ملاكى الهادى

الفصل آل37

بقلمى موفاااا💚
----------------------
ناجى اهدا يا نجم يا ابنى دا
دا محمود ابنى أخو ريتاج
نجم بصدمة إيه اخو ريتاج
محمود بعصبية مين دا يا بابا دا شكله مجنون
ناجى اسكت يا محمود كدا عيب جوز أختك
محمود بصدمة إيه جوز ريتاج جوزها فلاح اومال ليه قولت انهم في اسكندرية
ناجى بص لريتاج إللى بتتشنج على الأرض مش ووقته يا محمود نشوف اختك الاول
نجم قاعد في الأرض وواخد ريتاج فى حضنه وخايف عليها
نجم قومى يا ريتاج لو بس أعرف حصلك كدا ليه لما شوفتى اخوكى
فكرية جابت بصله وشممتها
وفين وفين عقبال ما ريتاج بدأت تفوق
ريتاج بتهمهم امممم ااه
نجم بسرعة ضم ريتاج حبيبتى انتى كويسة
ريتاج بتفتح عيونها بالراحة الحمد لله بس راسى بتوجعنى أوى
نجم معلش الوقت تاخدى مسكن والوجع يروح
فكرية بلهفة أنا هشوفلك مسكن بسرعة
وطلعت بسرعة على فوق
ناجى بيبص لريتاج بحزن
ريتاج بصت لمحمود بخوف وضمت وشها في حضن نجم
نجم بص لمحمود بعضب
محمود أنا اسف يا ريتاج معرفش أنك لأ قصدى مكنش قصدى إن يحصل كدا بس
نجم اسكت خالص مش عايزك تكلم مراتى ولا كلمة
ناجى معلش يا نجم يا ابنى هو بس
نجم مبسش يا عمى أنا مش هسمح لأى مخلوق في الدنيا يخلى مراتى في الحالة دي
ريتاج بصت لنجم وعيطت
نجم ضمها لحضنه
محمود نزل قعد على الأرض وقرب من ريتاج
نجم بصله بغضب إياك تلمسها
فكرية متخافش يا نجم يا ابنى عمر محمود ما هيأذى اخته
نجم بصلها محدش يقدر يأذى مراتى طول ما أنا عايش
ناجى اهدا يا نجم يا ابنى مين قال ان حد يأذيها
نجم محدش يقدر اصلا
محمود بص لنجم بغضب
ريتاج بصوت مرهق انا تعبانة اوى
فكرية تعالى اطلعى ارتاحى فوق فى اوضتك
ريتاج لا انا عايزة اروح بيتى
نجم ابتسم لها هتقدرى تمشى ولا اشيلك
ريتاج ضمت نفسها فى حضنه
نجم ابتسم تانى يبقى اشيل
محمود محدش هيمشى غير لما اعرف كل حاجة
ناجى مش وقته يا محمود
محمود لا الوقت يا بابا
ناجى قعد واتنهد بصوت عالى حزين
فكرية قعدت جمب ريتاج من خوف إللى ممكن يحصل
محمود ها مين هيفهمنى ايه إللى بيحصل
نجم أنا كمان عايز افهم في إيه وبص لريتاج
ريتاج بالدموع عايزة امشى
محمود بعصبية لأ مش هتمشى يا ريتاج غير لما أفهم كل حاجة
ريتاج ضمت نفسها فى حضن نجم
ناجى بعصبية خلاص يا محمود مش وقته اختك تعبانة ووراها سفر هى وجوزها على اسكندرية
نجم بصله باستغراب
ريتاج هزت راسها جامد
نجم حس أن في حاجة
نجم أكد كلام ناجى أيوة يا عمى الوقت اتأخر عشان مشوارنا طويل وسند ريتاج
فكرية بحزن سلمت على ريتاج
ناجى قرب من ريتاج وهمس لها متخافيش مش هقوله مكانك
ريتاج حضنت ناجى وخرجت هى ونجم
محمود بعصبية وغضب إيه إللى بيحصل دا أنا عايز افهم كل حاجة
ناجى حاول يسيطر على اعصابه
عايز تفهم إيه يا محمود
محمود كل حاجة
ناجى باى حق
محمود بحق انى ابنك واخو ريتاج
ناجى بسخرية ابنى إللى غير اسم إبنه إللى على اسم ابوه
واختك إللى بتقول عليها مش دى إللى كنت عايز تدخلها مستشفى المجانين
محمود بس يا بابا
ناجى مبسش أنا هريحك عشان خاطر اكون خلصت ضميرى قدام ربنا
