ملاكى الهادى

الفصل آل 36

حبايبى الحلوين معلش امبارح معرفتيش انشر الفصل
بس عودتكم النهاردة بفصل اسبشيل😁😁😁
ياريت اعرف رائيكم بصراحة
الفصل آل 36
_____________________

لسة ريتاج واقفة على الباب
ريتاج بعد ما عيطت كتير مسحت دموعها وخبطت
نجم كان قاعد في الصالة قام فتح
ريتاج دخلت بسرعة وكانت هتدخل على اوضتها
نجم بسخرية لسة فاكرة تطلعى ااه أنا نسيت انك كنتى قاعدة عشان تتعشى
ريتاج بصتله من فوق لتحت وكانت داخلة اوضتها
نجم أنا نازل الأرض من بكرا أنا بصحى الفجر عايز الفطار يكون جاهز وهدومى جاهزة
ريتاج بصتله تانى ودخلت بسرعة على اوضتها وفضلت تعيط لحد ما نامت
فضل نجم يفكر بعصبية لحد ما نام هو كمان في أوضة الانتريه
تانى يوم صحيت ريتاج بعد الفجر  اتوضت وصلت وحضرت الفطار وخرجت هدوم نجم في الصالة وخبطت على الباب لحد ما رد عليها أيوة أيوة وكان نجم بيقرب من الباب جريت ريتاج بسرعة دخلت الأوضة
نجم بص على الفطار وهدومه
نجم غير هدومه وصلى الفجر ونزل
بقلمى موفاااا💚
_______________________
في الدور الارضي
__________________
نزل نجم لقى امه وابوه وهدى
نجم صباح الخير
الكل باستغراب صباح النور
الحاج ثابت إيه يا عريس رايح فين على الصبح كدا
نجم رايح الارض يا ابا مالهاش لازمة القاعدة في البيت السلام عليكم وخرج بسرعة
أم ابراهيم إيه الحكاية دى  هو ماله نجم
هدى شكلهم لسة متخانقين يا مرات عمى
ام ابراهيم لا أنا لازم أعرف في إيه أنا هطلع للبت دى
الحاج ثابت اوعى يا حجة تمسيها بكلمة ولا تطلعى حتى
أم ابراهيم يعنى عجبك حال ابنك وإحنا منعرفش حاجة عنه ولا  إيه إللى حصل بينهم
الحاج ثابت مالناش دعوة بيهم وانتى يا هدى أبقى خلى منى تطلع تشوف ريتاج يمكن تكون عايزة حاجة
هدى حاضر يا عمى لما منى تصحى اصلها كانت سهرانة بتذاكر الامتحانات خلاص بعد اسبوع
الحاج ثابت ربنا ينجحهالك يا بنتى
هدى يارب وقامت تشوف شغل البيت
_____________________

