ملاكى الهادى

الفصل آل 22

حبايبى وحشتونى
متزعلوش منى عشان التأخير
بس والله بكتب يوم بيومه 
ادعولى ربنا يقوينى
بقلمى موفاااا💚
____________________
الفصل آل 22
_____________

قدام بيت ناجى
_________________
وقفت منى وجدها ياخدوا نفسهم بعد المشى بسرعة
منى بتتنفس بسرعة أنا حاسة إن قلبى هيقف من المد يا جدى
الحاج ثابت بياخد نفسه وفجأة خبط جامد
منى بالراحة يا جدى
الحاج ثابت مافيش وقت عمك تعبان اوى وفضل يخبط لحد ما ناجى وفكرية صحيوا حتى ريتاج صحيت مفزوعة
وخرجت من اوضتها
ناجى استر يارب مين بيخبط كدا
فكرية هو ايه إللى حصل ومين أصلا يعرفنا عشان يخبط كدا علينا
ناجى،اصبرى يا فكرية أما افتح
فكرية خلى بالك يا ناجى احسن يكونوا حرامية إحنا في حتة كلها زرع مافيش حد يلحقنا لو حرامية و قربت من ريتاج ومسكتها
فتح ناجى وبصدمة الحاج ثابت خير في إيه
منى اول ما شافت ريتاج واقفة على السلم طلعت تجرى عليها الحقينا يا ريتاج بسرعة
فكرية في إيه حصل
الحاج ثابت مش أنتى بتعرفى تدى حقن يا بنتى
منى بسرعة ايوة يا جدى بتعرف تعالى معانا يا ريتاج
ريتاج واقفة متوترة من المنظر
ناجى هو في إيه بس يا حاج
الحاج ثابت بحزن ابنى عيان أوى والدكتور كتبله حقن كتيرة ولازم حد يدهاله
ناجى سلمته ألف سلامة البسى بسرعة يا ريتاج عقبال ما البس
ريتاج لسة واقفة زى ما هى
منى قربت منها وبهمس  عمى نجم  تعبان اوى يا ريتاج
ريتاج فتحت عيونها على الاخر
منى البسى وتعالى معانا
ريتاج دخلت اوضتها تلبس وهى متوترة ومصدومة
خرج ناجى بعد ما لبس وقف ينده على ريتاج يلا يا ريتاج أنا لبست
ريتاج خرجت من اوضتها مسكها ناجى من ايد ومنى من ايد
ناجى اقفلى على نفسك يا فكرية كويس
خرجوا كلهم وقفلت فكرية الباب وراهم
بقلمى موفاااا💚
_____________________
في الطريق
___________
الحاج ثابت ماشى يدعى ربنا
ألطف بينا يارب احفظ نجم ابنى يارب
بصتله ريتاج بحزن
ناجى بحزن أن شاء الله ربنا هيسترها
الحاج ثابت يارب
واخيرا وصلوا قدام بيت الحاج ثابت
ريتاج ماسكة فى ايد منى جامد
منى بهمس خايفة على عمى
ريتاج بصتلها وهربت من عيونها دمعة خوف على نجم
الحاج ثابت بصوت عالى يا ابراهيم يا ابراهيم
ابراهيم نزل بسرعة من فوق ايوة يا ابا أنت جيت
الحاج ثابت بلهفة  قولى نجم عامل إيه الوقت. يا ابراهيم
ابراهيم نجم مولع أوى يا أبا
الحاج ثابت تعالى يا بنتى اديله الحقن
ريتاج بصت لابوها
ناجى اطلعى وأنا كمان هطلع معاكى اطمن  عليه
الحاج ثابت اتفضلوا
منى شدت ريتاج من ايديها وطلعت بسرعة على نفس الأوضة إللى كانت نايمة فيها وهى تعبانة وقاعدة عندهم
منى دخلت هى و ريتاج الأوضة ريتاج جات يا ستى
هدى كانت قاعدة مع أم ابراهيم قامت بسرعة  اتفضلى يا ريتاج
ريتاج واقفة مصدومة من شكل نجم إللى بيترعش وباين عليه التعب
ام ابراهيم بتبص لريتاج بحدة
هدى ملاحظة دا هى ومنى
دخل الحاج ثابت ومعاه ناجى
ناجى  بسم الله الرحمن الرحيم
ألف سلامة عليك يا نجم يا ابنى
ربنا يطمنك عليه يا حجة
