ملاكى الهادى

الفصل آل 38

بقلمى موفاااا💚
__________________
تانى يوم فى شقه نجم
---------------------------
صحى نجم على اذان الفجر زى ما متعود يصحى
نجم اتوضا وصلى الفجر وكان عايز يدخل عشان يغير هدومه بس كان متردد  وبعد تردد شوية فتح الباب بالراحه ودخل  كانت ريتاج نايمة
نجم وقف يبص عليها وهى نايمة وغير هدومه بالراحه وخرج من الاوضة لا من الشقة كلها ونزل الدور الارضي
كان قاعد  ابوه وامه وابراهيم وهدى كلهم بيفطروا
نجم صباح الخير عليكم
الكل صباح النور
قرب نجم قعد جمب ابوه
هدى مدت ايديها بالشاى لنجم
نجم اخد الشاى تسلم ايدك يا ام حسين
هدى بالهنا والشفا
ام ابراهيم هى السنيوره مفطرتكش قبل ما تنزل ليه
نجم ساب كوباية الشاى وبص لامه عشان لسه نايمة
ام ابراهيم بسخرية طبعا ليها حق ما انت سايبلها السايب في السايب
الحاج ثابت ملوش لازمه الكلام دا على الصبح يا حجة
نجم بصى يا اما أنا نفسي اعرف حاجة واحدة بس
ام ابراهيم بصتله
نجم نفسي اعرف انتى قلبتى على ريتاج ليه ولا صعبان عليكى اننا كويسين سوا
ام ابراهيم بصدمه ايه الكلام الماسخ ده
نجم ما انا هتجنن واعرف اتغيرتى ليه
ام ابراهيم كل ده عشان سالتك مراتك معملتش الفطار ليه
نجم نفخ في الهوا الظاهر الكلام مالوش لازمه زى ما ابويا قال أنا ماشى السلام عليكم
الحاج ثابت استنى لما تفطر معانا
نجم لا حلو لحد كدا
ابراهيم استنى أنا جاى معاك
وخرج نجم وابراهيم
الحاج ثابت يعني عجبك اللى عملتيه دا
ام ابراهيم أنا كنت عملت ايه يعني
الحاج ثابت استغفر الله العظيم من كل ذنب عظيم
_______________________

في الارض قاعد نجم وابراهيم
ابراهيم متزعليش من امك يا نجم يا اخويا
نجم اتنهد بصوت عالي
ابراهيم مالك يا نجم في حاجه تانى غير كلام امك ولا ايه
نجم امك طلعت امبارح واتكلمت على ريتاج  وانت عارف كلام أمك لما تقلب على حد بيبقى عامل ازاى
ابراهيم ضحك يا عم ما احنا عارفين امك من زمان
نجم بس ريتاج متعرفش امك ولا طريقتها
ابراهيم ياعم طنش كلام امك ومتقوليش لمراتك حاجه من كلام امك
نجم بسخرية كان قدامها يا ابراهيم كان قدامها
ابراهيم بصدمه يا واقعة بيضا كان قدامها
نجم المصيبه انها فضلت واقفة ساكتة ولا نطقت وحتى بعد اللي امك قالته ريتاج قالت انها مش زعلانه عشان بتعتبرها زى امها
ابراهيم بجد مراتك بنت حلال ومحترمه ربنا يهدى سيرك
نجم يارب
ابراهيم وانت يا عم ابقى صالحها وهى هتنسى اى زعل وكمان هتكبر من اللى انك بتعمله المهم خليك انت حنين معاها وغمزله وقام يشوف الفلاحين
نجم قعد يبتسم من كلام ابراهيم
________________________
في بيت الحاج ثابت
---------------------------
هدى قاعده في الدور الارضي هى وعمها ومرات عمها
نزلت منى من شقتهم معاها الكتب عشان تذاكر
هدى كل دا نوم يا زفتة
منى يا ماما أنا طول الليل كنت بذاكر عند ريتاج
ام ابراهيم بصتلها بحدة
هدى مش قولتلك تبطلى تقولى ريتاج كدا وتقوليلها مرات عمي
منى يا ماما ريتاج مش مديقة  وانا بقولها ريتاج
الحاج ثابت عيب يا منى لازم تسمعى كلام امك وتقولى مرات عمي..
