ملاكى الهادى

الفصل آل 20

--------------------
حبايبى متابعين ملاكى الهادى
عيزاكم متزعلوش منى على
التأخير في النشر بس أنا بكتب
لسة في الاحداث
تعالوا نشوف حصل إيه مع ابطالنا
ونشوف بقى شوية تفاعل
بحق   1616  كلمة
بقلمى موفاااا💚
___________________
الفصل آل 20
----------------
في بيت ناجى
----------------------
نزلت ريتاج مبتسمة وفرحانة
ناجى حبيبتي أخيرا صحيتى أنا مش عايز اكول غير لما تصحى عشان ناكل سوا
ريتاج بتحاول تتكلم احممم ماما
فكرية أيوة يا ضنايا
ريتاج احمم أ.أ.أنا
فكرية بصت لريتاج بقلق ورجعت بصت لناجى
فكرية مالك يا ريتاج فى إيه
ريتاج بتوتر وحروف متقطعة ااا أنا خخخ خفيت يا ماما
فكرية قامت بسرعة وحضنت ريتاج جامد وعيطت وبقت تطبطب على ضهرها
فكرية بالدموع أيوة يا حبيبتي ألف حمد لله على سلامتك يا نور عينى
ريتاج بتعيط أنا بحبك أوى يا ماما
فكرية وأنا بحبك اكتر من نفسى يا بنتى
ريتاج أنا تعبتك أوى معايا أنتى وبابا كل السنين إللى فاتت دى
فكرية يا بنتى مين قالك كدا
ريتاج بصت لابوها انتم تعبتوا معايا اوى وكنتم ليا الامان  والسند في دنيتى إللى كنت محبوسة فيها لوحدى ربنا يخليكم ليا وميحرمنيش منكم أبدا
ناجى قام  وحضنهم هما الإتنين
ناجى بعيون كلها دموع الفرح ما كفاية عياط بقى وخلينا ننسى إللى فات
يلا يا فكرية حضرنا الأكل عشان ناكل سوا
فكرية حاضر من عنيا
ريتاج قبل ما تدخل المطبخ ريتاج حضنتها جامد
فكرية حضنتها هى كمان ربنا يحرسك يا بنتى ويبعد عنك كل شر
وسابتهم ودخلت المطبخ
ريتاج مسحت دموعها وقعدت جمب ابوها
ناجى بيبصلها باهتمام
ريتاج بصتله في إيه يا بابا عايز تقول حاجة
ناجى ابتسم لا يا حبيبتي أنا فرحان أوى بيكى إن ربنا شفاكى وبقيتى كويسة الحمد لله
ريتاج حضنت ابوها جامد ربنا يخليك ليا يا بابا
ناجى ويخليكى لينا يارب يا بنتى
ريتاج اتنهدت بصوت عالى
ناجى ابتسم وقالها  المرة دى أنتى إللى عايزة تقولى حاجة صح
ريتاج هزت راسها بتوتر
ناجى مسك ايديها من غير خوف اتكلمى قولى كل إللى جواكى
ريتاج أنا قلقانة أوى يا بابا
ناجى بنظرة اهتمام قلقانة ليه يا حبيبتي
ريتاج الناس هتقول عليا إيه
ناجى باستغراب ناس مين دول
ريتاج بصتله ورجعت بصت فى الأرض
ناجى اااه أنا كدا عرفت ناس مين
ريتاج بصتله وهى مكسوفة ومتوترة ورجعت بصت بسرعة على المطبخ
ناجى طيب وانتى يهمك الناس دول
ريتاج اتنهدت بصوت حزين مش عارفه يا بابا بس كل إللى أنا حاساه انى عايزة وقبل ما تكمل خرجت فكرية من المطبخ يلا الأكل  وتعالوا كلوا بسرعة عشان هعملكم حاجة حلوة النهاردة
ناجى ابتسم لريتاج وطبطب على ايديها قومى ناكل الوقت ونكمل بعدين
ريتاج هزت راسها وقعدوا ياكلوا هما التلاتة...