ام ابراهيم بعدم إهتمام يارب
هدى احممم كتر خيركم جيتم على ملا وشكم نص الليل
ناجى لا مافيش حاجه وربنا يطمنكم يارب عليه ويقوم بالسلامة
الكل يارب
هدى همست لإبراهيم حاول تاخد امك تحت شوية
ابراهيم طيب
ابراهيم احمممم بقول إيه ما تيجى نقعد تحت شوية عقبال ما نجم ياخد الحقن تعالى يا اما اتفضل يا عم ناجى اتفضل يا ابا
ام ابراهيم بصت بحدة لإبراهيم
الحاج ثابت زى بعضه اتفضل يا حاج ناجى كتر خيركم وآلله
ناجى خير إيه يا حاج دا أقل واجب وإن شاء الله يقوم بالسلامة
الحاج ثابت يارب
بقلمى موفاااا
ياريت مش ننسى التفاعل💚
----------------------------------
في أوضة نجم
----------------------
هدى بصت لمنى ورجعت بصت لريتاج إللى واقفة حزينة على نجم طبعا
منى قربت من ريتاج ومسكت ايديها وقربت من نجم
ريتاج قربت من نجم ولمست جبهته وكان فعلا سخن أوى من الحمى
فجأة بصت لهدى ومنى
وبصوت مكتوم احمم هو إيه إللى عمل فيه كدا
هدى الظاهر خد ضربت شمس
ريتاج بصت على العلاج ومسكت الحقن وكانت حقن عضل
ريتاج بإخراج دى حقن عضل
هدى أيوة مالها
منى ابتسمت
هدى بصتلها باستغراب
منى أصل لازم عمى ياخد الحقن في عضله رجله من ورا يا ماما وكتمت ضحكتها
فجأة ريتاج بصتلها وطلعت منها حركة لا ايرادية رفعتلها حاجبها
منى بمكر صح يا ريتاج
ريتاج ردت بمكر هى كمان علي منى
ريتاج هو جسم الانسان مفيهوش عضل غير فى الرجل من ورا بس يالمضة وابتسمت
هدى بصتلها بصدمة
ريتاج ممكن تساعدينى ياهدى
هدى لسة مصدومة من تصرفات وكلام ريتاج
ريتاج هدى مالك لومش هتعرفى ممكن تندهى لابراهيم
هدى فى حالةصدمه ابراهيم مين
منى ضحكت ههههه مالك ياماما
ريتاج بصتلهم ووقفت تجهز الحقنه وقربت من نجم واتنهدت بصوت عالي
ريتاج هاتي ايشارب يامنى
منى باستغراب ايشارب
ريتاج خلصى
منى حاضر وسابتهم وخرجت
هدى قربت من ريتاج وبتبصلها بتركيز
ريتاج اتوترت 
هدى انتى عرفتى كل الحاجات دي منين 
ريتاج واقفة متوترة 
فجأة دخلت منى  الايشارب 
منى الايشارب بس انتي هتعملى بيه ايه
ريتاج مسكت الايشارب  ولفته على دراع  نجم وبقت تشد جامد لحد ما العضلة ظهرت  
ريتاج  أول ما اشيل الايشارب  امسكى  دراعه  يا هدى
هدى من غير فهم  حاضر
وكانت  مجهزة  الحقنة 
فكت بسرعه الايشارب
هدى مسكت بسرعه
وبسرعة ريتاج ادته الحقنة في دراعه
منى  بفرحة الله عليكى  بس انتي عرفتي تعملى كدا ازاي
ريتاج بتبصلهم  ورجعت تبص  لنجم
ريتاج بصت لقت فوطة جمبها  اخدتها  وقعدت تمسح عرق  نجم
ريتاج الوقت الحقنة تعمل مفعولها والسخونية تنزل
منى قربت من ريتاج  انتى  دكتورة صح
ريتاج كأن الزمن وقف بيها
هدى  قولنا بجد انتى دكتورة يا ريتاج
ريتاج واقفة متوترة ومش عارفه ترد
منى مش أنا صحبتك  وماما كمان بتحبك  يعني متخافيش لو قولتلنا ايه حكايتك
ريتاج بتوتر حكايتى
هدى زى ما قالتلك منى احنا بنحبك  وكان نفسنا يعني نعرف حكايتك
فجأة نجم بدأ يهمهم وهو نايم
التلاتة بصوا عليه
منى الحقى يا ماما عمى بيخترف من السخونية