منى حاضر يا جدى
الحاج ثابت همس لام ابراهيم شايفة طول الليل اهى البت بتذاكر لبنت ابنك
ام ابراهيم عوجت بوقها
فجأة شافوا ريتاج نازلة
ريتاج بتوتر صباح الخير
الكل صباح النور ماعدا ام ابراهيم
ريتاج واقفة متوترة
الحاج ثابت تعالى اقعدى يا بنتى جمبى هنا
ريتاج قربت وقعدت جمبه
الحاج ثابت عاملة ايه يا بنتى يارب تكونى مبسوطه معانا
ريتاج الحمد لله يا عمى
هدى كتر خيرك يا ريتاج عشان ذاكرتي للبت الفاشلة دى
ريتاج ابتسمت لا دى منى شاطرة و أن شاء الله تنجح وتدخل
ثانويه عامه وتدخل كلية طب
هدى ياريت اعيش واشوف بنتى دكتوره
الحاج ثابت مش بعيد عن ربنا
ام ابراهيم بسخرية عشان ذاكرتي لها مرة خلاص خلتيها دكتوره
ريتاج حست باحراج
الحاج ثابت أن شاء الله يا حجة
منى بسرعة قربت من جدها عارف يا جدى أنا أول مرة افهم بالشكل دا
هدى  طول عمرك مخك تخين بس خلى بالك يا ريتاج البت دى هتتعبك اوى
ريتاج ابتسمت لا منى شاطرة ومش هتخيب نظرتى فيها
منى طبعا وهجيب مجموع اكبر من سارة بنت عمتي
الحاج ثابت ربنا ينجحكم كلكم يارب
ام ابراهيم بتبص لريتاج بحدة
ريتاج قاعدة متوترة
أم ابراهيم أنتى مفطرتيش جوزك وهو نازل ليه على شغله
ريتاج اتوترت أكتر واتلغبطت
الحاج ثابت ملناش دعوة يا حجة بعيشتهم
ريتاج احمم أصل نجم نزل وأنا نايمة وكمان قالى أول ما أصحى انزل اساعد هدى فى شغل البيت
هدى ابتسمت مكنتيش تتعبى نفسك يا ست العرايس
أم ابراهيم بصت لهدى بحدة عشان تسكت
ريتاج احممم لا مافيش تعب وبعدين أنا بقيت واحدة منكم ولازم أشارك فى شغل البيت بس معلش أنا مش عارفه أعمل ايه
هدى تعالى اقولك بعمل إيه الأول واخدتها ودخلت أوضة الضيوف
الحاج ثابت بالراحة على البت مش كدا
أم ابراهيم هو أنا عملت حاجه
منى بصتلها يا ستى ريتاج طيبة أوى بس لسة مش واخدة علينا
أم ابراهيم طيبة يا ما تحت السواهى دواهى
منى يووو  أنا طالعة أذاكر قدام الباب
---------------------------------------
في أوضة الضيوف
------------------------
هدى بتنضف اوضة الضيوف وبتعرف ريتاج تعمل ايه
ريتاج بابتسامة  انا كدا هعرف اعملها لوحدى متشكرة أوى
هدى العفوا مش تقولى كدا إحنا اخوات وأنا وآلله مكنتش عايزاكى تعملى حاجه
ريتاج ابتسمت لا طبعا أنا كنت هشتغل معاكى من نفسى بس طنط سبقتنى وقالتلى انزل
هدى معلش مرات عمى طيبة بس هى أسلوبها كدا
ريتاج محصلش حاجة دى زى ماما بالظبط
هدى ربنا يكملك بعقلك يا اميرة يا بنت الأصول بصى بقى خلصى الأوضة عقبال ما ادخل اخلص أوضة مرات عمى وبعدين ندخل المطبخ سوا
