ملاكى الهادى

الفصل آل 44

عشان تعرفوا أنتم غالين عندى قد إيه كمان فصل أهو بس ياريت التفاعل يعنى الناس إللى بتشوف وتمشى دى بزعل منها اوى احب اعرف منكم أن تعبى مرحش على الفاضى
بقلمى موفاااا💚
_____________
الفصل آل 44
--------------

في بيت ناجى
ريتاج وحشتونى اوى كدا كل المدة دى متجوش تزرونى
ناجى معلش يا بنتى إحنا قلنا ما نتقلش على الناس
ريتاج تتقلوا إيه دول بيحبوكم اوى
وبيسلموا عليكم كتير
فكرية وأنتى عاملة ايه وهما عاملين معاكى إيه
ريتاج ابتسمت كلنا كويسين الحمد لله
فكرية يعنى مبسوطة
ناجى أنتى مش شيفاها شكلها عامل ازاى
ريتاج ابتسمت ليك حق يا بابا أنا الايام دى حاسة انى تخنت اوى
ناجى ضحك هههههههه الصراحة ااه أنتى تخنتى
ريتاج ضحكت أصل اكلهم دسم اوى وأنا قاعدة مش بعمل حاجه اكل وانام هههههه
فكرية ربنا يهدى سيرك يا حبيبتي
ناجى يارب
ريتاج اتنهدت بصوت عالى
ناجى مالك يا ريتاج
ريتاج  احمم عايزة اتكلم معاكم في موضوع مهم اوى
فكرية خير يا بنتى
ريتاج بتتنفس بصوت عالى وحكت كل حاجة ماعدا  سيرة فريدة مرات محمود
فكرية بتعيط بهستريا
حتى ناجى حاضن ريتاج وبيعيط
ريتاج بتمسح دموعها خلاص بقى أنا صممت احكيلكم عشان تفرحوا مش عشان تعيطوا
ناجى أنا مش مصدق نفسى
ريتاج دا يمكن بسبب دعائكم وصلاتكم
فكرية وحد من أهل جوزك يعرف
ريتاج لا نجم بس
ناجى ألف حمد وشكر ليك يارب
أنا هقوم أصلى ركعتين لله
وسابهم وقام
فكرية على كدا أنتى مدخلتيش يوم فرحك
ريتاج بكسوف لأ
فكرية اومال بقالك قد إيه
ريتاج حوالى شهر
فكرية يارب يهدى سيرك يا بنتى ويرزقك بالذرية الصالحة
ريتاج يارب يا ماما يارب
وخلصت زيارة ريتاج لأهلها وصمم ناجى أنه يوصلها وسلم على أهل نجم ومشى
ريتاج قاعدة مع أم ابراهيم مبسوطة
أم ابراهيم كأنك أنتى مش إللى خرجتى من كام ساعة
ريتاج كانوا وحشينى اوى متشكرة أوى يا طنط
أم ابراهيم ربنا يخلهملك
ريتاج يارب اومال فين هدى
أم ابراهيم البت اتأخرت في المدرسة راحت تشوفها
ريتاج بصتلها بعدم فهم
أم ابراهيم أصل النتيجة ظهرت
ريتاج ااه نتيجة الاعدادية طلعت
ربنا معاها
أم ابراهيم يارب ياترى البت سارة وعلى عملوا ايه
ريتاج فجأة جه في بالها منظر على ومنى  وعلى واللى حصل بينهم
ريتاج احممم طيب في حاجة اعملها
أم ابراهيم لأ هدى عملت كل حاجة قبل ما تمشى
ريتاج طيب أنا هطلع اغير هدومى وانزل
أم ابراهيم لو عايزة تريحى شوية متنزليش
ريتاج لا هنزل اقعد معاكى
أم ابراهيم طيب انزلى براحتك
طلعت ريتاج وقفت تفتكر منظر يوم الفرح فجأة دخلت تجرى على الحمام ترجع ورجعت كتير ومن التعب مقدرتش تنزل قعدت نايمة قدام التليفزيون وبعد شوية وقت سمعت هدى بتزغرط لولولولولولولى
ريتاج قامت مرة واحدة زغاريط يبقى منى نجحت وكانت هتنزل لكن فجأة غيرت رائيها
_________________
في الدور الارضي
----------
أم ابراهيم مبروك يا بت يا منى
منى آلله يبارك فيكى يا ستى
هدى أنا مصدقتش نفسى لما عرفت أنها نجحت مليت المدرسة زغاريط
أم ابراهيم مشفتيش ولاد عمتك
سعاد نجحوا الحمد لله بس منى جابت مجموع حلو أوى
أم ابراهيم طبعا مش ريتاج كانت بتذاكرها لنص الليل
هدى أيوة صحيح هى فين لسة مجتش
أم ابراهيم لا جات لسة طالعة
هدى اطلعى يا بت يا منى فرحيها
منى بتوتر يمكن نايمة ولا حاجة