ناجى ريتاج خفت من التعب إللى كانت فيه واتجوزت راجل ابن حلال وعايشة فرحانه معاه ومش عايز اسمع منك كلمة واحدة بخصوص ريتاج سامع ولو مش عجبك قوم ارجع ما كنت
وسابه وطلع على اوضته
محمود بيبص لامه
فكرية اسمع كلام ابوك يا محمود وسافر لمراتك وابنك وسابته وطلعت لناجى
________________________
نجم ماشى هو وريتاج ساكتين
ريتاج كاتمة دموعها
نجم حاول يتكلم فى اى موضوع عشان يطمن على ريتاج
نجم مسك ايديها احممم إيه يا حبيبتي طمنيني عليكى
ريتاج اتنهدت بصوت عالى ومسحت دموعها
نجم وقف ومسك وشها بايده الاتنين عشان خاطري كفاية بقى
ريتاج بتعيط بصوت مكتوم
نجم ضمها لحضنه أنا مكنتش اعرف انى بحبك أوى كدا
ريتاج بجد يا نجم بتحبنى
نجم أيوة بحبك ممكن بقى تبطلى عياط عشان لما اروح اقولك أنا بحبك قد إيه
ريتاج بصتله باستغراب
نجم ابتسم لها وكمان عشان إللى في البيت
ريتاج بحزن هتقولهم حاجة عن إللى حصل
نجم وهو حصل إيه يعنى مافيش حاجه حصلت عشان اقولها أهم حاجة عايزك تهدى كدا
ريتاج هزت راسها
نجم يلا يا حبيبتي عشان نروح
ريتاج حاضر
ومع كل خطوة ليهم ماشى وراهم إللى لسة بيراقبهم
ياترى أنت مين يا لهو يا خفى؟
روح نجم وريتاج
أول ما دخل ملقاش حد في الدور الارضي
نجم بهمس بص لريتاج يلا يا ريتاج نطلع بسرعة قبل ما حد يشوفنا
ريتاج في إيه مالك
نجم بهمس هوووش تعالى بس
ومسك ايديها وطلع على شقته بسرعة
_______________________
في شقة نجم
________________
نجم بقولك ايه يا قلبى
ريتاج نعم
نجم نعم الله عليكى بصى بقى أنا عايزك تدخلى تاخدى دش سخن كدا عشان اعصابك تهدا عشان عشان وبدأ يتوتر
ريتاج باستغراب مالك في إيه
نجم بتوتر واحراج
نجم احممم ريتاج أنتى عرفتى أنى بحبك صح
ريتاج ابتسمت بكسوف ااه
نجم وانتى كمان بتجبينى صح
ريتاج ابتسمت وهزت راسها
نجم يبقى خلاص خلينا نبدأ حياتنا بقى ونعيش زى أى اتنين متجوزين
ريتاج اتوترت و بعدت عنه
نجم قرب منها مالك يا ريتاج لسة مش قبلانى
ريتاج بتوتر لا مش كدا
نجم اومال إيه أنا مش عايزك تفكرى فى اى حاجة من هنا ورايح
ريتاج بس يا نجم
نجم مافيش بس يا قلب نجم
خلاص هنبدا حياتنا من اول وجديد
وضمها لحضنه
ريتاج بس يا نجم
نجم هنقعد نبسبس كدا طول الليل
قدامنا حياة جديدة عايزين ندخلها
ريتاج ابتسمت بكسوف
نجم اهو ما أنت عارف كل حاجة يا جميل وغمزلها
ريتاج ابتسمت بس مش هينفع بردوا
نجم نعم وايه إللى مش هينفه بقى
ريتاج بكسوف واحراج احممم ظروف
نجم باستغراب ظروف يعنى إيه
ريتاج ابتسمت بكسوف يعني ظروف الله بقى
نجم إيه وهى الظروف دى متجيش غير لما نيجى ندخل حياتنا الجديدة
ريتاج ابتسمت معلش بقى
نجم ااه على حظك المنيل يا نجم
ريتاج ضحكت معلش اصبر شوية
نجم هصبر هصبر يا اختى معنديش غير الصبر
ريتاج ضحكت هههههه ورمت نفسها في حضنه
نجم ضحك هههههه تعالى ما أنا ماليش الوقت غير الاحضان الدفائة يا ام ظروف
ضحكت ريتاج ونجم بصوت عالى هههه
________________________
تانى يوم في بيت ناجى