ريتاج ابتسمت حاضر
هدى يحضرلك الخير يا غالية
وفعلا هدى خرجت وسابت ريتاج تنضف لوحدها وبعد كدا دخلوا المطبخ
هدى  اقعدى أنتى يا غالية وأنا هعمل كل حاجة
ريتاج قربت من هدى لو سمحتى يا هدى ممكن طلب
هدى اؤمرى يا حبيبتي عينى ليكى
ريتاج احممم لو سمحتى عاملينى عادى
هدى باستغراب عادى ازاى يعنى
ريتاج قصدى حسسينى انى واحدة من البيت يعنى قوليلى اعملى دا واعملى دا
هدى ابتسمت أنا مش عايزة اتعبك في شغل البيت
ريتاج مافيش تعب لأن دا بقى بيتى وبيت اهل جوزى اللى هما بقوا اهلى
هدى ابتسمت ماشى يا غالية بس
مكنتيش عايزة اتعبك معايا في البيت
ريتاج ابتسمت تانى تعب يبقى معتبرانى غريبة عنكم لحد الوقت
هدى ابتسمت ما غريب الا الشيطان يلا يا بت يا ريتا قومى اغسلى المواعين بلاا دلع بنات وضحكت بصوت عالى ههههه كدا يعجبك
ريتاج ضحكت هى كمان هههههه
كل دا أم ابراهيم سمعته
وقعدت تتابع طول النهار ريتاج شغالة مع هدى
الحاج ثابت اقعدى ارتاحى يا بنتى بقى
من ساعة ما نزلتى وانتى شغالة على اخر نفس
ريتاج قعدت تاخد نفسها أنا متعبتيش يا عمى ولا حاجة
الحاج ثابت إيه يا هدى طول النهار مشغلة البنية من ساعة ما نزلت وحتى مأكلتيهاش لقمة ولا عملتلها كوباية شاى
ريتاج ابتسمت بس أنا مش جعانة يا عمى
الحاج ثابت مش جعانة إيه دا أنا جوعتلك يا بنتى معلش أصل البت هدى اتعلمت البخل على كبر و ضحك هههههه
هدى ماشى يا عمى أنا بخيلة وضحكت ههههه طيب عارف يا عمى بس عارف بجد انا معملتيش أكل النهاردة
الحاج ثابت بصلها هو وأم ابراهيم
ام ابراهيم بحدة ومعملتش الأكل ليه يا ست هدى
هدى باستغراب  أصل يا مرات عمى ريتاج هى إللى شالت المطبخ كله النهاردة
الحاج ثابت ابتسم لريتاج ازاى يا هدى يا بنتى
هدى يعنى غسلت المواعين وروقت المطبخ بطريقة حلوة أوى غيرت شكله خالص وكمان عملت الأكل إيه رائيكم بقى
أم ابراهيم بصت لريتاج
الحاج ثابت أنا عارفك مفترية يا هدى سبتيها تعمل كل ده لوحدها
ريتاج بسرعة لا يا عمى دى هدى بتبالغ شوية إحنا كنا بنعمل سوا وكمان كانت هى إللى بتعلمنى كل حاجة
الحاج ثابت طيب إيه مش هندوق اكلها بقى ولا اية
ام ابراهيم قومى يا هدى حضرى الأكل واندهى للعيال
هدى حاضر يا مرات عمى وبصوت عالى بت يا منى واد يا حسين تعالوا عشان تاكلوا
دخلت منى ونزل حسين
ريتاج طيب عن اذنكم أنا هطلع
الحاج ثابت تطلعى ازاى إيه مش هتاكلى ولا اية
ريتاج احمم لا مش هينفع عشان لما نجم برجع مش ياكل لوحده
أم ابراهيم بصتلها مرة واحدة