هدى ربنا يسترها يا بنتى
ريتاج بتبص لنجم بحزن
نجم ااه  حرام عليكي يا بسمله أنا عملت عشانك كل اللى انتى عايزاه وانتى في الاخر تعملى فيا كدا ليه دا مافيش حد حبك قدى ااه راسى
ريتاج بتسمع بصدمة
منى بصت لامها
هدى بسرعه قربت من نجم  اهدى يا اخويا الوقت  تخف
نجم  همهم تاني  طيب هى كان قصدها ايه لما ادتنى السلسة  وكنتى عاوزة تقولي ايه  و  اختفتى ليه مرة واحدة  روحتي فين وسبتينى حيران بيكى ومشغول عليكي طيب جبتيلى سلسلة ليه انتى فين تعالى بقي عايز اشوفك
ريتاج بتسمع بصدمة وخوف احسن يقول اسمها
انقذتها منى 
منى هو عمى بيقول ايه يا ماما
هدى مش عارفه  دا الموضوع زاد اوى انا هنده ابراهيم يشوف في ايه
ريتاج اتنهدت براحه عشان اتاكدت انهم ميعرفوش موضوع السلسلة
ريتاج احممم استنى يا هدى هو بس سخن  وبيقول اى حاجه الوقت السخونية تنزل بعد ما مفعول الحقنة يشتغل 
هدى يارب
ريتاج يارب  انا لازم انزل عشان بابا وكمان نطمن الناس اللى تحت
هدى طيب خليكي هنا جمب عمك يا منى
منى حاضر يا ماما
خرجت هدى ووراها ريتاج بعد ما خطفت  نظرة على نجم
ونزلوا الدور الارضي
بقلمى موفاااا💚
----------------------------------------
نزلت هدى وريتاج
ابراهيم قرب عليهم بسرعة
نجم عامل ايه الوقت
هدى تسلم ايديها ادته الحقنة بالراحة خالص وهو الوقت نايم
الحاج ثابت كتر خيرك يا بنتى نتعبلك يوم فرحك
ناجى ربنا يطمنكم عليه يارب ويشفيه
الحاج ثابت يارب تعالى اقعدى يا بنتى
اعمليها كوباية ليمون يا هدى
هدى حاضر يا عمى
قعدت ريتاج جمب ناجى
الحاج ثابت جميلك ومجيتك الوقت فوق راسنا يا بنتى
ريتاج بصوت مكتوم احممم العفوا يا عمى
ام ابراهيم بتبصلها بحدة وريتاج واخدة بالها
خرجت هدى الليمون للغالية
ريتاج ابتسمت لهدى تسلم ايدك
واخدت الليمون منها
الحاج ثابت معلش هنتعبك معانا يا بنتى تانى أصل زى ما انتى شوفتى الحقن كتيرة
وقبل ما ترد
الحاج ثابت هى الحقنة الجايا امتى يا ابراهيم
ابراهيم نفس الميعاد يا ابا
الحاج ثابت يعنى ايه الساعة اتنين بالليل كدا
ابراهيم لا بس هياخدها الساعة اتنين الضهر
ابتسمت ريتاج يعنى كل12ساعة
وأنا تحت امرك يا عمى في أى وقت
أم ابراهيم اخيرا اتكلمت كتر خيرك الصبح ابراهيم هيجيب الواد سرحان إللى في الاجزخانة يدليه الحقن متتعبيش نفسك أنتى
الكل في حالة صدمة من كلام ام ابراهيم
ريتاج سيطرت على حزنها ووقفت وابتسمت ربنا يطمنكم عليه يلا يا بابا احنا عملنا إللى علينا
ناجى قام وقف وبص لريتاج وابتسم ورجع بص للحاج ثابت
الحاج ثابت إيه يا جماعة هو حصل إيه الحجة مش قصدها
قبل ما ناجى يتكلم
ريتاج محصلش حاجة يا عمى إحنا لازم نمشى عشان ماما لوحدها من بدرى ألف سلامة على الأستاذ نجم يلا يا بابا
ناجى أبتسم لها يلا يا بنتى
ناجى السلآم عليكم وسابوهم وخرجوا قبل ما يردوا السلام
يا ترى أم ابراهيم عملت كدا ليه؟
وياترى ريتاج حالتها هتبقى إيه بعد كلام أم ابراهيم دا
توقعاتكم بقى؟
بقلمى موفاااا💚
________________________