أم ابراهيم لا لسة طالعة كانت هتغير هدومها وتنزل اطلعى يلا
منى طالعة بقلق واقفة خايفة خبطت بالراحة على الباب
فتحت ريتاج ومنى بتبص في الأرض
ريتاج بحدة نعم عايزة إيه وسابتها ودخلت
منى دخلت وقفلت الباب وراها
منى قربت من ريتاج أنا نجحت
ريتاج بفرحة مكتومة جواها كويس
منى عيطت أنا أسفة يا ريتاج ارجوكى سامحينى على إللى شوفتيه بينى وبين على
ريتاج بعصبية اخرسى أوعى الكلام دا يطلع منك أبدا مرة تانية
منى لسة بتعيط
ريتاج صعبت عليها منى قعدت وقعدتها جمبها عايزنى اسامحك
منى بسرعة أيوة
ريتاج تحكيلى كل حاجة حصلت بينكم
منى بتوتر بعدت عنها
ريتاج بخوف بصيلى هنا وقولى حصل إيه بينك وبينه قبل كدا
منى بخوف هحكيلك
منى قعدت تحكيى الموقف إللى حصل قبل كدا
ريتاج ضربت على وشها بصدمة
وقعدت مكانها من الصدمة
منى بتعيط بهستريا أنا أسفة هو إللى
ريتاج بعصبية هو إيه وزفت إيه
انا مش مصدقة إللى بتقوليه دا
منى لسة بتعيط بهستريا
انا أسفة يا ريتاج مش هعمل كدا تانى
ريتاج مسكتها من ايديها أنتى كنتى عايزة تعملى كدا تانى أنتى عارفه إللى كنتى هتعمليه إيه حرام وغلط كبير أوى
منى هو قالى
ريتاج بعصبية هو هو دا لسة حسابه معايا
منى بتوسل ورجاء والنبى يا ريتاج مش تعمليله حاجة
ريتاج بصدمة إيه أنتى خايفة عليه
منى عيطت أ اأنا بحبه بحبه أوى وقعدت وضمت وشها بايديها
ريتاج بتتنفس بصعوبة لكن فجأة ابتسمت  وقعدت خدت منى فى حضنها
منى ضمت ريتاج جامد
ريتاج اهدى طيب
منى بشهقات العياط أنا أسفة مش هعمل كدا تانى
ريتاج بهدوء يا منى أنتى لسة صغيرة وكان ممكن يحصل ورجعت اتنهدت بصوت عالى
ريتاج اسمعينى يا منى إللى حصل دا غلط عارفة يعنى إيه غلط
وحرام اوى اوى أنتى عارفة كدا ولا لأ
منى هزت راسها
ريتاج يبقى توعدينى ان دا ميحصلش  تانى
منى هزت راسها
ريتاج لأ عايزة أسمع منك الوعد
منى بحزن اوعدك
ريتاج ولا حتى تخليه يلمس ايدك والأهم أن متتجمعيش معاه لوحدك
منى بس
ريتاج بصتلها بتركيز بس إيه يا منى
منى بس لو هو حب يشوفنى أو
ريتاج بصتلها بحدة 
منى خلاص حاضر
فجأة الباب اتفتح وطبعا كان نجم
منى اتفزعت
نجم بصلهم وضحك هههههه طبعا طالعة تفرحيها بنجاحك
ريتاج ابتسمت طبعا نتيجة مذاكرتى وتعبى
نجم طبعا وقعد جمب منى مبروك
منى بهدوء وتوتر الله يبارك فيك
انا هنزل
ريتاج طيب وزى ما اتفقنا ووعدتينى
منى بحزن حاضر و سباتهم ونزلت
نجم البت دى مالها  زعلانة كدا ليه
ووعد إيه واتفااق إيه إللى بتقولك حاضر عليه
ريتاج ابتسمت مافيش داا أنا بقولها تشد حيلها عشان تدخل ثانوية عامة وتدخل كلية الطب
نجم ماشى وقرب منها عارفة أنك وحشتيني اوي
ريتاج ابتسمت وأنت كمان يلا عشان تدخل تاخد دش وتتغدا
نجم الأكل هنا ولا تحت
ريتاج تحت هنزل بسرعة
نجم طيب خلى المفتاح في باب الشقة وادخلى على طول
ريتاج حاضر وقبل ما تخرج أنا روحت عند ماما النهاردة
نجم قرب منها بسرعة إيه روحتى لوحدك
ريتاج ااه كنت مدايقة  واستذنت طنط وروحت وبابا رجعنى
نجم روحتى ليه طبعا روحتى عشان تقوليلهم صح
ريتاج هزت راسها ااه
نجم قولتى كل حاجة
ريتاج هزت راسها لأ أنا مقولتيش النص التانى من الحكاية
نجم مقولتيش على فريدة صح
ريتاج مقدرتش اقولهم إن مرات ابنهم الوحيد هى السبب في إللى حصلى
نجم اتنهد بصوت عالى معلش ربنا كبير يلا انزلى هاتى الاكل وسبيها على ربنا