في الأرض
-------------------
إبراهيم باستغراب إيه إللى نزلك يا عريس انت لسة في اجازة وضحك
نجم ابتسم بسخرية
إبراهيم قرب منه مالك يا نجم يا اخويا
نجم مافيش حاجه
فجأة من بين الشجر  كان في حد بيبص عليهم من غير ما هما يشوفوا
إبراهيم لا في وكلنا واخدين بالنا وبعدين انت ومراتك متعشتوش معانا امبارح ليه
نجم باستغراب ليه هى ريتاج متعشتش معاكوا امبارح
إبراهيم لا
نجم اومال اتاخرت ليه تحت
إبراهيم أنا عارف مش من حقى ادخل في حياتك بس مراتك طلعت وراك على طول وكانت واقفة على باب شقتكم تعيط جامد اوى
نجم بصدمة إيه
إبراهيم أيوة شوفتها أنا ومنى واحنا نازلين وأنا نزلت ومنى وقفت تشوف مالها و مراتك نبهت عليها متقوليش لحد انها كانت مموتا نفسها من العياط
نجم نفخ في الهوا
إبراهيم مالك يا اخويا في إيه بيك
نجم أنا مش عارف اتخنقنا من غير سبب
إبراهيم ابتسم معلش واحدة واحدة أنتم بقالكم كام يوم لسة ما خدتوش على بعض بس عايز اقولك على حاجة بلاش تقسى عليها عشان القسوة ىبتجيب الكره يا اخويا
نجم اتنهد تانى
إبراهيم عايز رائى اقعد شوية وقوم روح لمراتك صالحها واتغدوا سوا
نجم أنت شايف كدا
إبراهيم أيوة ربنا يبعد الشيطان عنكم
نجم يارب
التفاعل يا جماعة بقى💚
ــــــــــــــــــــــــــــــــــــــــــــــــــــ
في شقة نجم و ريتاج
-------------------
ريتاج كانت قاعده زهقانه  قعدت  تغير نظام الشقه على ذوقها
فجأة سمعت صوت خبط
ريتاج اتفزعت وافتكرت نجم رجع من الأرض
فتحت الباب بالراحة وكانت منى
منى بحزن اذيك يا ريتاج
ريتاج ابتسمت الحمد لله اذيك أنتى
منى كويسة أنتى مش فاضية ولا إيه
ريتاج لا فاضية بس كنت بروق الشقة
منى احمم أصل كنت عايزاكى
بصت للكتب اللى مع منى
ريتاج ابتسمت عايزة اذكرك
منى هزت راسها
ريتاج طيب مالك مكسوفة كدا ليه أنا متعودتش عليكى كدا وضحكت ههههه
منى مستغربة حال ريتاج
ريتاج مالك في إيه
منى انتى متخانقة مع عمى
ريتاج بصدمة إيه
منى أنا عايزة اطمن عليكي عشان أنا بحبك
ريتاج ابتسمت بحزن وأنا كمان بحبك متخافيش أنا كويسة مش متخانقة خالص
منى اومال كنتى بتعيطى ليه
ريتاج ابتسمت بحزن أنتى لسة صغيرة وبكرا لما تكبرى تعرفى ان ياما بيحصل بين الست وجوزها
والوقت قوليلى هنذاكر إيه
منى انجليزى
ريتاج ماشى تشربى إيه بقى القاعدة هنا بالمشاريب
منى ضحكت عندك إيه
ريتاج فتحت التلاجة عندى مانجة
منى ضحكت هههههه عارفه المانجة بتاعتنا احلا مانجة ممكن تدوقيها في حياتك
ريتاج سرحت شوية ااه ما أنا عارفة
يلا خلينا نذاكر عقبال ما اجبلك العصير
وقعدوا يذاكروا
بعد شوية خبطت هدى
فتحت منى و كانت هدى
ريتاج ابتسمت لهدى
هدى ست العرايس عاملة ايه
ريتاج الحمد لله
هدى أكيد الزفتة دى طلعت عينك في المذاكرة اصل مخها تخين أوى
ريتاج لا دى ريتاج شاطرة وبتفهم بسرعة وان شاء الله هتنجح وتدخل ثانوية عامة
منى واطلع دكتورة زيك يا ريتاج
ريتاج ابتسمت بحزن
هدى  احممم مرات عمى بتقولك انزلى اتغدى معانا
ريتاج معلش هستنى نجم لما يرجع
منى بس عمى وبابا بيتغدوا في الأرض
هدى أيوة ولسة بدرى على رجعوهم
ريتاج معلش أنا هستنى نجم عشان مش ياكل لوحده
هدى ربنا يهدى سيرك يا غالية بقولك ايه لو زهقتى ابقى انزلى اقعدى معانا تحت شوية
ريتاج حاضر
هدى يحضرك الخير وانتى يا زفتة قومى كولى
منى طيب وبصت لريتاج أمى بتحترمنى اوى
هدى أمشى قدامى وخرجت هى ومنى
وقفت ريتاج تضحك
________________
في بيت ناجى
------------------
فكرية البت وحشتيني اوي يا ناجى عايزة اروح اشوفها
ناجى ما إحنا كنا لسة هناك
فكرية كنا هناك امتى إحنا مرحناش غير يوم الصباحية
ناجى ما بلاش احسن الناس تدايق مننا
فكرية وأيه إللى يدايقهم في كدا
بنتى ورايحة اطمن عليها
ناجى طيب خليها يومين ونروح سوا
فجأة الباب خبط بصوت عالى
ناجى يا ترى مين جايلنا الوقت
فكرية مااعرفش أهو هشوف
فتح ناجى وكانت الصدمة إللى كان عمره ما يتوقعها
ناجى الصدمة لجمت لسانه وجسمه
فكرية مين يا ناجى اللى جه
ناجى بصلها وهو مذهول
فكرية بسم الله الرحمن الرحيم مالك يا راجل في إيه وقامت بسرعة قربت منه
فكرية بصت للى واقف على الباب بصدمة متقلش عن صدمة ناجى
إللى واقف على الباب كان محمود ابنهم
فكرية بصدمة م م محمود
محمود بسرعة حضن امه ماما.وحشتيني أوى يا ماما.فضل يبوس ايديها وراسها
فكرية بالدموع محمود يا حبيبي يا ابنى أنت كمان وحشتنى
محمود مسح دموعها ليه يا ماما مشيتوا من غير ما تقولولى هو أنا مش ابنكم ولا اية
فكرية لسة بتعيط
بقلمى موفاااا💚
_____________