الحاج ثابت يا بنتى نجم لسة بدرى على رجوعه وماينغعش تفعدى كل دا وانتى جعانة اقعدى كولى واما جوزك يجى ابقى كولى معاه تانى
ريتاج هزت راسها و كانت خارجة هدى وشايلة الأكل ريتاج مسكت منها الاكل وقهدوا ياكلوا كلهم وهما بياكلوا
هدى إيه رائيكم بقى في طبيخ ريتاج
الحاج ثابت تسلم ايدك يا غالية
منى طبعا هو أنتم نسيتوا لما كلنا عند ستى ام ريتاج الاكل كان طعمه إيه
منى بقولك إيه يا ريتاج عايزين نذاكر شوية بقى ولا امى هدت حيلك في التنضيف وتعبانة
ريتاج ابتسمت لا مش تعبانة بعد ما ناكل نقعد نذاكر
منى أيوة عشان عايزة أجيب مجموع ادخل ثانوية عامة وادخل كليه الطب
ريتاج إن شآء الله
وبعد ما كلوا
منى هااا هنذاكر بقى
ريتاج أيوة يلا
هدى يا بت اتلمى وسبيها تتسبح وتغير هدومها
منى بصت لريتاج
ريتاج عادى تعالى اطلعى معايا وانا هاخد دش على طول ونذاكر
منى بغرح أنتى احلا ريتاج في الدنيا
أم ابراهيم ابقى خدى أكل لجوزك وانتى طالعة
ريتاج بصتلها وبهدوء حاضر
منى لا اطلعى أنتى وانا هجيب الأكل والشنطة واطلع وراكى
ريتاج طيب عن اذنكم وطلعت بسرعة
منى قومى يا ماما هاتى الأكل بسرعة
هدى طيب يا زفتة قال يعنى المذاكرة مقطعة بعضها
طلعت منى بالأكل لقت ريتاج قاعدة في الصالة مرهقة
منى احمم أنا جبت الاكل
ريتاج بصتلها وابتسمت والشنطة
منى بصت للشنطة
ريتاج دخلى الاكل في التلاجة وأنا هاخد دش بسرعة. ونذاكر
منى ماشى
دخلت ريتاج تاخد دش ومنى قاعدة بتذاكر
خرجت ريتاج من الحمام قدام منى
منى بسرعة بقولك ايه يا ريتاج الصابون بتاعكم اسمه ايه
ريتاج ابتسمت إيه عجبك
منى أوى ريحته حلوة اوى
ريتاج ابتسمت بس دا مش صابون دا شامبو  بريحة الياسمين
منى الله ريحته حلوة أوى
ريتاج هديكى ازازة وانتى نازلة
منى بجد يعنى انتى عندك كتير
ريتاج أيوة أصل ماما كانت جايبلى منه كتير وفجأة سرحت
منى مالك يا ريتاج سرحتى في إيه
ريتاج ماما وحشانى أوى ونفسى اشوفها
منى طيب ما تروحى تشوفيها
ريتاج لما نجم برجع هقوله يلا عشان نذاكر يا دكتورة
منى ضحكت هههههه هو دا الكلام وقعدت منى وريتاج يذاكروا وقت طويل من غير ما يحسوا بيه
منى أنا خلاص راسى مفيهاش مكان لمعلومة تانية
ريتاج ابتسمت خلاص كفاية كدا النهاردة
منى ماشى بس نكمل بكرا الامتحانات هتبدا يوم السبت
ريتاج ماشى نلم باقى المواد كل يوم مادة
منى ماشى انزل بقى واسيبك تريحى شوية قبل عمى ما يجى
ريتاج ابتسمت
نزلت منى بعد ما اخدت منها الشامبو
أما ريتاج فردت جسمها على السرير راحت في النوم من الارهاق والتعب
بقلمى موفاااا💚
---------------------------------------