بقلمى موفاااا💚
________________________
في أوضة نجم
--------------------
قاعد على السرير يبص للسلاسل المشبكة لبعض ويكلم نفسه
يا ترى كان قصدها إيه لما ادتنى السلسة دى كانت عايزة تقولى إيه
يمكن قصدها  أنها عايزة سلسلتها إللى معايا
نجم لأ وهى هتعرف منين أن سلسلتها معايا دى وقعت منها
بس هى اكيد كان قصدها تقولى حاجة عن طريق السلسلة صح هى قصدها حاجة
فجأة الباب خبط
نجم انفزع ونط من على السرير ويصوت عالى ميييين
صوت من برا أنا يا عمى
نجم استنى يا منى وقام يفتح الباب
نجم عايزة إيه يا منى
منى أنت كنت نايم يا عمى
نجم لأ مكنتش نايم عايزة إيه الوقت
منى بصت على السلم ودخلت وقفلت الباب وراها
نجم باستغراب في إيه يا منى
منى متوترة
نجم مالك شكلك عاملة عاملة
منى بسرعة لا عاملة ايه أنا معملتيش حاجة
نجم طيب مالك فى ايه اتكلمى على طول
منى بصراحة أنا عايزة اشوف ريتاج
نجم بصدمة إيه عايزة إيه
منى اسمعنى يا عمى إحنا من يوم ما كانوا هنا وحصل إللى حصل واحنا مسألناش عليها يعنى مش كان من الواجب نسأل عليها ونشوف حصلها إيه يمكن تعبت تانى بعد ما كانت هنا
نجم بصلها باستغراب طيب وانتى بتقوليلى أنا الكلام دا ليه 
منى مش هى إللى لحقت البقرة إللى كانت بتفرفر وهتموت وتعبت بسببها يبقى الواجب نسأل عليها
نجم بمكر بردوا مقولتيش بتقوليلى أنا ليه ما تقولى لامك ولا ستك
منى بتوتر أصل يا عمى اقولك سر
نجم قولى يا فتانة
منى مش بفتن دا سر بجد
نجم قعد على طرف السرير قولى
منى أصل ستى مش طايقة ريتاج ولا اهلها
نجم بصدمة ايه ازاى دا ومين قالك
منى حكت كل إللى حصل من ستها واللى قالته عليهم يوم العزومة
نجم معقولة امى تقول كدا
منى أيوة يا عمى أنت لو شوفت منظرها وهى بتتكلم كنت تقول دى بتكرهم
نجم باستغراب طيب وهى هتكرهم ليه بس
منى مااعرفش المهم الوقت أنا عايزة اشوف ريتاج ومش عارفه أعمل ايه
نجم طيب وأنا إللى هعرف روحى قولى لامك وهى توديكى
منى يا عمى شوف أنا بقول أيه وانت بتقول إيه
نجم عايزة إيه يا زفته خلصينى عايز انام شوية
منى عايزاك تقول لجدى نروح نزورهم ونطمن على ريتاج وأنا اجى معاكم
نجم بملل مصطنع  ماليش دعوة بالموضوع دا عندك جدك روحى قوليلوا ويلا انزلى واقفلى الباب وراكى
منى بمكر يعنى انت مش عايز تطمن عليها مش يمكن حصلها حاجة
نجم بصلها بقلق
منى شايف أنت كمان قلقان عليها زى أهو يبقى لازم نروح نطمن عليها وسابته ونزلت
نجم قاعد حيران البت دى تقصد ايه من كلامها وبتلمح لايه لا كدا غلط ولازم واقفة وأنا إللى لازم أعمل الواقفة دى بس لما اصحى عشان افكر كويس هعمل ايه ورمى نفسه على السرير ونام
بقلمى موفاااا💚
_____________________