ريتاج صرخت باسمها بصوت عالى
ريتاااااااااج بنتى حبيبتى أخيرا جيتى كنت هموت أنا وابوكى عليكى كنتى فين ومع مين ومين دا روحتى فين
وفضلت في حضنها جامد
بعد لحظات اشتياق
فكرية انت مين وبنتى معاك بتعمل إيه واخدتها ازاى انطق احسن هوديك في ستين داهية
ابتسم نجم وبص لريتاج ... ريتاج
فكرية كلمنى أنا رد عليا
نجم طيب الوقت طمنى عمى ناجى عليها والصبح أنا هاجى احكيلك كل حاجة
فكرية بصتله باستغراب
فكرية تعالى يا حبيبتي بابا هيفرح لما يشوفك طلعوا الدور الثاني وسابوا نجم واقف لوحده ونجم وريتاج بيبصوا لبعض لحد ما دخلت أوضة ناجى
متهيألى كدا انتم اطمنتوا على ريتاج فرحونى انتم بقى وقولولى رائيكم ايه اشوفكم بكرا
  والتفاعل بقى يا حلوين
بقلمى موفاااا💚
   ----------------------------------