ريتاج ونعم بالله
___________
بتعدى الأيام بهدوء وحب على الجميع لحد ما في يوم حصلت حاجة غير متوقعة
ريتاج كانت قاعدة مع أم ابراهيم وهدى ومنى  زى ما اتعودت
فجأة سمعوا خبط على الباب
فتحت منى اتفأجات بناجى
منى دا جدى ناجى
ريتاج قامت وقفت مرة واحدة بابا
أم ابراهيم خلى جدك يدخل يا بت
ريتاج قربت بسرعة من الباب بابا
ناجى بتوتر حبيبتى
ريتاج بابا في إيه وماما فين مجتش معاك ليه
ناجى امك كويسة متقلقيش
ريتاج اومال في إيه
أم ابراهيم عيب كدا يا ريتاج قولى لابوكى يتفضل
ريتاج بصت لابوها
ناجى لأ مؤاخذة يا حجة أنا جيت كدا على غفلة
أم ابراهيم البيت بيتك يا حاج تيجى فى اى وقت
ريتاج قربت من ناجى هو في إيه يا بابا
ناجى بقلق محمود اخوكى ومراته عندنا
ريتاج فتحت عيونها مرة واحدة إيه محمود وفريدة
ناجى أيوة
أم ابراهيم حمد لله على سلامتهم بركة
انكم اتصالحتوا
ريتاج بصت لأم ابراهيم
أم ابراهيم إيه يا ريتاج اطلعى البسى وروحى سلمى على اخوكى ومراته
ريتاج بتوتر معلش يا طنط هروح لما نجم يجى عشان يروح معايا
أم ابراهيم بس ميصحش يا بنتى روحى مع ابوكى
ريتاج لا يا طنط عشان نجم ميزعقش زى المرة اللي فاتت لما روحت من غير أذنه
ناجى أيوة معاها حق أنا بس عرفتها وهى تيجى براحتها وكدا كدا هما لسة قاعدين كام يوم
ريتاج بصت لابوها بقلق
ناجى ابقى تعالى يا ريتاج أنتى وجوزك سلمى على اخوكى وكأنه بعيونه بيقولها متجيش
ريتاج فهمت نظرة ابوها اتنهدت بصوت عالى حاضر يا بابا حاضر
مشى ناجى وكله أمل أن ريتاج تكون فهمت أنه مش عايزها تروح لحد ما محمود ومراته يمشوا
ريتاج قاعدة قلقانة وفجأة حست بدوخة
ريتاج ااه
هدى مالك يا ريتاج
ريتاج مافيش حاجه بس دوخت مرة واحدة
أم ابراهيم في إيه يا بنتى انتى وشك أصغر كدا ليه
ريتاج معلش هطلع ارتاح شوية
أم ابراهيم اطلعى يا بنتى
ريتاج طلعت بسرعة
منى مش ملاحظين حاجه
هدى حاجة إيه
منى ريتاج شكلها مش مبسوطة ان اخوها ومراته صالحوا ابوها
أم ابراهيم باين كدا
هدى ربنا يهدى حالهم
______________________
في شقة نجم
ريتاج فضلت رايحة جايا وفى الاخر جريت على الحمام ترجع
رجع نجم في ميعاده
طلع على شقته
لقى ريتاج نايمة على السرير وشها أصغر وعرقان
نجم بقلق مالك يا ريتاج أنتى نايمة كدا
ريتاج بارهاق مافيش معدتى مقلوبة شوية
نجم بس  امى قالت إن ابوكى جه وقال إن اخوكى ومراته هناك عنده وكمان يمكن يقعدوا كام يوم
ريتاج فجأة حضتت نجم وعيطت أنا خايفة أوى يا نجم
نجم ضمها فى حضنها متخافيش يا حبيبتي اهدى كدا وإن شاء الله ربنا هيحلها
ريتاج بتعب يارب
نجم يلا قومى بقى عشان ناكل
ريتاج قامت بتعب جابت الأكل من تحت و عدا اليوم على ريتاج بخوف وقلق
__________________
تانى يوم
____________
صحى نجم في ميعاده ساعة الفجر
نجم دخل الحمام اتوضا وصلى الفجر
نجم واقف يكلم نفسه إيه يا ريتاج كل الدوشة دى ومصحتيش وقرب يصيحها
لاحظ وشها عرقان مسح وشها
وقعد يبصلها وحاول يصحيها
ريتاج بصوت النوم اممم
نجم  قومى يا ريتاج عايزة افطر 
ريتاج امممم أنا تعبانة اوى سبنى انام شوية
نجم قومى يا ريتاج بقى
ريتاج يوووه سبنى انام شوية تعبانة
نجم استغرب أسلوبها آلله أنتى عاملة كدا ليه
وفى الاخر لبس وراح الشغل
______________