________________
ناجى صحى بدرى وقام وقف في البلكونة
فكرية صحيت بعده بشوية
فكرية صباح الخير يا ناجى انت صحيت أمتى
ناجى من شوية
فكرية مالك واقف كدا ليه مش عادتك تقف في البلكونة كدا
ناجى اتنهد بصوت عالى
فكرية مالك في إيه
ناجى ما فيش حاجه يا فكرية قومى يلا شوفى ابنك لسة نايم ولا صحى
فكرية مشى يا ناجى خلاص
ناجى باستغراب وانتى عرفتى ازاى أنه مشى
فكرية أصل سمعت صوت بعد الفجر قومت أشوف في إيه لقيته خارج نزلت بسرعة سألته رايح فين قالى أنه مسافر بس هيرجع تانى عشان عايز يفهم حاجات كتيرة
ناجى احسن انه مشى
فكرية بحزن ربنا يهديه
ناجى يارب بس أنا مش خايف غير على بنتك
فكرية أنا هتجنن عشان اطمن عليها
ناجى وأنا كمان عقلى هيشت عشان اعرف عملت ايه لما روحت مع جوزها
فكرية طيب والعمل هنفضل في القلق دا كتير كدا
ناجى أنا بقول نروح نزورها بعد يومين تلاتة ونطمن عليها
فكرية زى بعضه هنزل اعملك الفطار عشان تشوف الفراخ الصغيرة عشان تبعها
ناجى احسن حاجة اننا نشغل نفسنا في أى حاجة بدل القاعدة دى
وسابته ونزلت تحضر الفطار
_____________________
في بيت الحاج ثابت
_______________
ريتاج صحيت من النوم بكسل
خرجت من الأوضة اتفاجات بنجم محضر الفطار
ريتاج ابتسمت أول ما شافته خارج من المطبخ بصينية الشاى
نجم صباح الخير يا ملاكى
ريتاج صباح الخير
نجم صباح الخير بس
ريتاج بصتله باستغراب
نجم أيوة أنا بقولك صباح الخير يا ملاكى وانتى تقولى صباح الخير بس
طيب أى كلمة حلوة على الصبح
ريتاج ابتسمت
نجم هااا هتقولى صباح الخير يا إيه
ريتاج صباح الخير يا
نجم أيوة يا إيه قولى بقى
ريتاج صباح الخير يا حبيبي ودخلت الحمام بسرعة
نجم وقف يضحك ههههه البت دى ناوية على جنانى
نجم قاعد يفطر هو وريتاج
نجم بقولك إيه يا ملاكى
ريتاج نعم
نجم أنا من بكرا هنزل الأرض
ريتاج بصتله بحزن
نجم قرب منها يا حبيبتي كفاية كدا بقالى أهو يجى عشر ايام وانتى عارفه شغل الأرض وابراهيم أخويا لوحده
ريتاج هزت راسها
نجم متزعليش أنا هحاول اجى بدرى عشان مش تقعدى لوحدك
ريتاج ابتسمت وهزت راسها
نجم بحبك وانتى مطيعة كدا يا ملاكى
فجأة الباب خبط
ريتاج اتفزعت
نجم مسك ايديها إيه مالك اتخضتي ولا اية
الباب لسة بيخبط
ريتاج الباب
نجم انا هفتح الباب وبعدين مش تتفزعى كدا
فتح نجم الباب وكانت المفاجأة انها أم ابراهيم
نجم بصدمة اما
أم ابراهيم بسخرية ااه أمك إيه مكنتش عايز تشوف أمك ولا اية
نجم بتوتر لا يا أما هو أنا اقدر
ام ابراهيم قربت من السفرة وبصت للاكل إللى على السفرة
ام ابراهيم بسخرية إيه دا أنتم بتاكلوا هنا اتارى محدش بيشوف وشكم ساعة الاكل
ريتاج لسة واقفة ساكتة
نجم ابتسم لأمه أهو لسة عرايس يا أما بكرا لما انزل الشغل الدنيا تتعدل
ام ابراهيم لما نشوف والوقت لما مراتك تخلص اكل خليها تنزل تساعد مرات اخوك في شغل البيت مرات اخوك شايلة البيت على راسها من ساعة ما اتجوزت
نجم بحدة بس يااما أنا مش عايز مراتى تشتغل في البيت
أم ابراهيم بعصبية نعم يا روح امك وانت مراتك متشتغلش ليه في البيت على رجليها نقش الحنا ما مرات اخوك بتشتغل في البيت وبتشوف كل مطالب البيت والزريبة والبهايم قولى بقى مراتك متشتغلش في البيت ليه ان شاء الله
نجم بحدة إيه يا أما ريتاج متعرفش شغل بيتنا
أم ابراهيم بعصبية وصوت عالى إللى ما يعرفش يتعلم يا عين امك وبصت لريتاج تتعلم هاا تتعلم
ريتاج مصدومة من اسلوب أم ابراهيم
ولسة واقفة ساكتة
نجم خلاص يا أما بعدين نكمل كلامنا أنا وانتى
أم ابراهيم مافيش كلام تانى أنا قولت إللى عندى خلاص ومافيش كلمة بعد كلمتى يا سبع البرومبة وسابتهم وخرجت وقفلت الباب بعصبية وراها
ريتاج لسة واقفة مصدومة
نجم قرب منها احممم ولا يهمك سيبك من كلام أمى دا
ريتاج بحزن بس هى معاها حق وانا مش معترضة بس وقعدت ساكتة زعلانة
نجم قرب منها متزعليش نفسك بقى
ريتاج اتنهدت بصوت عالى حزين
نجم قومى اعملنا شاى عشان نلبع كلام حماتك دا وضحك
ريتاج ابتسمت ودخلت المطبخ
نجم قعد يكلم نفسه وبعدين معاكى يا أما عايزة تدايقى ريتاج ليه
______________________
نزلت أم ابراهيم
الحاج ثابت الولاد عاملين ايه
أم ابراهيم كويسين يا اخويا هيحصلهم إيه يعنى
الحاج ثابت في إيه يا حجة
أم ابراهيم مافيش حاجه
الحاج ثابت طيب مقولتيش للولاد ينزلوا يقعدوا معانا شوية ليه
أم ابراهيم بعصبية يقعدوا ايه دول كانوا بيفطروا فوق لوحدهم
خرجت هدى بالشاى من المطبخ
ام ابراهيم ولما قولت لابنك يخلى مراته تنزل تشتغل في البيت وتساعد سلفتها إللى شايلة كل حاجة على دماغها لوحدها علا صوته عليا و زعقلى وقالى إن السفيرة عزيزة متعرفش عوايدنا بس يانا يا هو وأما اشوف كلمة مين اللى هتمشى
الحاج ثابت انت مستعجلة على شغلها في البيت ليه لما تاخد علينا ابقى عرفيها عوايدنا واحدة واحدة
أم ابراهيم أنا قولت كلمتى خلاص وبعدين انت عجبك شغل بنت اخوك لوحدها كدا واللى فوق على رجليها نقش الحنا.....
هدى بصت لعمها في سكوت
الحاج ثابت يا حجة بلاش شغل الحموات من أولها كدا
ام ابراهيم بعصبية هو فين شغل الحموات دا انا بجد لو مسمعوش كلامى هعرفهم شغل الحموات بجد انا خارجة
الحاج ثابت خارجة على فين
أم ابراهيم بعصبية رايحة عند بنتى اريح راسى شوية وخرجت وهى عصبية
الحاج ثابت استغفر الله العظيم
هدى يا عمى أنا مش مدايقة ولا تعبانة من الشغل في البيت
الحاج ثابت ربنا يكملك بعقلك يا بنتى ويسعدك بجوزك وولادك
هدى يارب يا عمى اتفضل الشاى
الحاج ثابت تسلم ايدك يا بنتى
هدى تسلم وتعيش يا عمى
______________________

فى بيت ناجى
---------------------
ناجى قاعد جمب عشة الفراخ لوحده
فجأة شريف شاف ناجى قرب منه بسرعة
شريف اذيك يا عم ناجى
ناجى اتفاجأ بشريف
شريف إيه خضيتك ولا اية
ناجى لا يا باش مهندس اتفضل
شريف مالك يا عم ناجى شكلك تعبان ولا إيه
ناجى لا سلمتك مافيش حاجه
شريف أصل كنت خلصت الدور الارضي والدور الأول وكنت عايزك تشوفهم وتقولى رائيك فيهم
ناجى ألف مبروك يا ابنى ربنا يجعله قدم السعد عليك
شريف يارب بس هو فين استاذ محمود ابنك
ناجى باستغراب محمود ابنى
شريف أيوة أصل كنت عايزة يتفرج معاك على البيت
ناجى الصراحة محمود سافر مصر عشان شغله وبيته
شريف ربنا يعينه
ناجى يارب
______________ ________________
في شقه نجم و ريتاج
نجم قاعد هو و ريتاج في البلكونه
نجم القمر سرحان في ايه
ريتاج مافيش حاجه
نجم انتى لسه زعلانه من امى
ريتاج لا طبعا وبعدين دى زى ماما وعمرى ما ازعل منها ابدا
نجم قرب منها انتى بجد قمر وشوية قبلات على الماشي 😘😘😘
فجأة الباب خبط
نجم ياترى مين تانى
ريتاج بقلق يمكن مامتك تانى
نجم لا متخافيش هى خلاص كانت عايزه تقول الكلمتين اللى قالتهم وخلاص
الباب خبط تانى
ريتاج الباب
نجم استنى أنا هفتح
نجم فتح الباب وكانت منى
نجم باستغراب منى عايزه ايه
منى بابتسامه اذيك ياعمى
نجم بزهق الله يسلمك يا اختي عايزه ايه الوقت
ريتاج ابتسمت
منى عايزة ريتاج في حاجه
ريتاج قربت من الباب تعالى يا منى ادخلى
منى دخلت اذيك يا ريتاج وحشتيني
ريتاج الحمد لله و انتى كمان وحشتيني عاملة ايه
منى كويسة الحمد لله
نجم بزهق كنتى عايزه ريتاج في ايه
منى اصل كنت عايزها تذاكرى شوية حاجات مش فاهمها اصل خلاص همتحن أول الاسبوع الجاي
ريتاج ابتسمت تعالي يا منى
نجم نفخ في الهوا
منى معلش هبقى اطلع مرة ثانية وكانت هتنزل
ريتاج بسرعة استنى يا منى تعالى ندخل نقعد جوا ونذاكر براحتنا
نجم واقف مدايق
ريتاج عن اذنك وسابته واخدت منى اوضة النوم وقعدوا فعلا يذاكروا وقت طويل لحد ما نجم زهق ودخل نام في اوضة الانتريه زى ما متعود
خرجت منى وريتاج
منى أنا متشكرة اوى أنا متاكده أنى هجيب الدرجه النهائية في الانجليزي والعلوم
ريتاج ابتسمت أن شاء الله وعايزاكى تطلعى بكرا نكمل مذاكره جميع المواد الباقية
منى بفرح بجد يعني مش هتدايقى انتى او عمى
ريتاج ابتسمت لا طبعا مافيش حد هيدايق المهم انتي تطلعى من بدرى
منى بفرح من النجمة هكون عندك بس هو فين عمى
ريتاج احمم يمكن دخل قعد في الانتريه عقبال ما نخلص
منى خايفه يكون ادايق عشان اتاخرنا
ريتاج لا متخافيش بس تطلعى بكرا
منى حاضر وكانت خارجة ورجعت وقفت
ريتاج بصتلها
منى هو انا عايزة اقولك على حاجه بس مش تديقى
ريتاج قولى يا منى في ايه
منى انتى عرفتى أن ستى عايزاكى تشتغلى في البيت تحت
ريتاج ابتسامه باهتة ااه عرفت
منى وناوية على ايه
ريتاج عادى هنزل اشتغل مع مامتك
منى بس ماما مش عايزة تتعبك وقالت تخليكى على راحتك
ريتاج كتر خيرها أنا من بكرا بعد عمك ما ينزل على الشغل هنزل اشوف ايه اللي ممكن اعمله
منى ابتسمت انتى عسل اوى وحضنتها
ريتاج ابتسمت يلا انزلى نامى ومش تنسى بكرا
منى حاضر تصبحى على خير
ريتاج وانتى من اهله
وخرجت منى وقفلت ريتاج الباب ووقفت تتنهد بصوت عالى
ريتاج يووه هو راح فين
خبطت بالراحه على باب اوضة الانتريه ماحدش رد
ريتاج دا اكيد نام ما انا قعدت اذاكر والوقت سرقنى احسن حاجه ادخل انام عشان اقدر اصحى معاه في الفجر
و فعلا دخلت تنام
يا ترى ريتاج هتعمل ايه مع أم ابراهيم وفعلا هتنزل تشتغل في البيت. ؟ توقعاتكم😉
_______________________